ئه‌ڤرۆ نیوز:
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
سهرهكى Twitter
ڤیدیو: ئه‌و جهێ پترترین به‌فر ل جیهانێ لێ دباریت
ڤیان دەخیل ل گەل هیلاری کلينتون کۆم بوو
ئەڤرۆ نیوز،زنار توڤی:
ئەڤرۆ روژا ئەینی رێكه‌فتى 24ى نيسانا 2015ێ ڤیان دەخیل ئەنداما جڤاتا نوونه‌رێن عێراقێ ل سەر لیستا پارتی ديموكراتى كوردستان د ماوێ سەرەدانا خوه دا بۆ وەلاتێ ئەمریکا چاڤ ب هیلاری کلينتون دکەڤیت و د کومبونەکێ دا هەردویان بەحسێ ژیانا ئاوارەیان و رەوشا ئێزدیان کر.
هەروەسا د وێ کومبونێ دا بەحسێ وان کەسێن ئێزدی هاتەکرن یێن کو ماینە د دەستێ رێکحراوا تیرورستیا داعش دا و دیارکریە ژی کو دوێ کۆمبوونێ دا هیلاری کلينتون تەکەز ل سەر وێ چەندێ کر کو ئەو دێ هەمی هەولێن خوه بکارئینن کو ئەو کەسێن ژ دەستێ داعش رزگار بووین هاریکاریا وان بکەن و زێدەباری ئەو دێ کارکەن کو هاریکاریێن زێدەتر بگەهنە ئاوارەیان ل کوردستانێ.
نێچيرڤان بارزانى ل توركيا پشكدارى د بيروه‌ريا شه‌رێ چه‌نه‌قه‌لا دا كر
ئه‌ڤرۆ نيوز:
ب نوونه‌راتيا مه‌سعود بارزانى سه‌رۆكێ هه‌رێما كوردستانێ و ب داخوازه‌كا فه‌رمى يا وه‌لاتێ توركيا، ئه‌ڤرۆ رۆژا ئه‌ينى رێكه‌فتى 24ى نيسانا 2015ێ نێچيرڤان بارزانى سه‌رۆكێ حوكمه‌تا هه‌رێما كوردستانێ و شانده‌كێ ل گه‌ل دا، ل گه‌ل سه‌رۆك و شاندێن فه‌رمى يێن 60 وه‌لاتێن جيهانێ و ب ئاماده‌بوونا ره‌جه‌ب ته‌يب ئه‌ردوگان سه‌رۆك كۆمارێ توركيا و ئه‌حمه‌د داود ئوغلۆ سه‌رۆكێ حوكمه‌تا وى وه‌لاتى و چه‌ندين به‌رپرسێن بلندێن ده‌وله‌تا توركيا و چه‌ند كه‌ساتيێن ناڤدار، رێوره‌سمێن بيرهاتنا شه‌رێ چه‌نه‌قه‌لادا ل باژێرێ سته‌مبۆلێ دا كر.
ب وێنه: 100 سال ب سه‌ر كومه‌لكوژیا ئه‌رمه‌نیان ده‌رباز دبن
ئه‌ڤرۆ نیوز:
ئه‌ڤرۆ 100 سال ب سه‌ر كومه‌لكوژیا ئه‌رمه‌نان دا ده‌رباز دبن، به‌لێ توركیا هێشتا یا به‌رهه‌ڤ نینه دانپێدانێ ب وێ كومه‌لكوژیێ بكه‌ت كو ئه‌رمه‌ن ب خوه دبێژن، د كومه‌لكوژیێ دا ملیونه‌ك و نیڤ ئه‌رمه‌نى ژ ئالیێ توركیا ڤه هاتینه كوشتن.
ئه‌ڤرۆ ل سه‌رانسه‌رى جیهانێ، چه‌ند چالاكیه‌ك بۆ شه‌رمزاركرنا ڤێ كوشتارێ هاتنه ئه‌نجامدان.
پشتی 25 سالان بۆ ئاشكرا دبیت كو نه كورده
ئه‌ڤرۆ نیوز: ڤه‌ده‌ر ره‌شاڤایی:
هه‌تا ژیێ وی بوویه 25 سال ژی هزر دكر كو ئه‌و كورده و وه‌ك هه‌ر كورده‌كێ دی دژیا ب كلتۆر و ره‌وشه‌نبیریا كوردان ڤه مه‌زن بوو، لێ د ژیێ 25 یێ دا راستی بۆ هاته ئاشكرا كرن و دیار بوو نه كورده.
