ئەڤرۆ نیوز:
وەزیرێ ساخلەمیا تورکیا راگەهاند: د دەمێ شەڤەک و رۆژەکێ دا 53 کەسێن دی ب کۆرۆنا یێ گیانێ خوە ژ دەستداینە.
فەخرەدین کۆجا، وەزیرێ ساخلەمیا تورکیا راگەهاند: د دەمێ 24 دەمژمێرێن بوری دا 37 هزار و 351 پشکنین هاتینه ئەنجامدان و د ئەنجامدا هزار و 704 تووشبوویێن نوو یێن کۆرۆنا یێ هاتینە تۆمار کرن.
نوکە هژمارا مریان ب ڤایرۆسێ کۆرۆنا یێ ل تورکیا گەهشتیە سێ هزار و 894 کەسان و هژمارا تووشبوو یان گەهشتیه 141 هزار و 475 کەسان.
ئه‌ڤرۆ نیوز:
یانا به‌رشه‌لۆنا دخوازیت ل ڤه‌گوهاستنێن هاڤینا بهێت هه‌ڤبه‌ستێ ل گه‌ل ستێرا بوسنى و یانا یوڤانتوس میرالیم بیانیتچ ئیمزا بكه‌ت.
رۆژناما موندو دیپورتیڤو دیار كریه: به‌رپرسێن یوڤانتوس ل سه‌ر وێ پێشنیارا به‌رشه‌لۆنا رازى نه‌بووینه كو وى یاریزانێ خوه بده‌نه وێ یانێ به‌رامبه‌ر ئێك ژ راكیتچ یان ڤیدال و یوڤانتوس ئه‌و داخوازیا به‌رشه‌لۆنا ره‌تكریه.
دیسان وێ رۆژنامێ ئاشكرا كریه: یوڤانتوس ب ئێك مه‌رجى دێ رازى بیت ل سه‌ر چوونا بیانیتچ ئه‌وژى به‌رشه‌لۆنا ده‌ستا ژ یاریزانێ خوه یێ به‌رازیلى ئارسر میلو به‌رده‌ن ژبه‌رکو نوكه ئه‌و یاریزان بوویه ئارمانجا یوڤانتوس بۆ ڤه‌گوهاستنێن بهێت.
ئه‌ڤرۆ نیوز:
ژێده‌رێن نۆشدارى ل عیراقێ ئاشكرا كرینه، کو دادڤانێ به‌رنیاسێ عیراقى و ئاسیا موهەند قاسم توشى ڤایروسێ كورونایێ بوویه، پشتى پشكنین بۆ هاتینه كرن، ئه‌ڤرۆ دیاربوو ئه‌و توشبویێ وێ نه‌خوشیێ یه و نوكه ئه‌و ل ژێ چاڤدێریا نۆشدارى یه ل ئێك ژ نه‌خوشخانه‌یێن باژێرێ به‌غدا.
موهەند قاسم ل ماوێ چه‌ند رۆژێن بورى مێهڤانێ ئێك ژ كه‌نالێن عیراقى بوو ل گه‌ل هژماره‌كا ستێرێن به‌رنیاس یێن عیراقێ كو مه‌ترسى نوكه ل سه‌ر ئه‌وان ستێرێن عیراقى و كارمه‌ندێن وى كه‌نالى هه‌یه.
هه‌ژى گوتنێ یه موهەند قاسم یێ 40 سالى ل سالا 2005 ده‌ست ب ژیانا دادڤانى كریه و ئێك ژ به‌رنیاسترین دادڤانێن عیراقى یه و زیده‌تر ژ 35 یاریێن نێڤده‌ولەتى ل سه‌ر ئاستێ كیشوەرێ ئاسیا ب رێڤه‌برینه و دیسان پشكدارى د 4 قاره‌مانیێن ئاسیا دا كریه ل سه‌ر ئاستێ هه‌لبژارتیا هه‌ردیسان پشكدارى د هه‌ردو قاره‌مانیێن چامپیونیز لیگا ئاسیا و كاسا ئێكه‌تیا ئاسیا دا كریه.
ئەڤرۆ نیوز:
ئەڤرۆ سێشەمبی 12 گولانا 2020 جڤاتا وەزیرێن عیراقێ کۆمبوونا ئاسایا خوە ئەنجامدا و چەند بریارێن گرێدایی چاکسازیا دارایی و کارگێری و بودجێ گشتی دەر کرن و ژ وان ژی:
. حوکمەتا عیراقێ بریادا لەزێ بکەت د بەرهەڤکرنا پرۆژێ بودجێ گشتی ب رەنگەکی کو ل گەل پێدڤیێن رەوشا دارایا نوکە و داکەفتنا بهایێ نەفتێ دا ب گونجیت.
. دووبارە پێداچوون ب پرۆژە قانوونا بەرهنگاربوونا گەندەلیێ، ب رەنگەکێ رێکاران ب باندۆرتر بکەت و پێشخستنێ د رۆلێ سازیێن پەیوەندیدار دا بکەت، ژ وان ژی دەستەیا دەستپاکیێ و دیوانا چاڤدێریا دارایا ناڤەند، ب هەڤبەندی ل گەل ئەمینداریا گشتی یا جڤاتا وەزیران.
