ئەڤرۆ نیوز:

وەزارەتا ساخلەمیا عیراقێ راگەهاند: ١٥٣حالەتێن نوویێن توشبوون ب ڤایرۆسێ کۆرۆنایێ هاتنە تۆمار کرن، کو ئەڤە زۆرترین رێژا توشبوونا رۆژانەیە هەتا نوکە.

وەزارەتا ساخلەمی و ژینگەها عیراقێ دیار کر:د ٢٤ دەمژمیرێن بوری دا ١٥٣حالەتێن نوویێن توشبوون ب کۆرۆنایێ هاتینە تۆمار کرن، کو ١١٣ حالەت ل بەغدا، ١٥ ل بەسرا، ١١ ل هەولێر و سلێمانیێ (کو دوهی وەزارەتا ساخلەمیا هەرێمێ راگەهاندبوون)، سێ ل نەجەف، سێ ل زیقار، دو ل واست، ئێک ل کەربەلا، ئێک ل کەرکوکێ، نەهـ ل دیالا و ئێک ل میسان و ئێک ژی ل واست.

هەروەسا گۆتیە: شەش کەسان ب ڤایرۆسێ کۆرۆنا یێ گیانێ خوە ژ،دەست داینە کو چار ل بەغدا و ئیک ژی ل موسەنا بوویە.

دیار کریە ژی: ٤٥ کەسێن دی ژ وێ نەخۆشیێ چێبووینە، کو ١٤ حالەت ل بەغدا، ١٣ ل بەسرا، ١٣ ل موسەنا، دو ل هەولێر (کو دوهی وەزارەتا ساخلەمیا هەرێمێ راگەهاندبوون) و دو ژی ل زیقار.

 
ئەڤرۆ نیوز:

وەزارەتا کاروبارێن جڤاکی یا عیراقێ قوناغا سییێ یا پێدانا هاریکاریێن جڤاکی راگەهاند و دیار کر: بەرى جەژنا رەمەزانا پیرۆز، دێ ملیۆنەک و ٣٠٠ هزار خێزان ل هەموو عیراقێ، ژ بلی یێن هەرێما کوردستانێ دێ ژ وان هاریکاریان د مفا داربن.

وەزارەتا کاروبارێن جڤاکی یا عیراقێ، د هژمارا خوە یا تۆرا جڤاکی یا توویتەری دا بەلاڤکریە: کو عادل رکابی وەزیرێ کاروبارێن جڤاکی فەرمان دایە، بەرى جەژنا رەمەزانێ مووچێ هاریکاریێن جڤاکی بدەنە مالێن هەژاران.

دیسان گۆتیە: بریارە قۆناغا سییێ یا پێدانا مووچێ هاریکاریێن جڤاکی ب سەر وان خێزانان دا دابەش بکەن، یێن ژ بەر کریزا دارایی و بەلاڤبوونا ڤایرۆسێ کۆرۆنا یێ زیان گەهشتی یێ.

ئاشکرا کریە ژی: هژمارا وان خێزانێن دڤێ قۆناغێ دا، دێ وى مووچەی وەرگرن ملیۆنەک و ٣٠٠ هزار خێزانن، ئەڤ بریارە دێ هەموو پارێزگەهێن عێراق ڤەگریت، ژ بلی یێن هەرێما کوردستانێ، گوژمێ ٣٩٠ ملیار دیناران بۆ وان خێزانان هاتینە تەرخان کرن.