ئەڤرۆ نیوز:
عەبدولقادر سەلڤی نڤیسەرێ ناڤدارێ تورکیا دیار دکەت کو ب هاتنا ڤایرۆسێ کۆرۆنا دێ ئاریشێن مەزن ل هەموو جیهانێ و ل ئورۆپا ژی دروست بن ب تایبەتی ژی ئاریشێن ئابووری و نها ل تورکیا گەلەک ئاریشە د بیاڤێ ئابووری دا دروست بووینە و پشتی تەمامبوونا کۆرۆنایێ دێ رێ بۆ گوهۆرینێن مەزن ل ئورۆپا و تورکیا ڤەبن.
ناڤهاتی دیار ژی دکەت کو ناکۆکیێن گەلەک مەزن د ناڤ پارتا ئەردۆگانی دا هەنە و رەنگە پشتی کۆرۆنا ل تورکیا نەما وی دەمی گەلەک گوهۆرین دروست ببن.
هەمان نڤیسەر دیار دکەت کو ئەردۆگان د بابەتێ شەرێ ل دژی کۆرۆنایێ دا سەرکەفتی بوویە و رەنگە رێژا دەنگێ پارتیا وی د هەلبژارتنان دا زێدەتر لێ بهێت.
ئەڤرۆ نیوز:
بەرپرسێن وەلاتێن ئێکەتیا ئورۆپا دیار دکەن کو هژمارا تووشبوون و مرنا ب کۆرۆنایێ ل ئورۆپا بەر ب کێمبوونێ ڤە دچیت و ئەو یەک ژی جهێ دلخوشیێ یە و هەموو ئاماژێن نها نیشا ددەن پێلا ئێکێ یا کۆرۆنایێ ل هەموو ئورۆپا بەر ب دووماهیێ ڤە دچیت.
ل ئالیێ دی بەرپرسێن ساخلەمیێ ل ئیتالیا و ئیسپانیا هۆشداریا هندێ ژی ددەن کو رەنگە بەری دووماهیا سالێ پێلەکا دی یا کۆرۆنایێ ل ئورۆپا بەلاڤ ببیت و ژ بۆ هندێ ژی دڤێت هەر ژ نها ڤە ئامادەکاریێن تەمام بهێنە کرن و دەست ب پێرابوونێن پێدڤی ژی بهێنە کرن.
ئەڤرۆ نیوز:
کۆچکا سەرۆک کۆماریا روسیا دیار کر کو سەرۆکێ وی وەلاتی ڤیلادەمیر پوتین ل گەل بەرپرسێن سەربازی کۆمبوویە و د کۆمبوونێ دا داخواز ژ وان هاتیە کرن کو خوە ژ بۆ بەرهنگاریا کۆرۆنایێ بەرهەڤ بکەن.
بەری نها ژی سەرۆکێ روسیا دیار کربوو کو رەوشا وەلاتێ وی سەبارەت ب کۆرۆنایێ باش نینە و رەنگە گەلەک کەس ژ بەر ڤایرۆسێ کۆرۆنا جانێ خوە ژ دەست بدەن.
ئەڤرۆ نیوز:
لیژنا ئابووری یا نەتەوێن ئێکگرتی ل دۆر مەترسیا کۆرۆنایێ ل ئەفریقیا دیار دکەت کو کۆرۆنا رۆژ ب رۆژێ پتر ل ئەفریقیا بەلاڤ دبیت و ئەو یەک ژی نیشا ددەت کو مەترسیا کۆرۆنایێ ل ئەفریقیا وەکو دەڤەرێن دی یێن جیهانێ نابیت و رەنگە ٣٠٠ هزار کەس ل ئەفریقیا ژ بەر کۆرۆنایێ جانێ خوە ژ دەست بدەن.
نەتەوێن ئێکگرتی دیار ژی دکەت کو رەوشا خراب یا ئابووریێ ل ئەفریقیا دێ وەسا کەت کو وەکو پێدڤی د بیاڤێ نوشداری دا هاریکاریا خەلکی نەهێتە کرن و دێ نەخوشی پتر ژ دەڤەرێن دی یێن جیهانێ ل ئەفریقیا بەلاڤ بیت.
ئه‌ڤرۆنیۆز، سالار دۆسكی:
فه‌رمانده‌كێ پێشمه‌رگێ كوردستانێ، دیاركر كو سه‌ره‌دانا ده‌ڤه‌را زینی وه‌رتێ كریه و ره‌وش به‌ر ب ئارامیێ ڤه دچیت و هێزێنpkk هزر ل ڤه‌كێشانا خوه كریه ژ ده‌ڤه‌رێ.
