ئه‌ڤرۆ نیوز:
وهزارهتا ساخله‌میا هه‌رێمێ داخازێ ژ ده‌یك و بابان دكه‌ت زارۆكێن خۆ ڤاكسین بده‌ن ب مه‌به‌ستا خۆپارێزیێ ژ ڤایرۆسان.
د.خالس قادر رێڤه‌به‌رێ گشتی یێ دیوانا وهزارهتا ساخله‌میا حكومه‌تا هه‌رێما كوردستانێ د گرته‌یه‌كا ڤیدیویی دا داخازێ ژ ده‌یك و بابان دكه‌ت زارۆیێن خۆ ڤاكسین بده‌ن ب مه‌به‌ستا خۆپارێزیێ ژ ڤایرۆسان.
ناڤیر ئه‌و چه‌نده ژی دیاركر دابینكرنا ڤاكسینێ ئه‌ركێ حكومه‌تێ یه هه‌ڤده‌م ئه‌ركێ ده‌یك و بابانه ژی زارۆیێن خۆ ڤاكسین بده‌ن، هه‌تا پاراستی بن ژ هه‌ر نه‌خوشی و ڤایرۆسه‌كی.
ئه‌ڤرۆ نیوز، له‌زگین جوقی:
به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ دیاركر كو ژمارا كه‌سێن ناڤ كه‌ره‌نتینه‌كرنێ دا گه‌هشتنه هزار و هه‌شت كه‌سان وبه‌رده‌وام خه‌لكه‌ك دهێته كه‌ره‌نتینه‌كرن.
حه‌مزه ره‌زیكی، به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ دیاركر كو ل دهۆكێ پتر ژ شه‌ش هزار و 900 پشكنینان بۆ گومانلیكریان هاتینه كرن ب شێوه‌یه‌كی به‌رده‌وام تیمێن ساخله‌میا دوڤچوونا كه‌سێن گومانلیكری دكه‌ن وپشكنینان ئه‌نجام ده‌ن، هه‌تا نوكه هزار و هه‌شت كه‌س ماینه دناڤ جهێن كه‌رنتینه‌كرنێ دا كو دناڤ 18 جهان دا كه‌سێن گومانلیكری هاتینه كه‌ره‌نتینه‌كرن هه‌تا نوكه ل پارێزگه‌ها دهۆكێ سێ هزار و 29 كه‌س یێن هاتینه كه‌ره‌نتینه‌كرن ژوانا ژی دوو هزار و 21 كه‌س ژكه‌ره‌نتینه‌كرنێ چووینه مالێن خوه بتنێ دوهی ل دهۆكێ 367 پشكنین بۆ كه‌سێن گومانلیكری هاتینه كرن هه‌روه‌سا ژی 108 كه‌س ژ كه‌ره‌نتینان چوونه مالێن خوه و 60 كه‌س هاتینه كه‌ره‌نتینه‌كرن.
زێده‌تر گۆت: 18 حاله‌تێن كۆرۆنا ل دهۆكێ هاتبوونه ده‌ستنێشانكرن ژوانا ژی 15 حاله‌ت ب ته‌مامی هاتینه چاره‌سه‌ركرن چووینه مالێن خوه سێ حاله‌ت ژی ماینه دناڤ نه‌خۆشخانێ دا ژوانا ژی دوو حاله‌ت هاتینه ده‌ستنێشانكرن ئه‌م هێڤدارن وه‌لاتی خوه بپارێزن و رێنمایێن ساخله‌میێ بجه بینن.
دهۆك، له‌زگین جوقی
نوونه‌رێ ئه‌رمه‌نیان ل خۆلا بوری یا په‌رله‌مانێ كوردستانێ دیاركركو وه‌كو دوهێ 24/4 /1915 ملله‌تی ئه‌رمه‌نیان تووشی جینوسایدكرنێ بوون ل سه‌ر ده‌مێ حكومه‌تا ئوسمانیا د ئه‌نجامدا ملیۆنه‌ك و 500 هزار ئه‌رمه‌نیی بوونه قوربانیی هه‌تا ئه‌ڤرۆ ده‌وله‌تێن جیهانێ دانپێدان پێ نه‌كریه وه‌كو جینوساید.
