ئەڤرۆ نیوز:
وەزارەتا ساخلەمی و ژینگەها عیراقێ بەلاڤکریە: د دەمێ ۲٤ دەمژمێرێن بوری دا ٤٦ حالەتێن دی یێن کۆرۆنا یێ و ۳۱ حالەتێن چێبوونێ ھاتینە تۆمار کرن.
ئەڤرۆ چارشەمبی وەزارەتا ساخلەمی و ژینگەھا عیراقێ دیار کریە: د دەمێ ۲٤ دەمژمێرێن بوری دا ٤٦ حالەتێن توشبوون ب کۆرۆنا یێ ھاتینە تۆمار کرن، کو پرانیان وان ل بەغدا و بەسرانە.
هەروەسا دیار کریە: ۳۱ توشبوویێن دی چێبووینە، کو ۱٥ ژ وان ل بەسرا نە و ۱۲ ل بەغدا و سێ ل بابل و حالەتەک ل نەجەف.
ئەڤرۆ نیوز:
فەخرەدین کۆجا، وەزیرێ ساخلەمیا تورکیا راگەهاند:
د دەمێ 24 دەمژمێرێن بوری دا دو هەزار و 253 حالەتێن نوو یێن ڤایرۆسێ کۆرۆنا یێ هاتینە تۆمار کرن.
هەروەسا گۆتیە ژی: هەتا نوکە 3584 کەس ل تورکیا ب کۆرۆنا یێ گیانێ خوە ژ دەستدایە، دیسان سەرجەمێ گشتی یێ تووشبوویان ل تورکیا گەهشتیە 131 هزار و 744 کەسان.
دهۆك، له‌زگین جوقى
د. نزار عسمه‌ت رێڤه‌به‌رێ گشتى ساخله‌میا دهۆكێ ئه‌ڤرۆ 6/5/2020 پیشواز ل میشێل سڤوبودا قونسلى گشتى یێ وه‌لاتێ چێك ل هه‌رێما كوردستانێ كر.
د. نزار عسمه‌ت، رێڤه‌به‌رێ گشتى ساخله‌میا پارێزگه‌ها دهۆكێ دیاركركو ب كوژمێ پتر ژ 55 هزار دولارێن ئه‌مریكێ ئه‌ڤرۆ 6/5/2020 رێكه‌َڤتنه‌ك دگه‌ل وه‌لاتى چیك بۆ پشته‌ڤانیكرنا ساخله‌میا دهۆكێ هاته ئیمزاكرن كو ئه‌ڤ رێكه‌ڤتنا ب كوژمێ نێزیكى 55 هزار دولارێن ئه‌مریكێ هاته ئێمزاكرن دووماهیا ئه‌ڤ سال ژى دێ پرۆڤیسوره‌كێ وه‌لاتێ چیك یێ تایبه‌تمه‌ند ب نه‌خۆشیێن نها به‌ربه‌لاڤ قه‌ستا هه‌رێما كوردستانێ كه‌ت دێ مه‌شق و راهینان ب نۆشدارى و ستافێ ساخله‌میێ كه‌ت كو ئه‌ڤرۆ6/5 ژى رێكه‌ڤتنه‌ك هاته ئێمزاكرن دێ چه‌ندێن ئامیرێن نۆشدارى بۆ ساخله‌میا دهۆكێ دابین كه‌ن ژوانا ئامیران ژى دێ هنده‌ك بۆ زارۆكێن ژ نوو ژدایك بن دهێنه دابینكرن.
