ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا سێ ترۆمبێلان لێکدا.
ناڤهاتی زێدەت گۆت: ل شەڤا بوری ل سەر جادەیا سێمێل بۆ تەناهی، سێ ترۆمبێلان لێکدا، ئێك ژ وان ژ جورێ تۆیۆتا لاندوگروز، یادویێ ژ جۆرێ تۆیۆتا ئەڤەلۆن، يا سیێ ژی ژ جورێ BMW بوویە، د ئەنجامدا سێ کەس بریندار بوون، زێدەباری هندێ زیانێن مادی ژی ب هەر سێ ترۆمبێلان کەفتینە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا گەنجەکێ گیانێ خوە ژ دەستدا.
ناڤهاتی زێدەت گۆت: ل شەڤا بوری و ل دەمژمێر ١٠:٣٠ ل گوندێ قومریێ ل ناحیا کانی ماسێ ترۆمبێلەکا تايبەت ئۆپل ئۆمێگا خوە ل گەنجەكێ ھەژدە سالی دایە و د ئەنجامدا وی گەنجی گیانی خوە ژ دەست دایە.
ئه‌ڤرۆ نیوز:
وه‌لاتیێن باشوورێ عیراقێ دێ ده‌ست ب خونیشاندانان كه‌ن و دژاتیا خو بۆ حكومه‌تا نوو یا عیراقی راگه‌هاندینه.
شه‌ڤا بوری وه‌لاتیێن واست ئاگر به‌ردا باره‌گه‌هێ به‌رێ یێ رێكخراوا به‌در كۆ مه‌زنترین میلیشیا حشدا شه‌عبی یه و هادی عامری سه‌رۆكاتیا وان دكه‌ت، ل نه‌جه‌ف ژی خونیشانده‌ران رێكا سه‌ره‌كی یا پارێزگه‌ها دیوانیه ب ئاگری داخست.
ده‌ست ژكارڤه‌كێشانا عادل عه‌بدلمه‌هدی ل سه‌ر داخوازیا مه‌رجعێ بلندێ شیعه‌یێن عیراقێ به‌رفره‌هبوونا خونیشاندانان بوو،كۆ ل پرانیا باژێرێن عیراقی دژی گه‌نده‌لیێ و نه‌بوونا حزمه‌تگۆزاریێن ده‌ستپێكی وه‌ك ئاڤێ و كاره‌ب و بێكاریا گه‌نجان ده‌ست ب خونیشاندانان كربوو.
ئەڤرۆ نیوز، عەلی حاجی :
سەروکێ یانا زاخۆ یا وەرزشی ل دور پاشەروژا خولا نایابا کوردستانێ یا تەپاپێ بۆ ئەڤرۆ نیوز ئاشکەرا کر وەکو یانا زاخۆ دگەل هەلوەشاندنا وەرزێ ئەڤ سالەیێ خولا هەرێمێ یە و ژبەر کو هەکە یاریێن خولێ دەست پێ بکەت ب کێماسی ئەم پێدڤی ب هەیڤەکێ نە دا کو بشێن خوە بەرهەڤ بکەین.
زێدەتر حەمید سەلمان گۆت : وەکو کارگێریا یانا زاخۆ ئەم دگەل هەلوەشاندنا خولا نایابا کوردستانێ یا تەپاپێ نە بۆ وەرزێ ئەڤ سالە و بریارە سوباهی روژا ئێک شەمبێ رێکەڤتی ١٠/٥/٢٠٢٠ بریارەک ل سەر ئەنجام دان و نەئەنجام دانا خولێ بهێتە دەرکرن، هەکە خول بهێتە ئەنجام دان ژی مە پێدڤی ب هندێ هەیە ئەم کومبونەکێ دگەل ئێکەتیا تەپاپێ یا کوردستانێ ئەنجام بدەین ژبەر کو هەکە خول دەست پێکر دێ مافێن یاریزانێ ل دەف مە مینن و پێدڤی یە ئەم مافێ وان ژی بدەینێ، زێدەباری وێ چەندێ ژی ماوەیەکە چو راهێنان نەهاتینە ئەنجام دان و هەکە بریار ل سەر بەردەوامی دانا خولا ئەڤ سالە هاتە دان ژ وان هەشت یاریێن ماین ب کێماسی پێدڤی ب دو هەیڤایە هەتا ئەو یاری بهێنە ئەنجام دان و وەکو یانا زاخۆ ژی پێدڤی ب هەیڤەکێ هەیە هەتا کو بشێن تیما خوە بەرهەڤ بکەین بۆ وان یاریێن ماین و ب دیتنا من هەکە خول بهێتە ئەنجام دان و جەماوەر ئامادە نەبیت خولێ چو خوەشی و تاما خوە نابیت.
