ئەڤرۆ نیوز:
رێبەر ئەحمەد وەزیرێ ناڤخوە یێ حوکمەتا هەرێما کوردستانێ راگەهاند کو قەدەغەیا هاتنوچوونێ بۆ دەمێ ٤٨ دەمژمێران ئەنجامێن خوە یێن باش هەبووینە و دێ ل گەل پارێزگارێن هەرێما کوردستانێ دووچوونا رەوشا نها کەین و دێ ل گۆر هندێ ژی بریارێ دەین.
ناڤهاتی راگەهاند کو رەنگە قەدەغەیا هاتنووچونێ بهێتە درێژکرن لێ دێ ئاسانکاری بۆ وەلاتیان هێتە کرن دا چو ئاریشە بۆ ژیانا وان یا رۆژانە دروست نەبیت.
ئەڤرۆ نیوز،عەلی حاجی:
نوونەرێ قایمقامێ زاخۆ د لژنا دیفچوون دا بۆ ئەڤرۆ نیوز دیار کر پشتی بریارا بازارێن گرتی ژلایێ بلند یا روو ب روو بونا ڤایروسێ کورونایێ ل پارێزگەها دهۆکێ ئەڤرۆ روژا ئێک شەمبێ پرانیا وان جهان هاتنە دائێخستن.
زێدەتر خەلات ئوسمان گوت: ئێک ژ وان جهان بازارێ زاخۆیە دکەڤیتە دناڤ سەنتەرێ بازاری دا و ئێک ژ قەرەبالغترین بازارێن زاخۆیە ب تەمامی هاتە دائێخستن و نابیت ئەڤ بازارە بهێتە ڤەکرن هەتا دەمەکێ نەدەست نیشان کری و زێدەباری وێ چەندێ ژی چەندین نڤێسینگەهێن گەشتیاری و سەرتراشخانە هاتنە دائێخستن و هیڤی خازین هەمی جهەک پێگیر بیت ب ڤێ بریارێ و هەر جهەک ژی پێگیر نەبیت دێ ل گورەی یاسایێ سەرەدەری دگەل دا هێتە کرن،هەر دیسان هەمی خارنگەهـ و تەزیاتیان ژی بریارێن مە جێبەجێ کرینە کو ئەو ژی نابیت ب چو رەنگان کورسیان دناڤ جهێن خوە دانان.
ئه‌ڤرۆ نیۆز، قائید میرۆ:
ب ئه‌گه‌رێ پاراستنا ژیانا وه‌لاتیان چه‌ندین جهێن بازرگانی و گه‌شتیاری و بازاڕ هاتینه گرتن به‌رپرسه‌كێ وه‌زاره‌تا دارایی و ئابووری ژی ئاشكرار هه‌موو جهێن گرتی دێ هێنه قه‌ره‌بووكرن.
دكتۆر كه‌مال وه‌رتی، رێڤه‌به‌رێ گشتیێ باجێ ل وه‌زاره‌تا دارایی و ئابووری بۆ ئه‌ڤرۆ نیۆز دیاركر” پشتی به‌لافبوونا ڤایرۆسا كورونا ب مه‌ره‌ما پاراستنا وه‌لاتیێن هه‌رێما كوردستانێ هژماره‌ك بڕیار ژلایێ حوكمه‌تێ ڤه هاتینه ده‌ركرن و چه‌ندین جهێن بازرگانی و بازاڕ هاتینه گرتن و زیان ب وه‌لاتیان و جهێن بازرگانی كه‌فتینه.
دكتۆر كه‌مال وه‌رتی ئاماژه‌كر” حوكمه‌تێ بڕیاردایه هه‌موو جهێن زیان به‌ركه‌فتی بهێنه قه‌ره‌بووكرن و چه‌ندی بهێنه گرتن دێ ئه‌و ده‌م بۆ بهێته هژمارتن و ژ دانا باجا سالانه بهێنه ئازاكرن، له‌وڕاژی د كۆمبوونا بۆریا سه‌رۆكایه‌تیا جڤاتا وه‌زیران به‌حسێ قه‌ره‌بووكرنا وه‌لاتیان هاتیه‌كرن.
