ئه‌ڤرۆ نیوز:
ئێك ژ خودانێن تورا جڤاكی یا بناڤێ تویته‌ر بریاردایه پشكه‌كا سه‌روه‌ت و سامانێ خۆ بۆ به‌رهنگاربوونا ڤایرۆسێ كورونایێ ته‌رخان بكه‌ت.
میدیایێن جیهانی به‌لاڤكرن جاك دورسی رێڤه‌به‌رێ بجهكارێ تویته‌ری راگه‌هاندیه كۆ ملیاره‌كا دۆلاران بۆ به‌رهنگاربوونا ڤایرۆسێ كورونایێ پێشكێشی ئه‌وان لایه‌ن دكه‌ت بۆ چاره‌كرنا ئه‌ڤی ڤایرۆسی كار دكه‌ن.
جاك دورسی ئێكه ژ خودانێن تویته‌ری ئه‌و چه‌نده ژی گۆت به‌رهه‌ڤم 28% سه‌روه‌ت و سامانێ خۆ بۆ به‌رهنگاربوونا كوروتایێ ته‌رخان دكه‌م.
ئه‌ڤرۆ نیوز:
ب ئه‌گه‌رێ سه‌رهلدانا ڤایرۆسێ كورونایێ ملیۆن كرێكاران ل جیهانێ كارێن خۆ ژ ده‌ست دان.
لگۆری نووترین راپۆرتا سه‌ندیكایا كرێكارێن ئه‌وروپا پشتی سه‌رهلدانا ڤایرۆسێ كورونا كۆڤید 19 هه‌تا نوكه ملیۆنه‌كا كرێكاران ل ئه‌ورۆپا كارێن خۆ ژ ده‌ست داینه و بێكارن.
لوكا فیسینتنی سكرتێرا سه‌ندیكا كرێكارێن ئه‌ورۆپا هوشداری دا هه‌كه بریاره‌كا بله‌ز نه‌هێته‌دان كۆ ئه‌و كرێكارێن تووشی زیانان دبن و كارێن خۆ ژ ده‌ست داین دێ ره‌وشه‌كا خراپ ب سه‌ر كرێكاران دا هێت.
سه‌ندیكا كرێكارێن ئه‌ورۆپا ئه‌و چه‌نده ژی راگه‌هاند كۆ 400 ملیار دۆلار پێدڤینه بۆ ئه‌وێ چه‌ندێ پشته‌ڤانی ل كرێكاران بهێته‌كرن.
رێكخراوا نێڤ ده‌وله‌تی یا كاری راگه‌هاند هه‌كه قه‌یرانا ڤایرۆسێ كورونایێ به‌رده‌وام بیت 36 ملیۆن كرێكار بێكار دبن و كارێن خۆ ژ ده‌ست دده‌ن و قه‌یرانه‌كا مه‌زنا ئابووری دێ ب سه‌ر جیهانێ دا هێت.
ئەڤرۆ نیوز،عەلی حاجی :
ل باژێرێ زاخۆ دوبارە دەست ب تافیلکرنا جاددەیێن دناڤ باژێری هاتنە کرن و بەرهەڤی بۆ هەر رەوشەکا نەچاڤەرێکری دهێتە کرن. ئەندازیار ئەدهار زاخۆیی گۆت : قوناغێن تافیلکرنا جاددەیێن زاخۆ بەردەوامە ژلایێ تیمێن باژێرڤانیا زاخۆ ڤە،ئەڤرۆ ل رۆژا چار شەمبێ رێکەڤتی ٨/٤/٢٠٢٠ جادەیێن سەرەکیێن دناڤ بازارێ زاخۆ دهێنە تافیلکرن و ئەڤە بۆ جارا سیێ بازارێ زاخۆ دهێتە تافیلکرن و ئەڤە هەوێن تافیلکرنێ هەر ژ دەست پێکا هەیڤا سێ هەتا نوکە بەردەوامن و دێ بەردەوام ژی جاددەیان تافیل کەین هەتا کو رەوشا نوکە یا ڤایروسێ کورونایێ دهێتە کونترول کرن.