ناڤبری ئەو چەندە ژی گۆت : ئەو نیڤ موچەیێ ب یاریزانێن تیمێن مەیێن باسکت بولێ و تەپاپێ هاتیە دان ژ موچێن وان یێن هەیڤا سێ بوون ب تایبەتی یا تیما مە یا تەپاپێ ژبەر کو ژبەریا دەمەکێ مووچە و نیڤەک ب وان هات بوو دان و دوهی ژی نیڤ موچە ب وان هاتە دان، ئانکو ئەو موچەیە ژبەری هاتنا ڤایروسێ کورونایێ بوو، مە موچەیەک دروست ب کارمەندێن خوەیێن یاریگەهێ دا ژبەر کو ئەو بەردەوام د کارکرنێ دا بوون و کار دکرن.
ئه‌ڤرۆ نیوز:
دهێتە چاڤه‌رێ كرن هه‌ڤبه‌ستا ستێرا به‌رازیلى و یانا چێلسى یا ئنگلیزى ویلیانی ل دووماهیا ڤى وه‌رزى ب دووماهی بهێت و رۆژنامه‌كا بریتانى دیار كریه وى یاریزانى چاره‌نڤیسێ خوه بۆ وه‌رزێ نوو ئێكلا كریه.
رۆژناما میرور یا بریتانى دیاركریه ویلیان بریار دایه بۆ وه‌رزێ بهێت هه‌ڤبه‌ستا یانا توتنهام یا ئنگلیزى ئیمزا بكه‌ت و دخوازیت ل بن سه‌رپه‌رشتیا راهێنه‌رێ وێ یانێ جوزێ مورینهوی یاریێ بكه‌ت.
هه‌ژى گوتنێ یه هه‌ر ژ سالا 2013 وه‌ره یاریێ ل یانا چێلسى یا ئنگلیزى دكه‌ت و د وى ماوى دا شیا 329 یاریان ل گه‌ل وێ یانێ بكه‌ت شیایه 59 گولان توماربكه‌ت و 59 گولان ژى بوو هه‌ڤالێن خوه به‌رهه‌ڤبكه‌ت.
ئه‌ڤرۆ نیوز:
راپورتێن رۆژنامه‌ڤانى یێن نێزیكى یانا ریال مه‌درید ئاشكراكرینه به‌رپرسێن وى یانێ گه‌هشتى نه رێككه‌فتنێ ل گه‌ل ستێرا خوه یا به‌رازیلى كاسمێرو بۆ درێژكرنا هه‌ڤبه‌ستا وى یاریزانى هه‌تا 2023.
كاسیمێرو ل هاڤینا 2013 ژ یانا ساوپاولو هاتبوو ڤه‌گوهاستن بۆ یانا ریال مه‌درید پاش ل هه‌ردو وه‌رزێن 2013-2014 و 2014-2015 ریال مه‌درید ب شێوه‌یێ خواستن دابوو هه‌ردو یانێن ساوپاولو به‌رازیلى و پورتو یا پورتوگالى ، هه‌ر ژ سالا 2015 وه‌ره هه‌تا نوكه ریال مه‌درید پشت به‌ستنێ ل سه‌ر وێ یاریزانى دكه‌ت وه‌كو یاریزانه‌كێ سه‌ره‌كى د ماوێ 5 وه‌رزێن بورى دا ئه‌وى یاریزانى 229 یارى ل گه‌ل وێ یانێ كرینه هه‌ردیسان 13 ناسناڤ ژى ب ده‌ست خوەڤه برینه.
ئەڤرۆ نیوز، عەلی حاجی :
رێڤەبەرێ رێڤەبەریا گشتی یا چاڤدێری و گەشەپێدانا جڤاکی ل پارێزگەها دهوکێ بۆ ئەڤرۆ نیوز دیار کر ب رێیا برێکارێن ئاهێن خوارنێ ل پارێزگەها دهوکێ دێ هاریکاریێن حکومەتا هەرێمێ ب سەر وەلاتیێن کێم دەرامەت ل پارێزگەهێ هێنە بەلاڤ کرن.
زێدەتر د. شێرزاد هروری گۆت: ل دور میکانیزما نوو کۆمبوونەک دگەل وەزیرێ پێشەسازی کومبونەک هات بوو ئەنجام دان ل دور دانانا میکانیزمەکێ بۆ بەلاڤ کرنا هاریکاریێن حکومەتا هەرێما کوردستانێ بۆ خێزانێن کێم دەرامەت ، میکانیزمەکا باش هاتیە دانان کو ئەو ژی ب رێیا برێکارێن ئاهێن خوارنێ وان هاریکاریان ب سەر خێزانێن کێم دەرامەت دا بەلاڤ بکەین،روژا دو شەمبێ دێ کومبونەکێ ل پارێزگەها دهوکێ ئەنجام دەین داکو چەند برێکارەکان دەست نیشان بکەین و دێ هەول دەین نێزیکترین برێکار دەست نیشان بکەین دا کو بۆ وەلاتیان ئاسان بیت دەما وەرگرتنا هاریکاریێن حکومەتا هەرێما کوردستانێ و بریارە د دەمەکێ نێزیک دا ئەو هاریکاری بگەهن.
