ئەڤرۆ نیوز:
د. عەلی فەرهادی نوشدارێ ئیرانی یێ بسپۆر د بیاڤێن ڤایرۆسێن هەلگر بۆ ئاژانسا رویتەرز یا نووچەیان دیار کر کو ئیران ئامارێن دروست ل دۆر کۆرۆنایێ بەلاڤ ناکەت و ژ بەر هندێ ژی رۆژ ب رۆژێ پتر وەلاتی ژ بەر کۆرۆنایێ جانێ خوە ژ دەست ددەن.
ناڤهاتی دیار کر دەمێ ب سەدان کەس ل قومێ و باژێرێن دی یێن ئیرانێ تووشی ڤایرۆسێ کۆرۆنا ببوون بەرپرسێن ئیرانێ خوە بێدەنگ کربوون و چو پێرابوون ژی نەهاتنە وەرگرتن و ژ بەر هندێ کۆرۆنا بلەز ل ئیرانێ بەلاڤبوو، مخابن نها ژی ئامارێن دروست ناهێنە بەلاڤکرن، چونکو هەکە ل وەلاتەکێ وەکو ئیتالیا رۆژێ پتر ژ ٦٠٠ کەس جانێ خوە ژ دەست بدەن نها ل ئیرانێ رەوش خرابترە لێ بەرپرسێن ئیرانێ ئامارێن دروست بەلاڤ ناکەن.
ئەڤرۆ نیوز:
وەزارەتا ساخلەمیێ یا ئیسپانیا راگەهاند کو د ماوەیێ ٢٤ دەمژمێرێن بۆری دا ٥ هزار و ٥٥٢ کەس تووشی ڤایرۆسێ کۆرۆنا بووینە و هەروەسا هەتا نها سێ هزار و ٤٣٤ کەس ژی ژ بەر کۆرۆنایێ جانێ خوە ژ دەست داینە.
ل گۆر وەزارەتا ساخلەمیێ یا ئیسپانیا هەتا نها ٤٧ هزار و ٦١٠ کەس ل وی وەلاتی تووشی ڤایرۆسێ کۆرۆنا بووینە.
ئه‌ڤرۆ نیوز:
ئه‌‌نجیلو بوریلی سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا راگه‌هاند: ژماره‌یا حاله‌تێن توشبوون ب ڤایرۆسێ كورونایێ ل وه‌لاتی گه‌هشتیه 54 هزار و 30 كه‌سان، ل گه‌ل ئه‌وێن مرین و ساخ بووین ژماره‌یا وان گه‌هشته 69 هزار و 176 كه‌سان.
سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا ئه‌و چه‌نده ژی راگه‌هاند: به‌ریا نها حه‌فت هزار و 432 كه‌س ساخ بووینه و دهی ژی 894 كه‌سێن دی، ته‌ڤایا هه‌مویان هه‌شت هزار و 326 كه‌س ژ ڤایرۆسی ساخ بووینه.
ناڤبری ئه‌و چه‌نده ژی دازانین ته‌ڤایا ئه‌و كه‌سین مرین ب ئه‌گه‌رێ ڤایرۆسێ كورونایێ گه‌هشتیه شه‌ش هزار و 820 كه‌سان.
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا دو کەسێن دیتر ب ڤایرۆسێ کۆرۆنا یێ ل هەولێرێ راگەهاند، کو هەردو زەلامن و ژیێ وان 35 سالە.
وەزارەتا ساخلەمیا هەرێما کوردستانێ د نووترین راگەهاندن دا، کو ئەڤرۆ چارشەمبێ 25-03-2020 بەلاڤە کریە و گۆتیە، د بەردەوامیا پشکنین و گەریانێ لدووڤ گومانلێکریان، دو تووشبوویێن ڤایرۆسێ کۆرۆنا نوو COVID-19 ل هەولێرێ هاتنە دەستنیشانکرن، هەردو ژی زەلامن و ژیێ وان 35 سالە و خۆجهێن هەولێرێ نە و ب ڤێ چەندێ هژمارا تووشبوویان گەهشتە 99 کەسان ل کوردستانێ.
