ئەڤرۆ نیوز، زنار تۆڤی:
ژ ئەگەرێ بارینا بارانێن ڤێ دووماهیێ، ئاخ ل ڤی جهی داچوویە و ئەڤ ستوونا کارەبێ ژی ل بەر مەترسیا کەفتنێ یە، ئەڤ ستوونا کارەبێ نێزیکی جادا گشتیە ل سنۆرێ زاویتە.
مەترسیا کەفتنێ ل سەر ڤێ ستوونا کارەبێ هەیە
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
وەزیرێ بازرگانی دێ سەرەدانا پارێزگەها دهوکێ کەت
ئەڤرۆ نیوز، عەلی حاجی :
رێڤەبەرێ گشتی یێ بازرگانی یێ ل هەرێما کوردستانێ د داخویانیەکێ دا بۆ ئەڤرۆ نیوز دیار کر بریارە سوبەهی سێشەمبی وەزیرێ بازرگانی یێ سەرەدانا پارێزگەرێ دهوکێ و ژوورا بازرگانیێ ل دهوکێ و دەروازێ نێڤدەولەتی یێ ئیبراهیم خەلیل بکەت.
نەوزاد ئەدهەم زێدەتر گوت : مەرەما سەرەدانا وەزیرێ بازرگانیێ بۆ باژێرێ دهۆکێ ژبەر وێ چەندێ ئەوە کو پشتی وەزیری چەندین کومبوون ل گەل بازرگانێن پارێزگەهێن هەولێرێ و سلێمانێی ئەنجام داین ل دەست پێکا سەرەدانا خوە دا بۆ پارێزگەها دهوکێ کومبوونەکێ ل گەل بازرگانێن دهوکێ ل ژوورا بازرگانیا دهوکێ ل دور کێشە و ئاستەنگێن بازرگانان ئەنجام دەت، پشتی وێ کومبوونێ دێ سەرەدانا پارێزگارێ دهوکێ هێتە کرن ل دور بزاڤا بازرگانی ل هەرێمێ و پارێزگەهێ و هەر دیسان هەبوونا رێژا پێدڤێین روژانە یا خەلکی یە دا کو وەزیر ئاگەهدار بیت ل سەر گرانیا بازاری، هەر د بەرنامەیێ سەرەدانا وەزیرێ بازرگانی دێ سەرەدانا دەروازێ نێڤدەولەتی یێ ئیبراهیم خەلیل کەت بۆ چەند مەرەمێن بازرگانی ل وی دەرگەهی، دیسان وەکو پێزانینێن ل بەر دەست ب درێژاهیا ١٤٠ کێلومەتران ل دەرگەهێ وەلاتێ تورکیا ترۆمبێل کەڤتینە د سرایێ دا و ئەڤە ژی مەترسیەکا رژدی یە بۆ کوردستانێ ل دور ڤەگوهاستنا وی ڤایروسی بۆ هەرێما کوردستانێ.
ناڤهاتی گوت ژی : لەورا وەزیرێ بازرگانی یێ دێ بزاڤێ کەت ب رێیا سەرەدانا خوە زێدەتر بەحس ل رێکارێن ساخلەمیێ کەت، داکو دوبارە چاڤ خشاندنەک ل هاتنا وان ترومبێلێن بارهەلگرێن تورکی کەت بۆ ناڤ ئاخا کوردستانێ دا داکو چو مەترسیەک دروست نەبیت.
باوه‌رنامێن مامۆستایێن ئاینى دێ هێنه راستڤه كرن
ئه‌ڤرۆ نیۆز، سالار دۆسكى:
ئه‌ندامه‌كێ په‌رله‌مانێ كوردستانێ ئاشكرا كر كو دێ كومیته‌ك هێـته دروستكرن و نوونه‌رێن هه‌رسێ وه‌زاره‌تێن په‌روه‌ردێ و خواندنا بلند و ئه‌وقافێ تێدابن و دێ كار بۆ راستڤه‌كرنا باوه‌رنامێن مامۆستایێن ئاینى هێته‌كرن.