ئاشكه‌را كركو میشێل سڤوبودا قونسلى گشتى یێ وه‌لاتى چیك ل هه‌رێما كوردستانێ نه بۆ جارا ئێكێ یە هاریكاریا ساخله‌میا دهۆكێ دكه‌ن به‌رى نها ژى هاریكاریا ساخله‌میێ كرینه چه‌ندێن پرۆژه هه‌بووینه وچه‌ندێن نۆشَدارێن دهۆكێ برنه وه‌لاتێ چیك بۆ مه‌شق و راهێنانى و چه‌ندێن پسپۆرێن وان ل دهۆكێ راهێنان بۆ نۆشدار و كارمه‌ندێن ساخله‌میێ كرن وبه‌رده‌وامی دان ب ڤێ هاریكارى دوو رێكه‌ڤتن هاتینه ئێمزا كرن ئه‌وژى به‌رێ ده‌مه‌كی رێكه‌ڤتنه‌ك هاتبوو كرن بۆ دروستكرنا ژووره‌كا زارۆكبوونێ.
ئەڤرۆ نیوز:
پەرلەمانێ کوردستانێ راگەھاند: ل روونشتنا سوبەھی پێنجشەمبی یا پەرلەمانێ کوردستانێ دێ گۆتوبێژان ل سەر دو تەوەران کەن، تەوەرەک دێ یێ دێ تایبەت بیت ب ھەلگرتنا پارێزبەندیێ ل سەر چار پەرلەمانتاران کوردستانێ.
هەروەسا دیار کریە: روونشتنا سوبەھی دێ ھەلگرتنا پارێزبەندیێ بیت ل سەر پەرلەمانتار ئومێد خۆشناو، سوران عومەر، شیرین ئەمین، عەلی حەمە سالح دێ ڤێ پرۆسێ ئێخنە بەر دەنگدانێ.
ئەڤرۆ نیوز:
سه‌رۆكا فراكسیۆنا پارتی دیموكراتی كوردستان ل پەرلەمانێ عیراقێ راگه‌هاند: كوردان نەڤێن پۆستێن ویزاری یێن پشكا كوردان بهێنە گوهۆرین.
ڤیان سه‌بری سه‌رۆكا فراكسیۆنا پارتی دیموكراتی كوردستان ل پەرلەمانێ عیراقێ دوپات كریه، كو كوردان نەڤێت پۆستێن ویزاری یێن بەهرا كوردان بهێنە گوهۆرین.
ڤیان سه‌بری گۆتیە ژی: مە مافێن خوە دڤێن وه‌ك خوە بن، ب پۆستێن ویزاری ڤە مە نەڤێت ئه‌و پۆستێن مە یێن ویزاری بهێنە گوهۆرین، دیسان بریاره ئه‌ڤ شه‌ڤە پەرلەمانێ عیراقێ بۆ ده‌نگدان ل سه‌ر كابینا مسته‌فا كازمی كۆم ببیت.
ئەڤرۆ نیوز:
د. ئارام محەمەد وەزیرێ خواندنا بلند و ڤەکۆلینێن زانستی یێ حوکمەتا هەرێمێ راگەهاند: هەتا رێنمایێن ساخلەمیێ بەلاڤ نەبن و پشت راست نەبین نەشێین دەوامێ دەستپێبکەین، هەر دەمێ رێکخراوا ساخلەمیا جیهانی گوت، هەرێما کوردستانێ یا پاقژە و دیسان وەزارەتا ساخلەمیێ پشت راستیێ بدەت وى دەمی دشێین دەست ب خواندنێ بکەین.
دیار کر ژى: هەکە کەسەک ل زانکۆیێ تووشێ کۆرۆنا یێ بیت، ئەگەر هەیە خەلکێ چەندین باژێران تووش بکەت، چونکی خویندکارێن زانکۆیان ئاکنجیێن ئێک جهـ نینن و خەلکێ چەندین باژێرانە ل کوردستانێ.
ناڤهاتی گۆت ژی: خواندنا ئەڤ سالە نافەوتیت داخواز ژ زانکۆیان کریە، لدووڤ شیانێن خوە و تایبەتمەندیێن زانکۆیان راپۆتێن خوە بۆ وەزارەتێ بهنێرن، داکو خواندنا ئەڤ سالە نەفەوتیت.
