ئەڤرۆ نیوز:
چیڤانوکا تەپا پێ یا بەرازیلی بیلە دیارکر وەلاتی یێ وی و کابتنێ ھەلبژارتیێ بەرازیل نیمار نە ل ئاستێ مێسی و رونالدوی یە و ئاستێ ھەردو یاریزانان ژ یێ نیماری باشترە ل ڤی دەمی .
زێدەتر بیلە بۆ رۆژناما مارکا ئیسپانی دیارکر شارازیەکا باش ل سەر نیماری ھەیە و ھەر ژ زاروکینا وی دیڤچوونا ئاستێ وی کری یە و زانی دێ بیتە ستێرەکا باش ل جیھانی و ل سەر ئاستێ بەرازیل لێ ل ڤی دەمی ئاستێ وی ژ ھەردو یاریزانان مێسی رونالدوی باشتر نینە و ھەکە پرسیار ژێ بھێتەکرن کی باشترین یاریزانە نوکە ل جیھانێ ئەو دێ مێسی ھەلبژێریت، رونالدوی ژی بینت ئاستێ وی گەلەک یێ باشە لێ شێوازێ کرنا یاریا مێسی یا ژ وی چیاوازە و باشترە.

ئەڤرۆ نیوز:
راھێنەرێ یانا مانچستەر یوناید یێ پرتوگالی جوزێ مورینھوی دڤێت ل وەرزێ نوو یێ خولا ئینگلتەرا پێکھاتیەکێ ب ھێز بۆ یانا مان یوناید دروست بکەت و جارەکا دی ھەڤرکیێ ل سەر ناسناڤێن نافخوی و ئورۆپی بکەت، رۆژنامەیێن ئیسپانی وەسا داینە دیارکرن مورینھوی ستێرکا خوە ل دو یاریزانێن خولا ئیسپانی گرتی یە ئەوژی یێ ئێکێ یاریزانێ یانا ئەتلەتیکو مەدرید کیرزمان کو ئارمانجا خوە کری یە ئەڤ یاریزان و یاریزانێ دوێ کیڤێن گامێرو یاریزانی سیڤلیا کو یانا بەرشەلۆنا ژی ئەڤی یاریزانی دخوازیت .

ئەڤرۆ نیوز،ھەژار مەعروف:
ھەلبژارتیێ ھەرێما ئەبخازیا مێڤاندارا قارەمانیا کونیفا یا ئەڤ سالە بەری دەمەکێ کێم شیا ناسناڤێ قارەمانیا کونیفا ب دەستخوڤە بینت پشتی شیای ل یاریگەھا دینامو سوخومی سەرکەفتنێ ل سەر ھەلبژارتیێ ھەرێما پەنجاب یێ ھندستانی توماربکەت ب لێدانێن پەنەلتیا حەفت ب شەش و ھەلبژارتیێ ئەبخازیا بۆ جارا ئێکێ د دیروکا خوە دا شیا ب ڤی ناسناڤی بھێتە خەلاتکرن کو پشتی یاریێ جەماوەرێ مەزن ئاھنگ و شەھیانێن سەرکەفتنێ ل ناڤا جادە و یاریگەھێ گێرن ب ھەلکەفتنا برنا قارەمانیا کونیفا یا ھەرێمێن جیھانێ.
ھەلبژارتیێ قوبرس تورکی رێزا سیێ ھات د قارەمانیێ دا پشتی شیای سەرکەفتنێ ل سەر ھەلبژارتیێ ھەرێما پادانیا یا ئیتالی توماربکەت ب دو گولان بێ بەرامبەر .
ھەژی گوتنێ یە ھەلبژارتیێ کوردستانێ ژی د ڤێ قارەمانیێ دا یا پشکدار بوو ل رێزا ھەشتێ ھات د ڤێ قارەمانیێ دا پشتی دو سەرکەفتنا و سێ خوسارەتیا ل دیڤ ئێک.

