ئەڤرۆ نیوز:
فارس عیسا نوونەرێ حوکمەتا هەرێما کوردستانێ ل بەغدا راگەهاند کو ئەو کارمەندێن کورد یێن د ناڤ هێزێن ئەمنی و سەربازی یێن عیراقێ دانە و ل ناڤەراستا عیراقێ یان ژی ل دەڤەرێن دی یێن عیراقێ دانە هەتا پشتی جەژنا رەمەزانێ نەشێن ڤەگەرنە ڤە هەرێما کوردستانێ.
ناڤهاتی راگەهاند کو ژ بەر قەدەغەیا هاتنوچوونێ یا کو د ناڤبەرا پارێزگەهان دا هەیە ئەو کەسە نەشێن هەتا پشتی جەژنا رەمەزان ڤەگەرنە ڤە هەرێما کوردستانێ.
ئەڤرۆ نیوز:
د. دلۆڤان محەمەد فاتح جەلال، رێڤەبەری گشتی یێ ساخلەمیا هەولێرێ دیار کر: چار تووشبوویێن دی یێن کۆرۆنا یێ چێبوون، سەرجەمێ گشتیی یێن وان کەسێن چێبووین گەهشتە 208 کەسان.
هەروەسا گۆتیە: چار تووشبوویێن ڤایرۆسێ کۆڕۆنا یێ پشتی وەرگرتنا چارەسەریێن نۆشداری ب تەمامی چێبووبنە و بارێ ساخلەمیا وان تەمام یا جێگیرە و بۆ مال هاتینە رەوانەکرن
ئەڤرۆ نیوز:
ل رۆژێن دوشەمبی و سێشەمبی دێ مووچێ وەزارەتا پەروەردێ هێتە دابەشکرن و دابەشکرن ب ڤی رەنگی یە:
– رۆژا دوشه‌مبی 18-5-2020 مووچێ وه‌زاره‌تا په‌روه‌ردێ /ده‌رڤەی باژێری بۆ هەیڤا 1-2020 دێ هێته مەزاختن.
– رۆژا سێشه‌‌مبی 19-5-2020 وه‌زاره‌تا په‌روه‌ردێ / ناڤ باژێری بۆ هەیڤا 1-2020 دێ هێتە مەزاختن.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا کەسەک بریندار بوو.
ناڤهاتی زێدەت گۆت: ل چاریانا گوندێ ساركێ روودانەک ژ جۆرێ وەرگەریان روودایە، کو ترۆمبێلەکا ژ جۆرێ ( سکودا) تایبەت وەرگەیایە و کەسەک تێدا بریندار بوویە، ئەو کەسە هاتیە رەوانەکرن بۆ نەخۆشخانا تەنگاڤیا ل دهوکێ بۆ چارەسەریێ، هەروەسا ئەگەرێ ڤێ روودانێ ڤەدگەرن بۆ لەزاتیێ د هاژۆتنێ دا.
ئەڤرۆ نیوز:
وەزارەتا ساخلەمیا عیراقێ راگەهاند: ٦٧حالەتێن نوو یێن توشبوون ب کۆرۆنا یێ و چار حالەتێن گیان ژ دەستدانێ و ٣٥ حالەتێن باشبوونێ هاتینە تۆمار کرن.
وەزارەتا ساخلەمی و ژینگەها عیراقێ راگەهاند ژی: د دەمێ ٢٤ دەمژمێرێن بوری دا ٦٧ حالەتێن نوو یێن کۆرۆنایێ هاتینە تۆمار کرن، کو ٥٨ حالەت ل بەغدا، ئێک ل بەسرا، ئێک ل میسان، پێنج ل زیقار، ئێک ل کەرکوکێ، ئێک ل مۆسلێ، هەروەسا چار کەسان ب کۆرۆنا یێ ل بەغدا گیانێ خوە ژ دەستدایە.
ئەڤرۆ نیوز:
دەستەیا دەستپاکیا عیراقێ راگەهاند: ب تۆمەتا هەدەردانا ٣٠ ملیۆن دۆلاران، دەمێ حەفت سالان رێڤەبەرێ بەرێ یێ بانکا بازرگانی دێ هێتە زیندان کرن. سەپاندن.