ئه‌ڤرۆ نیوز:
وه‌زیرێ به‌ره‌ڤانیا ئه‌مریكا راگه‌هاند: ئه‌و قه‌یرانا ب ئه‌گه‌رێ ڤایرۆسێ كورونایێ كوڤید 19 ل جیهانێ درست بووی، دبیت ب بیته ئه‌گه‌رێ سه‌رهلدانا ئالوزیێن سیاسی ل هنده‌ك وه‌لاتان دا.
مارك ئیسپه‌ر وه‌زیری به‌ره‌ڤانیا ئه‌مریكا راگه‌هاند ئه‌و قه‌یرانا كورونایێ دروستكری، دێ بیته ئه‌گه‌رێ ژناڤچوونا سه‌قامگێریێ ل هنده‌ك وه‌لاتان هه‌تا ئاسته‌كی كۆ دوور نینه گه‌ف ل ئه‌مریكا ژی بهێته‌كرن، له‌ورا دڤێت هشیار بین.
وه‌زیرێ به‌ره‌ڤانیا ئه‌مریكا ئه‌و چه‌نده ژی دیاركر وه‌لاتێ وی هه‌موو هه‌وله‌كێ دده‌ت بۆ هه‌ڤكاریكرنا هه‌ڤپه‌یمانێن خۆ، پێشبینیا به‌رده‌وامبوونا قه‌یرانا ڤایرۆسێ كورونایێ تا هه‌یڤا ته‌موزا بهێت دكه‌ین.
ئەڤرۆ نیۆز، قائید میرۆ :
خانزاد مام وسو، سەرۆکا لیژنا ساخلەمی ل جڤاتا پارێزگەھا ھەولێرێ بۆ ئەڤرۆ نیۆز دیارکر” ب ھویری چاڤدێریا رەوشا نوکەیا ھەولێرێ دھێتەکرن و رێو جھێن پێدڤی ژلایێ وەزارەتێن نافخۆ ساخلەمی ھاتینە بجە ئینان، ئەوژی بۆ پاراستنا وەلاتیان و کێمکرنا زیانێن ڤایرۆسا کۆرۆنایێ، بەلێ ئەم دخوازین ھێشتا رێو جھێن خۆپاراستنێ بھێنە توندکرن و رێک نەھێتەدان چو کەسەک ببیتە ئەگەرێ بەلافکرنا ڤایرۆسا کۆرۆنا.
سەرۆکا لیژنا ساخلەمی ل پارێزگەھا ھەولێرێ دبێژیت” ئەو دەڤەر و تاخێن ب ئەگەرێ کۆرۆنایێ دھێنە کەرنتین کرن ھەموو خزمەتگوزاری بۆ ھاتینە بەرھەڤکرن، ب تایبەتی خزمەتێن ساخلەمی و کەلو پەلێن رۆژانە بۆ دھێنە دابین کرن.
خانزاد مام وسو ئاشکراکر” ئەم دخوازین بۆ بجە ئینانا بڕیارێن قەدەغەیا ھاتن وچوونێ ھێزێن پێشمەرگەیژی بکەڤن ناڤا باژێڕی، چونکە پێدڤیە ل ناڤا کولان و تاخێن باژێڕی وەلاتی بھێنە نەچارکرن ل مال بمینن و ھاتن وچوونا پەیادەژی نەمینیت، بەلێ بەری ھێزێن پێشمەرگەی بھێنە بکارئینان بۆ ھاریکاریا ھێزێن ئەمنی ژیانا ھێزێن پێشمەرگەیژی بەرچاف بھێـتە وەرگرتن.