مه‌لا ئحسان رێكانى، ئه‌ندامێ لژنا ئه‌وقاف و كاروبارێن ئاینى ل په‌رله‌مانێ كوردستانێ بۆ ئه‌ڤرۆ نیۆز گۆت: پتر ژ 40 مامۆستایێن ئاینى كو نوونه‌راتیا هه‌ژماره‌كا زووتر یا مامۆستایێن ئاینى دكه‌ن، یا داشته‌ك پێشكێشكى لژنا ئه‌وقافێ ل په‌رله‌مانى كربوون، داخاز كرینه كو باوه‌رنامێن وا بهێنه راست ڤه‌كرن چنكو چووینه ده‌رڤه خواندینه و مامۆستا هه‌بووینه په‌یمانگه‌ه ب دووماهى ئیناینه ل كوردستانێ و دڤێت باوه‌رنامێن وا بهێنه راستڤه‌كرن.
ئاشكراكر ژی، كو دێ لژنه‌ك ژ نوونه‌رێن هه‌رسێ وه‌زاره‌تێن خواندنا بلند، ئه‌وقاف و كاروبارێن ئاینى و په‌روه‌رده هێته پێكئینان ب مه‌ره‌ما ده‌ركرنا هنده‌ك رێنما ل سه‌ر راستڤه‌كرنا ئه‌ڤان باوه‌رناما و ژڤان بوو هه‌رسێ وه‌زیر بۆ رونشتنه‌كا په‌رله‌مانى بهێنه داخواز كرن به‌لێ ژ به‌ر نه‌خوشیا كورونایێ ئه‌ڤ چه‌ندە هاتیه راوستاندن.
هه‌مان ئه‌ندامێ په‌رله‌مانى ئه‌و ژى خۆیاكر كو داخواز ژ وه‌زاره‌تا خواندنا بلند هاتیه‌كرن كو راستڤه‌كرن ل باوه‌رنامان دا بهێته‌كرن.
پوتین: رەوش ل روسیا گەلەک خرابە
ئەڤرۆ نیوز:
ڤیلادەمیر پوتین سەرۆکێ روسیا راگەهاند کو مخابن ل روسیا ژ بەر ڤایرۆسێ کۆرۆنا رەوش گەلەک خرابە و هژمارا کەسێن کو تووشی کۆرۆنایێ دبن ژی هەر کو دچیت زێدەتر لێ دهێت.
سەرۆکێ روسیا داخواز ژ هەموو وەلاتیێن روسیا ژی کر کو پێگیریێ ب رێنمایان بکەن و خوە بپارێزن و گۆت: (مخابن هژمارەکا بەرچاڤ ژ کەسێن کو تووشی کۆرۆنایێ بووینە بارێ ساخلەمیا وان یا خرابە).
بسپوره‌كێ ئابووری: هه‌رێمێ به‌رده‌اوم دێ د گرفتان دا بیت چونكو مه چو سیسته‌مێن زه‌لال نینن
ئه‌ڤرۆنیۆز، سالار دۆسكی:
مامۆستایێ زانكۆیا دهۆكێ، ئاشكراكر كو هه‌كه داهاتێ به‌غدا به‌رده‌وام بیت و بهایێ په‌ترۆل دا نه‌كه‌ڤت، هه‌رێما كوردستانێ چ ئاریشه نابن، نه ڤه‌شارت ژی كو گرنگه پێنگاڤێن چاكسازیێ گه‌له‌ك ب هووری بهێنه هاڤێتن، دا تووشی چ ئاریشێن مه‌زن نه‌بین.
د.خه‌لیل غازی، مامۆستایێ زانكۆیا دهۆكێ بۆ ئه‌ڤرۆ نیۆز گۆت: ئابوورێ هه‌رێما كوردستانێ ب وی ره‌نگی نینه كو ب هاتنا نه‌خوشیا كورونایێ دێ ره‌وشا ئابووری ل كوردستانێ هێـته تێكدان، داهاتێ هه‌رێمێ ل سه‌ر په‌ترۆلێ یه و ئه‌گه‌ر بهایێ په‌ترۆلێ داكه‌فت گومان نینه دێ داهاتێ هه‌رێما كوردستانێ كێم بیت، به‌لێ هاتنا ڤایرۆسێ كورونایێ هه‌موو خزمه‌ت گوزاریێن لوجسكی دهێنه راوستاندن، ئانكو میكانزما برێڤه‌برنا ئابووری ڤایرۆسێ كورونایێ روستاندیه.
