ئه‌ڤرۆ نيوز:
نووترين نووچه
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
- نێچیرڤان بارزانی و ماكرۆنی ب هێزكرنا پەیوەندیێن فرەنسا ل گەل ئیراقێ و كوردستانێ گەنگەشەكر
- نێچیرڤان بارزانی: ئیراقێ بەرپرسیارەتییا قانوونی و ئەخلاقی د قەرەبۆكرنا كەسوكارێن ئەنفالێ دا یا هەی
- ب پارێزگەهبوونا هەلەبجە كێمترین پاداشتا قوربانی و ئێش و ئازارێن خەلكێ وێ یێ خەباتكەرە
- دڤێت حوكمەتا ئیراقێ كەسوكارێن ئەنفالكرییان ژ روویێ مادی و مەعنەوی ڤە قەرەبۆ بكەت
- مەسرور بارزانی پەیامەكا پیرۆزباهیێ ئاراستەی نووری مالكی دكەت
- سەرۆكێ حوكمەتا هەرێمێ دوپاتیێ ل پێشڤەبرنا پەیوەندییان ل گەل ئیتالیا دكەت
سهرهكى Twitter
ب وێنه: هڕوبارى ئه‌ڤه ب سه‌رێ ڤى خانى ئينا
دینارتە ، نەوزاد زادە ھلۆری:
شڤێدی ژ ئەنجامێ بارینا بارانێ ل گوندێ مێرگەرەش یا سەر ب ناحیا دینارتە بەرەکی َمەزن ب خانویێ وەلاتیەکێ دکەڤیت و زیانان دگەھینیت خانوی.
رەشید مێرگەرەشی خودانێ خانوی بۆ ئەڤرۆ نیوز گۆت: (شڤێدی ژ ئەنجامێ بارینا بارانێ بەرەکێ مەزن ل پشتا خانویێ من دھێتە خوارێ ب خانویی َمن دکەڤیت و د ئەنجام دا دیوارێ خانویی ل جھی َخوە دچیت و ئەڤە سەرەرای کو دیوار کونکریە).
زێدەتر گۆت: (ئەڤە ماوەیێ سالەکێ یە من خانویی َخوە چێکریە و ھێشتا و ئەگەر خانویێ من خانویێ بەران بایە دا ئەو بەرە ب سەرمەدا ھێتەخوار بەلێ سوپاس بو خودی َکو دیوار دیوارێ بلوک و سەبێ بوویە ئەگەر دا مەژی دگەل کوژیت).
مەلا غیاس مێرگەشەری کو ئەو ژی وەلاتیەکێ ھەما گوندی یە دیارکر کو ئەڤە چەندین سالە ئەو ل ھوڤیا حکومەتێ نە کو گوندێ وان ببنە خوارتر درۆست بکەن و جادەیا وان ژی چێبکەن و گۆت: (گوندێ مە ل ھنداڤا جھەکێ بلند ھاتیە چێکرن و ھەردەما بوویە باران بەر و ئاخ دھێتە خوارێ و ئەڤە چەندین جاران ژی یە بەرێن مەزن ھاتین خوارێ و ھەکە ل دەما ھاتنە خوارا بەران زاروک و ھەر کەسەک ل وێرێ بن ئێکسەر دێ ھێنە کوشتن).
خووشکا پەرلەمانتارەکا پارتی د دەریا ئیجە دا خەندقی
ئەڤرۆ نیوز، قائید میرۆ:
خووشکا پەرلەمانتارەکا پارتی د ناڤا دەریا ئیجەدا خەندقی و فڕاکسیۆنا پارتی ژی دبێژیت، ژبلی خووشکا پەرەمانتارێ دو زارۆ ژی د گەل خەندقینە”.
ژێدەرەکی ژ فڕاکسیۆنا پارتی دیموکراتی کوردستان بۆ ئەڤرۆ نیۆز راگەھاند: “بەری چەند رۆژان خووشکا پەرلەمانتارا پارتی دکتۆر ڤالا فەرید سەرۆکا لیژنا قانوونی بەرەف دەرڤە دچوون و د ناڤا دەریا ئیجە دا ب زارۆ ڤە خەندقیە و نوکە تازى ژى بۆھاتیە دانان”.
ژێدەرێ نەڤیاى ناڤێ وی بھێتە بەلافکرن گۆتژی: “تەرمێ خووشکا پەرلەمانتارا پارتی و زارۆیێن وێ ھاتینە دیتن د ناڤا دەریا ئیجە دا، بەلێ پشتی 10 رۆژێن دی دێ تەرمێن وان ڤەگەڕێن ھەرێما کوردستانێ”.
