ئەڤرۆ نیوز:

دۆنالد ترەمپ، سەرۆکێ ئەمریکا، گەفێن راگرتنا هەموو پەیوەندیێن ئەمریکا ل گەل چینێ دکەت.

دۆنالد ترەمپی د ئاخفتنەکێ دا بۆ کەنالێ فۆکس نیوز، راگەهاندیە: گەلەک تشت هەنە کە ئەم بشێن بکەین، وەکو راوەستاندنا هەموو پەیوەندیان.

گۆتیە ژی: ب ڤێ چەندێ ئەم دێ 500 ملیار دۆلاران قازانج کەین، چونکی ئەڤە دەمەکە من گۆتیە، چین و گەلەک وەلاتێن دی هەردەم زیانێ دگەهیننە ئەمریکا.
ئەمریکا ئێکە ژ قوربانیێن سەرەکی یێن ڤایرۆسێ کۆرۆنا یێ و هەتا نوکە 86 هزار و 100 کەسان ب کۆرۆنا یێ گیانێ خوە ژ دەستدایە.

 
ئەڤرۆ نیوز:

برایان هۆك، هنارتیێ تایبەت یێ‌ ئەمریكا بۆ كاروبارێن ئیرانێ‌ دچاڤپێكەفتنەكێ دا ل گەل رۆژناما وول ستریت جۆرنال دیار کر: سزایێن ئەمریکا بۆ سەر ئیرانێ‌، قەدەغەكرنا مامەلەیا چەكی ژی ڤەدگریت.

گۆت ژی:ب هەر رێیەكێ بیت ، ئەمریكا گەرەنتی یا وێ‌ چەندێ دكەت، كو بریارا قەدەغەكرنا كرینا چەكی ل سەر تەهرانێ دێ یا بەردەوام بیت، بۆ وێ‌ مەبەستێ‌ ئیدارا واشنتۆن پرۆژە قانوونەک ئامادە كریە، د دەمێ‌ بهێت دا دێ وی پرۆژەی رەوانەی جڤاتا ئێمناهیێ یا نێڤدەولەتی كەت بۆ دەنگدانێ‌، ئەو پرۆژە گەلەك یێ گرنگە بۆ سنورداركرنا شیانێن ئیرانێ‌ یێن سەربازی و تەناكرنا رەوشا رۆژهەلاتا ناڤین و دەڤەرا كەنداڤێ‌ ب تایبەتی.