ئه‌و ژی ئاشكراكر كو دێ هه‌رێما كوردستانێ به‌رده‌اوم دگرفتان دا بیت چنكو مه چ سیسته‌مێن زه‌لال نین بۆ برێڤه‌برنا ئابووری، دڤێت پێنگاڤێن چاكسازیێ بهێنه هاڤێتن و رێكا خوه بگرن، بڤی ره‌نگی مه ئاریشه نابن، چنكو نوكه بتنێ بارگرانی كه‌فتیه سه‌ر وی كه‌سی ئه‌وێ بێ مووچه، ئانكو ئه‌وێن به‌رهه‌مێ ده‌ستی دكه‌ن وه‌ك رێنجبه‌ر.
د. خه‌لیلی ئه‌و ژی خۆیاكر كو گرنگه پێنگاڤێن چاكسازیێ گه‌له‌ك ب هووری بهێنه هاڤێتن، چنكو ئه‌ڤه پتر ژ بیست سالانه ل سه‌ر رێكه‌كێ دچین، ئه‌م دزانین ئه‌وێ رێكێ شاشی هه‌نه، بوویه كه‌لتور یا ب ساناهی نابیت بهێته راستڤه‌كرن چنكو هه‌كه بڤی ره‌نگی بیت ره‌نگه ئاریشێن مه‌زن دروست بن.
ئەمریکا داخوازا پێکڤە کارکرنێ ژ یەپەگێ دکەت
ئەڤرۆ نیوز:
ل گۆر هندەک میدیایێن عەرەبی پشتی کو روسیا و تورکیا ل هندەک دەڤەرێن رۆژئاڤایێ کوردستانێ جارەکا دی پێکڤە دەست ب هندەک بزاڤان کرینە ئەو یەک بوویە جهێ دلگرانیا ئەمریکا و حەفتیا بۆری شاندەکێ ئەمریکا سەرەدانا بەرپرسێن هێزێن سووریا دیموکرات و یەپەگێ کرینە و داخواز ژ وان کرینە کو ل رۆژهەلاتێ فراتێ پێکڤە کار بکەن دا رێگری ل بزاڤێن تورکیا و روسیا بهێتە کرن.
چاڤدێرێن سیاسی دیار دکەن کو پشتی ب بریارا ترامپی ئەمریکا هندەک هێزێن خوە ژ رۆژئاڤایێ کوردستانێ ڤەکێشان ئەو یەک بوویە جهێ دلگرانیا گەلەک بەرپرسێن سەربازی یێن ئەمریکا و ژ بەر هندێ ژی دەمەکە ئەمریکا پێنگاڤ ب پێنگاڤ هێزێن خوە جارەکا دی ل رۆژئاڤایێ کوردستانێ ب تایبەتی ژی ل دەڤەرێن ستراتیژی بجه دکەت.
مامۆستایه‌كێ زانكۆیێ: شاشیه قه‌ده‌غه‌یا هاتنوچوونێ بهێته راكرن
ئه‌ڤرۆنیۆز، سالار دۆسكی:
راوێژكارێ نه‌خوشیێن میكروبی و سیسته‌مێ به‌رگێری دیاركر كو شاشی یه قه‌ده‌غه‌یا هاتنوچوونێ بهێته راكرن و دڤێت ل ده‌ستپێكا هه‌یڤا داهاتی ب چه‌ندین قوناغا ئه‌ڤ كاره بهێته‌كرن.