ئارمه‌ن ده‌میرجیان كو نها ل باژێرێ ئامه‌دێ یێ باكۆرێ كوردستانێ دژیت ژیێ وی 54 ساله، ل سالڤه‌گه‌را كۆمكوژیا ئه‌رمه‌نان چیرۆكا خوه ئاشكرا دكه‌ت و دبێژیت ژیێ وی 25 سال بوون ژ نوو هنده‌ك كه‌سێن دانعه‌مر راستی بۆ ئاشكرا كر كو ئه‌و نه كورده وه‌كی وی هزر دكری، به‌لكو ئه‌رمه‌نه و باپیرێ وی ئه‌رمه‌ن بوو ژ ده‌ستێن كۆمكوژییا توركێن ئوسمانی قورتال ببوو، ده‌مێ هێشتا زارۆك و خێزانه‌كا كورد ئه‌و حه‌واند بوو.
ناڤهاتی به‌حس دكه‌ت كو ئو حه‌یری مابوو پشتی زانینا راستیێ، باپیرێ وی ئه‌رمه‌ن بوو كو ژ ئالیێ ئایینی ڤه كریستیانن، له‌ورا وی ده‌ست پێكر پاشناڤێ خوه بۆ سه‌ر ناڤێ دروست یێ خێزانا خوه گوهری و خوه فێری زمانێ ئه‌رمه‌نی كر ب هیڤیا هندێ بڤه‌گه‌ریته سه‌ر بنیات و ره‌سه‌نه‌تیا خوه.
تێ زانین هنده‌ك چیرۆكێن دی ژی یێن ب ڤی ره‌نگی هه‌نه ژبه‌ركو خێزانێن كوردان ئه‌رمه‌ن پاراست بوون ل شه‌رێ جیهانیێ ئێكێ دده‌مێ توركێن ئوسمانی فه‌رمانا ئه‌رمه‌نان راكری و ملیون و نیڤ كه‌س ژێ كوشتی، بۆ پاراستنا گیانێ خوه گه‌له‌ك ژێ ئێدی خوه وه‌ك كورد ددیت دا ژ سته‌ما توركان پاراستی بمینن، نها هنده‌ك چووینه سه‌ر ئایین و نه‌ته‌وا خوه ڤه و هنده‌ك ژی ب ناسناما خوه ڤه هاتینه گرێدان و دخازن هه‌ر وه‌ك كورد و موسلمان بمینن.
ئه‌رمه‌ن بتایبه‌ت ل توركی دانپێدانێ دكه‌ن كو ژبه‌ر بزاڤێن سیاسی و چه‌كداریێن كوردان نها ئه‌و د وێرن بێ ترس ببێژن كو ئه‌و ئه‌رمه‌نن ژبه‌ركو هه‌تا به‌ریا چه‌ند سالان ژی ل توركیا كه‌س نه د وێرییا زوو ب زوو بێژیت “ئه‌ز ئه‌رمه‌نم”، ته‌په‌سه‌ریا توركان بۆ سه‌ر كوردان پتر ژ ئالیێ نه‌ته‌وه‌یی ڤه بوو لێ لسه‌ر ئه‌رمه‌نان ژ ئالیێ ئایین و نه‌ته‌ویی ڤه‌بوو. هه‌روه‌سا هێشتا توركیا دانپێدانێ ب ڤێ كۆمكوژیێ ناكه‌ت وه‌ك جینۆساید.
بەفر ل ھندەک گوندێن بەرواری بالا باری
ئەڤرۆ نیوز،زنار تۆڤی:
ژ ئەنجامێ وێ پێلا سەرمایێ یا ب سەر دەڤەرا بەرواری بالا داھاتی ئەڤرۆ ل روژا ئەینی 24ى نيسانا 2015ێ سەقا گەلەک تێکچوو، بەفر ل چەند گوندان باریە.
حەمدی عەبدولا وەلاتیەکێ دەڤەرێ یە بۆ ئەڤرۆ نیوز دیارکر کو ئەڤرۆ ل گوندێن بناڤیێ و ھەدێنە و ئورە و سەرەرۆ بەفر باریە و ھەروەسا رێژەیەکا باش یا بارانێ ژی ل ڤێ دەڤەرێ باریە و سڕ و سەرما ب سەر ڤێ دەڤەرێ دا ھاتیە.
داخوازا ڤه‌كرنا هێلا فرۆكه‌ڤانيێ د ناڤبه‌را كوردستان و يه‌ريڤانێ دا دهێته كرن
ئه‌ڤرۆ نيوز:
بڕياره 25 و 26ى ڤێ هه‌يڤێ ل يه‌ريڤانێ، ئه‌رمينيا، لاوێن پارتيا كۆمارى يا ئه‌رمه‌نستانێ و ده‌سته‌يا سه‌ركرداتيا لاوێن ئورۆپا ناسيار ب رێكخراوا سياسى “داميك” بيره‌وه‌ريا 100 ساليا جينوسايدا ئه‌رمه‌نان ب ئاماده‌بوونا سه‌رۆكێ وه‌لاتى بكه‌ن، لاوه‌كێ كورد ژى دێ ئاماده بيت و گۆتاره‌كێ پێشكێش كه‌ت.