. هاندانا وەزارەتا نەفتێ ب بەرهەڤکرنا قانوونا نەفت و غازێ.
. وەزارەتا کار و کاروبارێن جڤاکی ب هەڤبەندی ل گەل وەزارەتا پلاندانانێ و وەزارەتا دارایی دێ رابیت ب پێداچوون و بەرفرەهکرنا رێژا وان کەسێن کو قانوونا پاراستنا جڤاکی ڤەدگریت، ب پشت گرێدان ب داتایێن هەژاریێ و ڤەکۆلینێن جڤاکی و پێشکێشکرنا ڤەکۆلینێ د دەمێ هەیڤەکێ دا.
. پێکئینانا شانەیا ژنشکێڤە بۆ چاکسازیا دارایی و پێکئینانا شانەکێ بۆ برێڤەبرنا رەوشا دارایی، ل ژێر سیبەرا کریزا داریا نوکە و دانانا چارەسەریەکا پێدڤی بۆ پەیداکرنا چاکسازیا دارایی و باشترکرنا کارێ سازیێن دارایی ل عیراقێ.
ئەڤرۆ نیوز:
د. دلۆڤان محەمەد رێڤەبەرێ گشتی یێ ساخلەمیا هەولێرێ راگەهاند: سێ توشبوویێن دی یێن کۆرۆنا یێ پشتی وەرگرتنا چارەسەریێ ب تەمامی چێبووینە، هەروەسا ژ سەرجەمێ ٢١٢ توشبوویێن پارێزگەها هەولێرێ، هەتا نوکە ٢٠٠ کەس ب تەمامی چێبووینە و ڤەگەریاینە مالێن خوە.
هەتا نوکە ٣٩١ کەس ل هەرێما کوردستانێ تووشی کۆرۆنا یێ بووینە، ژ وێ هژمارێ ژی ٣٧٥ کەس چێبووینە، نوکە ب تنێ ل هەرێمێ ١١ توشبوویی د نەخۆشخانەیان دا ماینە.
ئەڤرۆ نیوز:
رێڤەبەریا گشتی یا ئەزموونان ل هەرێمێ راگەهاند: ژبەر کو پرۆگرامێ خواندنێ ب تەمامی نەهاتیە خواندن، شێوازێ پرسیارێن ئەزموونێن دووماهیا وەرزێ دویێ یێ ئەڤ سالە دێ 50% ب شێوێ هەلبژارتن و 50% ب شێوێ نڤێسینێ دبیت.
رێڤەبەریا گشتی یا ئەزموونان ل هەرێمێ چەند رێنمایی بۆ ئەزموونێن دووماهیا وەرزێ دویێ یێ ئەڤ سالە یێ خواندنێ ٢٠١٩-٢٠٢٠ بەلاڤکرینە و راگەهاندیە، پێدڤیە ب خشتەکێ پرۆگرامێ خواندنا هەر بابەتەکێ وەرزێ دویێ یێ هەموو پۆلان بهێتە دیار کرن و ب هەر رەنگەکێ بیت بۆ قوتابیان بهێتە راگەهاندن.
ئه‌ڤرۆنیۆز، سالار دۆسكى:
رێڤه‌به‌رێ فه‌رمانگه‌ها ژینگه‌ها دهۆكێ ئاشكرا كر: كو به‌رى ده‌ست ب تاقیكرنێن زانكۆ و قوتابخانان بهێته‌كرن دێ هه‌وا تافیلكرن و پاقژكرنا ئاڤاهیان ده‌ست پێكه‌ت.
محه‌مه‌د تاهر سه‌لاحەدین بریفكانى، رێڤه‌به‌رێ فه‌رمانگه‌ها ژینگه‌ها دهۆكێ، بۆ ئه‌ڤرۆ نیۆز ئاشكرا كر: كو به‌رى ده‌ست ب پرۆسێسا ئه‌زموونان ل قوتابخانا و زانكۆیا بهێته كرن، دێ هه‌موو قوتابخانه و زانكویێن سه‌نته‌رێ پارێزگه‌ها دهۆك هێنه تافیلكرن و شووشتن.
محه‌مه‌د تاهر بریفكانى زێده‌تر ژى گۆت: ئه‌ڤه پلانا رێڤه‌به‌ریێ یه كو دێ ل هه‌موو قوتابخانه و زانكو و فه‌رمانگه‌هێن حوكمى ل سه‌نته‌رێ قه‌زا دهۆكێ هێته ده‌ستپێكرن، ئه‌ف كاره دهێته‌كرن ب هه‌فكارى ل گه‌ل رێكخراوا giz یا ئه‌لمانى و پێدڤى بوو 15/5 ده‌ست ب كارى هاتباركرن و پێدڤى بوو ئه‌ف جه هه‌موو هاتبانه تافیكرن و گرنگ بوو ئه‌ڤ جه بهێنه پاقژكرن چنكو ئه‌ف قوتابیه دێ ئه‌وان ئاڤاهیان ده‌وامێ كه‌ن.
