هێشتا ده‌ست ژ كاركێشانا سه‌رۆكێ هه‌والگه‌ريا توركيا، هاكان فيدان، و رۆلێ سياسيێ وى يێ چاڤه‌رێكرى، ئه‌وه‌ يا رايا گشتيا توركيا و پشت په‌رده‌يێ سياسى ل توركيا مژوول كرى، د ده‌مه‌كى دا كو سه‌رۆك توركيا ره‌جه‌ب ته‌يب ئه‌ردوگان يێ ل وه‌لاتێن ئه‌مريكا لاتينى و نه‌يێ ئاماده‌يه‌.

ژ لايه‌كێ دى ڤه‌ ئۆپۆزسيۆن و راگه‌هاندن ئاماژێ ب وێ چه‌ندێ دكه‌ن كو فيدان دێ رۆله‌كێ گه‌له‌ك گرنگ د پاشه‌رۆژێ دا وه‌رگريت و داخۆيانيێن ئه‌ردوگان ژى پتر ئاشكه‌را كر كو ب تايبه‌ت ئه‌و نه‌يێ رازى يه‌ هه‌والگه‌رى هێلايى و ب شانۆگه‌ريه‌كا سياسى د هه‌ژمێريت، پێنگاڤا ئێكێ يا ئاشكه‌راكرنا رۆلێ پاشه‌رۆژێ يێ دێ ئه‌ڤ زه‌لامه‌ گێريت دده‌ته‌ دياركرن ئه‌وێ ئه‌ردوگان ب “ڤه‌شارتيێ نهێنينان” دايه‌ زانين، يێ نێزيك سه‌رۆك وه‌زيرى، ئه‌حمه‌د داود ئوغلۆيى، حوكمه‌تێ ژى راگه‌هاند كو فيدان دێ نوكه‌ شيره‌تكارێ سه‌رۆك وه‌زيرێن توركيا بيت ل ده‌مێ چوونا وان بۆ ناڤ هه‌لبژارتنان ل هاڤينا بهێت، دێ دانوستاندن ژى ل گه‌ل سه‌رۆكێ په‌كه‌كێ، عه‌بدولا ئۆجه‌لان د به‌رده‌وام بن يێن كو نێزيكى ساله‌كێ يه‌ ب هه‌ڤديتنێن نێهێنى ده‌ستپێكرى.

ئه‌ڤ پێنگاڤه‌ هات ل گه‌ل ته‌كست كرنا سه‌ركردێن كوردى ل دۆر هه‌ڤديتنێن ئێكسه‌ر و ئاشكه‌را د ناڤبه‌را حوكمه‌تا توركيا و ئۆجه‌لان دێ ل ده‌مه‌كێ نێزيك ده‌سپێكه‌ن و ئه‌ڤه‌ يا جێگرێ سه‌رۆك وه‌زيرێن توركيا يالتش ئه‌كجوگان چاڤدێر و نوونه‌رێ توركيا هه‌مبه‌ر فايلا كوردى راگه‌هاندى.

خه‌تيب ديجله‌، سه‌ركردێ پارتا جڤاكێن ديموكرات، به‌ده‌په‌، و ئه‌ندامێ لژنا په‌رله‌مانى ئه‌وا سه‌ره‌دانا ئۆجه‌لان كرى ل زيندانێ ژ بووى پشتراستكرنا په‌يوه‌نديان د ناڤبه‌را وان و لايه‌نێ له‌شكرى دا ل چيايێ قه‌نديك باكوورێ عيراقێ گۆت: “ئه‌م چاڤه‌رێ راگه‌هاندنه‌كا ميژوويى د جه‌ژنا نه‌ورۆزێ ل هه‌يڤا بهێت دا دكه‌ين، دێ چينه‌ چايێ قه‌نديك و پاشان ل گه‌ل حوكمه‌تێ روونين و پاشان ژى ل گه‌ل ئۆجه‌لان، هيڤى دكه‌ين بگه‌هينه‌ رێكه‌فتنه‌كێ ژ ڤان پێنگاڤان به‌رى ژڤانێ ده‌ستنيشانكرى”.

ئه‌ڤێ داخۆيانيێ دو ره‌نگه‌ بۆچوون په‌يداكرن ل ده‌ڤ كه‌سانێن نێزك حوكمه‌تێ و ئۆپۆزسيۆنێ، ژ لايه‌نێ حوكمه‌تێ به‌حس ل وێ چه‌ندێ دهێته‌ كرن كو ب دروستى شه‌ر ژ لايێ ئۆجه‌لان بهێته‌ راوه‌ستاندن يێ كو ئه‌ڤه‌ چه‌ندين ساله‌ يێ به‌رده‌وام. ئۆپۆزسيۆن ژى وه‌سان ڤێ داخۆيانيێ دخوينيت كو ئه‌ڤه‌ دێ بيته‌ ده‌سپێكه‌ك بۆ ئازادكرنا ئۆجلان ل ڤێ مێژوويێ يان ژى ده‌ركرنا لێبۆرينێ و ده‌ستپێكرنا دانوستاندنێن فه‌رمى د ناڤبه‌را حوكمه‌تێ دا و “نوونه‌رێن كوردان ل توركيا” و ئه‌ڤه‌ يا پارتا كۆمارى و بزاڤا نه‌ته‌وه‌يى هوشدارى ژێ دايى.

هالۆك كوتش ئاخفتنكه‌رێ ب ناڤێ پارتا گه‌ل ته‌كست ل سه‌ر وێ چه‌ندێ كر كو ئه‌ڤ دانوستاندنێن ئێكسه‌ر و فه‌رمى دێ ب مه‌ترسى بن ل سه‌ر وه‌لاتێ توركيا كو ل گه‌ل لايه‌نه‌كى نه‌ “ئۆجه‌لان نوونه‌راتيا وان دكه‌ت” و ئه‌ڤه‌يه‌ ده‌وله‌تا توركيا بۆ ماوێ چه‌ندێ يه‌ ره‌تدكه‌ت كو  ئه‌و يێ رژده‌ دڤێت كێشا كوردى د هه‌موو لايان دا يا ئازاد و ديموكرات بيت بێى كو سه‌قايه‌ك بۆ كێشا كوردى بهێته‌ دانان.

كوتش دودليا پارتا خوه‌ ل هه‌مبه‌ر حوكمه‌تا توركيا و سه‌ركردێن كوردى نيشا دا بۆ گرنگيا گه‌هشتنا “هه‌ڤبه‌سته‌كێ” به‌رى ماوێ هه‌لبژارتنان ل 7ى خزيرانێ، هوشدارى ژى دا كو “هه‌ڤبه‌ستێن سياسى” نه‌ ب مه‌ره‌ما كاتێكرنێ ل ده‌نگده‌ران و خاپاندنا وان.