ئەڤرۆ،ھەژار مەعروف:
پشتی ھەلبژارتیێ کوردستان دوھی د دووماھی یاریا خوە د قارەمانیا کونیفا دا ل گەل ھەلبژارتیێ کوریا ئیکگرتی خوسارەت بووی ب لێدانێن پەنەلتیا کو ئەڤ خوسارەتیا د بوو خوسارتیا سیێ ل دیڤ ئێک ھەلبژارتیێ کوردستانێ د قارەمانیا کونیفا یا ٢٠١٦ توماربکەت ب لێدانێن پەنەلتیا کو ل قوناغا ھەشێ ل گەل پادانیا خوسارەت بووی ل ھەردو یاریێن خوە یێن دەست نیشانکرنا رێزا پێنجێ ھەتا ھەشتێ خوسارەت بوو ل گەل ئەرمینا و کوریا ئیگرتی.
پشکداریا ئەڤ سالە یا ھەلبژارتیێ کوردستانێ د ھێتە ھژمارتن لاوازترین ئەنجام د مێژویا پشکداریێن ھەلبژارتیێ کوردستانێ د قارەمانیێن بوری دا کو ژ سەرجەمێ ١٢ ھەلبژارتیا رێزا ھەشتێ ھات و ل رێزا دووماھیێ ل قوناغا دوێ ئانکو ھەشتێ ھات.
عەبدوللە مەحمود کو دو جاران سەرپەرشتیا راھێنەریا ھەلبژارتیێ کوردستانێ کریە ل شەش قارەمانیێن بوری دا سەبارەت ئەنجامێن کوردستانێ گوت:ئەوا ئەڤ سالە بۆ ھەلبژارتیێ کوردستانێ ھاتیەکرن بۆ چو ھەلبژارتین دی نە ھاتبووکرن کو راھێنەری ل دیڤ حەزا خوە و دلێ خوە یاریزان ھەلبژارتبوون کو د مێژویا کوردستانێ دا پێکھاتیەکی ھوسا باش نە ھاتیە ، راھێنەرێ ھەلبژارتیێ کوردستانێ یێ نوکە ھەمی گاڤان دیارکرن ئەز ھەژی راھێنەریا ھەلبژارتیێ کودستانێ مە و دیارکر بوو ئەوا بۆ راھێنەران د ھێتەکرن بوو من ژی بھێتەکرن دێ شێم قارەمانیا کونیفا ب سانەھی ب دەستخوڤە بینم، بەلێ مخابنی ڤە پشتی بوویە راھێنەر نەشیا ئەنجامەکێ باش توماربکەت و خودانێ باشترین پێکھاتی و باشترین بەرھەڤی بوو لێ لاوازترین ئەنجام د قارەمانیێ دا تومارکر
ناڤبری ئاماژە ب وێ چەندێ ژی کر ھەبوونا دەستەیا رھێنەری ل گەل خسرو گورون بتنێ تەمامکرنەک بوو ژبەرکو ئەوی چو دەرفەت نە دابوو ئەوان ھەردیسان ئەوی یاریزان ھەلبژارت بوون و دیارکر ژی رێڤەبرنا ھەلبژارتیێ کوردستانێ یان ھەر ھەلبژارتیەکی نە یا ب سانەھی یە وەکو خسروی بەری نوکە دیارکر بوو رێڤەبرنا ھەلبژارتیێ کوردستانێ یا ب سانەھی یە لێ دووماھیا وی ب لاوازترین ئەنجام قارەمانی ب جە ھێلا.
سلێمان رەمەزان کو سەرپەرشتیا ھەلبژارتێ کوردستانێ کری یە د سێ قارەمانیێن بوری دا ژلایێ خوڤە گوت: ئەو دەلیڤەیا بۆ ھەلبژارتیێ کوردستانێ ئەڤ سالە پەیدابووی چو سالێن بوری نەبوو زحمەت ھەبیت ژێ ژبەرکو ھەمی یاریزانانێن یانێن خولا عیراقێ یێن کوردستانێ د بەرھەڤبوون و یاریزانان ب خوە بزاڤکرن داکو ناڤێ وی ل گەل پێکھاتیێ کوردستانێ بیت و راھێنەرێ ھەلبژارتیێ کوردستانێ باشترین یاریزان ل سەر ئاستێ کوردستانێ ھەمی ھەلبژارت بوون لێ پشکداریا ئەڤ سالە ژ ھەر سالەکا دی لاوازتر بۆ وەکو ئەنجام ئەڤەژی بۆ راھێنەر و دەستەیا وی ھەردیسان ئێکەتیا تەپا پێ ڤەدگەریت و بەشەکێ کێم یاریزان بەرپرسن لێ رێژەیا مەزن بۆ راھێنەری ڤەدگەریت.