ئەڤرۆ نیوز:
ل ئێک نەخۆشخانێن تایبەت ب ڤایرۆسێ کۆرۆنا ل هەرێما کوردستانێ دشێت 55 تووشبوویێن وی ڤایرۆسی تێدا بنڤینیت، بەلێ ب تنێ 11 ئامیرێن هەناسەدانێ یێن دەستکرد تێدا هەنە.
نوکە هەرێما کوردستانێ پتر ژ شەش ملیۆن ئاکنجیان هەیە، کێمتر ژ 200 ئامیرێن هەناسەدانا دەستکرد هەنە، شیانێن سنوردار کو پتر ژ هەر 30 هزار کەسان، ئامیرەک بەردکەڤیت.
وەزارەتا ساخلەمیێ بۆ دابینکرنا جهی، پلانا ئەی، بی و سیی دانایە، نوکە هەرێما کوردستانێ د قۆناغا ئەی دایە و دۆخێ هەرێمێ ل ژێر کۆنترۆلێ دایە، بەلێ قۆناغا سی یا مەترسیدارە، هەکە دۆخێ هەرێمێ بگەهیتە وی ئاستی، دێ هەموو نەخۆشخانە بۆ تووشبوویێن کۆرۆنا یێ هێنە تەرخان کرن، هەر چەندە ساخلەمیا هەموو تووشبوویێن کۆرۆنا یێ زۆر یا باشە.
سەرەرای کێمیا ئامیرێ هەناسەدانا دەستکرد، شیانێن تێستا کۆرۆنا یێ ژی ب ئەگەرێ کێمیا کیت یا سنوردارە، بەلێ نوکە پێدڤیێن نێزیکی حەفت هزار تێستێن کۆرۆنا یێ ل هەرێما کوردستانێ هەنە، رۆژانە ل تاقیگەهێن کوردستانێ دشێن تێستا کۆرۆنا یێ بۆ 200 هەتا 300 گومانلێکریان بکەن.
ئەڤرۆ نیوز:
ب فەرمانا رێزدار مەسرور بارزانی سەرۆكێ حكومەتا ھەرێما كوردستانێ بودجەکێ تایبەت بۆ ئیدارە و پشکا ساخلەمیێ ل قەزا دەربەندیخان تەرخانکرن بۆ روو ب رووبوونا ڤایرۆسێ كۆرۆنا.
حكومەتا ھەرێما كوردستانێ لدووڤ شیانان هاریکاریا وان قەزا و ناحیە و ئیدارێن سەربەخۆ دکەت، کو رێژا بەلاڤبوونا ڤایرۆسێ كۆرۆنا یێ ل دەڤەرێن دیتر یێن ھەرێمێ زێدەترە.
ل ڤێرێ جەخت ل گرنگی و پابەندبوونا وەلاتیان ب رێنمایێن ساخلەمیێ دکەین، ب تایبەتی مانا وەلاتیان د مالدا، كو سەرەكیترین چارەسەریە بۆ رێگری کرنێ ل بەلاڤبوونا زێدەتر یا ڤێ پەتایێ.
د. جوتیار عادل
پەیڤدارێ حكومەتا ھەرێما كوردستانێ
2020/3/24
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، شەش کەسێن دیتر ل پارێزگەها سلێمانیێ تووشی ڤایرۆسێ کۆرۆنا ی بوون، کو ژ دو خێزانان پێکهاتینە و خۆجهێن قەزا دەربەندیخانن.
دەقێ راگەهاندنا وەزارەتا ساخلەمیێ:
د بەردەوامیا پشکنینێ و گەریان لدووڤ گومانلێکریان، شەش تووشبوویێن ڤایرۆسێ کۆرۆنا نوو COVID-19 ل سلێمانیێ هاتینە دەستنیشانکرن، کو دو خێزانن و بەرکەفتیێن توشبوویێ دوهی نە، کو سێ ژن و دو زارۆک و زەلامەکە و خۆجهێن قەزا دەربەندیخانن.
نيشاندان