ئەڤرۆ نیوز، بارزان مزووری:
موقەدەمێ مافپەروەر ئازاد تاها، بەرپرسێ هۆبا پەیوەندی و راگەھاندنێ ل رێڤەبەریا پولیسێن ھاتنوچوونێ ل دھۆکێ بۆ ئەڤرۆ نیوز گۆت: ئەڤرۆ ل دەمژمێر ٢:٢٥ خولەکی پشتی نیڤرۆ، ل چاریانا قائیمقامیا قەزا بەردەرەش رودانەک دناڤبەرا ترۆمبێلەکا بارھەلگر ترێلە ژ جورێ مارسیدس و ترۆمبێلەکا BMW روودا، د ئەنجام دا شەش کەس بریندار بوون و بۆ نەخۆشخانا تەنگاڤیا ل ئاکرێ هاتنە ڤەگوهاستن، هەروەسا زیانێن مەزن ب ھەردو ترۆمبێلان کەفتن.
ئەڤرۆ نیوز:
ژ ئەگەرێ بەلاڤبوونا ڤایرۆسێ کۆرۆنا یێ وەلاتێ سەنگافورە چوونا حەجا ئەڤ سالە راگرت.
جڤاتا ئاینیا ئیسلامی یا سەنگافورێ دیار کریە: ژبەر بەلاڤبوونا ڤایرۆسێ کۆرۆنا یێ چوونا حەجا ٩٠٠ موسلمانێن سەنگافوری، کو ناڤێن خوە تۆمارکرینە دێ بۆ سالا بهێت هێتە پاشخستن.
هەروەسا گۆتیە: ب شێورکرن ل گەل وەزارەتا ساخلەمیێ وان ئەڤ بریارە دایە و دەستەیا فەتوایا سەنگافۆرێ ژی پشتەڤانیا خۆ بۆ وێ بریاری نیشان دایە.
ل وەلاتێ سەنگافورێ هەتا نوکە ٢٦ هزار ٢٦٨ کەس توشی کۆرۆنا یێ بووینە، هەتا نوکە ٢١ کەسان گیانێ خوە ژ دەستداینە.
ئەڤرۆ نیوز:
وەزارەتا ساخلەمیا عیراقێ راگەهاند: 45 حالەتێن نوو یێن توشبوون ب کۆرۆنا یێ و دو حالەتێن گیان ژ دەستدانێ و ٥٩ چێبوونێ هاتینە تۆمار کرن.
وەزارەتا ساخلەمی و ژینگەها عیراقێ گۆتیە ژی: د دەمێ ٢٤ دەمژمێرێن بوری دا 45 حالەتێن نوو یێن توشبوون ب کۆرۆنا یێ هاتینە تۆمار کرن، کو ٣١ حالەت ژ وان ل بەغدا و ١٣ ل بەسرا و ئێک ژی ل میسان، دو کەسان ژی ل بەغدا گیانێ خوە ژ دەستدایە.
هەروەسا دیار کریە ژی: ٥٩ کەسێن دی چێبووینە، کو ٢١ ژ وان ل بەغدا، ٢٤ ل بەسرا، پێنج ل کەرکوکێ، پێنج ل موسەنا و چار ژی ل بابل.
ئه‌ڤرۆ نیوز:
د پێنجی و هه‌شت سالیا دامه‌زراندنا ئێكه‌تیا مامۆستایێن كوردستانێ دا، سه‌رۆك بارزانی په‌یامه‌كا پیرۆزباهیێ به‌لاڤكر و تێدا هاتیه كۆ ل رۆژێن گرانێن مله‌تێ مه تیدا ده‌ربازبووی مامۆستا پێشه‌نگێ خوراگریێ بوون.
د وێ په‌یامێ دا هاتیه كۆ سه‌رۆك بارزانی ب هه‌لكه‌فتا سال رۆژا ئێكه‌تیا مامۆستایێن كوردستانێ به‌لاڤكریه، دیرۆكا شوره‌شا رزگاریخوازیا كورد، رۆلێ نیشتمانپه‌روه‌ریا مامۆستایێن كوردستانێ چ جارا ناهێته ژبیركرن، ئه‌و مل بملێ پیشه‌یێ پیرۆزێ خۆ چه‌كێ به‌رگریكرنی ژ ئاخ و وه‌لاتی هه‌لگرت بوو دڤێ پیخه‌مه‌تێ دا ژی چه‌ندین شه‌هید پێشكێشی كوردستانێ كرن.
ئه‌ڤه ژی ده‌قێ په‌یاما سه‌رۆك بارزانی یه:
بناڤی خودێ مه‌زن و دلوڤان
به‌رێزان سكرتێر و ئه‌ندامێن سكرتاریه‌تا ئێكه‌تیا مامۆستایێن كوردستانێ.