ناڤبری ئاماژە ب وێ چەندێ ژی کر راھێنەرێ ھەلبژارتیێ کوردستانێ ل سێ یاریێن دووماھیێ دا نەشیا شاشی و خالێن خوە چارەسەر بکەت کو ل سێ یاریان ل دیڤ ئێک ب لێدانێن پەنەلتیا خوسارەت بوو کو نەشیا گوھورینەکێ د شێوازێ کرنا یاریێ دا بکەت و ئاستێ قارەمانیێ وەکو رێکخستن یا دیاربوو گەلەک باش بوو لێ ئاستێ ھەلبژارتیا نە وەکو قارەمانیا بوری بوو یا سالا ٢٠١٤ و تایبەت ئاستێ ھەلبژارتیێ پادانیا نە ئەو ھەلبژارتیی بوو ئەوا پشکداری د قارەمانیێن بوری دا کری و بێ بەرھەڤی بەری قارەمانیێ ب حەفتیەکێ راگەھاند دێ پشکداریێ کەت .
رێبین رەمزی رۆژنامەڤانێ وەرزشی دیارکر بەرپرسێ ئێکێ ژ ئەنجامێن لاوازێن ھەلبژارتیێ کوردستانێ بتنێ راھێنەرێ ھەلبژارتیێ کوردستانێ یە ژبەرکو چو شێوازێ دروست یێ یاریێ نەبوو ھەردیسان نە یێسەرکەفتی بوو د خاندنا یاریێ دا بەرامبەر ھەلبژارتیێن بەرامبەر کو شێوازێ کرنا یاریا وی یێ دیارو بەرچاڤ بوو ھەمی تیمێن بەرامبەر شێوازێ کرنا یاریا وی زانی بو ئەوی ژێ شیان نەبوون گوھورینا شێوازێ کرنا یاریێ .
ل دووماھیێ شروڤەکەرێ وەرزشی ل کەنالێ روداو شوان محەمەد دیارکر ئەگەرێ خوسارەتیێن ھەرسێ یاریێن بوری بتنێ راھێنەرێ ھەلبژارتیێ کوردستانێ بەرپرسیارە ژبەرکو چو پیلان و د یاریێ دا نەبوون و یاریی ب چەند یاریزانان کر ل سەر بنیاتێ ناڤێ وی نە ل سەر ئاستێ ھونەری و شیانێن وی ھەردیسان چو پێکھاتیێ خوە جە نەبوو ل ھەر پێنج یاریێن پشکدرای کر ھەر یاریەکێ پێکھاتیەکی یاری کر .
ناڤبری دیارکر ژی پێدڤی یە ئێکەتیا تەپا پێ وانەیەکێ ژ ڤێ خوسارەتیا ئەڤ سالە و قارەمانیێ وەربگریت داکو چو جارێن دی توشی خەلتیێن ئەڤ سالە بووی نەبیتە ڤە.
ھەژی گوتنێ یە ھەلبژارتیێ کوردستانێ د قارەمانیا کونیفا یا ئێکێ دا ل سالا ٢٠٠٨ ل وەلاتێ سوید رێزا چارێ ھاتبوو ژ سەرجەمێ ھەشت ھەلبژارتیا و د ھەردو قارەمانیێن ٢٠٠٩ ل ئیتالیا و ٢٠١٠ ل مالتا ھەلبژارتیێ کوردستانێ رێزا دوێ ھاتبوو پشتی ل یاریا دووماھیا قارەمانیێ خوسارەت بووی ل گەل پادانیا و ل سالا ٢٠١٢ شیابوو ناسناڤی ب دەستخوڤە بینت و ل سالا ٢٠١٤ ل سوید ھەلبژارتیێ کوردستانێ رێزا پێنجێ ھاتبوو.