لیوا به‌هره‌م عه‌ریف یاسین، فه‌رماندێ فه‌رمانده‌یا هه‌لگورد یا هێزێن پێشمه‌رگێ كوردرستانێ ل سه‌ر دووماهی پێشهاتێن ل ده‌ڤه‌را زینی وه‌رتێ رووده‌ن، ئه‌ڤرۆ رۆژا شه‌مبی 18ی نیسانێ بۆ سایتێ ئه‌ڤرۆ نیۆز ئاشكراكر كو سه‌ره‌دانا ده‌ڤه‌رێ كرینه و سه‌ردانا لیوا هه‌ڤپشك یا ژ هێزێن پێشمه‌رگێ كوردستانێ و هێزێن حه‌فتێ كرینه، هێدی هێدی كاودان به‌ر ب ئارامیێ ڤه دچین، ره‌وشا ده‌ڤه‌رێ ب وی ره‌نگی نینه وه‌ك ل سازیێن راگه‌هاندنێ دا دهێته به‌حسكرن، حوكمه‌ت و سه‌ركرداتیا كوردستانێ ل سه‌ر هێلێ و سه‌ربورێن مه گه‌له‌ك ژ وێ چه‌ندێ مه‌زنترن تشته‌كێ بچووك بگه‌هیته وی ئاستی ئه‌نجامێن نه‌باش ژێ ده‌ركه‌ڤن.
لیوا به‌هره‌م عه‌ریف یاسین زێده‌تر گۆت: (چوونا لیوا وه‌زاره‌تا پێشمه‌رگه‌ی بۆ زینی وه‌رتێ بۆ بنه‌جهكرنا ئێمناهی و ئاسایشا ده‌ڤه‌رێ بوویه و دووف دا ئێكه‌تی نشتیمانی كوردستان ژی هه‌ژماره‌ك ژ هێزێن حه‌فتێ ب دووراتیا 500 مه‌تران ژ لیوا هه‌فشكا پێشمه‌رگه‌ی ل ده‌ڤه‌رێ بنه‌جه كریه، هێشتا گۆت: مه سه‌ردانا هه‌ر دو هێزان كرینه و مه داخاز ژێ كریه دڤێت ته‌مامكه‌ر و پشته‌ڤانێن ئێك دو بن و پاراستن و ئێمناهی یا ده‌ڤه‌رێ دڤێت بهێته پاراستن و هێزێن حه‌فتێ ژی خواستن دو به‌ره‌كی درست نه‌بیت و دڤێت هه‌موو پێشمه‌گه هاریكاری ئێك دو بن، ڤایرۆسێ كورونا هه‌یه و دڤێت خه‌لكێ خوه ب پارێزین و رێنمایێن وه‌زاره‌تا ساخله‌میێ و نافخوه دناڤبه‌را هه‌موو باژێران دا بجه بینین).
لیوا به‌هره‌م عه‌ریف ئه‌و ژی ئاشكراكر كو ژ دوهی وه‌ره سه‌ركرداتیا pkk هزر ل ڤه‌كێشانێ كریه ل ده‌ڤه‌رێ، ره‌نگه هزر ل دروستبوونا شه‌ره‌كی ب مه‌ترسی ل ده‌ڤه‌رێ كریه كو بیته ئه‌گه‌رێ مه‌ترسی بۆ سنور و ناوچا قه‌ندیلی ول جوگرافی یا هه‌رێمێ دا بتنێ حوكمه‌تا كوردستانێ ده‌ست هه‌لاتا شه‌رعیه‌ت هه‌یه كو هه‌ر جهه‌كێ پێدڤی بوو بۆ سه‌قامگێری و پاراستنا خه‌لكێ كوردستانێ دێ هێزێ ره‌وانه‌كه‌ت، ده‌ستیردان ژ چ كه‌س و لایه‌نێن ده‌ره‌كی ناهێته وه‌رگرتن بۆ پاراستنا خه‌لك و خاكێ كوردستانێ.
ئه‌ڤرۆنیۆز، سالار دۆسكی:
به‌رپرسه‌كێ وه‌زاره‌تا ئه‌وقاف و كارۆبارێن ئاینی ل حوكمه‌تا هه‌رێما كوردستانێ، دیاركر كو هه‌تا نوكه چ دیارنینه كو ده‌رگه‌هێن مزگه‌فتان بۆ هه‌یڤا ره‌مه‌زانا پیرۆز بهێنه ڤه‌كرن.
