ئه‌ڤرۆ نيوز:
تانوكه ژماره‌كا وه‌لاتێن وه‌كو ماليزيا و توركيا و يابان و ئه‌نده‌نوسيا راگه‌هاند كو سوبه ئێكه‌م رۆژا ره‌مه‌زانێ يه و وه‌لاتێ مه‌غرب ژى رۆژا سێ شه‌مبى وه‌ك ئێكه‌م رۆژا ره‌مه‌زانێ دياركر.
مه‌ريوان نه‌قشبه‌ندى رێڤه‌به‌رێ په‌يوه‌نديێن وه‌زاره‌تا ئه‌وقاف و كاروبارێن ئاينى ئاشكراكر كو هه‌رێما كوردستانێ پشكه‌كه ژ عيراقێ و جيهانا ئيسلامى، له‌وما دێ ل گه‌ل ديوانا وه‌قفا سونى هه‌ماهه‌نگيێ كه‌ين و ل ده‌مژمێر 7 بۆ 9 ئه‌ڤ شه‌ڤه دێ ئێكلا بيت.
ئەڤرۆ،ھەژار مەعروف:
راھێنەرێ ھەلبژارتیێ عیراقێ رازی شنێشل ناڤێ ٢٨ یاریزانێن نوو بۆ پێکھاتیێ نوو یێ ھەلبژارتیێ عیراقێ بوو کەمپا راھێنانی یا باژێرێ ھەولێرێ داخازکرن کو دناڤا وێ لیستەیێ دا نازێ شەش یاریزانێن کورد ل گەل دا بوون ژ ئەوانا یاریزانەکێ یانا دھۆک ل گەل دا بوو ئەوژی بەیار ئەبو بەکر و ھەردیسان دو یاریزانێن ھەولێرێ ئەوژی دلێر حاتم گولچی و میران خسرو.
ل دیڤ دووماھی پێزانین کەڤتینە بەر دەستێ رۆژناما ئەڤرۆ راھێنەرێ ھەلبژارتیێ عیراقێ
ھەر د ڤێ لیستەیێ دا چار یاریزانێن کورد یێن ل خولێن ئورۆپی یاریێ کەن دناڤا وێ لیستەیێ دا نە ئەوژی ئالان محیادین ژ یانا یونگشیلە یا سویدی و رێبین ئەسعەد ژ ھالمساد سویدی و شوان جەلال گولچیێ یانا ماکسفلید یا ئینگلیزی ئەوا دخولا پلا چار دا یاریێ کەت.
ئەڤرۆ نیوز:
سکرتێرێ ھونەری یێ یانا بەرشەلۆنا روبێرتو فیرنادیز بۆ دەزگەھێن راگەھاندنا کەتەلونی دیارکری یە ئەو بۆ وەرزێ نوو یێ خولا ئیسپانیا و قارەمانیێن ئورۆپی دێ پشت بەستنێ ل سەر ھەردو گولچیێن خوە کلاودیو براڤو و تێر شتیگێن کەن و ئەوان ھزر ل فروتنا چو گولچیێن خوە نینن ئەو دەنگوباسێن دھێنە بەلاڤەکرن چو راستی بۆ ئەوان دەنگوباسان نینە، کو ل ماوێ بوری دا چەندین دەنگوباس ھاتینە بەلاڤەکرن شتێگین دێ بەر ب خولا ئینگلتەرا ڤە چیت تایبەت ئێک ژ ھەردو یانێن مانچستەر سیتی و لیڤەرپول .
ئەڤرۆ نیوز:
پشتی ل چەند رۆژێن بوری ب فەرمی ھاتیە راگەھاندن یاریزانێ ئەلمانی و بروسیا دورتموند گوندوگان ھاتیە ڤەگوھاستن بۆ یانا مان سیتی بۆ وەرزێ نوو، یانا ناڤبری بۆ دیارکر راھێنەرێ وێ یێ نوو یێ ئیسپانی پیپ گواردیولای سێ ھەڤبەست رەتکرن ژبەر گوندوگان ئەوژی ھەر ئێک ژ دیاگو ئەلکانتارا یاریزانێ یانا بایرن میونیخ و یاریزانێ فەرەنسی یانا لیستەر سیتی کانتی و ریناتو شانشێز یاریزانێ پرتوگالی ئەوێ بەری چەند حەفتیە ھەڤبەستا بایرن میونیخ ئیمزاکری کو گواردیولای ئەو ھەمی یاریزان رەتکرن بوون.