ئەڤرۆ نیوز، نەوزاد هلوری:
رێڤه‌به‌رییا گشتی یا باژێرڤانیان ل پارێزگەها دهوکێ ب هەر 47 باژێرڤانیێن خوڤە، ب چەندین رێیا رووبروویێ ڤایرۆسا کۆرۆنایێ بوونە، داکو گیانێ وەڵاتیان یێ پاراستی بیت، ئەڤرۆ ل سێمێلێ دوو چالاکی هاتنە ئەنجامدان، ل سنوورێ پارێزگەها دهۆکێ ژی سێ حەوزێن تافیلکرنا ترومبێلێن بارهەلگر و بازرگانی هاتنە دانان.
دیار بەحری رەسول، رێڤه‌به‌رێ گشتیێ باژێرڤانیان ل پارێزگه‌ها دهۆكێ بۆ ئەڤرۆ نیوز گوت: بۆ پاراستنا هاوولاتیێن پارێزگه‌ها دهۆكێ ژ ڤایرۆسێ كۆرۆنا یا پێدڤی بیت دێ ژڵایێ باژێرڤانیان هێتەکرن، هه‌تا نوكه چه‌ندین كارێن گرنگ ژلایێ رێڤه‌به‌ریا گشتیا باژێرڤانیان هه‌ڤكاری ل گه‌ل هه‌ر 47 باژێرڤانیێن سه‌رب رێڤه‌به‌ریا گشتی و كۆمپانیێن راكرنا گلێشی هاتینه ئه‌نجامدان.
زێدەتر گۆت: رێڤەبەریا مە سێ حه‌وزێن تافیلكرنا ترۆمبێلان ل ده‌ڤه‌رێن سنووری یێن پارێزگه‌ها دهۆكێ ل قه‌ندیل، فه‌یدیێ و كه‌له‌كێ دروستکرینە بۆ هندێ هه‌ر ترۆمبێله‌كا بهێته دناڤ پارێزگه‌ها دهۆكێ دا بهێته تافیلكرن.
رێڤەبەرێ گشتیێ باژێرڤانیان ل پارێزگەها دهۆکێ دیار کر ژی کو ئەوان ئەڤرۆ ل سێمێلێ دوۆ چالاکی ئەنجامدان کو ئەو ژی رەشاندنا بازاڕ و جهێن گشتی بویە ب دەرمانێن دژە ڤایروس و دیسان بەلاڤکرنا ڕێنمایێن خوە پاراستنێ بویە ب هەڤکاریا کومپانیا ئەرتوش یا پاقژکرنێ و زێدەتر گوت: ب هه‌ڤكاری ل گه‌ل كۆمپانیێن كۆمكرن و ڤه‌گوهاستنا گلێشی تافیلكرنا هه‌موو باژێر و قه‌زا و ده‌ڤه‌ر و جهێن گشتی ل سنوورێ پارێزگه‌ها دهۆكێ یا به‌رده‌وامه، هەوەکا بەرفرەهـ بۆ هشیاركرنا خه‌لكێ پارێزگه‌ها دهۆكێ ژلایێ رێڤه‌به‌ریا گشتی و کومپانیێن كۆمكرن و ڤه‌گوهاستنا گلێشی بەردەوامن، خالەکا دن یا کو باژێرڤانیێن مە دکەت ئەوە کو تیمێن هه‌ر 47 باژێرڤانیان و كۆمپانیا ئه‌رتووش ل سێمێلێ، كۆمپانیا (MRF ل شێخان و ئاكرێ و به‌رده‌ره‌ش و كۆمپانیا هیزل ل ئامێدیێ و زاخۆ و تیمێن رێڤه‌به‌ریا گشتی د ئاماده‌باشیێ دانه بۆ هه‌ر حاله‌ته‌كێ نه‌خوازراو و پێدڤی ب خزمه‌تێ و هاریكاریێ هه‌بیت.