مه‌ریوان نه‌قشه‌به‌ندی، به‌رپرسێ په‌یوه‌ندیان ل وه‌زاره‌تا ئه‌وقاف و كارۆبارێن ئاینی ل حوكمه‌تا هه‌رێما كوردستانێ ل دور ڤه‌كرنا ده‌رگه‌هێ، مزگه‌فتان ل هه‌یڤا ره‌مه‌زانا پیرۆز بۆ ئه‌ڤرۆ نیۆز گۆت: (ڤه‌كرنا ده‌رگه‌هێن مزگه‌ڤتان ل هه‌یڤا ره‌مه‌زانێ گرێدایه ب لژنا به‌رهنگاربوونا ڤایرۆسێ كورونا یە ل ئه‌نجوومه‌نێ وه‌زیران و ئه‌و دشێن بریارێ ل سه‌ر بده‌ن و هه‌تا نوكه به‌حسێ ڤه‌كرنێ نه‌هاتیه‌كرن و هه‌ر ده‌مێ بریار ل سه‌ر ڤه‌كرنێ دا دێ ده‌رگه‌هێن مزگه‌فتان هێنه‌ڤه‌كرن).
ئەڤرۆ نیوز:
پارێزەرێن سەلاحەدین دەمیرتاش هەڤسەرۆکێ بەرێ یێ هەدەپێ کو نها ل زیندانێ دایە، دیار کرن کو وان بەری دو حەفتیان داخواز ژ دادگەها بلند یا تورکیا کربوون کو ژ بەر مەترسیا کۆرۆنا یێ بریارا ئازادکرنا دەمیرتاشی بدەن، چونکو رەوشا ساخلەمیێ یا دەمیرتاشی ل زیندانێ خرابە و مەترسیا کۆرۆنایێ ژی هەیە.
پارێزەرێن دەمیرتاشی دیار ژی کرن کو دادگەها بلند یا تورکیا بێی کو چو بەهانەکا وان هەبیت ب فەرمی دیار کرینە کو داخوازا وان یا بۆ ئازادکرنا دەمیرتاشی هاتیە رەتکرن.
ئەڤرۆ نیوز:
د. شێرزاد حەمید
ژ ئەگەرێ ڤایرۆسێ کۆرۆنا یێ و لدووڤ وی بەرنامێ حوکمەتا هەرێما دارێژتی، 200 هزار خێزانێن هەرێما كوردستانێ دێ مفادار بن ژ وەرگرتناهاریكاریان، ل پارێزگەها دهۆكێ ژی هژمارەکا مەزن یا خێزانان دێ ژ وان هاریكاریان مفادار بن.
د. شێرزاد حەمید، رێڤەبەرێ گشتی یێ چاڤدێری و كومەلایەتی ل پارێزگەها دهۆكێ بۆ ئەڤرۆ نیوز دیار كر: ژ ئەگەرێ ڤایرۆسێ کۆرۆنا یێ، کارتێکرن ل سەر ژیارا چەندین خێزانان بوویە و وان خێزانان پێدڤی ب هاریکاریان هەیە، د ڤی واری دا حوکمەتا هەرێما كوردستانێ پلانەك دارێژتیە، كو هاریكاریان ل سەر (200) هزار خێزانێن هەرێما كوردستانێ دا بەلاڤ بكەت.
هەروەسا گۆتیە ژی : ل سنورێ پارێزگەها دهۆكێ دێ هممارەکا مەزن یا خێزانان ژ وەرگرتنا هاریكاریێن حوکمەتا هەرێما كوردستانێ د مفادار بن و ئەو خێزانێن پێدڤی ب هاریكاریان هەیی و ئەوێن كێم دەرامەت بن دێ هاریكاریێن حكومەتا هەرێما كوردستانێ وەرگرن.
ناڤهاتی دیار كر ژی: بۆ ڤێ چەندێ مە لژنەك پێكئینایە كو ژ شەش كەسان پێك دهێت و ئەز بخو سەرۆكاتیا وێ لژنێ دکەم و مە ل رێڤەبەریێ فورمەك دروست كریە و ل حەفتیا بوری مە دەست ب بەلاڤكرنا فورمێ كریە و هەلبەت ئەڤ فورمە دێ ب رێیا موختارێن گوندان و تاخان هێتە بەلاڤكرن، ل ناڤەندێن قەزایان ژی دێ ئەڤ فورمە هێنە بەلاڤکرن.
د. شێرزاد حەمید هێشتا دبێژیت: ل قەزایێن سەر ب پارێزگەهێ ڤە دێ ب رێیا رێڤەبەریێن مە یێن چاڤدێریا جڤاكی ڤە فورم گەهنە دەستێ موختارێن گوندان و هێنە بەلاڤكرن و هەر فورمەكا دهێتە پر كرن دێ ب هووری ل سەر راوەستین و دووڤچوونێ بۆ كەین، ئەم خەلكێ خوە پشت راست دكەین هەر خێزانەكا پێدڤی پێ هەبیت دێ ژ وەرگرتنا هاریكاریا حكومەتا هەرێما كوردستانێ مفادار بیت.
