ئەڤرۆ نیوز:
پەروەردا پارێزگەها دھۆکێ راگەھاندیه، پارێ وانەبێژان یێ هەیڤا 12 دێ ھێتە مەزاختن.
رێڤەبەریا گشتی یا پەروەردا پارێزگەھا دھۆکێ ئاگەھداریەک بەلاڤکر و تێدا ھاتیە، ئاگەھداریا رێڤەبەرێن قوتابخانان ل سنورێ ھەموو پەروەردێن قەزایان دکەین سەرەدانا رێڤەبەریێن پەروەردێن خوە بکەن بۆ وەرگرتنا پارێ هەیڤا ۱۲ یێ وانەبێژان.
هەروەسا پەروەردا پارێزگەھا دھۆکێ گۆتیە ژی، دابەشکرنا ڤی پارەی دێ ھەر ژ سوبەھی پنجشەمبی ۳۰ نیسانا ۲۰۲۰ دەست پێکەت.
ئەڤرۆ نیوز:
ئەڤرۆ چارشەمبی، ل ناحیا چەمانکێ ل سنورێ قەزا ئامێدیێ بومبەکا چاندی ب وەلاتیەکی ڤە دپەقیت و بریندار دبیت.
ئەڤرۆ ئێڤاری وەلاتیەک ب مەرەما ئینانا گیایێ بهاری قەستا چیایێ گارەی کریە و دئەنجام دا بومبەکا چاندی پێڤە دپەقیت و پێیەکێ خوە ژ دەست د دەت.
ئەو وەلاتی خەلکێ کومەلگەھا باگێرا یە و ژیێ وی نێزیکی ٥۰ سالایە، ھاتیە ڤەگوھاستن بۆ نەخوشخانا تەنگاڤیا ل دھوکێ.
ئەڤرۆ نیۆز، قائید میرۆ:
پشتی ئاشکرابووی گەنمێ بۆ ئارێ بەلاڤکرنێ دھێتە بکار ئینان گیانەوەرێن پیس تێدانە، ل دو رۆژێن داھاتی دێ چەندین کەس ب گونەھا بەرھەمئینانا ئارێ خراب بھێنە سزادان.
کەمال موسلم، وەزیرێ بازرگانی بۆ ئەڤرۆ نیۆز دیارکر” ل دەستپێکا ھەیڤا ئیلونا سالا بۆری وەزارەتا بازرگانی و پیشەسازی لیژنەکا ڤەکۆلینێ ل دۆر بابەتێ گەنمێ خراب و گیانەوەر و تشتێن پیس تێدا پێکئینایە و گەھشتینە قۆناغا دووماھیێ یا ڤەکۆلینێ، من بخوە ژی سەرەدانا ئاشێن ئاری کریە و ھژمارەکا ئاش ھاتینە گرتن.
وەزیرێ بازرگانی گۆتژی” پشتی مە دوڤچوون و ڤەکۆلین کری بۆ مە دەرکەفت راستە ئارێ بەلافکرنێ یێ نوکە دھێتە بەرھەمئینان ب کێری خوارنێ ناھێن و ھەموو لێپرسینەک دێ ھێتەکرن.
کەمال موسلم ئاشکراکر” ل ئێک دو رۆژێن بھێت وەزارەت دێ بڕیارێن پێدڤی لسەر ئەڤی بابەتی بدەن و ھەموو کەسێن دەست ھەی ل بەرھەمئینانا ئاری دا دێ پێڕابوونێن قانوونی ھەمبەر ھێنە وەرگرتن.
ئەڤرۆ نیۆز، قائید میرۆ:
شارەزایەکێ قانوونی ئاشکراکر، حوکمەتا بەغدا مووچە و بودجەی وەک کارتا فشار ھەمبەری ھەرێما کوردستانێ بکار دئینیت و دبێژیت، ئەڤسالە و سالا بۆری ژی ھەرێما کوردستانێ کێمتر ژ بەھرا خوە وەرگرتیە.
دکتۆر تارق گەردی، شارەزایێ قانوونی بۆ ئەڤرۆ نیۆز دیارکر” گورەی قانوونا بودجێ گشتیێ عێراقێ یێ سالا بۆری بڕیار ھاتیەدان ھەیڤانە ھەرێما کوردستانێ ٢٥٠ ھزار بەرمیلێن پەتڕۆلێ رادەستی کۆمپانیا سۆمۆ بکەت، ئەڤا دیژی بۆ کریا کۆمپانیا بھێتە مەزاختن، ھەر گورەی بڕگەھەکادیا قانوونا بودجەی ھاتیە، ھەگەر بێت و حوکمەتا ھەرێما کوردستانێ یا پێگیر نەبیت ب رادەستکرنا ٢٥٠ ھزار بەرمیلێن پەتڕۆلێ ئەڤە د ھەمبەردا بەغدا دێ ل پشکا بودجێ ھەرێمێ بڕیت.
ئەڤی شارەزایێ قانوونی کو پەرلەمانتارێ بەرێ یێ عێراقێ یە ئاماژەکر” سالا بۆری نە ھەرێمێ پەتڕۆل رادەستی بەغداکریە و نە بەغداژی بودجە بتەمامی دایە ھەرێما کوردستانێ، چونکە ھەگەر ھەرێمێ پەتڕۆل رادەستی سۆمۆ کربا ئەڤە ھەیڤانە پێدڤی بو بەغدا ٨٠٠ ملیار دیناران بدەتە ھەرێما کوردستانێ، بەلێ پشتی پارێ پەتڕۆلێ ھاتیە بڕین تنێ ھەیڤانە ٤٥٠ ملیار دینار ھەیڤانە داینە ھەرێما کوردستانێ.
