ئەڤرۆ نیوز:
رێڤەبەریا ساخلەمیا گەرمیان راگەهاند، ئەو وەلاتیێ ل شارۆچکێ رزگاری یێ سەر ب قەزا کەلار تووشی کۆرۆنا یێ بووی چێبوو، ئەو تووشبوویێ کۆرۆنا یێ ل گەرمیان د ژیێ 29 سالیێ دایە و خۆجهێ ناحیا رزگاریە یا سەر ب قەزا کەلار ڤە، ل 24-4-2020 وەزارەتا ساخلەمیێ نووچەیێ تووشبوونا وی راگەهاند بوو.
هەروەسا گۆتیه، سێ جار ل سەر ئێک پشکنینا ڤایرۆسێ کۆرۆنا بۆ هاتیە کرن، ھەرسێ پشکنین نێگەتیڤ بوون و دەرکەفتیە ب تەمامی چێبوویە، ئەڤ شەڤە دێ نەخۆشخانێ بجهـ هێلیت.
ئه‌ڤرۆ نیۆز، عه‌زیز هه‌ورامی:
گروپی تیرۆرستی داعش ئێستا به سه‌رۆكایه‌تی سه‌ركرده‌ی نوێ ئه‌بو ئیبراهیم هاشمی قوڕه‌یشی بۆ ئه‌وه‌ی پێگه‌ی به‌هێزبكات و جێگه‌نفووسی هه‌بێت ده‌ستی كردووه به ڕێكخستنه‌وه‌ی هێزه‌كانی و په‌لاماردانی چه‌كداری بۆسه‌ر هێزه عێراقییه‌كان.
جه‌عفه‌ر شێخ مسته‌فا به‌رپرسی لقی 15ی خانه‌قینی پارتی، به ئه‌ڤرۆ نیۆزی ڕاگه‌یاند:” دووای وه‌ستاندنی هێرشه ئاسمانییه‌كانی هێزه‌كانی هاوپه‌یمانان چه‌كدارانی داعش له خانه‌قین و ده‌وروبه‌ری فراوان بوون، به ئاشكرا له ناوچه‌كه جوڵه ده‌كه‌ن، له سنووری نه‌فت خانه تاوه‌كو گونده‌كانی باقوبه و پاشان حه‌وزی حمه‌رین بووه‌ته موڵگه‌ی مانه‌وه‌یان”.
شێخ جه‌عفه‌ر شێخ مسته‌فا وتیشی:” چه‌كدارانی داعش عه‌ره‌به‌كانی گونده‌كان هاوكاریانن وه به‌شێكی ئه‌م چه‌كدارانه له‌و چه‌كدارانه‌ی حه‌شدی شه‌عبی پێكدێن پێشتر چه‌كداری حه‌شی شه‌عبی بوون ئێستا چه‌كداری حه‌شدی شه‌عبین و به‌تایبه‌تی هۆزی كوڕییه‌كان هاوكاری سه‌ره‌كی چه‌كداره‌كانن ، به‌شێكی تریشیان به‌ڕۆژدا به‌ناوی جووتیار له سنووره‌كه ده‌سوڕێنه‌وه هه‌ده‌فی كاره‌تیرۆرستییه‌كانیان دیاری ده‌كه‌ن و به‌شه‌ویشدا به چه‌كی قه‌ناسی زۆر پێشكه‌وتوو هێرش ده‌كه‌نه سه‌ر هێزه عێراقییه‌كان”.
داعش ده‌یه‌وێت ناوچه‌یه‌كی جوگرافی به‌ده‌سته‌وه‌بێت و بۆئه‌وه‌ش ئه‌و سنووره‌ی له نێوان هێزه‌كانی پێشمه‌رگه و هێزه عێراقییه‌كان به‌بێ بوونی هێزی ئه‌منی ماوه‌ته‌وه بووه‌ته مۆڵگه‌ی داعش، حكوومڕانی به‌سه‌ر ئه‌وناوچانه‌دا ده‌كات.
به‌رپرسی لقی 15ی خانه‌قینی پارتی ، وتیشی:” چه‌كدارانی داعش له ناوچه‌كه وه‌ك ئه‌لقه‌یی پێوه‌ندییه‌كانی خۆیان به‌ستووه‌ته‌وه ، ئه‌شكه‌وت و باخه‌كان بووه‌ته موڵگه‌ی مانه‌وه‌یان ، به‌پێ ئه‌و زانیاریانه‌ی ئێمه هه‌مانه زیاتر له 300 چه‌كداری داعش بوونیان هه‌یه و به‌رده‌وامیش له فراوان بووندان چه‌كی پێشكه‌وتوشیان پێده‌گات.
ئەڤرۆ نیوز:
کۆنترۆلا کارەبا ھەرێمێ ڕاگەھاند، ئاگەھداریا ھەڤبەشێن کارەبایێ دکەین کو ب ئەگەرێ ئاریشەکا تەکنیکی ل دو یەکەیێن ھەلمێ یێن وێستگەھا ھەولێر یا غازێ کو ب وێ چەندێ بەرھەمئینانا کارەبێ ب رێژا ۳۰۰ مێگاۆاتان کێم بوویە ، ب وێ چەندێ ل ھەر چار پارێزگەھێن کوردستانێ دێ سێ دەمژمێران کارەب کێم بیت.
هەروەسا گۆتیە، پشتی چارەسەرکرنا ئاریشێ و ڤەگەراندنا ھەردو یەکەیان دێ رەوشا پێدانا کارەبێ ئاسایی بیتە ڤە.