یروانت نیسان، نوونه‌رێ ئه‌رمه‌نیان ل خۆلا بوری یا په‌رله‌مانێ كوردستانێ ئاشكه‌را كركو هه‌ر سال ل پارێزگه‌ها دهۆكێ چالاكیی ب ڤێ هه‌لكه‌ڤتا دهاتنه گێران لێ ئه‌ڤ سالا ژبه‌ر ڤایرۆسی كۆرۆنا چالاكیێن كۆمكوژیا ئه‌رمه‌نیان ل دهۆكێ نه‌هاته كرن دڤێ كومكوژیێ دا ملیونه‌ك و 500 هزار كه‌سێن ئه‌رمه‌نیی بوونه قوربانیی هه‌تا نوكه ژی دانپێدان وه‌كو جینوسایدا ب كۆمكوژیا ئه‌رمه‌نیان نه‌هاتیه كرن ژلایێ ده‌وله‌تیێن جیهانێ ڤه ئه‌م دخوازێن هه‌موو ده‌وله‌تیێن جیهانێ یێن مافێن مرۆڤی دئاخڤن دانپێدانێ ب جینوسایدا ئه‌رمه‌نیان بكه‌ن داكو چوو جارێن دی ملله‌تێن جیهانێ نه‌هێنه كۆمكوژكرن تووشی جینوسایداكرنێ نه‌بن.
ئه‌وژی دیاركركو ده‌مێ ئه‌رمه‌نیی تووشی جینوسایدێ بووین ل وێ ده‌مێ هزرێن به‌رته‌نگ هه‌بوون نها جیهان هاتیه گوهۆرێن پێدڤیه دانپێدان ب جینوسایدا ئه‌رمه‌نیان بهێته كرن كو وه‌كو ئه‌ڤرۆ 24/4/1915 ملله‌تی ئه‌رمه‌نیی تووشی كۆمكوژی بوون ئه‌ڤی جینوسایدكرنێ بۆ ده‌مێ چه‌ند سالان ڤه‌كیشان.
ئه‌ڤرۆ نیوز:
فه‌رمانده‌یه‌كێ سوپایێ پاسدارێن ئیرانێ راگه‌هاند: هه‌كه ئه‌مریكا به‌رسڤا هێرشا مه‌دا با، 400 جهێن دی مه ده‌ست نیشانكربوون بۆ هێرشكرنێ.
ئه‌میر عه‌لی حاجی زاده فه‌رمانده‌یێ سوپایێ پاسدارێن ئیرانێ راگه‌هاند: هاڤێتنا هه‌یڤا ده‌ستكرد بۆ ئاسمانی ب پشته‌ڤانیا خودێ ب سه‌ركه‌فتیانه هاته ئه‌نجامدان، ئه‌و زلهێزێن ئه‌ڤرۆ هه‌ین، گه‌له‌ك شكه‌ستن ئینان هه‌تا گه‌هشتنێ، به‌لێ سوپاس بۆ خودی مه د ئێكه‌م تاقیكرن دا سه‌ركه‌فتن ئینا.
فه‌رمانده‌یێ سوپایێ پاسدارێن ئیرانێ ئه‌و چه‌نده ژی راگه‌هاند: ئه‌و رۆژا مه بنگه‌هێ عه‌ین ئه‌سه‌د بوردومانكری، د وێ هزرێ دابووین پشتی 20 خوله‌كان ئه‌مریكا دێ به‌رسڤێ ده‌ت و مه ژی 400 جهێن دی ده‌ست نیشانكربوون هه‌كه به‌رسڤ دان ئه‌وان 400 جهان كۆ به‌رژه‌وه‌ندێن ئه‌مریكا د پارێزن بوردومان بكه‌ین.