ل دور خوە بەرهەڤکرن بۆ هەر رەوشەکا نەچاڤەرێکری دکتور هەیهات خێرەللا گۆت : ماوەیێ چار رۆژایە خولەکا تایبەت ل دور چاوانیا خوە پاراستنێ ژ ڤایروسێ کورونایێ ل دور ستاندەردێن جیهانی ژلایێ رێڤەبەریا گشتی یا ساخلەمیا پارێزگەها دهۆکێ ب هەڤکاری دگەل ساخلەمیا زاخۆ بۆ نوشدار و کارمەندێن ساخلەمیێ و پەرستاران هاتیە ڤەکرن، كۆ ژلایێ رێکخراوا ئایسو یا ئیتالی ڤە ئەو خولە دهێتە ب رێڤەبرن،ئەڤ خولە وەک خوە بەرهەڤکرنە بۆ هەر رەوشەکا بهێت یا نەچاڤەرێکری ل پارێزگەها دهوکێ ل دور زێدەبونا حالەتێن ڤایروسێ کورونایێ یە ، پلانا ئێکێ نەخوشخانەیا سوتنێ ل دهۆکێ هات بوو بەرهەڤکرن و هەکە حالەت ل پارێزگەها دهۆکێ بەرەڤ زێدەبونێ ڤە چوون،دێ د پلانا دووێ دا نەخوشخانا زاخۆ یا گشتی و نەخوشخانا گولان ل ئاکرێ هێنە دەست نیشان کرن و تایبەت کرن ب هەلگرێن ڤایروسێ کورونایێ.
ناڤهاتی ئەو چەندە ژی گوت : هەتا نوکە رەوشا پارێزگەها دهۆکێ گەلەک یا باشە بەلێ وەکو تیمێن ساخلەمیێ دڤێت بۆ هەر پێشهاتەکا نەچاڤەرێکری ئەم بەرهەڤ بین و بەرهەڤیێن پێش وەخت ئەنجام بدەین.
ئەڤرۆ نیوز، مەحمود نهێلی:
رێڤەبەرێ ساخلەمیا قەزا ئامێدیێ بۆ ئەڤرۆ نیوز دیار کر، ل سنورێ قەزا ئامێدیێ دو ئوتێل و ئاڤاهیەکێ پێنج شوقەیی و ئاڤاهیێ پشکا ناڤخوە یا پەیمانگەهێ هاتینە بەرهەڤکرن بۆ کەرەنتین و بەرکەفتیان و ل بنگەهێ ساخلەمیا شێلادزێ یێ نوو ژی پشکەک هاتیە تەرخانکرن بۆ وەرگرتن و چارەکرنا نەخوەشێن کۆرونایێ کو جهێ چاردە تەختایە و یێ ڤەدەر وجودایە ژ پشکێن دیتر.
دکتور شاکر عەبدولعەزیز رێڤەبەرێ ساخلەمیا قەزا ئامێدیێ دیار کر وان داخازا دابینکرنا چار ئامیرێن هەناسەدانێ کرینە بو ڤی بنگەهی و گۆت : ئەڤ ئامادەکارییە پشتی نەخوەشخانێن ل دهۆکێ و زاخۆ و ئاکرێ پری نەخوەش دبن ل وی دەمێ دێ ئەم ژی نەخوەشێن ئامێدیێ ل وێرێ حەوینین ، ب ئانەهیا خودێ ئەم پێدڤی نابینێ و وەلێناهێت پێدڤی ببینێ.
ناڤهاتی دیار کر، هەموو پشکنینێن خوە نوکە ئەم فرێ دکەینە دهۆکی و چ قەزایەکێ ئامیرێ پشکنینێ نینە و گۆت : تا نوکە ل دەڤەرا ئامێدیێ مە دورێن ۱۳۰ پشکنینان بۆ بەرگومانان ئەنجامداینە و دو ژوانا پوزتیڤ دەرچونە و نوکە رەوشا وانا ژی باشە سوپاس بو خودێ. ناڤهاتی دیار ژی کر، کومەلگەها قەدشێ دێ بو ماوێ دوو حەفتیان د دکەرەنتینێ دا بن و هەکە چ توشبوویێن دی نەهاتنە تومارکرن دێ ب داوی هێت.
هەروەسا ناڤهاتی دەست خوەشی و سوپاسیا خەلکێ دەڤەرێ کر، کو تا راده‌یەکێ باش پێگیرن بوون ب رێنمایان و داخاز ژی کر، بەردەوام و خوەراگڕ بن و تەحمولێ بکەن تا ئەڤ رەوشە دەربازدبیت و ب ئانەهیا خودێ دێ ل ڤێ رەوشێ ب سەرکەفتیانە دەرباز بین.