ئەڤرۆ نیوز:روندک زەکی:
ھەرمان محەمەد پێشکێش کار و ریڤەبەری ھۆنەری ل کەنالێ وار شڤێدی ل دەما وێنەکرنا چەند دیمەنەکا ژبۆ مھا رەمەزانێ توشی رویدانەکی بوویە و ئێکسەر ھاتیە ڤەگوھاستن ژبۆ نەخوشخانا تەنگاڤیا ل دھۆکێ.
کاروان مێسکی دەرھێنەرێ پرۆگرامێ شەیدا کودێ ژلایێ ھەرمانی ڤە ل مھا رەمەزانێدا ھێتە پیشکێشکرن دیارکر کو شڤێدی ئەو مژیلی جەند دیمەنکا بوون دناڤا ستودیویێن کەنالێ وار ئەڤ دیمەنەژی وەکو کامیرا ڤەشارتی بۆ و ل دەمەکی کەسەک ھەرمانی پال ددەت ھوسا ملێ ھەرمانی ب دەرجا ستودیویێ دکەڤیت و ھەروی دەمیدا مە رەوانەی نەخوشخانا تەنگاڤیان کر دیار بۆ کو ملێ وی د سێ جھانرا یێ شکەستی .
مێسکی گۆتژی: کو ئەڤرۆ نیشتەرگەریەک بۆ ھاتە ئەنچام دان و نھا رەوشا ویا باشترە، بەلێ نەشێن دیار بکەین کادی کەنگی شێت پروگرامی پێشکێش کەت.
ئەڤرۆ، فاتما مزووری:
دروستکرا ھێدفۆنا گوھی بۆ سالا 1980 ڤەدگەریێن، کو ژ لایێ کۆمپانیا سونی ڤە ھاتیە دروستکرن، د پێناڤی کێمکرنا ئەوی دەنگێ بێزارکەر یێ ل ناڤ جھێن گشتی دا، پاشان بۆ پێدڤیەکا رۆژانە.
ب گۆرەی نووچەکێ نوشداری یێ مالپەرێ “alaan” ھێدفۆنێ زیانێ مەزن و مەترسیدار یێن ھەین و کارتێکرنێ ل سەر ساخلەمیا لاشی و پیستی دکەت کو پێکھاتینە ژ:
بلندکرنا دەنگێ ھێدفۆنێ بۆ رێژەکا بلند، دبیتە ئەگەرێ کێمبوونا ئاستێ گوھۆلێبوونێ، رەنگە بگەھیتە ئاستێ نەمانا گوھلێبوونێ ب تەمامی.
بکارئینانا ھێدفۆنێ دبیتە ئەگەر کو تە ھاش روودانێن دەوروبەرێن خوە نەمینیت، ھەر ژ ئەگەرێ وێ چەندێ ژی تووشی حالەتێن نەخواستی ببی.
ئێک ژ خرابترین مەترسیێن وێ ئەوە، دەمێ وەرزشێ خوین د ھەموو لاشێ مرۆڤی دا دگەریێت دا چالاک بکەت، بکارئینانا ھێدفۆنێ ناھێلیت خوین بگەھیتە گوھی.
بکارئینانا ھێدفۆنێ بۆ زارۆ و سنێلان ئێکجار یا خرابە و زیان زێدەترە، چونکو زیانێ دگەھینیتە گوھلێبوونێ و ب رەنگەکێ گەلەک زێدەتر د ژیێ مەزناتیێ دا، چونکو د گەشێ دایە ب تایبەت کوڕان.
پێدڤیە رۆژانە ھێدفۆنێ پاقژ بکەی، چونکو بەکتریایەکا زێدە دچیتە د ناڤ دا، ژبلی وێ چەندێ ژی ھێدفون ژ وان ئامیرایە یێن ل سەر جھێ کاری و ل مال وھەموو جھان بکاردئینی و بەردەوام یا ل گەل تە، ژێدەرێ پترترین جۆرێن بەکتریایێ یە کو ئێکسەر بۆ سەر پیستی ڤەدگوھێزیت و دبیتە ئەگەرێ دروستبوونا زبکان.
ئه‌ڤرۆ نيوز:
ژ ئەگەرێ تێکچوونا رەوشا ئابووری یا حوکمەتا ھەرێما کوردستانێ، پێشبینی دھێتە کرن کو ئێدی بەلاڤکرنا گازا سپی یا بەری نھا ژ ئالیێ حوکمەتێ ڤە ب بۆھایێ 40 ھزار دیناران بۆ ئێک بەرمیل ژ دەستێن حوکمەتێ دەرکەڤیت و ببیتە بازرگانی و بکەڤیتە د دەستێ کەرتێ تایبەت دا و بۆھا ژی ژ 40 ھزار دیناران گرانتر لێ بھێت. سەرۆکێ لیژنا پیشەسازی و ووزێ ژی ل جڤاتا پارێزگەھا دھۆکێ راگەھاند کو پلێتا ژمارە دو یا زڤستانا سالا بۆری ناھێتە مەزاختن و ئێدی بۆ زڤستانا ئەڤ سالە ژی چو پلێت نینن و دێ گازا سپی ب بازرگانی ھێتە فرۆتن.