دکتۆر تارق گەردی دبێژیت” ئەز باوەرم ئەڤسالە و سالا بۆری ژی ھەرێما کوردستانێ کێمتر ژ بەھرا خوە وەرگرتیە ل بەغدا، ئەڤا نوکە تێتە روویدان و مووچە ھاتیە راگرتن زێدەتر بابەتەکێ سیاسیە نەک قانوونی و ئیداری، چونکە بودجە و مووچە وەک کارتا فشارێ دھێنە بکارئینان ژلایێ بەغداڤە.
ئەڤرۆ نیوز:
مستەفا کازمی سەرۆک وەزیرێن راسپاردی بۆ ئاڤاکرنا کابینا نوو یا حوکمەتا عیراقێ راگەهاند کو وی کارناما کابینا خوە رەوانەی پەرلەمانێ عیراقێ کریە دا د دەمێ خوە یێ قانوونی دا ل پەرلەمانێ عیراقێ روونشتنەکا تایبەت بۆ بهێتە سازکرن.
مستەفا کازمی هەروەسا دیار ژی کریە کو وی ناڤێن وەزیران ژی ل گەل کارناما حوکمەتێ رەوانەی پەرلەمانی کریە.
ئەڤرۆ نیوز:
ئەنجوومەنی نشتیمانی یێ کوردی ل سووریێ د داخۆیانیەکێ دا راگەهاند کو ئارمانجا دوهی یا پەقینا ل عەفرینێ بۆ هندێ یە دا کورد چاڤترسی ببن و نەچار بن ژ عەفرینێ کۆچبەر ببن، ئەو یەک ژی پشکەکە ژ پیلانا وان گرۆپێن چەکدار کو رۆژانە مافێن مرۆڤی ل عەفرینێ بنپێ دکەن.
ئەنجوومەنێ نشتیمانی یێ کوردی ل سووریێ ب توندی پەقینا ل عەفرینێ ژی شەرمزار دکەت و دیار دکەت کو گرۆپێن چەکدار دخوازن کورد عەفرینێ بۆ وان بهێلن دا مالێ کوردان تالان بکەن و ئاخا وان ژی داگیر بکەن، ئەو یەک ژی ب چو رەنگەکێ ناهێتە قەبوولکرن.
ئەڤرۆ نیوز:
ل تورکیا هەتا نها ژی گەلەک ئامارێن جودا جودا ل دۆر رێژا مرنا ب کۆرۆنایێ دهێنە بەلاڤکرن و هێزێن ئۆپۆزسیۆنێ ژی دیار دکەن کو دەولەت رێژا دروست یا مرنا وەلاتیان ب کۆرۆنایێ بەلاڤ ناکەت.
د ڤێ دەربارێ دا ئەکرەم ئیمام ئوگلۆ سەرۆکێ باژێرڤانیا ئستەنبولێ راگەهاند کو ئەڤسالە ل گۆر سالا بۆری رێژا مرنێ ل ئستەنبولێ ٣٠ هەتا ٣٥% زێدە بوویە و ئەو یەک ژی نیشا ددەت کو ئامارێن دروست ل دۆر کۆرۆنایێ ناهێنە بەلاڤکرن.
ئەڤرۆ نیوز:
مەزلوم عەبدی فەرماندارێ گشتی یێ هێزێن سووریا دیموکرات راگەهاند کو پەقینا دوهی ل باژێرێ عەفرینێ کریارەکا تیرۆرستیە و دڤێت هەموو ئالی ب توندی کریارا دوهی یا تیرۆرستی ل عەفرینێ شەرمزار بکەن.
دهێتە زانین دوهی د ئەنجاما پەقینەکێ دا ل باژێرێ عەفرینێ ٥٣ کەسان جانێ خوە ژ دەست دان کو د ناڤ وان کەسان دا ژن و زارۆ ژی هەبوون و پتر ژ ١٧٠ کەس ژی بریندار بوون.
ئەڤرۆ نیوز:
دیوانی سەرۆکایەتی ئەنجومەنی وەزیرانی هەرێمی کوردستان لە نامەیەکدا کە ئاراستەی ئەمینداریێتی گشتی ئەنجومەنی وەزیرانی عیراقی کردووە، بە بەڵگەی یاسایی وەڵامی حکومەتی فیدراڵی عێراق سەبارەت بە نایاساییبوون و نادەستووریی بوونی بڕیاری بڕینی مووچەی مووچەخۆرانی هەرێمی کوردستان .
لە نامەکەدا کە چەندین خشتەی لە گەڵ هاوپێچ کراوە ئاماژە بەوە دراوە کە بڕینی مووچەی مووچەخۆرانی هەرێمی کوردستان ، پێشێلکردنی مافی یاسایی و دەستووریی مووچەخۆرانی هەرێمی کوردستانە کە هاوشانی مووچەخۆرانی دیکەی عێراق ئەرکەکانیان لە خزمەتکردنی گشتیدا ئەنجام دەدەن.
گرنگترین خاڵەکانی وەڵامنامەکەی حکومەتی هەرێمی کوردستان :
جێی ئاماژەیە کە ئەمڕۆ میدیاکانی عێراق بە گرنگییەوە وەڵامەکەی حکومەتی هەرێمی کوردستانیان بڵاوکردەوە.
نيشاندان