دەستەیا دەستپاکیا عیراقێ د راگەهاندنەکێ دا دیار کریە: کو رێڤەبەرێ بانکا بازرگانیا عێراقێ ل سالا ٢٠١٤ گوژمێ ٣٠ ملیۆن دۆلاران بێی کو چ کارێن قانوونی پێ بکەت، ژ قەستا ب هەدەرداینە و زیان گەهاندیه مولکێ دەولەتێ، ئەو ژی ب رێیا قەرێن دارایی ب کۆمپانیەکا رێ پێنەدایی، ژبەر هندێ حەفت سالان سزایێ زیندانیکرنێ بۆ هاتیە دەر کرن.
هەروەسا دادگەها بلند یا تاوانێن رەسافە، کو تایبەتە ب دۆسیا دەستپاکیێ، ب پشت بەستن ب بەلگە و وەرگرتنا ئاخفتنا نوونەرێ قانوونی یێ بانکا بازرگانی، ڤەکۆلین ل گەل رێڤەبەرێ وێ بانکێ دەستپێکریە، لێ نوکە ئەو بەرپرسێ بانکا بازرگانیا عیراقێ رەڤیە و لدووڤ مادێ ٣٤٠ ژ قانوونا سزادانا عرراقی فەرمانا دەستە سەرکرنێ بۆ دەرکەفتیە.
ئه‌ڤرۆ نیوز، عه‌زیز هه‌ورامیی:
له پاش خیانه‌تی 16ـی ئۆكۆبه‌ری 2017 كشانه‌وه‌ی پێشمه‌رگه له ناوچه‌كانی ده‌ره‌وه‌ی ئیداره‌ی هه‌رێمی كوردستان ،له وه‌رزی دروێنه‌ی گه‌نم و جۆ به‌رهه‌می ساڵی جووتیارانی كورد ئاگر تێبه‌رده‌درێت، به‌رپرسێكی باڵای پارتی ده‌ڵێ، جوتیارانی عه‌ره‌ب به‌رهه‌می خۆیان دروێنه ده‌كه‌ن و به‌رهه‌می جووتیارانی كوردیش ده‌سوتێندرێت.
ئه‌كبر حیده‌ر جێگری به‌رپرسی لقی 15ی خانه‌قینی پارتی دیموكراتی كوردستانی به ئه‌ڤرۆ نیۆزی ڕاگه‌یاند:” گومان هه‌یه له سووتاندنی به‌رهه‌می گه‌نم و جۆی جووتیارانی كورد له خانه‌قین و ده‌وروبه‌ری، له لایه‌ن چه‌كدارانی داعش و ئه‌و عه‌ره‌به هاوردانه‌ی له پاش 16ـی ئۆكتۆبه‌ر هاتوونه‌ته سنووره‌كه.
ئه‌كبر حیده‌ر وتیشی:” له كاتێكدا به‌رهه‌می گه‌نمی ساڵێكی جووتیارانی كورد ده‌سوتێندرێت ،جووتیاره عه‌ره‌به‌كان زۆر به ئازادی دروێنه‌ی به‌رهه‌می گه‌نم و جۆ ده‌كه‌ن ،ئه‌ی خێره به‌رهه‌می جووتیارانی عه‌ره‌ب ناسوتێندرێت.
به‌رپرسه‌كه‌ی پارتی له خانه‌قین ده‌ڵێ:” گروپێكی چه‌كداری حه‌شدی شه‌عبی كه له هۆزه‌عه‌ره‌به‌كانن به‌شه‌ودا ده‌بنه چه‌كداری داعش و به ڕۆژدا ده‌بنه‌وه به حه‌شدی شه‌عبی ، هه‌موو ئه‌و ئازاردانه‌ی جووتیارانی كورد بۆ ئه‌وه‌یه ناچاریان بكه‌ن زێدی باو باپیرانیان به‌جێ بهێڵن و ئێستا به‌عه‌ره‌ب كردن زۆر خه‌راپتر ده‌ستی پێكراوه له سه‌رده‌می حكوومڕانی دیكتاتۆر سه‌ددام حوسێن.
