NO IORG
Twitter

ئه‌ڤرۆ نيوز:

به‌رپرسێ نڤيسينگه‌ها مافێن مرۆڤى ل ديالا، سه‌لاح مه‌هدى راگه‌هاند كو تيمه‌كا گۆڕێن ب كۆم يا نڤيسينگه‌ها مافێن مرۆڤى ل ديالا ل گه‌ل وه‌زاره‌تا شه‌هيد و كاروبارێن ئه‌نفالكريان يا گرێدايى هه‌رێما كوردستانێ، نڤيسينگه‌ها خانه‌قين و رێڤه‌به‌ريا نوشدارێن داد ل ديالا و ب ئاماده‌بوونا دادوه‌رێ ڤه‌كۆلينێ يێ دادگه‌ها سه‌عديه‌ و بنگه‌هێ پۆليسێن سه‌عديه‌ و هنده‌ك چه‌كدارێن حه‌شه‌د شه‌عبى، 21 روفات ده‌رخستن و د ناڤ دا كه‌سه‌كێ كورد ژى ل گه‌ل دايه‌ و يێن دو رۆژێن بۆرى يێن سه‌عديه‌ نه‌.

ئه‌ڤ روفاته‌ 11 ژ گۆرستانا ل ده‌ڤه‌را سه‌ربازگه‌ها كوبرا ل باكوورێ سه‌عديه‌ هاتينه‌ ده‌رئينان و 10 رۆفات ژى كو ئێك يێ كه‌سه‌كێ كورده‌ ل گۆرستانا كباشى ل ده‌وروبه‌رێن باكورێ سه‌عديه‌ يێ نێزيك سنورێ خانه‌قين.

به‌رپرسێ نڤيسينگه‌ها مافێن مرۆڤى ل ديالا بۆ شه‌فه‌ق نيوز ئاماژه‌ ب وێ چه‌ندێ ژى كريه‌ كو ئه‌ڤ كه‌سه‌ ب ره‌نگه‌كێ گه‌له‌ك هۆڤانه‌ هاتينه‌ كوشتن و گۆت: “دێ پشكنينا دى ئێن ئه‌ى بۆ هێته‌ كرن دا كو ناسناما وان بهێته‌ زانين و بۆ كه‌سوكارێن وان بهێنه‌ ره‌وانه‌ كرن”.

ئه‌ڤرۆ نيوز:

بڕياره‌ ئه‌ڤرۆ رۆژا ئه‌ينى 24ى نيسانا 2015ێ نێچيرڤان بارزانى، سه‌رۆكێ حوكمه‌تا هه‌رێما كوردستانێ ب سه‌ره‌دانه‌كێ بچيته‌ توركيا و پشكداريێ د بيره‌وه‌ريا 100 ساليا شه‌رێ چه‌نه‌قه‌لا دا ل وى وه‌لاتى بكه‌ت.

سه‌رۆكێ حوكمه‌تا هه‌رێما كوردستانێ ئه‌وێ نوكه‌ ل ده‌رڤه‌يى وه‌لاتى، بڕياره‌ بچيته‌ سته‌مبۆل و مل ب ملێ سه‌رۆك و به‌رپرسێن زێده‌ترى 60 وه‌لاتێن جيهانێ پشكدارى بيره‌وه‌ريا شه‌رێ چه‌نه‌قه‌لا بكه‌ت.

ئاژانسا ئه‌نادۆل يا توركى ژى ژ زارێ ژێده‌ره‌كى ئاماژه‌ ب وێ چه‌ندێ ژى كريه‌ كو پشتى ڤێ بيره‌وه‌ريێ نێچيرڤان بارزانى سه‌رۆكێ حوكمه‌تا هه‌رێما كوردستانێ دێ ل گه‌ل هه‌ر ئێك ژ ره‌جه‌ب ته‌يب ئه‌ردوگان يێ سه‌رۆك كۆمار و ئه‌حمه‌د داود ئوغلۆ يێ هه‌ڤپشه‌يێ خوه‌ يێ تورك كۆم بيت.

شه‌رێ چه‌ته‌قه‌لا ب ئێك ژ مه‌زنترين شه‌رێ ناڤبه‌را سۆپايێ ده‌وله‌تا عوسمانى و ده‌وله‌تێن هه‌ڤپه‌يمانيا دهێته‌ دانان د شه‌رێ جيهانى يێ ئێكێ دا، ده‌مێ هێزێن ده‌رياييێن هه‌ڤپه‌يمان هێشرش كريه‌ سه‌ر گه‌روويا چه‌نه‌قه‌لا و د ئه‌نجام دا شه‌ر ب سه‌ركه‌فتنا سۆپايێ عوسمانى ب سه‌ر هه‌ڤپه‌يمانان دا ب دووماهى هات.