ئەڤرۆ نیوز:
وەزارەتا ساخلەمیا نەمسا کۆنترۆلکرنا کۆرۆنا یێ راگەھاند و دیار کریە، نوکە هژمارا چێبوویان زێدەترە ل هژمارا توشبوویان.
مالپەرێ سکای نیۆز بەلاڤکریە، وەزارەتا ساخلەمیا نەمسا راگەھاندیە ، ڤایرۆسێ کۆرۆنا یێ ل وی ولاتی ھاتیە کۆنترۆلکرن، دەمێ چەند رۆژانە هژمارا چێبوویان ژ یا تووشبوویێن د بن چاڤدێریا نۆشداری دا زێدەترە.
دیار کر ژی، قوناغا ئێکێ یا ئاسایکرنا رێکارێن بەرھنگاربوونا کۆرۆنا یێ سەرکەفتی بوویە و ژ ئەڤرۆ وێڤە دێ قۆناغێن دی دەستپێکەن.
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا سێ کەسێن دی ل شارۆچکێ سێبیران یێ هەولێرێ ب ڤایرۆسێ کۆرۆنا یێ راگەهاند.
هەروەسا گۆتیە، زەلامەکێ د ژیێ 37 سالیێ و ژنەکا د ژیێ 27 سالیێ و زارۆیەکێ د ژیێ 9 سالیێ دایە.
وەزارەتا ساخلەمیێ گۆتیە ، سەرجەم تووشبوویی خۆجهێن شارۆچکێ سێبیران یێ سەر ب قەزا خەباتن ل پارێزگەها هەولێرێ و بەرکەفتیێن تووشبوویێن ئەڤرۆ نە.
هەتا نوکە ل هەرێما کوردستانێ 391 کەس تووشی ڤایرۆسێ کۆرۆنا یێ بووینە، ژ وان ژی 347 کەس چێبووینە و پێنج کەسان ژی گیانێ خوە ژ دەستدایە.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند، د 24 دەمژمێرێن بوریدا پێنج هزار و 898 پشکنین ئەنجام داینە و تێدا دەرکەفتیە 85 کەس تووشی کۆرۆنا بووینە کو پرانیا وان ل بەغدانە.
هەروەسا گۆتیە هژمارا تووشبوویان ب ڤی رەنگی یه:
رەسافە ل بەغدا: پێنج تووشبوویی
کەرخ: 13 تووشبوویی
باژێرێ نۆشداری ل بەغدا: 16 تووشبوویی
نەجەف: دو تووشبوویی
کەربەلا: 13 تووشبوویی
کەرکووک: 12 تووشبووی
بەسرە: 19 تووشبوویی
میسان: ئێک تووشبوویی
موسەننا: ئێک تووشبووی
هەولێر: تووشبوویەک
گۆتیە ژی، چار تووشبوویان گیانێ خوە ژ دەستدایە، کو سێ ژ وان ل بەغدا نە ئێک ژی ل بەسرا، دیسان 27 تووشبوو چێبووینە.
ئەڤرۆ نیوز:
وەزارەتا دەرڤەیا ئیرانێ راگەهاند، سەرەرای بەلاڤبوونا ڤایرۆسێ كۆرۆنایێ حوکمەتا عیراقێ دخوازیت سنورێن وێ ل گەل ئیرانێ ڤەكری بن.
عەباس موسەوی پەیڤدارێ وەزارەتا دەرڤە یا ئیرانێ دیار کر، سەرەرای بەلاڤبوونا ڤایرۆسێ كۆرۆنا، سەرجەم وەلاتێن دەردورا ئیرانێ. ژ وان ژی عیراق، دخوازن سنورێن خوە ل گەل ئیرانێ ڤەكری بهێلن و بەردەوامیێ بدەنە ئالوگۆرا بازرگانی.
هەروەسا موسەوی گۆتیە، دەروازێن سنوری دناڤبەرا هەرێما كوردستانێ و ئیرانێ دا د ڤەكرینە و ئالوگۆرا بازرگانی برێیا وان دەروازان یا بەردەوامە.
ئەڤرۆ نیوز:
د. دلۆڤان محەمەد فاتح جەلال رێڤەبەرێ گشتی یێ ساخلەمیا هەولێر راگەهاند، پێنج تووشبوویێن دی یێن کۆرۆنا یێ چێبوون و سەرجەمێ گشتیی یێ وان کەسێن چێبووین گەهشتنە 178 کەسان.
هەروەسا گۆت ژی، پێنج تووشبوویێن ڤایرۆسێ کۆرۆنا یێ پشتی وەرگرتنا چارەسەریێن نۆشداری ب تەمامی چێبووینە و رەوشا ساخلەمیا وان تەمام یا جهگیرە، بریار هاتیە دان ڤەگەرنە مالێن خوە.
ئەڤرۆ نیوز:
وەزارەتا پەروەردا هەرێما کوردستانێ خشتێ ئەزموونێن گشتى بەلاڤکر، لدووڤ وی خشتەی ئەزموونا ئێکێ دێ ل ٢٨ خزیرانا ٢٠٢٠ هێتە کرن.
ئەڤرۆ سێشەمبی، 5 گۆلانا 2020 وەزارەتا پەروەردا حوکمەتا هەرێما کوردستانێ خشتێ ئەزموونێن گشتى بۆ سالا ٢٠١٩ ـ ٢٠٢٠ بەلاڤکر و هەمی ئەزموون دێ د ٢٠ رۆژان دا هێنە ئەنجامدان.
نيشاندان