NO IORG
نووترين نووچه
Twitter

ئه‌ڤرۆ نیوز:

دونالد ترمپ سه‌رۆكی ئه‌مریكا ل سه‌ر داكه‌تنا بهایێ پترۆلا ته‌كساس یا ئه‌مریكی راگه‌هاند: پشتی داكه‌تنا بهایێ پترۆلێ دی ئه‌مریكا ستراتیژیه‌تا پاشه‌كه‌وتكرنا پترۆلێ بكار ئینیت، داكه‌تنا بهایی پترۆلێ بۆ گه‌له‌ك كه‌سان جهێ سه‌ر راوه‌ستاندنێ یه‌، به‌لێ هه‌تا دگه‌هته‌ بهایه‌كێ گۆنجای، دێ پترۆلا خۆ بۆ ئاستێ 75 ملیۆن به‌رمیلێن پترۆلێ ل كۆگه‌هـان پاشه‌كه‌وت كه‌ین.

پشتی بورینا ده‌هـ سالان، ئه‌ڤه‌ بۆ جارا ئێكێ یه‌ ئه‌مریكا بڤی شیوه‌یی بڤی رێژه‌یێ پترۆلا خۆ پاشه‌كه‌وت بكه‌ت و نه‌ دئیخته‌ د بازارێن جیهانێ دا.

 

ئەڤرۆ نیوز:

 

رێڤەبەریا گشتی یا ساخلەمیا پارێزگەها دهۆکێ چێبوونا سێ تووشبوویێن کۆرۆنا یێ راگەهاند، کو دووماهی تووشبوویێن کۆرۆنا یێ بوون ل پارێزگەها دهۆکێ و ب ڤێ چەندێ چ تووشبوویی ل دهۆکێ نەماینە.

ئەڤرۆ نیوز:
بهایێ نەفتێ یێ بەردەوامە ل داکەفتنێ، نەفتا رۆژئاڤایێ تەکساس ل ئەمریکا ریکۆردەکێ مێژوویی د داکەفتنا بهایی دا تۆمار کر و نوکە هەر بەرمیلەک ب دو دۆلار و 63 سەنتان مامەلە پێ دهێتە کرن.

 
ئەڤرۆ نیوز:
د راگەهاندنەکێ دا وەزارەتا ئەوقاف و کاروبارێن ئاینی دەربارەی ڤەکرنا مزگەفتان ل هەیڤا رەمەزانا پیرۆز راگەهاندیە:

 

ب پێدڤی دزانین سوپاسیەکا گەرم بۆ نڤێژخوینان و مامۆستایێن ئاینی یێن بەرێز بکەین، بۆ ئارامی و خۆراگریا وان و پابەند بوونا وان ب رێنمایێن ساخلەمیێ، بۆ هندێ داکو ئەم ھەموو بشێین رێکێ ل مەترسیێن ڤێ نەخۆشیێ بگرین، خۆش بەختانە ئەو رێکارێن کو حوکمەتا ھەرێما کوردستانێ گرتینەبەر ژ پرانیا وەلاتان باشتر بوویە.

 

بەرێزان بابەتێ ڤەکرنا مزگەفتان د کۆمبوونا بوری یا جڤاتا وەزیران گوتۆبێژ دەربارەی هاتینە کرن، د ماوێ دو رۆژێن بهێت دێ لژنا بەرهنگاریا کۆرۆنا یێ ڤی بابەتی ب رژدی گوتۆبێژ کەت، ھەر تشتەکێ د بەرژەوەندیا وەلاتیێن ھەرێما کوردستانێ دابیت، دێ لژنا بەرهنگاریا کۆرۆنا یێ و وەزارەتا ئەوقاف و کاروبارێن ئاینی و وەزارەتا ساخلەمیێ بریارێ د ڤی واری دا دەت و ل دەمێ پێدڤی دا دێ هێتە راگەهاندن، بەرێزان بەرپرسیارەتیا ئاینی و نیشتیمانی و مرۆڤی و ساخلەمیێ وەسا دخوازیت، کو خوە ئارام بگرین هەتا بریارەک دڤی باری دا دهێتە دان.