ئەڤرۆ نیوز:
وەزیرێ ساخلەمیا هەرێما کوردستانێ، رەت دکەت کو هیچ جۆداهیەک دناڤبەرا جۆرێ ڤایرۆسێ کۆرۆنا یێ ل هەرێما کوردستانێ و ل دەرڤەی هەرێمێ دا هەبیت.
د. سامان بەرزنجی، وەزیرێ ساخلەمیێ بەلاڤکریە، هیچ ڤایرۆسەکێ کۆرۆنا یێ جۆدا نینە، چ یێ چینی بیت یان یێ ئورۆپی.
هەروەسا گۆتیە، ڤایرۆسێ COVID-19 هەمان ڤایرۆسێ کۆرۆنا یە ل چینێ و ئەمریکا و ئورۆپا و عیراقێ و کوردستانێ.
ئه‌ڤرۆ نیوز ، ره‌مه‌زان هه‌رنى:
دیزاینه‌را ناڤدار و خودانا براندا h & l دیزاین كۆ ل ده‌مێ كه‌ره‌نتینێ دا چه‌ندین دیزاین دروستكرینه و بریاره ل جه‌ژنا رەمەزانێ دا نیشان بده‌ت.
دیزانه‌ر هاوار محه‌مه‌د خودانا براندا h & l دیزاین بۆ ئه‌ڤرۆ نیوز گوت : ژبه‌ر به‌لاڤبوونا ڤایرۆسێ كۆرۆنا راگه‌هاندنا قه‌ده‌غه‌یا هاتنوچۆنێ و پێگیرى كرن ب رێنمایێن خوپارێزیێ ل مال بووم ل گه‌ل ستافێ كارى وه‌ك كارێ مه‌یێ به‌رده‌وام مه ده‌ست ب دیزانكرنا چه‌ندین كاران كر یێ تایبه‌ت ب ئافره‌تان ڤه و ل ده‌مێ كه‌ره‌نتینێ دا چه‌ندین دیزاینێن نوو به‌رهه‌ڤكرینە و بۆ نیشاندانێ د به‌رهه‌ڤن.
گوت ژى: ل ده‌مێ كه‌ره‌نتینێ دا پتر ژ 20 دیزانێن نوو تایبه‌ت یێن ب ژنان ڤه دروستكرینە و دێ ل جه‌ژنا ره‌مه‌زانێ دا نیشانده‌ین ل ده‌مێ چه‌ند سالێن بورى پتر ژ 400 دیزاینا یێن تایبه‌ت ب ژنان ڤه دروستكرینه ل هه‌موو كوردستانێ و ئورۆپا دیزانێن مه به‌لاڤبووینه و مه پشكدارى د چه‌ندین كارێن مودێلان دا كریه و خه‌لات وه‌رگرتینه به‌رده‌وامین ژى ل دیزانكرنێ و ئه‌و دیزانێن نوكه مه به‌رهه‌ڤكرىن دێ ل جه‌ژنا ره‌مه‌زانێ نیشان ده‌ین.
ئه‌ڤرۆ نیوز، ره‌مه‌زان هه‌رنى:
گوندێ سپى مال دكه‌ڤیته رۆژهه‌لاتێ قه‌زا ئاكرێ چه‌ندین سالە خه‌لكێ گوندى ب دروستى ده‌ست ب كارێ چاندنێ كریه ل ناڤ خانیێن پلاستیكى دا كو بوویه ئه‌گه‌رێ باشتر كرنا كه‌رتێ چاندنێ ل ده‌ڤه‌رێ، گوندێ سپى مال ب تنێ هه‌تا نێزیكی 1000 خانیێن پلاستیكى دروستكرینه.
حاجى ئه‌حمه‌د جوتیاره‌كێ گوندێ سپى ماله ل قه‌زا ئاكرێ بۆ ئه‌ڤرۆ نیوز راگه‌هاند : به‌ری ده‌ركه‌فتنا خانیێن پلاستیكى مه كارێ چاندنێ ل ده‌رڤه‌ى گوندى دكر و مه هه‌موو به‌رهه‌مه‌ك دچاند، به‌لێ ده‌مێ چه‌ند سالایه كارێ مه‌یێ چاندنێ ب ساناهى كه‌فتیە و ل ناڤ گوندى و به‌رده‌رێ مال ئه‌م كارێ خوه باشتر دكه‌ین ل گوندێ سپى مال نوكه نێزیكی 1000 خانیێن پلاستیكى هه‌نه و هه‌موو یان كارێ چاندنێ ل ناڤدا دهێته كرن.
