ئه‌ڤرۆ نيوز:

دشیاندایە ھندەک تیتالێن نەباش ١٢ سالان ژ ژیێ تە کێم بکەن، ڤەکولەران سالێن ژیێن مرۆڤی یێن بەرزەبوی ب چار خەلەتین دەستنیشانکرن، ب دارشتنەکا دی: ئەم دزانین ئەو چار خەلەتی چنە ئەوێن کو نابیت رێکێ ل کومڤەبوونا وان بگرین داکو چیێ مە بۆ دەە سالان درێژ ببیت.

ئەو تشتێن کو دڤێت خۆ ژێ دوور بکەین:

شارەزایی گەلەک یا درێژە، بەلێ پروتوکول یا ب سانەھی یە، ٥٠٠٠ وەلاتیێن بریتانی یێن د سەر ١٨ سالیێ دا ل سالا ١٩٨٤ێ ھاتنە دامەزراندن و بۆ دەمێ ٢٠ سالان کەتنە ل ژێر دووڤچۆنێ.

ئەنجامێن رووپیڤانا ساخلەمیێ ل سەر چار کومان ژ ٠-٤ بۆ ساخلەمیا ھەر بەربژێرەکی ب ڤی رەنگی بوون:

- ئێک خال ددەمێ جگارەکێشانێ دا.

- ئێک خال ددەمێ ب کارئینانا کحولی دا( یان پتر ژ ١٤ جاران د حەفتیێ دا بۆ ژنان و ٢١ جاران بۆ زەلامان).

- خالەک بۆ ب دەستڤەئینانا نەتەڤاڤ یا خوارنا فێقی و زەرزەواتی( یان کێمتر ژ سێ جاران د رۆژێ دا).

- خالەک بۆ شێوازێ خوجە یێ ژیانێ ( حەفتیانە دو دمژمێرێن وەرزشێ).

پاشی خالێن مرنێ ھاتنە دەستنیشانکرن و  ھەڤبەندیا وان ب ساخلەمیێ ڤە ھاتە گرێدان، ل کۆما ئێکێ ١٠٨٠ پشکداران گیانێ خۆ ژ دەست دا، ٤٣٠ کەسان ژ ئەگەرێن نەخۆشیێن دلی و خوینگێران، ٣٢٠ کەسان ژی ژ ئەگەرێ پەنجەشێرێ و ٣٣٠کەسان ژبەر ھندەک ئەگەرێن دی.

پشتی کریارەکا ژمێریاری یا ھوور، ڤەکولەران دیارکر کو ئەوێن ھەر چار تیتالان کوم دکەن ١٢ سال ژ ژیێ وان کێم دبن، پرسیار ئەوە دێ چاوان خۆ ژ پیریاتیێ دەیە پاش و ١٢ سالان ل سەر ژیێ ساخلەمیا خۆ درێژکەی؟

بەرسڤ دێ ب ڤان خالان بیت:

- خودوورکرن ژ جگارەکێشانێ.

- دانانا رادەیەکی بۆ ڤەخوارنا مەی.

- خوارنا فێقی و زەرزەواتی ل گەل ھەر دانەکێ خوارنێ.

- وەرززش ھەموو رۆژان.

ھندی مرۆڤ نێزیکی ڤان چار تیتالان ببیت، دێ ساخلەمیا وان باشتر بیت د ژیانێ دا.

ئه‌ڤرۆ:

رەقبوونا دەماران نەخۆشیەکا دومدرێژە و تووشی کۆئەندامێ دەماران دبیت و نەخۆشی شیان نابن کونترولێ ل سەر دەمارێن خۆ بکەت و ل دەمێن سروشتی شانەیێن دەماران د مێشکی دا پەرژانەک روینی ھەیە و وان د پارێزیت و ھەکە ئەو شانە ب ھەودان کەتن و ژ بەرھەمئینانا وی کەرستێ روینی ھاتنە راوەستاندن ل وی دەمی دێ مینن بێ پەرژانێ پاراستنێ و نەشێن ب کارێ خۆ راببن و لەشێ مرۆڤی ب دروستی ب کارێ خۆ رانابیت. نیشانێن نەخۆشیێ دەست پێدکەن کو نەخۆشی ئاگەە ژ خۆ نامینیت و ھەتا دھندەک دەلیڤەیان دا فالنجیبوون بۆ نەخوشی پەیدادبیت و رەنگە ژی چاڤێن نەخۆشی تاری ببن، یان گولچیسک و میزدانکا وی ژ کاربکەڤن.
ئەگەرێن نەخۆشیێ ڤایرۆسەکە و ھندەک جارا زکماکیێ ژی رۆلێ خۆ تێدا ھەیە و دبیت ژی ھەردو پێکڤە ئەگەرێن تووشبۆنێ بن و ژ ئەنجامێ ڤێ چەندێ کارتێکرن ل بەرگریا لەشی دبیت و د قوناغا ئێکێ دا رەقبوونەکا دژوار دکەڤیتە دەماران و نیشانێن وێ دێ بۆ چەند رۆژان دیاربن و بەرزەبنەڤە و نەخۆشیی یا دومدرێژە و رەنگە ل ھەموو ژیانێ ل گەل وان بژیت.