ئەڤرۆ نیوز:
ئەڤرۆ دوشەمبی قایمقامێ قەزا دەربەندیخان راگەهاند، هەموو توشبوویێن کۆرۆنا یێ ل سنورێ وێ قەزایێ چێبووینە کو هژمارا وان ٣٣ کەس بووینە و هەموو بۆ مال هاتینە رەوانەکرن.

 
ئەڤرۆ نیوز:
پارێزگەها دهۆکێ قوناغا شەشێ یا ئاسانکاریێن قەدەغەیا هاتنوچوونێ راگەهاند، کو سوبەهی دێ چیتە د وارێ جێبەجێکرنێ دا.

پارێزگارێ دهۆکێ راگەهاند، ئەڤرۆ دوشەمبێ ٢٠ نیسانا ٢٠٢٠ قوناغا شەشێ یا ئاسانکاریان بۆ وەلاتیێن پارێزگەها دهۆکێ بۆ قەدەغەیا هاتنوچوونێ دا راگەهاند، و بریارە سوبەهی بچینە د وارێ جێبەجێکرنێ دا.

دیار کر ژی، د قوناغا شەشێ دا رێک دێ ب پیشەسازیان هێتە دان بۆ ڤەکرنێ و کارگەهێن دارتاشیێ و کرین و فرۆشتنا کەلوپەلێن کارەبایێ و جهێن موبایلان و مەیدانێن تەرش و کەوالی هێتە دان بهێنە ڤەکرن.

ئەڤرۆ نیوز:

رێڤەبەریا گشتی یا ساخلەمیا هەولێرێ راگەهاند کو ئەڤرۆ ٩ تووشبوویێن دی یێن ڤایرۆسێ کۆرۆنا ل هەولێرێ باش بوون و ڤەگەریانە ڤە مالێن خوە.

ل گۆر رێڤەبەریا گشتی یا ساخلەمیا هەولێرێ هژمارا کەسێن کو هەتا نها ل هەولێرێ باش بووینە گەهشتیە ١٣٤ کەسان و یێن دی ژی رەوشا وان باشە.

86

ئەڤرۆ نیوز:

عەلی باباجان جێگرێ بەرێ یێ سەرۆک وەزیرێن تورکیا و سەرۆکێ پارتیا DEVA ل تورکیا راگەهاند کو گەلەک جاران پرسا کوردی و بابەتێ تیرۆرێ تێکەلی ئێکتر دهێتە کرن، ئەو یەک چو ئەنجامێن خوە نابن و پێدڤیە پرسا کوردی دوور ژ شەری و ب رێیێن سیاسی بهێتە چارەسەرکرن.

ناڤهاتی ئەو یەک ژی دیار کر کو ئاکپارتی ژ راستیا خوە یا دەمێ هاتیە دامەزراندن دوور کەفتیە و ئاکپارتی ب سیاسەتا خوە یا شاش تورکیا تووشی قەیرانەکا مەزن یا ئابووری، سیاسی و جڤاکی کریە.

1199

ئەڤرۆ نیوز:

دەزگەهێن راگەهاندنا بریتانیا دیار دکەن کو پشتی کۆرۆنا ل چینێ دەرکەفتی شەش نوشداران هەر زوو ل دۆر ڤایرۆسێ کۆرۆنا دەست ب ڤەکۆلینان کرن دا بشێن چارەسەریەکێ بۆ ڤایرۆسێ کۆرۆنا پەیدا بکەن، لێ نوشدارەک هاتە کوشتن و هەتا نها ژی ٥ نوشدارێن دی ل چینێ بەرزە نە و چارەنڤیسێ وان دیار نینە.

بەری نها ژی سەرۆکێ ئەمریکا دیار کربوو کو چینێ راستیا کۆرۆنایێ بۆ جیهانێ ئاشکرا نەکریە و دوهی ژی ترامپی دیار کر کو دڤێت ل دۆر هندێ چین ب توندی بهێتە سزادان.

website security
WP Facebook Auto Publish Powered By : XYZScripts.com