هه‌روه‌ها زانیاری زیاتریدا و گوتی:” سه‌ددان دۆنم زه‌وی گه‌نمی جوتیارانی كورد سوتێندراون جووتیاران ته‌نها زه‌وێكی سوتاویان بۆماوه‌ته‌وه ،چاو پڕله فرمێسك له دۆخه‌كه‌یان ده‌ڕوانن هێزه عێراقییه‌كان هیچ هاوكاری و پشتیوانییه‌كیان نین.
ئه‌ڤرۆ نیۆز، قائید میرۆ:
پشتی ژلایێ وه‌زیرێ په‌روه‌ردێ بڕیارا كێمكرنا كریا خواندنێ هاتیه ده‌ركرن بڕیار هاتیه بجه ئینان و په‌رله‌مانتاره‌ك ژی دبێژیت، پێدڤیه قوتابخانه‌یێن ئه‌هلی ره‌وشا نوكه‌یا هه‌رێما كوردستانێ به‌رچاڤ وه‌ر بگرن.
گوره‌ی بڕیارا وه‌زیرێ په‌روه‌ردێ 10%ێ كریا خواندنێ ل هه‌موو قوتابخانه و په‌یمانگه‌هێن ئه‌هلی هاتیه كێمكرن و كریا ڤه‌گوهاستن و خوارنا قوتابیانژی یا سێ هه‌یڤان ناهێته وه‌رگرتن.
حه‌سیبه گه‌ردی، ئه‌نداما لیژنا په‌روه‌ردێ و خواندنا بلند لپه‌رله‌مانێ كوردستانێ بۆ ئه‌ڤرۆ نیۆز دیاركر” بڕیارا كێمكرنا كریا خواندنێ ژبۆی به‌رژه‌وه‌ندیا قوتابیان و به‌رچاف گرتنا ره‌وشا نهایا هه‌رێما كوردستانێ هاتیه ده‌ركرن و هاتیه بجهئینان.
ئەڤرۆ نیۆز، قائید میرۆ:
بڕیارە ل چەند رۆژێن داھاتی وەزیرێ دەرڤەیێ عێراقێ بھێتە دیارکرن و پەرلەمانتارەکێ پارتی ژی ئاشکراکر، بەربژێرێ پارتی بۆ پۆستێ وەزیرێ دەرڤە دکتۆر فوئاد حسێنە.
رێبوار ھادی، پەرلەمانتارێ فڕاکسیۆنا پارتی ل پەرلەمانێ عێراقێ بۆ ئەڤرۆ نیۆز دیارکر”بڕیارە ل چەند رۆژێن داھاتی وەزیرێ دەرڤەیێ عێراقێ دەست بکاربیت و بۆ ڤێ مەرەمێ ژی پارتی دیموکراتی کوردستان دکتۆر فوئاد حسێن بەربژێر کریە.
رێبوار ھادی ئەو یەک ژی ئاشکراکر” ژبلی پۆستێن وەزارەتان ھژمارەکا پۆستێن دی یێن مینا بریکارێن وەزارەتان و شیرەتکار و رێڤەبەرێن گشتی بەر کوردان کەفتینە و ھەموو ئەو پۆستە ژی دێ ژ لایێ ھەرێما کوردستانێ ڤە ھێنە تژیکرن، کو ھژمارا وان زێدەتری ١٠٠ پۆستانن، د دەمێ نوکە دا ب وەکالەت دھێنە رێڤەبرن.
ئەڤرۆ نیوز:
بەدران چیا ئێک ژ بەرپرسێن رێڤەبەریا خوەسەر یا رۆژئاڤایێ کوردستانێ راگەهاند کو ئەمریکا و روسیا ل دۆر چاوانیا چارەسەرکرنا پرسا سووریێ رێککەفتینە و ئەو یەک ژی ب دلێ تورکیا و هندەک ئالیێن دی نینە.
ناڤهاتی ئەو یەک ژی دیار کر کو دانوستاندنێن هەر دو جڤاتێن کوردی ل رۆژئاڤایێ کوردستانێ ب رەنگەکێ باش برێڤە دچن و هێڤی خواست کو کورد ل سووریێ خوە بۆ هەر گوهۆرینەکێ بەرهەڤ بکەن.
نيشاندان