ئەڤرۆ نیوز:

ب مەرەما هەماهەنگی و بەردەوامیێ دناڤبەرا قوتابخانێ و مامۆستایان و قوتابیان دا، بۆ مفا وەرگرتنێ ژ بابەتێن پرۆگرامێ خواندنێ، وەزارەتا پەروەردێ خواندنا ئەلەكترۆنی راگەهاند، کو ئەڤ خواندنە نەیا ئیلزامیە، بەلێ زێدەتر ئاشناكرنا قوتابیانە ب بابەتان و نێزیككرنا وان ژ قوتابخانێ و مامۆستایان ب شێوەكێ نەراستەوخۆ، بۆ ڤێ مەبەستێ زۆهێر محەمەد عەبدوللا سەرپەرشتیارێ پرۆژێ قوتابخانا ئەلەکترۆنی ل وەزارەتا پەروەردێ یا حوكمەتا هەرێما كوردستانێ بنەمایێن سەرەکی یێن خواندنێ ل قوتابخانا ئەلەکترۆنی راگەهاندن و پێکهاتینە ژ:
1ـ خواندن ل قوتابخانا ئەلەکترۆنی پالپشتیە و نە یا ئیلزامیە، ئەو بابەتە بۆ تاقیکرنان نە د داخواکرینە ، بەلێ پێدڤیە بهێنە ب کارئینان و دڤێت ئیدارا قوتابخانێ هەماهەنگیێ بکەت ژ هندێ و لدووڤ خشتەیەکێ بۆ قوتابیان و چاڤدێریا وان بکەت، داکو بهێتە زانین هەتا چ رادە بەرێ خوە ددەنە وانەیان.

۲ـ ئیدارا قوتابخانێ دێ سەرپەرشتیا هەماهەنگیێ کەت دناڤبەرا مامۆستایان و قوتابیان، مامۆستایێن بەرێز پشتی کو قوتابی وێ وانێ دبینن، دشێت پەیامەکێ بگەهینیته قوتابیان و هەکە قوتابیان پرسیار هەبوون دشێت بەرسڤا وان بدەت.
۳ـ ستافێ کارگێریێ ل قوتابخانێ و ئەم ژی ژ سەرپەرشتیاریکرنا ڤی پرۆژەی، دێ ئاگەهداری رادەیا بکارئینانا قوتابخانا ئەلەکترۆنی بین، هەکە قوتابخانەک وەکو پێدڤی ب کار نەئینا دێ هێتە ئاگەهدار کرن و دێ دووڤچوون بۆ هێتە کرن.

٤ـ هوین دشێن مفای ژ وان ڤیدیۆیێن فێرکاریێ وەربگرن، یێن کو ئەم ب زووترین دەم بەلاڤ دکەین، سەرەرای هندێ کو ئەڤ بەرنامە گەلەک سادە و ساکار هاتیە دیزاین کرن بۆ هندێ بشێن ب ساناهی ب کار بینن.
٥ـ رۆژانە دێ ڤیدیۆیێن نوو هێنە زێدە کرن بۆ گشت قۆناغان، ئەوا نوکە هەی وەک سەرەتا هاتیە دانان، ڤیدیۆیێن پێدڤێ بۆ هەموو وانێن پێدڤێ هەبن، بۆ هەموو زمانان.
6ـ مامۆستایێن وانەبێژ دێ داخلی ڤی پرۆژەی بن.

۷ـ پەیڤا تێپەر یان کۆد دێ ب رێیا گروپێ ڤایبەری یان تلیگرامی یان واتس ئاپی یان مەسنجەری یان تەلەفۆنێ و ناما مۆبایلێ دێ هێتە دان بۆ قوتابی و یان دەیبابان. نابیت هیچ قوتابخانەک کۆدێ قوتابیان ل پەیجەکێ یان ئەکاونتێ قوتابخانێ یان یێ کەسوکی دانیت یان بەلاڤە بکەت.

 
ئەڤرۆ نیوز:

دەمێ شەش رۆژانە گەنجەکێ بناڤێ برزۆ د ژیێ 19 سالیێ دا کەفتیە چەمێ ماوەت ل سنۆرێ پارێزگەها سلێمانیێ و بەرگریا شارستانی ژی دبێژیت، مە هەموو تیمێن نقوومڤانیێ ئیناینە و لدووڤ تەرمێ وی دا دگەرن.

نەقیب رێکان جەمال، پەیڤدارێ بەرگریا شارستانی یا سلێمانیێ دیار کر: هەموو تیمێن نقوومڤانیێ یێن بەرگریا شارستانی کو هژمارا وان 21 کەسن، مژوولی دیتنا تەرمێ وی گەنجینە، لێ هێشتا نەدیتیە.

ئەرسەلان ئادەم، کەسەکێ نێزیکی وی گەنجیە دبێژیت: ل رۆژا 19-04-2020 برزۆ جەبار عەبدوللا یێ تەمەن 19 سالی، ل گەل دو هەڤالێن خوە بۆ گەشتکرنێ دچنە چەمێ ماوەت، ل دەمەکێ وی ب سناپی وێنە دگرتن، لێ ژ نشکەکێڤە دحلیسیت و دەکەڤیتە دناڤ ئاڤێ دا، ب ئەگەرێ زۆری و ب هێزیا ئاڤێ، ئاڤ وی دبەت و دخەندقیت.