ئه‌ڤرۆ نیوز:
ناڤه‌ندا كۆنترۆلكرن و رێگریكرن ژ به‌لاڤبوونا نه‌خوشیێن(CDC) به‌لاڤكریه تانوكه نه‌خوشیا كورونایێ ل 49 ویلایه‌تێن ئه‌مریكا به‌لاڤ بوویه.
لگۆری ئاژانسێن ئه‌مریكا، سپێده‌هیا ئه‌ڤرۆ د راگه‌هاندنه‌كێ دا ناڤه‌ندا كۆنترۆلكرن و رێگریكرن ژ به‌لاڤبوونا نه‌خوشیێن(CDC) به‌لاڤكر تانوكه نه‌خوشیا كورونا ل 49 ویلایه‌تێن ئه‌مریكا به‌لاڤ بوویه و زێده‌تری سێ هزار كه‌سان تووشی ئه‌ڤێ نه‌خوشیێ بوون.
لگۆری راگه‌هاندنا ناڤه‌ندێ، تانوكه سێ هزار و 45 كه‌س توشی نه‌خوشیا كورونایێ بوون و 60 حاله‌ت ژی مرینه ل 24 ده‌مژمێرێن بووری چ حاله‌ت نه‌هاتینه تووماركرن.
ئه‌ڤرۆ نیوز:
ئه‌ڤرۆ وه‌زاره‌تا ساخله‌میا حكومه‌تا هه‌رێما كوردستانێ، حاله‌ته‌كێ نوو یێ توشبوون ب ڤایرۆسێ كورونایێ راگه‌هاند.
وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: ل به‌رده‌وامیا پشكنینان، گۆمانلێكریه‌كێ دی كۆ زه‌لامه ته‌مه‌نێ وی 46 ساله، ب توشبوویێ ڤایرۆسێ كورونایێ ل باژێرێ سلێمانێ هاته ده‌ست نیشانكرن.
شه‌ڤا بوری وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنا هژمار 17 یا خودا دیاركر كو پشكنین بۆ 227 كه‌ىسان ئه‌نجامدایه و كۆ 204 كه‌س ل هه‌ولێرێ و 14 كه‌س ل سلێمانیێ و 9 كه‌س ژی ل دهۆكێ كۆ پشكنینا ته‌ڤایان نیگه‌تیڤ بوویه.
نوكه 29 حاله‌تێن توشبویی ب كورنایێ ل هه‌رێما كوردستانێ هه‌نه و ئێك ژ وان ب ته‌مامی باش بوویه ئیكێ دی ژی مریه.
وه‌زاره‌تا ساخله‌میێ ته‌ئكید كر كۆ پێدڤیه وه‌لاتی پێگیر بن ب رێنمایێن ساخله‌میێ و ژ مالێن خۆ ده‌رنه‌كه‌ڤن خو نێزیك كرن و چونه ناڤ جهێن قه‌ره‌بالغ نه‌كه‌ن ل ده‌مێ پێدڤی په‌یوه‌ندیێ ب هێلێن گه‌رمێن ژماره 122 بكه‌ن.
ئه‌ڤرۆ نیوز:
په‌یڤدارێ وه‌زاره‌تا به‌ره‌ڤانیا ئه‌مریكا راگه‌هاند به‌رسڤه‌كا توند دێ هه‌بیت هه‌مبه‌ر گرۆپێن چه‌كدارێن عیراقی.
جوناسان هوڤمان په‌یڤدارێ وه‌زاره‌تا به‌ره‌ڤانیا ئه‌مریكا راگه‌هاند: د هێرشا موشه‌كی یا دهی بۆ سه‌ر بنگه‌هێ تاجی ل باكورێ به‌غدا، سێ سه‌ربازێن ئه‌مریكی بریندار بوون و برینا ئێكی گرانه.