ئه‌ڤرۆ نویز:
وه‌زاره‌تا ساخله‌میا حكومه‌تا هه‌رێما كوردستانێ 14 توشبوویێن دی ب ڤایرۆسێ كورونایێ ل هه‌ولێرێ راگه‌هاند.
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ د به‌رده‌وامیا پشكنین و لیگه‌ریان و دووڤچوونا گۆمانلێكریان دا، چوارده توشبویێن ڤایرۆسێ كورونا كۆڤیدی 19 ل باژێرێ هه‌ولێری هاتنه ده‌ست نیشانكرن.
وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی د راگه‌هاندنێ دا روونكریه، كۆ 9 ئافره‌ت و 4 زه‌لام و زارۆكه‌ك ل تاخێ سه‌یداوه و ره‌شه‌نبیری و پێشمه‌رگه و زین سیتی و زانكۆ و ماموستایان، پرانیا وان ژی ژ ئه‌نجامێ تازیا تاخێ كارێزان توشبووینه.
ته‌ڤایا توشبوویێن ڤایرۆسی كورونایێ ل هه‌رێما كوردستانێ گه‌هشته 303 كه‌سان، كۆ ژ وان 114 كه‌س ساخل و باش بووینه و 3 كه‌س ژی مرینه .
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، 14 کەسێن دیتر ل هەولێرێ تووشی ڤایرۆسێ کۆرۆنا یێ بوون، کو پرانیا وان بەرکەفتیێن تووشبوویێن ھەردو بەهیێن گەرەکا کارێزانن ل ھەولێرێ.
ئەڤرۆ چارشەمبی 08-04-2020 د راگەهاندنا وەزارەتا ساخلەمیێ دا هاتیە، کو ئەو 14 تووشبوویی پێکهاتینە ژ : نەهـ ژنان و چار زەلام و زارۆیەک ل گەرەکێن (سەیداوە، رۆشنبیری، پێشمەرگە، زین سیتی، زانکۆ، مامۆستایان).
ب تۆمارکرنا وان 14 تووشبوویان، سەرجەمێ گشتی یێ تووشبوویێن کۆرۆنا یێ ل هەرێما کوردستانێ گەهشتە 303 کەسان، ژ وێ هژمارێ 119 کەس چێبووینە و سێ کەسان ژی گیانێ خوە ژ دەستدایە.
ئەڤرۆ نیور:
ئیدارا پارێزگەها دهۆکێ پلانا قۆناغا دویێ یا ڕێپێدانێ ب وەلاتیان بۆ کرینا کەل و پەلان و جێبەجێکرنا کارێن رۆژانە راگەهاندن.
ئیدارا پارێزگەها دهۆکێ ل ٧ نیسانا ٢٠٢٠، قۆناغا دویێ یا بڕیارێن رێپێدان ب وەلاتیان راگەهاندن و دیاکر، کو رۆژانە خودانێن نڤیسینگەهێن ڤێتێرنەری و چاندنێ ل دەمژمێر هەشتی سپێدێ دشێن بچنە سەرکاری و دەمژمێر ئێکێ پشتی نێڤرۆ جهێن خوە بگرن و ڤەگەرنە مالێن خوە.
هەروەسا جوتیارێن خودان زەڤی و نەمام و مێشەڤان، ل دەمژمێر پێنجێ هەتا حەفتی سپێدێ بچنە سەرکارێن خوە، ل دەمژمێر چارێ بۆ شەشێ ئیڤارێ ڤەگەرنە مالێن خوە.
دیسا ڤەگۆهاستنا بەرهەمێن ناڤخۆیی وەک، سپیاتی و کەسکاتی و ماسی، ل دەمژمێر پێنجی سپێدێ هەتا ٢ پشتی نیڤرۆ، هەروەسا ڤەگۆهاستنا چیچەلۆک و مریشکێن زیندی ل دەمژمێر شەشی سپێدێ هەتا شەشێ ئێڤارێ.
ڤەگۆهاستنا کەل و پەلێن چاندنێ وەک تۆڤ و سۆندە، کیمیا، ل دەمژمێر شەشێ سپێدێ هەیا دەمژمێر ٢ پشتی نیڤرۆ.