عەبدولسەمەد تێلی، سەرۆکێ لیژنا پیشەسازی و ووزێ ل جڤاتا پارێزگەھا دھۆکێ بۆ ئەڤرۆ راگەھاند، ل مەھا ئێک ژ ئەڤ سالە یا 2016 بریار ژ وەزارەتا سامانێن سرۆشتی دەرچوو بوو کو ئێدی کار ب پلێتێن گازا سپی نەھێتە کرن و چو پلێت نەھێتە مەزاختن و ھوسا پلێتا ژمارە دو ئەوا مایە د دەستێن خەلکی دا پووچ بوو، چونکو وەزارەتا سامانێن سرۆشتی راگەھاند کو د شیانێن وان دا نینە ڤێ پشتەڤانیێ بۆ خەلکی بکەن، لەوما بەلاڤکرنا گازا سپی ل سەر وەلاتیان ب پلێت ھاتە راگرتن و پلێتا ژمارە دو نەھاتە مەزاختن.
سەرۆکێ لیژنا پیشەسازی و ووزێ ل جڤاتا پارێزگەھا دھۆکێ ئاشکرا کر، بەری ھینگی پشتەڤانیا گەلەک کەرتێن دی ژ ئالیێ حوکمەتێ ڤە دھاتە کرن، بۆ نموونە پشتەڤانیا موەلیدان دھاتە کرن ب دانا گازوایلێ، و ئەو پشتەڤانیە د بۆ ئەگەر کو بۆھایێ ئەمپێرێ کارەبێ یێ ھەیڤانە ل سەر خەلکی دھاتە کێمکرن، بەلێ ئەو پشتەڤانیە ھاتە راگرتن، ھەروەسا پشتەڤانیا کەرتێ ھێلێن ناڤخۆ وەکو تەکسی و رەف و ترۆمبێلێن بارھەلگر دھاتە کرن و پشتەڤانیا کارگەھان دھاتە کرن و ئەڤ پشتەڤانیە ھەموو ھاتینە راگرتن.
تێلی ئاماژە دا وێ چەندێ ژی کو ھەتا بەری نھا پشتەڤانیا ترۆمێلێن حکوومی یێن رێڤەبەریێن میری دھاتە کرن، بەلێ خوە ئەو پشتەڤانیە ژ ل 14/5/2015 ھاتیە راگرتن ب نڤیسارەکا وەزارەتا سامانێن سرۆشتی و گۆت ژی: ھەر د ڤی چارچووڤێ نەمانا پشتەڤانیێ دا و ژ ئەگەرێ تێکچوونا رەوشا دارایی یا حوکمەتا ھەرێما کوردستانێ، بەلاڤکرنا گازا سپی ژ ئالیێ حوکمەتێ ڤە یا ھاتیە راگرتن.
ل دور چارەسەریێ ژی، عەبدولسەمەد تێلی، سەرۆکێ لیژنا پیشەسازی و ووزێ ل جڤاتا پارێزگەھا دھۆکێ ئاشکرا کر کو ئەم نھا ل پێگوھۆرەکی دگەرین کو گەلەک کارتێکرن ل سەر خەلکی نەھێتە کرن کو د خزمەتا خەلکی دا بیت و رەنگە پارەیەکێ گەلەک کێم بچیتە سەر بۆھایێ بەرمیلا گازێ کو نێزیکی 10 ھەتا 15 ھزار دیناران بیت و گۆت ژی: ئەو پلێتا ژمارە دو یا مایی ھاتیە ھەلوەشاندن و بۆ زڤستانا ئەڤ سالە ژی ب چو رەنگان گازا سپی ب پلێتان ناھێتە مەزاختن.
غالب محەمەد، سەرۆکێ لیژنا پیشەسازی ل جڤاتا پارێزگەھا سلێمانیێ راگەھاند، ھەکە ئەڤ بریارە بھێتە بجھئینان، دێ بۆ وەلاتیان کارەکێ گەلەک خراب بیت و ب چو رەنگان د بەرژەوەندا وەلاتیان دا نابیت و دێ وەلاتی گەلەک زەرەرمەند بیت، چونکو ھەکە نھا بۆھایێ ئێک بەرمیلا گازی سپی یا حوکمەت ل سەر وەلاتیان دابەش دکەت ب 40 ھزار دیناران بیت، ھەکە بکەڤیتە دەستێ کەرتێ تایبەت دێ بەرمیل ب 80 ھزار دیناران بیت.