پرۆفیسور د. هیشام یوسف راوێژكارێ نه‌خوشیێن میكروبی و سیسته‌مێ به‌رگێری ل زانكۆیا زاخۆ بۆ ئه‌ڤرۆ نیۆز گۆت: (شاشی یه ب زووترین ده‌م قه‌ده‌غه‌یا هاتنوچوونێ نوكه بهێته‌راكرن و دێ باشتر بیت ل ده‌ستپێكا هه‌یڤا ئه‌یارێ قه‌ده‌غه ب چه‌ندین قوناغا بهێته راكرن، چنكو ئه‌ڤ ڤایرۆسه گه‌له‌كێ ب مه‌ترسی یه و ڤه‌شارتیه).
راوێژكارێ نه‌خوشیێن میكروبی و سیسته‌مێ به‌رگێری گۆتژی: راكرنا قه‌ده‌غه‌كرنا هاتنوچوونێ دڤێت ب قوناغ بیت و ده‌ستپێكێ جهێن خه‌لكی گه‌له‌ك پێدڤی پێ هه‌ی بهێنه‌راكرن، وه‌ك (بانك، سه‌رترشخانه، نوشدار) ماوێ حه‌فتیه‌كێ چاڤدان ل سه‌ر هه‌بیت و هه‌كه ڤایرۆس ده‌ركه‌فت دڤێت بچینه خالا ده‌ستپێكێ ڤه یا خوپاراستنێ، گه‌له‌ك جاران جڤاك سێ جاران چووینه د كه‌رنتیكرنێ دا).
هه‌مان نوشداری ئه‌و ژی ئاشكراكر كو مه‌ترسی نه ئه‌وه بتنێ ڤایرۆس ل ئه‌وان كه‌سانه ئه‌وێن كه‌فتینه نه‌خوشخانێ، ره‌نگه هه‌ر جڤاكه‌كی 30% ئه‌ڤ ڤایرۆسه گرت بیت و ئه‌م نوزانین و نه‌هاتینه تۆماركرن.
ناڤهاتی دیار ژی کر کو هێشتا ده‌م نه‌هاتیه به‌حسێ ڤه‌كرنا زانكۆ و قوتابخانا بكه‌ین، چنكو جهێ مه‌ترسی یه و دێ باشتر بیت ژ ده‌ستپێكا هه‌یڤا پێنج ژی بوریت، ل دور مه‌ترسیێن وه‌لاتێن جیران، د. هیشام گۆت: (پێنگاڤێن حوكمه‌تێ ل خالێن سنوری جهێ ده‌ست خوشیێ نه، به‌لێ دڤێت به‌رده‌وام دووڤچوون و هشیاربوون هه‌بیت ل گه‌ل شوفێران، ره‌وشا باشه دێ باشتر بیت تیمه‌كا ساخله‌میێ هه‌بیت و به‌رده‌وام ئه‌وان شوفێران هشیاركه‌ت ل سه‌ر به‌لاڤبوونا ڤایرۆسی و قه‌ره‌بالغ دروست نه‌بیت).
هه‌مان راوێژكار دیار ژی کر کو نابیت ژیانا مه یا به‌ری كورونایێ بیته هه‌مان ژیانا پشتی كورونایێ چنكو چه‌ند ڤایرۆس ل جیهانێ هه‌بیت مه‌ترسی هه‌یه، چنكو جیهانا ڤه‌كریه و بله‌ز به‌لاڤ دبیت، چه‌ند ڤایرۆس ل جیهانێ هه‌بیت دێ مه‌ترسی یا به‌رده‌وام بیت.
کەرەنتینا ناحیا خەلیفان ب دووماهی هات
ئەڤرۆ نیوز:
کاروان شێرزاد رێڤەبەرێ کارگێری ل نەخوشخانا خەلیفان راگەهاند کو دەمێ کەرەنتیا ناحیا خەلیفان کو ١٤ رۆژ بوون ب دووماهی هات و گۆت: (د ماوەیێ ١٤ رۆژێن بۆری دا ل ناحیا خەلیفان پشکنینا کۆرۆنایێ بۆ ٧١٥ کەسان هاتیە کرن یێن کو گومان دهاتە کرن بەرکەفتیێ نەخوشێن کۆرۆنایێ بن، لێ خوشبەختانە هەموو ژی نێگەتیڤ دەرچوون).