ئەڤرۆ نیوز:
دەزگەهێن راگەهاندنا ئەمریکا دیار دکەن کو د ماوەیێ ٢٤ دەمژمێرێن بۆری دا ل ئەمریکا ٢ هزار و ٣٦٠ کەسێن دی ژ بەر کۆرۆنایێ جانێ خوە ژ دەست داینە و ب گشتی هەتا نها ٧٢ هزار و ٣٣٤ کەسان ل ئەمریکا ژ بەر ڤایرۆسێ کۆرۆنایێ جانێ خوە ژ دەست داینە.
ل گۆر دەزگەهێن راگەهاندنا ئەمریکا رێژا مرنا ژ بەر کۆرۆنایێ ل ئەمریکا کێمتر بوویە.
ئەڤرۆ نیوز:
سەرۆک مەسعود بارزانی سەرەخۆشیێ ل خێزانا شەهید عادل مهاجیر دکەت، ئەڤە ژی دەقێ پەیاما سەرۆک بارزانی یە.
ب ناڤێ خودێ مەزن و دلۆڤان
خێزانا بەرێز حاجی عومەر شێخ عەبدوللا مهاجیر
ب داخ و خەمەکا زۆر ڤە، نووچەیێ وەغەرا دووماهیێ یا حاجی عومەر شێخ عەبدوللا مهاجیر کەسایەتیێ ناڤدار یێ دەڤەرا سۆران و بابێ شەهید عادل مهاجیر گەهشتە مە.
کاک حاجی عومەر شێخ عەبدوللا مهاجیر کەسایەتیێ ناڤدار و نشتیمانپەروەر بوو و هەموو ژیانا خوە بۆ هندێ تەرخان کربوو، شەهیدبوونا کاک عادل ژی نموونەکا بەرچاڤ یا پەروەردا وی بوو.
سەرەخوشیێ ل خێزانا هەوە یا تێکوشەر و هەموو خزمێن مهاجیر دکەین و خوە ب شریکێ خەما هەوە دزانین.
ژ خودایێ مەزن دخوازین گیانێ کاک حاجی عومەر بێخیتە بەر رەحمەتا خوە و ئۆقرەیی و ئارامیێ ببەخشیتە ھەموو ئالیان.
انا للە و انا الیە راجعون
مەسعود بارزانی
٢٠٢٠/٥/٦
ئەڤرۆ نیوز:
نڤیسینگەها رۆژنامەڤانی یا وەزارەتا رەوشەنبیری یا روسیا راگەهاند کو پشتی چەندین پشکنین بۆ وەزیرا رەوشەنبیری ئەولیگا لیۆبیمۆڤا هاتە کرن دەرکەفت کو تووشی ڤایرۆسێ کۆرۆنایێ بوویە.
نڤیسینگەها رۆژنامەڤانی یا وەزارەتا رەوشەنبیری یا روسیا دیار دکەت کو وەزیرا رەوشەنبیری ل مالا خوە هاتیە کەرەنتین کرن و دێ ب رێیا ڤیدیو کۆنفرانسان کاروبارێ خوە برێڤە بەت.
ئەڤرۆ نیوز:
نەجیب ساوێرس ملیاردێرەکێ وەلاتێ مسرێ دیار دکەت کو هەکە بەری نها رێژا بەرهەمئینانا پەترۆلێ هاتبا کێمکرن بهایێ وێ وەسا ئەرزان نەدبوو و پێشبینی دکەت کو پشتی چەند مەهێن دی بهایێ هەر بەرمیلەکا پەترۆلێ بگەهیتە ٥٠ هەتا ٦٠ دۆلاران.
ناڤهاتی دیار ژی دکەت کو هەتا ١٨ مەهێن دی پەترۆل دێ زۆر گران بیت و پێشبینی دکەت کو بهایێ هەر بەرمیلەکا پەترۆلێ بگەهیتە سەد دۆلاران.
نيشاندان