106

ئەڤرۆ نیۆز، قائید میرۆ:
دەستەیا گشتیا سەربه‌خۆیا مافێن مرۆڤی یا ھەرێما کوردستانێ خویاکر، د ئەڤ سالە دا چوار رۆژنامەڤانا ل دەستەیێ سکالا تۆمار کریە.
محەمەد گومەشینی، پەیڤدارێ دەستەیا گشتیا مافێن مرۆڤی بۆ ئەڤرۆ نیۆز دیارکر د سێ ھەیڤێن بۆری دا یێن ئەڤ سالە، چوار رۆژنامەڤانا سکالا ل دەستەیا مافێ مرۆڤی تۆمار کریە، ئەو ژی ھەمبەر ئه‌و پێشێلکاریێن ل سەر وان ھاتینەکرن و حالەتێن لێدانێ ژی تێدا بووینە، ب تایەتی دەمێ جھێن زێدەگافی ھاتینە راکرن.
گومەشینی گۆتژی: “ب ره‌نگه‌كێ گشتی رەوشا رۆژنامەڤانا د ئەڤ سالە دا باشترە ژ سالا بۆری و بڕیارە ل شەش ھەیڤێن ئێکێ ئامارا پێشێلکاریان بەلاف ل سەر رەوشا مافێ مرۆڤی ب گشتی بکەین”.

ئەڤرۆ نیوز:
بەری دەمەکێ کێم پشکێشانا ھەردو قارەمانیێن شامپیۆن لیگ و ئورۆپا لیگ ھاتە کێشان.
شامپیۆن لیگ:

بەرشەلۆنا و بايرن ميونخ

يوڤانتۆس و ریال مەدرید

ئورۆپا لیگ:

ناپۆلی و دینیرۆ

سیڤیلیا و ڤیۆرینتینا

ئەڤرۆ نیۆز، قائید میرۆ:
سوبە رۆژا شەمبی رێكه‌فتى 25ى نيسانا 2015ێ دەستەیا گشتیا گەشتوگوزارا ھەرێمێ دێ کۆربەندێ د ناڤبەرا کۆمپانیێن ھەرێمێ و ئیرانێ دا ل تەھرانا پایتەختی ئیرانێ گێڕیت.
نادر رۆستی، پەیڤدارێ دەستەیا گشتیا گەشتوگوزارا ھەرێمێ بۆ ئەڤرۆ نیۆز گۆت: “بڕیارە سوبە ب مەرەما ئینانا كەشتیاران ژ ئیرانێ بۆ ھەرێما کوردستانێ، کۆڕبەندەک ل ئیرانێ بھێتە گێڕان”.
رۆستی گۆتژی: “گرێدانا ئەڤی کۆڕبەندی ب ھەڤکاریا قونسۆلخانەیا ئیرانێ یە ل ھەولێرێ و کۆمپانیێن کەرتێ تایبەت ل ھەرێمێ و ئیرانێ دێ تێدا پشکدار بن ل دۆر چاوانیا ئینانا گەشتیاران بۆ ھەرێمێ”.

ئه‌ڤرۆ نيوز:

ل مه‌ريوان نه‌قشه‌به‌ندى، ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى حوكمه‌تا هه‌رێما كوردستانێ د داخۆيانيه‌كێ دا بۆ كه‌نالێ FOX NEWS يێ ئه‌مريكى راگه‌هاند: هه‌كه‌ ئه‌مريكا 100 جار هندى نوكه‌ هێز و ته‌كنۆلۆژيا له‌شكرى ل دژى گرۆپێن تۆندره‌وێن ئيسلامى ل جيهانا ئيسلامى بكار بينيت نه‌شێت فكر و ژێده‌رێ تيرۆرێ ب ته‌مامى هشك بكه‌ت.

ئاماژێ ب وێ چه‌ندێ ژى دكه‌ت كو باشتر رێ پشته‌ڤانيا ئه‌مريكا و كۆمه‌لگه‌ها نێڤده‌وله‌تى يه‌ بۆ هێز و نه‌ته‌وێن ئازاديخواز و ئاشتيخواز ل ناڤ جيهانا ئيسلامى و بێ موسلمانێن ميناره‌و توندره‌ويا ئيسلامى ب دووماهى ناهێت.

