ئەڤرۆ نیۆز، قائید میرۆ:
نەقیبێ سەندیکا رۆژنامەڤانێن کوردستانێ ئاشکراکر، ھندەک پەیج ھاتینە دامەزراندن بناڤێ بەلاڤکرنا زانیاری و نووچەیان بەلێ بۆ کارێن سیخۆریێ دھێنە بکارئینان و دبێژیت، خۆلا نوکە یا پەرلەمانی خراپترین خۆلە بۆ میدیایێ.
حاکم ئازاد حەمەدەمین، نەقیبێ سەندیکا رۆژنامەڤانێن کوردستانێ بۆ ئەڤرۆ نیۆز دیارکر” ئەڤە بۆ دەمێ سالەکێ یە ھژمارەکا پەیج و مالپەڕ ھاتینە چێکرن و پێدڤیە ل سەندیکایێ بھێنە تۆمارکرن، بەلێ مخابن نەھاتینە تۆمارکرن، ئەگەرێ نە تۆمارکرنێ ژی بۆ ڤێ چەندێ ڤەدگەڕیت سەندیکا دەمێ پێدانا مۆھلەتێ دێ داخوازا ئاشکراکرنا ژێدەرێ وان یێ مادی کەت.
نەقیبێ سەندیکا رۆژنامەڤانێن کوردستانێ ئاماژەکر”ئەو پەیج و مالپەڕێن ھاتینە چێکرن زێدەتر کارێ سیخۆریێ دکەن نەک بەلاڤکرنا نووچەیان و رۆلەکێ خراپ ھەیە.
حاکم ئازاد حەمەدەمین رەخنە ل پەرلەمانێ کوردستانێ ژی گرت و گۆت: (ئەڤ خۆلا نوکە یا پەرلەمانێ کوردستانێ خراپترین خۆلا پەرلەمانیە بۆ سەرەدەریکرنێ دگەل میدیایێ، پەرلەمان دخوازیت دەست بۆ ھندەک قانوونان ببەت یێن پەیوەندی ب ئازادیا رۆژنامەڤانی ڤە ھەیە، بەلێ ئەم دێ ریگر بین و ھەلویستێ خوە دێ دیا رکەین ل رۆژێن بھێت).
نيشاندان