ناڤهاتی ئەو یەک ژی دیار کر کو سوپاسیا خەلکێ خەلیفانێ و دەوروبەران دکەین کو د ماوەیێ ١٤ رۆژێن بۆری دا هاریکاریا مە کرن و نەهێلان ڤایرۆسێ کۆرۆنایێ بەلاڤ ببیت.
پلانا رێ پێدانا جوتیاران یا سەرکەڤتی بوو
ئەڤرۆ نیوز، عەلی حاجی :
رێڤەبەرێ چاندنێ ل زاخۆ د داخویانیەکێ دا بۆ ئەڤرۆ نیوز دیار کر مە پێشنیارەک رەوانەی وەزارەتا کشتولێ کری یە حکومەت بەرهەمی بۆ جوتیاری دیار بکەت کو دێ چو بەرهەمی دناڤ ئەردێ خوە دا چینیت و پلانا رێ پێدانا ب جوتیاران یا سەرکەڤتی بوو .
زێدەتر ئەحمەد سامی دیار کر کو ب هەماهەنگی دگەل رێڤەبەریا چاندنێ ل دهوکێ مە پروژەیەک رەوانەی وەزارەتا کشتوکالێ کری یە کو ئێدی حکومەت ب خوە بەرهەمی بۆ جوتیاری دەست نیشان بکەت کو وی بەرهەمی بچینیت و و دناڤ وی پروژەیی دا بۆ هەمی بەرهەمێن چاندنێ رێژە هاتینە دەست نیشان کرن کو ل دووف وێ رێژەیێ ئەو بەرهەمە بهێتە چاندن و هەکە ئەڤ پروژە هاتە پەسەند کرن دێ پێنگاڤەکا باش بیت هەمی بەرهەم ل کوردستانێ هەبن،پلانا رێپێدانێ بۆ جوتیاران یا سەرکەڤتی بوو ژبەر کو پشتی رێک ب جوتیارێن دەڤەرا زاخۆ هاتیە دان خەلکەکێ زور قەستا ناڤ ئەردێ خوە دا کرن و وەکو رێڤەبەریا چاندنێ ژی مە هەوەکا مەیدانی دەست پێکری یە دا کو ژ نێزیک ڤە بزانین جوتیارێ مە پێدڤی چیە د نوکە دا .
ناڤهاتی ئەو ژی نە ڤەشارت کو هەر جوتیارەکێ بەرهەمێ وی توشی نەخوەشیەکێ ببیت دا وەکو ئەم بشێن وی دەرمانێ نەخوەشیێ دابین بکەین و حکومەتێ پلانێن باش هەنە بۆ پشتەڤانی کرنا کەرتێ چاندنێ و پشتی ئەڤ رەوشا نوکە ب دوماهی دهێت دێ پلانێن حکومەتێ دیار بن بۆ پشتەڤانی کرنا جوتیاران.
د ٢٤ دەمژمێرێن بۆری دا چو حالەتێن کۆرۆنایێ ل هەرێما کوردستانێ نەهاتینە تۆمار کرن
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ راگەهاند کو خوشبەختانە د ماوەیێ ٢٤ دەمژمێرێن بۆری دا پشکنین بۆ ٧٩٢ کەسان هاتیە کرن و د ئەنجام دا دیار بوو کو چو کەسەک ل هەرێما کوردستانێ تووشی کۆرۆنایێ نەبوویە.
ناڤهاتی ئەو یەک ژی دیار کر کو نابیت قەدەغەیا هاتنوچوونێ ب ئێکجاری ل هەرێما کوردستانێ بهێتە راکرن و گۆت: (بێگومان دێ گەلەک ئاسانکاری بۆ باشترکرنا رەوشا ژیانا وەلاتیان هێتە کرن، لێ نابیت ب ئێکجاری قەدەغەیا هاتنوچوونێ بهێتە راکرن، چونکو هێشتا مەترسیا کۆرۆنایێ ل هەرێما کوردستانێ یا هەیە).
نيشاندان
WP Facebook Auto Publish Powered By : XYZScripts.com