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
ئه‌ڤرۆ رێكه‌فتى 6ى شوباتا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
مافێ کرێکارێن گیانێ خوە ژ دەست دای ناھێتە خوارن
ئەڤرۆ نیۆز، قائید میرۆ:
پشتی دوھی د روویدانەکێ دا لباژێڕێ ھەولێرێ نێزیکی 20 کرێکاران گیانێ خوە ژدەستدای، رێڤەبەرێ گشتیێ کاری رادگەھینیت، گورەی قانوونێ دێ پێڕابوون ھێنە وەرگرتن.
دکتۆر عارف حیتو، رێڤەبەرێ گشتیێ کارو دەستەبەرا کۆمەلایەتی ب ئەڤرۆ نیۆز راگەھاند”لایەنێن پەیوەندیدار دێ دوڤچوونا ئەگەرێ روویدانا ئاگری کەن یا دوھی لباژێڕێ ھەولێرێ چێبووی تێدا 19 کرێکارا گیانێ خوە ژدەستدای، بەلێ ئەگەر ھاتبنە دەستەبەرکرن ژلایێ قانوونیڤە دێ مافێ ل خوەدیێ کاری ھێتە وەرگرتن، بەرۆڤاژی چو ماف نابن ئەڤان کرێکارێن بووینە قوربانی.
حیتوی گۆتژی” وەزارەتا کارو کاروبارێن جڤاکی چو رێنمایێن نوو بۆ کرێکارێن بیانی دەرنەکریە، تنێ کار ب قانوونێن وەزارەتێ دھێتەکرن، نوکە گورەی قانوونا ھژمارەکا زۆرا کرێکارێن بیانی لھەرێما کوردستانێ کاردکەن.
ژمارا وه‌لاتێن هه‌رێمێ يێ د ده‌ريا ئيجه دا خه‌ندقى هاته ئاشكه‌را كرن
ئه‌ڤرۆ نيوز:
ده‌شتى جه‌مال سكرتێرێ فيدراسيۆنا سه‌رتاسه‌رى يا كۆچبه‌ران ل عيراقێ د كۆنگره‌كێ رۆژنامه‌ڤانى دا ل سلێمانيێ راگه‌هاند كو د ماوێ سالا بۆرى و هه‌تا نها دا 388 وه‌لاتيێن هه‌رێما كوردستانێ د ده‌ريا ئيجه دا خه‌ندقينه، ژ وێ ژمارێ ژى ل هه‌ريڤا بۆرى ب تنێ 134 كه‌س بووينه.
ده‌شتى جه‌مال ئاماژه ب وێ چه‌ندێ ژى كر كو بڕياره ئه‌ڤرۆ ده‌مژمێرى 6ى ئێڤاريا رۆژا شه‌مبى رێكه‌فتى 6ى شوباتا 2016ێ ته‌رمێ 25 وه‌لاتيێن دى يێن هه‌رێمێ بگه‌هيته فرۆكخانا هه‌ولێرێ.
داکو خالێن رەشێن سەر دفناتە نەمینن
ئه‌ڤرۆ نيوز
ھندەک رێ ھەنە تۆ دشێی ڤان خالێن رەش ل سەر دفنا خوە نەھێلی و دبیت بەری نکە تە بزاڤ کربن چارەسەر بکەی، بەلێ چ کارتێکرن نەکربیت، تو ب خوە ییە دختورا خوە و ڤان پێنگاڤان ل مال بکاربینە، پیچەکا مەعجینێ ددانا دانە سەر فرچێ تایبەت ب تەڤە، پاشان فرچەی تەر بکە و ئەو جھێ خالێن رەش ژی ل سەر تەر بکە، ب شێوەکێ بازنەی ل سەر دفنا بینە و ببە، بەلێ ھشیار بی نێزیکی چاڤێن تە نەبیت، ئەڤ رێیە دێ ھەتا رادەکێ مەزن کارتێکرنێ ل دێمێ تە کەت، بەلێ بێگومان 100% چارەسەریێ نادەتە، رۆژانە و بەردەوام بکاربینە داکو ئەڤ خالە ب ئێکجاری نەمینن، ھەر جارەکا تە ڤیا ڤێ رێکێ بکاربینی فرچێ خوە یێ ددانا باش پاقژکە.
سه‌رۆك بارزانى و لايه‌نێن سياسى دێ كۆم بن
ئه‌ڤرۆ نيوز:
بڕياره سوبه‌هى كۆمبوونا دويێ يا سه‌رۆكێ هه‌رێما كوردستانێ ل گه‌ل لايه‌نێن سياسى يێن كوردستانێ بهێته ئه‌نجام دان.
فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ راگه‌هاند: سوبه‌هى كۆمبوونا دويێ يا مه‌سعود بارزانى، سه‌رۆكێ هه‌رێما كوردستانێ ل گه‌ل لايه‌نێن سياسى يێن باشوورێ كوردستانێ بهێته ئه‌نجام دان.