گوت ژى : ئەم سالانە تۆڤی دكرین و ب گرانى ژبه‌ركو توڤێ ناڤ خانیێن پلاستیكى 80% گرانتره ژ تۆڤێ به‌ر رۆژێ له‌ورا ئه‌گه‌ر هاریكاریا مه بهێته كرن دشیاندایه بۆ هه‌موو كوردستانێ ل گوندێ سپى مال به‌رهه‌مێن چاندنێ به‌رهه‌م بینین.
خویاكر : ساڵانه ل وه‌رزێ چاندنا به‌رهه‌مێن هاڤینى حوکمه‌تا كوردستانێ هاریكاریه‌كا كێم پێشكه‌شى جوتیارا دكه‌ت كو ل گور دلێ جوتیارا نینه ژبه‌ركو جوتیارا زێده‌تر دڤێت ب نمونه رێژه‌كا تۆڤى دده‌ت ل گه‌ل كێمیایێ و سونده‌ى و نایلونى، به‌لێ ئەو رێژه یا كێمه و بها ژى كێم نینه، داخوازێ ژ حوکمه‌تا كوردستانێ دكه‌ین پتر هاریكاریا جوتیارا بكه‌ت بۆ زێده‌تر به‌ره‌ڤ پێشبرنا كه‌رتێ چاندنێ ل كوردستانێ.
ته‌كه‌ز كر ژی : ژیانا خه‌لكێ گوندى ب گشتى ل سه‌ر كه‌رتێ چاندنێ یه چه‌ندین سالە ژبلى به‌رهه‌مئینانا به‌رهه‌مێ رۆژانه ل ناڤ خانیێن پلاستیكى دا وەلاتیێن گوندى چ كارێن دى ناکەن، رۆژانه ب تنێ كارێ به‌رهه‌مئینانێ دكه‌ن و ئابووریا خه‌لكێ گوندێ ل سه‌ر به‌رهه‌مێ چاندنێ یه.
ئەڤرۆ نیوز:
وەزارەتا ڤەگوهاستن و گەهاندنا حوکمەتا هەرێما کوردستانێ ئەڤرۆ ئەینیێ حەفت رێنمایێن نوو بۆ دەستپێکرنا کارێ تەکسیان بەلاڤکرن، لدووڤ وان رێنمایان پێدڤیە شۆفێر و نەفەر هەردو ماسک و دەستکێشان بکاربینن و رۆژانە ترۆمبێل بهێتە پاقژکرن.
وەزارەتا ڤەگوهاستن و گەهاندنا حوکمەتا هەرێما کوردستانێ گۆتیە، پشتی راوێژێ ل گەل وەزارەتا نافخۆ و لژنا روو ب بوونا کۆرۆنا یێ بریار هاتە دان ب دەستپێکرنا کارێ تەکسیان دناڤا پارێزگەهان و ئیدارێن سەربەخۆ دا، بۆ ڤێ مەبەستێ ژی شۆفێر دێ هێنە پابەند کرن ب رێنمایێن خوەپارێزیێ.
هەروەسا د وان رێنمایان دا هاتیە، ب تنێ رێک دهێتە دان ب هەلگرتنا دو نەفەران بۆ هەر گەشتەکێ و دڤێت ل کوشنێن پشتێ دا دابنیشن، هەروەسا دڤێت شۆفێر و نەفەر هەردو ماسک و دەستکێشان بکاربینن، بۆ هاتنوچوونێ دناڤبەرا پارێزگەهان و ئیدارێن سەربەخۆ ژی پشتی پرکرنا فۆرما ئەلکترۆنی یا وەزارەتا نافخۆ دێ رێک پێ هێتەدان.
نيشاندان