ئەڤرۆ نیوز، نەوزاد هلوری:

ب مەرەما بەرنگاربوونا ڤایرۆسا کۆرۆنایێ و پاراستنا وەلاتیان و هەر کەسێ ئەگەر حالەتەکێ گومانا لدەڤ دیاربیت یان توش ببیت، یەکەیێەکا چاڤدێیا ڤایرۆسا کۆرۆنایێ ل دەڤەرا بارزان هاتە دانن.

دکتور هەوار دری، رێڤەبەرێ گشتیێ نەخۆشخانا بلێ ل دەڤەرا بارزان بۆ ئەڤرۆ نیوز گۆت: (ب مەرەما پاراستنا وەلاتیان و بەرنگاربوونا ڤایروسا کۆرۆنایێ، دیسان چاڤدێری کرنا هەرکەس و وەلاتیەکێ خودێ نەکەت ئەگەر توشی ڤایرۆسا کۆرۆنایێ ببیت یان گومان لدەڤ پەیدا ببن، یەکەییەکا چاڤدێریێ یا تایبەت ب ڤایرۆسا کۆرۆنایێ ل نەخۆشخانا گشتیی یا بلێ هاتەدانان).

زێدەتر گۆت: (هەتا نوکە چوو حالەتێن گومان و توشبوون ب ڤایرۆسا کۆرۆنایێ ل دەڤەرا بارزان نەهاتینە تومارکرن، دیسان ژبلی چاڤدێری و پاراستنا وەلاتیان، هەڤدەم ل خالێن پشکنینان ژی تیمێن مە هاتینە دانان و رێنمایێن تایبەت ب خوە پاراستنێ ژی ل سەر وەلاتیان دهێنە دابەشکرن).

ئەڤرۆ نیوز،عەلی حاجی :

بریارە سوبەهی ل روژا ئەینیێ ١٣/٣/٢٠٢٠ ب هەلکەڤتا سەرهەلدانا باژێری ب بەرهەڤبونا وەزیرێ کارەبێ یێ حکومەتا هەرێما کوردستانێ بەرێ بنیاتێ پرۆژەیەکێ کارەبێ ل زاخۆ بهێتە دانان و پرۆژەیێ راکێشانا هێلا ١٣٢ کەیڤی ل زاخۆ بهێتە دەست پێکرن.
ئەندازیار هشیار شاکر ژ رێڤەبەریا بەلاڤکرنا کارەبێ ل زاخۆ بۆ ئەڤرۆ نیوز گۆت : بریارە سوبەهی رۆژا ئەینیێ ب بەرهەڤبونا وەزیڕێ کارەبێ یێ حکومەتا هەرێما کوردستانێ و پارێزگارێ دهۆکێ بەرێ بنیاتی بۆ پرۆژەیەکێ نوویێ کارەبێ ل زاخۆ یێ ١٠٠ کەیڤی بهێتە دانان ئەوا کۆمپانیەکا ئوستورالی دێ رابیت ب جێبەجێ کرنا وی پرۆژەیی،زێدەباری وێ چەندێ ژی هەر ل هەمان رۆژ دێ دەست پێکرنا پرۆژەی دانانا هێلا کارەبێ یا ١٣٢ کەیڤی هێتە راگەهاندن ئەوا کو ژ کواشێ بۆ زاخۆ دهێتە ڤەگوهاستن و پرۆژەیێ راکێشانا وێ هێلێ ژی دێ کۆمپانیا ستێر پێ رابیت و ئەڤ چەندە ژی دێ بیتە رێیەکا باش باژێرێ زاخۆ بشێت مافێ خوەیێ دروستێ کارەبێ وەربگریت ژبەر کو ژبەریا نوکە کارەبا باژێرێ زاخۆ بتنێ ب ئێک هێلێ ڤە گرێدایی بوو و هێلا زاخۆ یا کارەبێ لەوا زاخۆ نەدشیا ب دروستی کاروبا بۆ دهێت وەربگریت .