فوئاد حسێن بۆ K24 ئاشكه‌را كر كو ئه‌ڤرۆ 6ى شوباتا 2016ێ كۆمبوونا ناڤبه‌را ئه‌ندامێن كۆميتا كاراكرنا په‌رله‌مان و حوكمه‌تێ ب رێڤه بچيت و نوكه كۆمبوونێ يا ده‌سپێكرى.
محه‌مه‌د حاجى په‌يوه‌ندى ب پارتى كر
ئه‌ڤرۆ نيوز:
تۆڕا ميدياى يا رووداو ل پۆرتالێ خوه يێ ديجيتال ميديا به‌لاڤكريه كو محه‌مه‌د حاجى ئه‌ندامێ به‌رێ يێ جڤاتا نشتيمانيا گۆڕان په‌يوه‌ندى ب پارتى ديموكراتى كوردستان كر.
محه‌مه‌د حاجى پێشتر به‌رپرسێ ژوورا په‌يوه‌نديێن بزاڤا گۆڕان بوو و پشتى جودابوونا خوه ژ گۆڕان د چه‌ندين هه‌لكه‌فتان دا ئه‌گه‌رێن ده‌ست ژ كار كێشنانا خوه راگه‌هاند بوون.
ديسا ده‌رباره‌ى كارێ وى يێ سياسى يێ داهاتى ژى دا بوو زانين كو ئه‌و دێ چيته ناڤ رێزێن پارتيه‌كێ كو گرنگيێ ب بابه‌تێ ده‌وله‌تبوون و سه‌به‌خۆيا كوردستانێ بده‌ت وه‌كو ئاماژه‌ك بۆ پارتى ديموكراتى كوردستان به‌لێ بێى كو ناڤێ وێ ببێژيت.
ل دهۆكێ 418 كه‌سان ب نه‌خۆشيا په‌نجه‌شێرێ گيانێ خوه ژ ده‌ست دايه
ئەڤرۆ نیوز، لەزگین جۆقی:
د پرێس کونفرانسەکى دا ئەڤرۆ 6 شوبانا 2016ێ ل ھۆلا رێڤەبەریا گشتيا ساخلەمیا پارێزگەھا دھۆکێ ب ھەلکەفتا رۆژا جیھانیا پەنچەشێرێ، چەندین ئامارێن تووشبویێن ئەنچەشێرێ ھاتنە راگەھاندن و داخواز ژ وەلاتیان ھاتیە کرن پێش وەخت پشکنینێن خوە بکەن.
د. زەکی عه‌لى بەرواری رێڤەبەرێ سەنتەرێ نەخۆشیێن په‌نجه‌شێرێ ل دھۆکێ دیارکر کو سالا 2015ێ ل سەرانسەری پارێزگەھا دھۆکێ 1022 تووشبویێن په‌نجه‌شێرێ یێن ھاتنیە تۆمارکرن بەرامبەر ل گه‌ل سالا 2014ێ رێژه دکێمبوونێ دایە، سالا 2014ێ ل سەرانسەری دھۆکێ 1160 کەس ھاتبوونە تۆمارکرن و گۆتژی: “ل سالا بۆری 418 کەسان ژ بەر نەخۆشیا په‌نجه‌شێرێ گیانێ خوە ژ دەست داینە و سالا 2014 ژێ ل پارێزگەھا دھۆکێ په‌نجه‌شێرێ دووماھی ب ژیانا 310 وەلاتیان ئینایە”.
د. زەکی عەلی ئەو ژی دیارکر کو ب پشتەڤانیا سندوقا په‌نجه‌شێرێ 11 وەلاتيێن نەخۆش بۆ وەلاتی تورکیا یێن ھاتینە رەوانەکرن، لێ پارێزگەھا دھۆکێ ئامیرێ تیشکێ نينە، وەلاتی قەستا پارێزگەھێن دى دکەن و داخوازێ ژ خەلکێ خوە دکەين پێش وەخت پیشکنینا خوە بکەن و ھاتنا ئاواران زۆر بارگرانی یا دروستکری، چونکو بەغدا ب تنی رێژا 20% دەرمانێن په‌نجه‌شێرێ بۆ ھەرێمێ رەوانە دکەت د وەختەکى دا ئاوارێن سێ پاریزگەھێن عیراقێ ل ھەرێمێ نە و رێژا تووشبویێن په‌نجه‌شێرێ د ناڤ ئاواران دا ژى گەلەک زێدەتره ژ وێ رێژا دەرمانێن په‌نجه‌شێرێ یێن بەغدا بۆ ھەرێمێ رەوانە دکەت، داخوازێ دکەين بەغدا پێداچوونێ د وێ رێژا دەرمانێن په‌نجه‌شێرێ دا بکەت و بەھرا ھەرێمێ زێدەتر لێ بکەت ژ بەر رێژا زۆر يا ئاواران ل ھەرێمێ.
نيشاندان
WP Facebook Auto Publish Powered By : XYZScripts.com