819

ئه‌ڤرۆ:

پشت ئێشان بەربەلاڤترین ئاریشەیە د ناڤ فەرمانبەر و کابانیێن مالێ دا و ھەتا زارۆیان ژی، ھندەک چارەسەریێن کێم یێن ل مال یێن ھەین بۆ پشت ئێشانێ.
کاروبارێن ژیانێ، گەشت و سەیران، رھێنانێن ووەرزشی و پیراتی – ھەمی بەرێ مرۆڤی ددەنە ئێک ئاریشە ئەو ژی پشت ئێشانە. بەلێ بەری تو لەزێ بکەی و قەستا نۆشداری بکەی، ئەڤە ھندەک چارەسەرینە تو دشێی ل مال خوە ژ پشت ئێشانا نەدۆمدرێژ قورتال بکەی:
* ھندەک زەیتا کافوورێ ل گەل زەیتا گووزا ھندێ بۆ دەمێ پێنج دەقیقان بکەلینە. بلا ئەو تێکەلە ب تەزیت و بکە د ئامانەکێ شووشەی دا. حەفتیێ دو جاران بەری نڤستنێ دێ بکارئینی بۆ تەناکرنا پشتێ.
* ھندەک ئاڤا گەرم یان یا تێنشیر دێ ھندەک زەیتا بیھووکێ کەیە سەر. ئەو ئاڤ دێ بۆ سەرشووشتنێ ھێتە بکارئینان دێ پشتێ و زەبلەکان ژ ئێشانێ تەنا کەت.
* دەمێ بەرێخوەدانا تەلەڤزیۆنێ، جەودکەکێ ئاڤێ یێ گەرم دانە پشت خوە ل گەل بالیفکێ، ئەو گەرماتی دێ پشتێ تەناکەت.
* ڤەمالینا پشتێ ب زەیتا خەردەلی ب سەعەتەکێ بەری سەرشووشتنێ، ل گەل سەرشووتنێ ژی پێدڤیە ھندەک ئاڤا گەرم ل خوە بکەی.
* کوپەکێ شیرێ گەرم، ھندەک رھا زەر و ھندەک چپکێن ھنگڤینی بکە سەر. ڤەخوارنا ڤی تێکەلەی ب شێوەکێ رێکخستی پشت ئێشانێ ناھێلیت، زێدەباری نەھێلانا ئێشانا لەشی و کوخکێ و نەخۆشیێن سەرمایێ.
* دەمێ تو چایێ ڤەدخۆی ھندەک تۆزا زەنجەبیلێ بکە ناڤ دێ یا ھاریکار بیت بۆ سڤککرنا پشت ئێشانێ.
* ڤەمالینا پشتێ ب زەیتێن گیایی چارەسەریا بلەز یا پشت ئێشانێ دکەت.
* ھندەک برەنجی بکە د ناڤ گوورەکا کەڤن دا و گوورێ باش گرێدە، بۆ دەمێ ٣ – ٥ەقیقان بکە د مایکروویێ دا، وێ گوورێ دانە سەر جھێ ئێشان تێدا و ئێکسەر دێ ھەست ب ئەنجامان کەی.

ئه‌ڤرۆ:

ناڤێ “براین شلیکەر” و یێ کچا وی د پرتووکا گینیس یا نمرێم پیڤای دا ھاتە تۆمارکرن ژبەرکو وان مەزنترین ئەزمان یێ ھەی.
پاناتیا ئەزمانێ بابێ (٤٧ سال) ٨.٦ سم، و ئەڤە نمرەکا پیڤای یا جیھانیە، ئەزمانێ کچا وی ژی کەلەک ژ یێ وی یێ جودا نینە کو پاناتیا ئەزمانێ ٧.٣ سم.
ناڤبری دیار کر کو ژ نشکەکێ ڤە زانی کو ئەزمانێ وی مەزنترین ئەزمانە ل جیھانێ، ژ نشکەکێ ڤە وان د پرتووکخانێ ڤە پرتووکا گینیس دیت و تێدا دیت کو مەزنترین ئەزمان ل جیھانێ پاناتیا وی ٧.٩ سم، پشتی ئەو ڤەگەریاە مال ئەزمانێ خوە پیڤا و بریار دا پەیوەندیێ ب نوونەرێ پرتووکا گینیس بکەت بۆ دوپاتکرنا ڤی کاری.

ئه‌ڤرۆ:

ئامارێن فەرمی دیار دکەن کو زارۆ رۆژانە ژ ٣٠٠ – ٤٠٠ جاران دکەنە کەنی، د دەمەکی دا کو مرۆڤی گەھشتی ژ ١٥ – ٢٠ جاران د رۆژێ دا دکەتە کەنی. ھوون ھەست ب جوداھیێ دکەن؟.
شارەزایێن زانستەکی کو دبێژنێ “جیوتولوجیا Geotologiya یا تایبەتمەند ب کەنیێ، دیار دکەن کو کەنی نە ب تنێ یا باشە بەلکو یا پێدڤیە بۆ ژیانێ، ئەڤە ژی ھندەک مفایێن کەنیێ نە:

کەنی سیھا سۆر پاقژ دکەت: دەمێ ئەم دکەینە کەنی ھەناسا مرۆڤی درێژ و کوور دبیت و بەردان بای یا کورتە. ب ڤێ چەندێ ئەم سیھا سۆر فێر دکەین کو قەبارەکێ مەزنتر یێ بای وەرگریت و کەرستێن ژەھراوی بھاڤێژیت، زێدەباری باشکرنا لڤینا خوینێ د ناڤ سیھێ دا.