جێگرێ سه‌رۆكێ رێكخراوا لاوێن ديموكرات يا جيهانێ، فه‌لاح حه‌سه‌ن، بۆ مالپه‌رێ فه‌رميێ پارتى ديموكراتى كوردستان راگه‌هاند د بيره‌وه‌ريا 100 ساليا جينوسايدا ئه‌رمه‌نيان دا بۆ وان يا گرنگه پشكداريێ بكه‌ن و گۆت: “ل وێرێ هه‌ر ئێك ژ سه‌رۆك كۆمار و حوكمه‌ت و په‌رله‌مانێ ئه‌رمينيا ل گه‌ل سه‌رۆكێن لاوێن 22 وه‌لاتێن جيهانێ و گه‌له‌ك ئه‌ندام په‌رله‌مانێن ئورۆپا پشكدار بن ژ بوو ساخكرنا وێ بيره‌وه‌ريێ”.
گۆتژى: “ل وێرێ ب ناڤێ لاوێن جيهانێ و كوردستانێ دێ سه‌ره‌خۆشيێن خوه گه‌هينينه گه‌لێ ئه‌رمينيا و دێ جينوسايدێن ب سه‌ر گه‌لێ كورد ژى هاتين ل بيرئينين و بزاڤێ كه‌ين په‌يوه‌نديێن ب هێز د ناڤبه‌را كوردستانێ و ئه‌رمينيا دا دروست بكه‌ين و هێله‌كا فرۆكه‌ڤانيێ ژى د ناڤبه‌را كوردستان و يه‌ريڤانێ دا ڤه‌كه‌ين”.
وه‌زاره‌تا ناڤخۆ يا سعودى ئه‌ڤرۆ حه‌فت ترۆمبێلێن مينرێژكرى ژناڤبرينه
ئه‌ڤرۆ نيوز:
وه‌زاره‌تا ناڤخۆ يا سعودى راگه‌هاند كو ئه‌ڤرۆ رۆژا ئه‌ينى ل وى وه‌لاتى حه‌فت ترۆمبێلێن مينرێژكرى ژناڤبرينه و دو پۆليسێن وێ ژى د هێرشه‌كێ دا هاتينه كوشتن.
كه‌نالێ “الحدث” يێ سعودى ژ زارده‌ڤێ وه‌زارێ ناڤخۆ يێ سعودى راگه‌هاند كو ئه‌وان ئه‌ڤرۆ رۆژا ئه‌ينى رێكه‌فتى 24ى نيسانا 2015ێ حه‌فت ترۆمبێلێن مينرێژكرى ژناڤبرينه.
ئاماژه ب وێ چه‌ندێ ژى كريه كو هه‌ر ئه‌ڤرۆ دو پۆليسێن سعودى د هێرشه‌كا دا ل به‌ر ترۆمبێله‌كا پۆليسان ل رۆژهه‌لاتێ رياز هاتينه كوشتن و بكه‌رێن وێ هاتينه ده‌سته‌سه‌ركرن كو ژ لايێ چه‌كدارێن داعش يێن سورى هاتينه راسپاردن.
فوئاد مه‌عصوم ڤه‌گه‌ريا عيراقێ
ئه‌ڤرۆ نيوز:
سه‌رۆك كۆمارێ عيراقێ، فوئاد مه‌عصوم ئه‌ڤرۆ رۆژا ئه‌ينى گه‌هشته به‌غدا يا پايته‌ختێ عيراقێ پشتى سه‌ره‌دانه‌كا سێ رۆژى بۆ وه‌لاتى ئه‌نجام دايى و پشكدارى كۆنگرێ ئاشتيێ ل وى وه‌لاتى كرى.
ل رۆژا چارشه‌مبى سه‌رۆك كۆمارێ عيراقێ، فوئاد مه‌عصوم ب سه‌ره‌دانه‌كا فه‌رمى گه‌هشتبوو ولاتێ توركيا ژ بوو پشكداريكرن د كۆنگرێ ئاشتيێ يێ وى وه‌لاتى دا كو 21 وه‌لاتێن جيهانى تێدا د پشكدار بوون.
هه‌ر د سه‌ره‌دانا خوه دا، سه‌رۆك كۆمارێ عيراقێ ل گه‌ل هه‌ر ئێك ژ سه‌رۆك كۆمارێ توركيا، ره‌جه‌ب ته‌يب ئه‌ردوگان و ئه‌حمه‌د داود ئوغلۆ يێ سه‌رۆك وه‌زيرێن توركيا كۆمبوو و تێدا ره‌وشا ئه‌منى يا عيراقێ و چه‌ندين بابه‌تێن دى خستنه به‌ر دانوستاندنێ.
نيشاندان
WP Facebook Auto Publish Powered By : XYZScripts.com