په‌یڤدارێ وه‌زاره‌تا به‌ره‌ڤانیا ئه‌مریكا ئه‌و چه‌نده ژی راگه‌هاند: هێزێن ئه‌منی یێن عیراقێ چه‌ند گومانلێكری گرتینه.
ئه‌ڤ چه‌نده ل ده‌مه‌كی دایه پشتی هێرشا پێنجشه‌مبا بوری و دهی ب رێكا 33 موشه‌كێن كاتیوشا هێرش كره سه‌ر بنكه‌هێ تاجی.
ئه‌ڤرۆ نیوز:
سایته‌كێ فه‌ره‌نسى دیاركر سه‌رۆكێ یانا ریال مه‌درید هه‌ر ل سه‌ر حه‌زا خوه‌یه به‌رامبه‌ر یاریزانێ وى یێ وێلزى گاریس بێل.
به‌رى نوكه ل هاڤینا بورى گاریس بێل نێزیك بوو به‌ر ب خولا چینێ بچیت لێ دووماهیێ ئه‌ڤ چه‌نده بجه نه‌هات و ما دگه‌ل یانا مه‌له‌كى.
ل دووڤ په‌یامه‌كێ le10sport یێ فه‌ره‌نسى فلرونتینو پێرێز یێ رژده ل سه‌ر چونا گاریس بێل ل هاڤینا بهێت و هه‌لویستێ ریال مه‌درید نه‌هاتیه گوهۆرین د ڤى ده‌رباره‌ى دا ژ به‌ركو ڤى وه‌رزى ژى یاریزانێ وێلزى چو زێده‌هى ل یانێ نه‌كریه داكو به‌رده‌وام بیت دگه‌ل ریال مه‌درید هه‌تا دووماهیا هه‌ڤبه‌ستا وى 2022 لێ ب هه‌ر رێیه‌كێ بیت ریال مه‌درید ل ڤێ هاڤینێ دێ بێلى فروشیت سه‌ره‌راى كو ئه‌ڤ چه‌نده یا ب زه‌حمه‌ته ژئه‌گه‌رێ موچێ وى یێ گران.
ئەڤرۆ نیوز،عەلی حاجی،مەحمود نهێلی :
لگۆری ئه‌وان رێنمایێن هاتینه دانان ل سه‌رانسه‌ری پارێزگه‌ها دهۆكێ دوڤچوون و سه‌ره‌دانا وان جهێن پێدڤی دهێته‌كرن ژلایێ لژنه‌یێن تایبه‌تمه‌ندڤه، بۆ پشت راست بوون ژ ساخله‌میا وه‌لاتیان، لێ ل قه‌زا ئامێدیێ و زاخۆ چه‌ندین جهـ هاتینه سزادان ب ئه‌گه‌رێ سه‌رپێچیكرن و پابه‌ندنه‌بوون ب رێنمایان.
نوونەرێ قایمقامێ زاخۆ د داخویانیەکێ دا بۆ ئەڤرۆ نیوز دیار کر لژنا دووفچوونا ناڤ بازاری ل زاخۆ سەرەدانا ٤١٩ کریە دا کو رێنمایێن خۆ پاراستنێ ژ فایرۆسێ کورونایێ جێبەجێ بکەن و دێ بەردەوام ژی بین ل سەر سەرەدانا هەمی جهان.
زێدەتر وەلات هەجەر گۆت : ئەڤ سەرەدانا هەر ژ ٥/٢/٢٠٢٠ دەست پێکر بوون و هەتا نوکە ژی بەردەوامن و ئەو جهێن مە سەرەدانا ژی وان کرین پێک دهاتن ژ ( چایخانە و خارنگەهـ و جوانکاریێن ئافرەتان و نانپێژ و سەرتراشخانە و جهێن گوشت فروشان و کافێ و پەیمانگەهێن فێركرنێ و جهێن یاریان و سەر شویێن سەر شیشتنێ و مەلەڤانگەهان ) ژ وان ژی ٣٥ چایخانە هاتنە دائێخستن و ٤٨ خارنگەهان بتنێ ماف هەیە خوارنێ ب سەفەری بفروشن و نابیت دناڤ خارنگەهێ ب خوە دا خارنێ ب فروشن و هەر دیسان شەش خارنگەهـ و چایخانەک و دوو سەتراشخانە و گوشت فروشەک ژی هاتە دائێخستن و شەش نانپێژ ژی هاتنە سزا دان هەمی جهێن سەرشویێ و جهێن یاریا و مەلەڤانگەهـ و کافێ ژی هاتنە دائێخستن .