ناڤبری ئاماژە دا وێ چەندێ، ھەکە حوکمەت گازا سپی بۆ ھەموو سالێ بکەتە بازرگانی دێ زیانەکا مەزن ب وەلاتیان کەڤیت، بەلێ ھەکە د سالێ ھەموویێ دا ب تنێ ئێک بەرمیلا گازا سپی بدەتە وەلاتیان ب بۆھایێ 40 ھزار دیناران و پشتی ھینگی ھەکە وەلاتی پێدڤی بوون بۆ خوە بکرن، گەلەک کارتێکرن ل وان نابیت و بۆھایێ گازا سپی ژی گەلەک کاتێکرن لێ نابیت و ل بازاری گەلەک گران نابیت و گۆت ژی: بکەڤیتە دەستێ کەرتێ تایبەت دێ زیانەکا مەزن ب خەلکی کەڤیت.
ئاشکرا ژی کر کو نھا گازوایل و پانزین ب ھەموو شێوەیان بووینە بازرگانی و گازا سپی د ھەمان رێ دا دەربازردبیت و ئەگەرێ سەرەکی یێ ڤێ چەندێ بۆ تێکچوونا رەوشا ئابووری یا حوکمەتا ھەرێما کوردستانێ ڤەدگەریت و گۆت ژی: ھەکە ببیتە بازرگانی ژی پێدڤیە گەلەک بازرگان گازا سپی بینن، بۆ ھندێ بۆھایێ ئێک بەرمیل ژ 100 ھزار دیناران بھێتە خوارترێ و زیانەکا مەزن ب وەلاتیان نە کەڤیت.
ئه‌ڤرۆ نيوز:
زەلامێن خۆشتی، ھندی ھوون ب ناڤسال ڤە بچن دێ پتر پێدڤی میزتنێ بن، ئەڤە کارەکێ سروشتیە چونکو د گەل بۆرینا دەمی پرۆستات بف دبن، فشارێ ل بۆریێن میزێ دکەن و کارێ میزلدانکێ لاواز دکەت، دبێژنە ڤێ چەندێ بفبوونا پرۆستاتان یا پاقژ. دا ئەڤ چەندە روو نەدەت، مرۆڤ دشێت پەنایێ ببەتە کەرستەکێ خوارنێ یێ خوەرستی د ناڤ باجانسۆرکێ دا.
د ڤێ ڤەکۆلینێ دا، ڤکۆلەران بەرگەریانا 67 ڤەکۆلینان کر ل دۆر ساخلەتێن “لیکوبین” یێ د ناڤ باجانسۆرکان دا ھەی و ئەوێ رەنگێ سۆر ددەتێ. ڤەکۆلەر دبێژن: ئەم ب راستی دزانین کو “لیکوبین” مەترسیا پەنجەشێرا پرۆستاتا کێم دکەت، باجانسۆرک یا پێدڤیە بۆ دژایەتیکرنا وەرمینا پرۆستاتا د لەشی دا، ل گۆری گۆتنا نۆشدار “ھیتن باتیل” ژ نەخوەشخانەیا “بارتس” ل باژێرێ لەندەن، شیرتان دکەت کو باجانسۆرکێ رۆژانە بخۆن، و گۆت ژی: بابەت پێدڤی ب پتر ڤەکۆلینان ھەیە دا مفایێن باجانسۆرکێ دوپات بکەن.
ئەڤرۆ نیوز:
یانا مانچستەر سیتی دیارکر ئەوان باوەریەکا مەزن ب خوە ھەیە ئەو دێ شێن ستێرا ئەرژەنتینی و یانا بەرشەلۆنا لیونێل مێسی ب دەستخوڤە ئینن ئەگەر بریارا چوونێ دا ژ یانا بەرشەلۆنا، یانا مان سیتی دیارکری ژی ئەو باش دزانن دێ شێن د ھەڤرکیا مێسی دا ب سەرکەفن ل گەل ھەر یانەکا دی یا جیھانێ.
مێسی نوکە د رەوشەکا لاواز دا بوریت ل وەلاتێ ئیسپانیا ژبەر نەدانا باچەیا دەولەتێ و رۆژنامەیێن ئیسپانی ئەرژەنتینی وەسا داینە دیارکرن دبیت ئەو ئاریشە بنە ئەگەرێن وێ چەندێ یانا کەتەلونی ل وەرزێ نوو ب جھـ بھێلت.
نيشاندان