ب هه‌لكه‌فتا پێنجی و هه‌شت سالیا دامه‌زراندنا ئێكه‌تیا مامۆستایێن كوردستانێ، پیرۆزباهیێ خۆ ئاراسته‌یی وه و ته‌ڤایا مامۆستایێن خوشتڤی یێن كوردستانی دكه‌م و هیڤیا سه‌ركه‌فتن بۆ وه دخوازم.
د دیرۆكا شوره‌شا رزگاریخوازیا گه‌لی كورد، رۆلێ نیشتمانپه‌روه‌ریا مامۆستایێن كوۆدستانێ چ جاران ناهێته ژ بیركرن.
ل گه‌ل ئه‌رك و پیشه‌یێ پیرۆزێ خودا چه‌كێ به‌رگریكرن ژ ئاخ و وه‌لاتی هه‌لگرت بوون د پێخه‌مه‌تا ئه‌ڤێ چه‌ندێ ژی دا بده‌هان شه‌هیدێن نه‌مر پێشكێشی كوردستانێ كرینه.
ل رۆژێن گرانێن مله‌تێ مه تێدا ده‌رباز بووی مامۆستایان هه‌رتم پێشه‌نگێ خوراگیری بوون و نه‌هێلان پرۆسه‌یا خاندنێ و زانستی ل كوردستانێ بهێته راوه‌ستاندن و زێده‌باری هه‌بوونا قه‌یران و ئاریشه‌یێن مه‌زنێن مامۆستایان میناكه‌كا بلندا پالدان و پێگه‌هاندن و به‌رده‌وامبوونا فیڕبوون و زانستی بوو.
دڤێ رۆژا پیرۆز دا جاره‌كا دی سوپاسیا ماندیبوون و هه‌و‌ل و بزاڤێن به‌رده‌وامێن مامۆتسایێن كوردستانێ دكه‌م، هیڤیا پێشڤه‌چوون و به‌رده‌وامیێ بۆ ئیكه‌تیا مامۆستایێن كوردستانێ و هه‌موو مامۆستایێ خوشتڤی یێن كوردستانێ دخوازم.
مه‌سعود بارزانی
15/5/2020
ئه‌ڤرۆ نیوز:
به‌نكا رافیده‌ین داخاز ژ هنده‌ك فه‌رمانگه‌هێن ده‌وله‌تێ كریه كۆ له‌ز بهێته‌كرن بۆ ئیخستنه‌كاری یا ماسته‌ر كاردێ بۆ وه‌رگرتنا موچه‌یێ فه‌رمانبه‌ران بۆ هه‌یفا ئایارێ كۆ ب شیوازه‌كێ ئه‌لكترۆنی دێ هێته پارڤه‌كرن.
لگۆری یه‌یاننامه‌یا كۆ ژلایێ راگه‌هاندنا به‌نكا رافیده‌ین ڤه هاتیه به‌لاڤكرن به‌نكا رافیده‌ین داخازێ ژ هنده‌ك رێڤه‌به‌رێن ژمیریاری و فه‌رمانه‌گه‌هان دكه‌ت، ماسته‌ركاردێ بۆ فه‌رمانبه‌ران بێخنه كاری كۆ ژلایێ به‌نكێ ڤه هاتینه راده‌ستكرن تاكۆ موچه‌یێ ئه‌ڤێ هه‌یڤێ برێیا ئه‌لكترونی وه‌ربگرن.
هه‌ر د به‌یاننامه‌یی دا هاتیه پێدڤیه رێڤه‌به‌راتیێن هنده‌ك فه‌رمانگه‌هان ل گه‌ل ئیدارا گشتی یا به‌نكێ باخڤن و ده‌ست ب ته‌مامكرنا هه‌موو رێكارێن تایبه‌ت ب ئێخستنه‌كاری یا ماسته‌ركاردێ بكه‌ن، تایبه‌ت دڤێ ره‌وشێ دا كۆ وه‌لات تێدا ده‌رباز دبیت، ب ئه‌گه‌رێ به‌لاڤ بوونا ڤایرۆسێ كورونایی كو پێدڤیه ده‌ستا ژ پاره‌یێ كاش و راده‌ستكرنا ده‌ستی به‌رده‌ین و پشت به‌ستنێ ب سیسته‌مێ ئه‌لكتروی بكه‌ین بۆ مه‌زاختنا مووچه‌ی.