ناڤبری ئه‌و چه‌نده ژی گۆت: سزا دانا وان جهان ژی ژبەر نەپێگیریا وان بوو ب رێنمایێن حکومەتێ و دێ ب هەڤکاریا ساخلەمی و ئاسایش و پولیسێن زاخۆ دێ بەردەوام دیفچوونا بازاری کەین پێخەمەتی پێگیریکرنا وان جهان ب رێنمایێن خوە پاراستنێ ژ ڤایروسێ کورونایێ .
د لێگەریانەكێ دا ل بازارێ دێرەلۆک، لژنا دووڤچونا بازاری مارکێتەک و گۆشتفروشەک ب کوژمەکی پارەی سزادان.
سامی ئوشانە رێڤەبەرێ ناحیێ کو بەرپرسێ لژنا دووڤچونا بازاری ژی ل دێرەلۆکێ بو ئەڤرۆ نیوز دیارکر، ژ بو پتر پاراستنا ساخلەمیا وه‌لاتیان و گرنگی دان ب رێنمایێن خوە پاراستنێ بتایبەت د نوکە دا کو مەترسیا ڤایرۆسێ کورونایێ ل سەر وەلاتێ مەهەیە، وان دەست ب لێگەریانەکا گشتگیر کریەل ناڤ بازارێ دێرەلۆک و گۆت : دڤێ لێگەریانێ دا ئەوان ل مارکێتەکی دەست ب سەر چەندین کارتونێن مێلاکێن مریشکا یێن قەدغەکری دا گرتیە و خودانێ وێ ژی ب کوژمێ ۲۰۰ هزار دیناران سازادایە. ناڤهاتی ئاشکرا ژی کر، ژبەر نەپێگریکرن ب رێنمایان ئەوان گۆشت فروشەک ژی ب کوژمەکی پارەی سزادا. ودیار کر، ئەو دێ بەردەوام بن لسەر لێگەریان و دووڤچوونا بازاری، و یێن ل دووڤ مەرجێن ساخلەمیێ و چاڤدێریا بازرگانی و رێنمایان کار نەکەت دێ ب توندی سەرەدەری دگەل دا هێتە کرن.
ئه‌ڤرۆ نیوز، زنار:
رۆژناما ماركا یا ئسپانى ئاشكرا كر ستێرا پرتوگالى و یانا یوڤانتوس یا ئیتالى پلانا خوه یا خێرخوازى ئاشكرا كر دژى به‌لاڤ بوونا ڤایروسێ كورونا.
زێده‌تر رۆژناما ماركا د ڤى ده‌رباره‌ى دا دیاركریه كرستیانو رونالدۆ بریار دایه زنجیره‌یا ئوتێلێن خوه ئه‌وێن ب ناڤێ (Pestana CR7) ل وه‌لاتێ پرتوگال دێ ته‌رخان كه‌ت بۆ نەخوشێن هه‌لگرێ ڤایروسێ كورونا ل وه‌لاتێ خوه بێ به‌رامبه‌ر و هه‌موو مه‌زاختیێن ڤێ نه‌خوشخانێ دگه‌ل مووچێ نوشداران ژى دێ ب ستویێ خوه ڤه گریت و بریار دایه ئه‌گه‌ر ئه‌ڤ ڤایروسه یێ به‌رده‌وام بوو دێ ڤى كارى ژده‌رڤه‌ى پرتوگال ژى جێبه‌جێ كه‌ت.
نيشاندان