کەنی وەستیانێ کێم دکەت: ئەڤە ژ ئەنجامێ بەردانا زێدەیا ھورمۆنێ کەیفخۆشیێ “ئەندورفین” کو ھەر ئەوە ئێشانا سڤک دکەت.
کەنی شیانێن جەستەیی دپارێزیت ژ ئەنجامێ باشبوونا زڤرینا خوینێ د لەشی دا، رەوشا زەپلەکان دپارێزیت. زانا دبێژن ١٥ دەقیقێن کەنیێ د رۆژێ دا بەرامبەر ٣٠ دەقیقێن راھێنانە سێ جارا دحەفتیێ دا.

کەنی باشترین بێھنڤەدانە: پشتی کەنیێ زەپلەکێن لەشی ھەمی تەنا دبن. ئانکو کەنیا پێنج دەقیقان بەرامبەر ٣٠ – ٤٠ دەقیقێن بێھنڤەدانێ یە.

کەنی رەوشا دلی باش دکەت: وەسا دیارە کەنی وەکو راھێنانێن وەرزشیە و شانێن ژ ناڤ دا ب ھێز دئێخیت (بەتەنا ژ ناڤ دا یا دلی و دەمارێن خوینێ)، وەسا دیار بوویە کو کەنیا ١٠ دەقیقان فشارا خوینێ نزم دکەت.

کەنی شانێن پیستی توند دکەت: ھندەک وەسا ھزر دکر کو کەنی دبیتە ئەگەر سەروچاڤ و پیست ب قورمچیت. بەلێ ل دووڤ بۆچوونا شارەزا کو کەنی یا باشە بۆ “ئاڤاکرنا دێمی feysbilding”، ئانکو یا باشە ب بھێزکرنا زەپلەکێن سەروچاڤان و د ئەنجام دا جوانیا دێمی رادگریت، ئانکو کەنی ئەو ھەتاڤە یا زڤستانێ ژ سەروچاڤێن مرۆڤی دەردئێخیت.

کەنی یا ھاریکارە بۆ کێمکرنا سەنگی: وەسا دیار بوویە کو ھندی کەنی دوبارە ببیت، کریارا خوارنێ باش دبیت، ئانکو پتر سعراتێن گەرمێ دھێنە سۆتن.
پشتبەستن ب ڤان راستیان زانا دبێژن ھندی تو بشێی بکە کەنی.

258

ئەڤرۆ:
کارتێکرنا حەبکێن “پاراسیتۆل” نە ب تنێ ل سەر ئێشانا لەشی ھەیە، بەلێ وەسا دیارە تێکبزڤینێن دەروونی ژی دراوەستینیت، ئەڤە ل دووڤ ڤەکۆلینەکا نوو وەسا ئاشکرا بوویە، کو تەناکەرێ ناسیار و نزمکەرێ گەرماتیێ کو ئەڤە 70 سالە مرۆڤ بکاردئینن، دبیتە ئەگەر بۆ تێکدانا ھەستان و کەیفخۆشیێ و خەمگینیێ وەکو ئێک کێم دکەت بێی مرۆڤ ھەست پێ بکەت.
پاراسیتۆل یان “ئەستامینوفین” ب ناڤێ پزیشکی، ئێک ژ پترین دەرمانان ل سەرانسەری جیھانێ دھێتە بکارئینان، ب شێوەکێ سەرەکی بۆ چارەکرنا تایا و سەرئێشێ و تەناکرنا ئێشانێن بچووک دھێتە بکارئینان.
ڤەکۆلینەکا سالا 2012 وەسا دیار کر بوو کو پاراسیتۆل ئێشانێن جەستەیی و دەروونی وەکو ئێک تەنا دکەت، بەلێ ئەڤ ڤەکۆلینا نوو ھندەک ئەنجامێن جودا دیتن کو پاراسیتۆل نە ب تنێ کارتێکرنێ ل ئێشانێن دەروونی دکەت، بەلێ مرۆڤی بێ خەم دکەت و ھەستان تێکددەت، ھەروەسا وە دکەت مرۆڤ گەلەک تێکبزڤینی ل گەل روودانێن دەوروبەر نەکەت.
زانا نزانن کا تەناکەرێن دی ژی ھەستان تێکددەن وەکو پاراسیتۆلێ یان نە، لەورا وەکو وان ئاشکرا کری کو وان ل بەرە ھەمان تاقیکرن ل سەر وان دەرمانان ژی بکەن.

website security
WP Facebook Auto Publish Powered By : XYZScripts.com