رێڤه‌به‌رێ فه‌رمانگه‌ها ژینگه‌ها دهۆك ئه‌و ژى گۆت: ئه‌ف كاره نه‌هاته‌كرن چنكو رازیبوونا رێكخراوێ گیروبوو و نوكه چاڤه‌رێى رازیبووىنَ دكه‌ین و ب زووترین ده‌م دێ ده‌ست ب پلانا خوه كه‌ین.
ئەڤرۆ نیوز:
ئەندامەکێ لژنا دارایی ل پەرلەمانێ عیراق گۆت: مستەفا کازمی سۆز دایە بەری جەژنێ مووچێ فەرمانبەرێن هەرێما کوردستانێ بهنێریت، ئەو دەنگۆیە ژی رەتکرینە یێن کو دبێژن، ل ڤان نێزیکان بەغدا پێشنیارەکا وەسا كربیت، کو راستەوخۆ مووچێ فەرمانبەرێن كوردستانێ بدەت.
ئەحمەد حاجی رەشید، ئەندامێ لژنا دارایی ل پەرلەمانێ عیراقێ دیار کریە: نوکە بەغدا چ پێشنیارەکا وەسا نەكریە، کو راستەوخۆ ئەو ب خوە مووچێ فەرمانبەرێن هەرێما كوردستانێ دابەش بكەت.
هەروەسا ئەحمەد حاجی رەشید دبێژیت ژی: ل ڤان دووماهیان د كۆمبوونەکێ دا مستەفا كازمی سەرۆك وەزیرێن عیراقێ بەحسێ هندێ کریە، کو بەری جەژنا رەمەزانێ دێ مووچەکێ بۆ هەرێما كوردستانێ هنێریت، بەلێ هێشتا ئەو چەندە ئێكلایی نەبوویە، کەنگی و چاوا دێ وی مووچەی هنێریت.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: د دەمێ شەڤ و رۆژەکێ دا 95 حالەتێن نوو یێن توشبوون ب کۆرۆنایێ هاتینە تۆمار کرن، کو ٧٦ حالەت ل بەغدا و ١٨ ل بەسرا و ئێک ل کەربەلا و پێنج ژی ل دیالا، دیسان دو کەسان ب ڤێ نەخۆشیێ ل بەغدا گیانێ خوە ژ دەستدایە.
هەروەسا گۆتیە: 112 کەسێن دی چێبووینە، کو ٤٣ ل بەسرا، ٥١ ل بەغدا، نەهـ ل کەرکوکێ و ئێک ژی ل واست و چار ل زیقار و دو ل سەلاحەدین و دو ژی ل نەجەف.
ئه‌ڤرۆ نیوز، بارزان مزوورى:
ئه‌ڤرۆ ده‌مژمێر 2 پشتى نیڤرۆ 12/5/2020 “فازل میرانى”سكرتێرێ مه‌كته‌با سیاسى یا پارتى دیموكراتى كوردستان سه‌ره‌دانا لقا بیست یا شێخان دا ژلایێ به‌رپرسێ لقا بیست و قائیمقامێ قه‌زا شێخان ڤە هاتە پێشوازى كرن، دیسان ل گه‌ل به‌رپرسێ لقێ و كارگێر و به‌رپرسێن لژنێن سه‌ر ب لقێ ڤه كۆمبوو.
فازل میرانى، سكرتێرێ مه‌كته‌با سیاسى یا پارتى دیموكراتى كوردستان د كونگره‌كێ رۆژنامه‌ڤانى دا ل باره‌گایێ لقا 20 شێخان راگه‌هاند: راسته شێخان ژلایه‌كى ڤه سه‌ر ب ئیدارا مووسل و ژلایه‌كى دیڤە سه‌ر ب ئیدارا دهوك ڤه‌یه، به‌لێ ئه‌م هه‌موو دزانین كوردستان به‌شه‌ك سه‌ر ب هه‌رێمێ و به‌شه‌ك سه‌ر عێراقێ ڤه‌یه ئه‌ڤه كێشه‌یه‌كا سه‌ره‌كى یه ئه‌گه‌ر ئه‌ڤ كێشه هاته چاره‌سه‌ركرن پشت راست كێشا دو ئیداره‌ى ل شێخان ژى دێ چاره‌سه‌ربیت.
ناڤهاتى خویاكر ژی: ئه‌و ئاوارێن عه‌ره‌ب یێن ئه‌نبار و تكریت ئه‌وێن ل كوردستانێ دژین ژمارا وان زێده‌ترى ئاوارێن ئێزدیانه ئه‌وێن دناڤ كه‌مپان دا دژین پێدڤى یه حكومه‌تا عێراقێ ببیته حكومه‌ت هه‌تا بشێت ڤان كێشه‌یه‌یێن ڤه‌گه‌راندنا ئاواران بۆ سه‌ر جهێن وان چاره‌سه‌ر بكه‌ت.
نيشاندان