ناڤهاتی ئەو چەندە ژی ئاشکەرا کر ” بارا پارێزگەها دهوکێ بۆ ٥٠ هزار خێزانێن کێم دەرامەت هاریکاری دێ گەهن، نوکە دا چەندین کەرەستە هاتینە بەرهەڤ کرن و بتنێ کەرەستەیەک نەگەهشتیە دەستێ مە هەردەما ئەو کەرەستە ژی گەهشتە دەستێ مە دێ دەست ب بەلاڤ کرنا هاریکاریان کەین و نوکە دا هەمی بەرهەڤی ژی تەمام بوینە بۆ دەست پێکرنا وێ هەوا هاریکاریان”.
ئەڤرۆ نیوز، عەلی حاجی :
بەرپرسێ نڤێسینگەها زاخۆ سەندیکا کرێکارێن کوردستانێ دا داخویانیەکێ دا بۆ ئەڤرۆ نیوز دیار کر ژ دەست پێکا هاتنا کورونایێ ل زاخۆ ژلایێ نڤێسینگەها وان ڤە هاریکاری ب سەر ٤٥٠ کرێکاران ل زاخۆ دا بەلاڤ کرینە.
زێدەتر سەگڤان عۆمەر گۆت : هەر ژ دەست پێکا هاتنا کورونایێ و وەکو نڤێسینگەها زاخۆ یا سەندیکا کرێکاران ب چەند قوناغەکان هەتا نوکە شیاینە هاریکاریان کو ژ کەرەستەیێن خوارنێ و کوژمەیەکێ پارەی پێک دهات ب سەر ٤٥٠ کرێکاران دا بەلاڤ بکەن،هەر دیسان نوکە دا بەردەوامین ل سەر وێ چەندێ کو هەژمارەکا دیتر ژی یا کرێکاران مفادار بن ژ وان هاریکاریان و ناڤێ ٤٨٠ کرێکارێن دیتر ژی هاتینە تومار کرن داکو بۆ قوناغێن بهێت ژی ئەم بشێن هەژمارەکا دیتر یا هاریکاریان ب سەر وێ تەخێ دا بەلاڤ بکەین ژبەر کو د ماوەیێ قەدەغەیا هاتن و چوونێ دا و زیانەکا مەزن بەر ب تەخا کرێکاران کەڤت و دێ بەردەوام ژی بین دا کو هەر چو نەبیت بشێن هاریکاریان بۆ کرێکاران دابین بکەین.
ناڤبری ئەو چەندە ژی خویا کر ” قایمقامێ زاخۆ هاریکاریەکا باش دگەل مە دا کری یە بۆ دابین کرنا هاریکاریان و زێدەباری وێ چەندێ ژی د ماوەیێ بوری دا بهێن ڤەدانا فەرمی بوو بەلێ مە بەردەوام کار دکر پێخەمەتی وێ چەندێ بشێن خزمەتا تەخا کرێکاران بکەین “.
ئەڤرۆ نیۆز، قائید میرۆ:
چەند رۆژەکە چەکدارێن تیرۆرستێن داعش ل عێراقێ دەست ب لڤینانکریە و کریستیان ژی دلگرانن بڤێ چەندێ عێراقێ شیانێن پاراستنا وان نینە نوونەرەکا کریستیانان ژی ب دوور نابینیت کارەساتێن سەردەمێ ھاتنا داعش دوبارە ببن.
رۆبینا تیاری، نوونەرا کریستیانان ل پەرلەمانێ کوردستانێ بۆ ئەڤرۆ نیۆز دیارکر” پشتی زێدەبوونا لڤینێن چەکدارێن داعش ل عێراقێ جارەکادی مەترسی بۆسەر کریستیان و ھەموو پێک ھاتەیێن دی پەیدابوویە و وەلاتیێن کریستیان دلگرانن ب لڤینێن داعش، ژبەرکو ترس ھەیە کارەساتێن مینا سالا ٢٠١٤ێ بسەر وان بھێن.
رۆبیتا تیاری ئاشکراکر” ھێزێن عێراقی شیانێن پاراستنا رەوشا ئەمنی ل دەڤەرێن کریستیان تێدا نینە و ھێشتا مەترسی بۆسەر دەڤەرێن کریستیانان ھەیە ژئالیێ گرۆپا چەکدارێن داعش یێن تیرۆرست.
نيشاندان