ئەڤرۆ نیوز:

دەزگەهێن راگەهاندنا ئەلمانیا دیار دکەن کو بەری ٨ سالان ناڤەندەکا ڤەکۆلینێن زانستی ل دۆر بەلاڤبوونا ڤایرۆسێ کۆرۆنا هۆشداری داینە دەستهەلاتا ئەلمانیا و داخواز کرینە کو دڤێت بەرهەڤیێن باش بهێنە کرن.

د راپۆرتێ دا هاتیە دیار کرن کو دێ ڤایرۆسەک ژ ئاژەلی دەربازی مرۆڤی بیت و دێ ل چینێ دەرکەڤیت و پاشی دێ ل هەموو جیهانێ بەلاڤ بیت، ئاماژە ب هندێ ژی هاتیە کرن کو دەرمانێ وێ ڤایرۆسێ زوو پەیدا نابیت و کەسێن کو بۆ جارا ئێکێ ژ وێ ڤایرۆسێ باش ببن رەنگە جارەکا دی ژی تووش ببن.

ئەڤرۆ نیوز:

شی جیگ پینگ سەرۆکێ چینێ پەیامەک ئاراستەکی سەرکردێن جیهانێ کر و راگەهاند کو دڤێت هەڤکاریەکا باش د ناڤبەرا هەموو جیهانێ دا هەبیت دا بشێن رێگریێ ل بەلاڤبوونا کۆرۆنایێ بکەن.

سەرۆکێ چینێ راگەهاند کو کۆرۆنا بوویە مەترسی بۆ هەموو جیهانێ و هەکە وەلاتێن جیهانێ هەڤکاریا هەڤدو بکەن و هەماهەنگیەکا باش د ناڤبەرا هەموو وەلاتان دا هەبیت دێ شێن رێگریێ ل بەلاڤبوونا کۆرۆنایێ بکەن.

ئەو یەک د دەمەکێ دایە کو ئەڤرۆ وەزیرێ دەرڤە یێ ئەمریکا وەلاتێ چینێ ب هندێ تومەتبار کر کو زانیاریێن راست و دروست ل دۆر رێگریکرن ل کۆرۆنایێ ئاشکرا ناکەت.

ئەڤرۆ نیوز:

وەزیرێ دەرڤە یێ ئەمریکا راگەهاند کو چین زانیاریێن بەردەست ل دۆر کۆرۆنایێ ڤەدشێریت و بۆ رایا گشتی یا جیهانێ ئاشکرا ناکەت، چونکو چین نها کۆرۆنایێ وەکو چەکەکێ ل دژی جیهانێ بکار دئینیت.

مایک پۆمپیۆ وەزیرێ دەرڤە یێ ئەمریکا راگەهاند هەکە چین زانیاریان بۆ رایا گشتی ئاشکرا بکەت دێ وەلاتێن جیهانێ شێن رێگریێ ل بەلاڤبوونا کۆرۆنایێ بگرن، لێ مخان چین پێزانینان ئاشکرا ناکەت.