هەروەسا پرۆژێن وەکو ئاژەلی و ئالفی، سەربرخانێن مریشکا و پرۆژێن مریشکێن هێکەر و یێن د قەفەسان دا، ل دەمژێر ٥ سپێدێ هەیا ٥ ئێڤاری و سەربرخانێن ئاژەلان ٥ ئیڤاری هەتا ٦ ئێڤاری و ب شەڤێ ل دەمژمێر ١٢ێ هەتا ٨ سپێدەهیا رۆژا دووڤدا.
ڤەگۆهاستنا ئاژەلێن زیندی، ل دەمژمێر ٦ سپێدێ هەتا ١٢ نیڤرۆ، خوارنێن دلیڤەری ل دەمژمێر ٦ سپێدێ هەتا ٥ ئیڤارێ.
ئەڤرۆ نیوز:
رێڤەبەرێ ساخلەمیا سلێمانیێ راگەهاند، کو حەفت تووشبوویێن دیتر یێن کۆرۆنا یێ ل سلێمانیێ چێبوون و بۆمال هاتنە رەوانە کرن.
د. سەباح هەورامی، رێڤەبەرێ ساخلەمیا سلێمانیێ گۆت، 116 کەس ل سلێمانیێ تووشی کۆرۆنا یێ بووینە، هەتا نوکە 85 کەس ژ وان چێبووینە.
ل سەرانسەری هەرێما کوردستانێ 289 کەس تووشی ڤایرۆسێ کۆرۆنا یێ بووینە و 117 کەس ژی چێبووینە.
ئەڤرۆ نیوز، عەلی حاجی:
ئەندامەکێ لژنا بلند یا بەرهنگاربوونا ڤایروسێ کۆرۆنا یێ ل زاخۆ بۆ ئەڤرۆ نیوز دیار کر، ژبەر بەلاڤکرنا پێدڤیێن خوارنێ و کەسکاتی و سپیاتیان ل زاخۆ ژ دەمژمێر ١٢ شەڤ هەتا هەشتی سپێدێ بوو، دو دەمژمێرێن دیتر هاتنە زێدە کرن.
زێدەتر ئەدیب جەعفەر گۆت : لدووڤ دووماهی رێکارێن لژنا بلند یا بەرهنگار بوونا ڤایروسێ کۆرۆنا یێ ل زاخۆ بەلاڤ کرنا پێدڤیێن خوارنێ و کەسکاتی و سپاتیان ژ دەمژمێر ١٢ شەڤ هەتا دەمژمێر هەشتی سپێدێ بوو ،بەلێ ئەڤ چەندە ببوو ئەگەرێ وێ چەندێ کو چەندین کێماسی دروست ببوون و گەلەک جاران ژی کومپانیان د وی دەمی دا دەرگەهێن خوە ڤەنەدکرن ژبەر درەنگی و زوو یا دەمی یان ژی گەلەک جاران د وان دەمێ دەمژمێرێن سپێدەهیان دا مارکێت نەدهاتنە ڤەکرن، لدووف نووترین بریارێن لژنا بلند ل زاخۆ دو دەمژمێرێن دیتر بۆ وان هاتنە زێدە کرن و خودانێن ترومبێلێن بارهەلگر دشێن ژ دەمژمێر ١٢ شەڤ هەتا ١٠ سپێدێ کەل و پەلان ب سەر مارکێت و جهێن فروتنا کەسکاتی و سپیاتیان بەلاڤ بکەن.
ناڤهاتی گوت ژی: ئەڤ بریارە هەر ژ سوباهی رۆژا چارشەمبی دێ کەڤیتە د وارێ جێبەجێ کرنێ دا و ئارمانجا مە ژی زێدەتر خزمەت کرنا وەلاتیانە.
ئەڤرۆ نیوز:
ئەڤرۆ فرەنسا مرنا هزار و 417 كەسێن دیتر ب ڤایرۆسێ كۆرۆنا ل وی وەلاتی راگەهاند، هەتا نوکە 10 هزار و 328 كەسان ب کۆرۆنا یێ گیانێ خوە ژ دەستدایە.
جیرۆم سێلمون، رێڤەبەرێ گشتی یێ كاروبارێن ساخلەمیێ ل فرەنسا گوت: د ماوێ شەڤ و رۆژەکێ دا 3 هزار و 777 حالەتێن نوو یێن تووشبوون ب كۆرۆنا ل وی وەلاتی هاتینە تۆمار كرن، هەتا نوکە 78 هزار و 167 حالەتێن تووشبوونێ ل سەرانسەری فرەنسا هاتینە تۆمار كرن.
نيشاندان