ئەڤرۆ نیوز:
ژ ئالیێ وەزارەتا ناڤخۆیا تورکیا ڤە بریار هاتەدان، کو ل جهێ هەر چار باژێرڤانێن هەدەپێ ل باژێرێن سێرت و مسرج و هاوێلێ و ئیدیرێ قەیوم بهێنە دانان.
هەروەسا یاشار ئاکوش سەرۆکێ باژێرڤانیا ئیدیرێ یێ هەدەپێ، ژئالیێ هێزێن ئێمناهیێ ڤە هاتە دەستەسەر کرن، جارەکا دی تورکیا هەموو بزاڤێن خوە ژ بۆ لادانا سەرۆک باژێرڤانێن هەدەپێ د دەت.
هەدەپە د هەلبژارتنێن باژێرڤانیێن تورکیا دا ل ٣١ ئادارا ٢٠١٩ شیا بوو ٦٥ باژێرڤانیان بدەست خوەڤە بینیت، لێ هەتا نوکە ژ ئالیێ وەزارەتا ناڤخۆیا تورکیایێ ڤە ل جهێ ٣٥ باژێرڤانێن هەدەپێ قەیوم هاتینە دانان.
ئەڤرۆ نیوز:
ئەڤرۆ پێنجشەمبی، ل جادا سالم یا باژێرێ سلێمانیێ، گەنجەکێ خوە ب ستوونەکا کارەبێ ڤە هەلاویست و خوە خەندقاند، ئەو گەنجە د ژیێ 30 سالیێ دا بوویە، ب قایشا پەنتەرۆنێ خوە، خوە خەندقاندیە و چ ناسنامە و مۆبایل ژی ڤێ نەبووینە، دیسان هەتا نوکە چ زانیاری دەربارەی ئەگەرێن خوە کوشتنا وی نە هاتینە زانین و کەسێ ژی خوە لێ نەکریە خودان.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: کو پێنج تووشبوو یێن دی یێن کۆرۆنا یێ ل سلێمانیێ هاتنە تۆمار کرن، کو هەموو ژ وێ خێزانا تووشبوویێ دوهی نە.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، پێنج تووشبوو یێن دی یێن ڤایرۆسێ کۆرۆنا یێ ل سلێمانیێ هاتنە دەست نیشانکرن، کو کورەکێ د ژیێ 17 سالیێ و سێ ژن د ژیێن 43، 21، 19 سالیێ دا و زارۆیەکێ د ژیێ شەش سالیێ دایە، خۆجهێن باژێرێ سلێمانیێ نە و ژ خێزانا تووشبوویێ دوهی نە یێ ل باژێرێ سلێمانیێ.
ئەڤرۆ نیوز:
چەندین تایبەتمەندی ل دەف کچێن شەرمین هەنە، کو ئەڤ تایبەتمەندیە وە دکەن، کو ئەو زێدەتر د بالکێش بن، دیسان ئەڤان جۆرێ کچان گەلەک شیانێن تایبەت هەنە، لێ ئاشکرا ناکەن.
مالپەرێ ئەلعەرەبیە ئاماژە ب چەندین تایبەتمەندیێن کچێن شەرمین دایە، ژ وان ژی
. باوەریەکا تەمام ب خوە هەیە، لێ ب وی رەنگی خوە نیشان نادەت.
. ب باشی گوهداریا خەلکی دکەت.
. بۆ دەرخستنا شیانێن خوە چاڤەرێی دەمێ گونجای دکەت.
. نهێنیان دپارێزیت.
. کەسەکا سەربخۆیە و دشێت هەموو کارێن خوە رێک بێخیت.
.یا بهێن فرەهە و بەردەوام هزر ل کەسێن دی دکەت.
ئەڤرۆ نیوز:
دۆنالد ترەمپ، سەرۆکێ ئەمریکا، گەفێن راگرتنا هەموو پەیوەندیێن ئەمریکا ل گەل چینێ دکەت.
دۆنالد ترەمپی د ئاخفتنەکێ دا بۆ کەنالێ فۆکس نیوز، راگەهاندیە: گەلەک تشت هەنە کە ئەم بشێن بکەین، وەکو راوەستاندنا هەموو پەیوەندیان.
گۆتیە ژی: ب ڤێ چەندێ ئەم دێ 500 ملیار دۆلاران قازانج کەین، چونکی ئەڤە دەمەکە من گۆتیە، چین و گەلەک وەلاتێن دی هەردەم زیانێ دگەهیننە ئەمریکا.
ئەمریکا ئێکە ژ قوربانیێن سەرەکی یێن ڤایرۆسێ کۆرۆنا یێ و هەتا نوکە 86 هزار و 100 کەسان ب کۆرۆنا یێ گیانێ خوە ژ دەستدایە.
نيشاندان