ئه‌ڤرۆ نیوز، سالار دۆسكی:
ئه‌ندامه‌كێ خولا به‌رێ یا په‌رله‌مانێ عیراقێ، دیاركر كو تشتێ مه‌زن ژ حوكمه‌تا مسته‌فا كازمی ناهێته چاڤه‌رێكرن چنكو حوكمه‌تا وی بۆ ساله‌كێ یه و دێ به‌رهه‌ڤی یا كه‌ت بۆ هه‌لبژارتنێن پێش وه‌خت.
موئه‌یه‌د ته‌یب ئه‌ندامێ خولا به‌رێ یا په‌رله‌مانێ عیراقێ، ب ئه‌ڤر نیۆز گۆت: عادل عه‌بدولمه‌هدی ده‌ست ژ كاری كێشایه و عیراق بێ سه‌رۆك وه‌زیر مایه، به‌ری كازمی (محه‌مه‌د عه‌لاوی، عه‌دنان زرفی) هاتنه راسپاردن و ب سه‌رنه‌كه‌فتن، ئه‌گه‌ر ژی ئه‌و بوویه چ رێكکه‌فتن ل گه‌ل هێزێن سیاسی ئانكو ئه‌ندامێن په‌رله‌مانی نه‌بووینه و له‌وما ده‌رباز نه‌دبوون و یێ ببیته سه‌رۆك وه‌زیر دڤێت پشته‌ڤانیێ 50 كومكرن ئێك ل په‌رله‌مانی بینت و ئه‌ڤان هه‌ر دو كه‌سان نه‌بوو له‌وما نه‌شیان ب سه‌ركه‌فن.
هه‌مان ئه‌ندامێ خولا به‌رێ ئه‌و ژی دیاركر كو هه‌ر دو به‌ربژێرن سه‌رۆكاتیا حوكمه‌تا عیراقێ دیاركربوون كو بێی وه‌رگرتنا بۆچوونێن ئالیێن سیاسی دێ حوكمه‌تێ دروست كه‌ن و ئه‌ڤه ل چ وه‌لاتان دروست نه‌بوویه له‌وما ژی نه‌شیا سه‌ركه‌ڤن و هه‌ر زوو شكه‌ستن ئینان.
موئه‌یه‌د ته‌یب به‌حسێ، عه‌دنان كازمی ژی كر و گۆت: (ئەڤ كه‌سایه‌تی یه شیعه‌یه و یێ بیته سه‌رۆك وه‌زیر دڤێت پتریا هێزێن شیعی رازیبن ل سه‌ر و مسته‌فا كازمی شیا پتریا ده‌نگێن شیعا مسوگه‌ر بكه‌ت و ئه‌و رازیبوون، دووڤ دا كورد و سوننه ژی هاتنه رازیكرن، دێ حوكمه‌ت هێتـه ئاڤاكرن یا بنگهه فراوان كو هه‌موو تێدا پشکدار بن.
ل دور چارەسه‌كرنا كێشان ژی، هه‌مان ئه‌ندامی گۆت: (به‌ری نوكه كوردان رێكکه‌فتن ژی ل گه‌ل سه‌رۆك وه‌زیرێن راسپارده هه‌بووینه و ئه‌و رێكه‌فتن نه‌هاتینه بجهئینان، كازمی بۆ ساله‌كێ یه و به‌رهه‌ڤی یا بكه‌ت بۆ هه‌لبژارتنێن پێشوه‌خت و چ هیڤیێن مه‌زن ل سه‌ر ئه‌ڤی كه‌سی و حوكمه‌تا وی نینن لێ كێشێن هه‌ین زێده‌تر لێ نه‌هێن).
ده‌رباره‌ی هنارتنا مووچێن فه‌رمانبه‌رێن هه‌رێما كوردستانێ ژی، ناڤبری گۆت: (پشكا هه‌رێما كوردستانێ ژ بۆدجێ بهێتـه هنارتن و بزاڤ بهێنه‌كرن چ، كێشێن دی دروست نه‌بن و مه‌ترسی ل سه‌ر هاتنا داعش هه‌یه و گرنگه هێزێن پێشمه‌رگه‌ی و هێزێن عیراقا فیدرال هه‌ڤكاریه‌ك هه‌بیت بۆ نه‌هێلانا مه‌ترسیێ، ئه‌ڤا بابه‌تان مرۆڤ چاڤه‌رێ دكه‌ت و مه‌زنتر ناكه‌ت).
نيشاندان