ئه‌ڤرۆ نیوز، زنار:
ستێرا ئه‌رژه‌نتینى و یانا به‌رشه‌لونا یا ئسپانى لیونێل مێسى چار پارێزه‌ر راسپاردینه داكو به‌ره‌ڤانیێ ژ هه‌ڤالێ وى یێ به‌رازیلى رونالدینهوى بكه‌ن ئه‌وێ نوكه ل وه‌لاتێ پارگواى ده‌سته‌سه‌ركرى ب تومه‌تا هه‌لگرتنا پاسپورتا سه‌خته.
رۆژناما فوتبول بایبل یا ئنگلیزى و بولسكا تایمز یا پوله‌ندى ئاماژه دایه ڤێ چه‌ندێ دیاركریه كو مێسى دێ پارێن وان پارێزه‌رێن وى ده‌ستنیشان كرى ئه‌داكه‌ت داکو بەرگریێ ژی هەڤالێ وی رونالدینهوی بکەت و هه‌موو سزایێن دارایى ژى ئه‌داكه‌ت ئه‌وێن دادگه‌ها پارگواى ل سه‌ر وى سه‌پینت ل ماوێ بهێت.
هه‌ژى گۆتنێ یه رونالدینو ل رۆژا شه‌مبیا بورى وه‌ره ل وه‌لاتێ پارگواى هاتیه ده‌سته‌سه‌ركرن دگه‌ل خویشكا خوه ب تومه‌تا هه‌لگرتنا پاسپورته‌كا سه‌خته ل وى وه‌لاتى.
ئەڤرۆ نیوز:
بەرپرسەکێ وەزارەتا ساخلەمیێ یا ئیرانێ بێی کو ناڤێ خوە ئاشکرا بکەت بۆ ئاژانسا رویتەرز یا نووچەیان دیار کریە کو ژ بەر ڤایرۆسێ کۆرۆنایێ هەتا نها ٣٥٤ کەسان ل ئیرانێ جانێ خوە ژ دەست داینە و پتر ژ ١١ هزار کەس ژی تووشی کۆرۆنایێ بووینە.
ئەو یەک د دەمەکێ دایە کو دوهی ژی سەرۆکێ ئەمریکا راگەهاند ئەو بەرهەڤن بۆ کۆرۆنایێ هاریکاریا ئیرانێ بکەن، لێ بەرپرسێن ئیرانێ دبێژن ئەمریکا کۆرۆنا دروست کریە و دڤێت ب رێیا کۆرۆنایێ ئیرانێ ژناڤ ببەت.
ئەڤرۆ نیوز:
فەرماندارەکێ هێزێن سووریا دیموکرات راگەهاند کو ل دێرازۆرێ و دەوروبەرێن وێ هێزێن وان شیاینە چەندین شانێن نهێنی یێن داعشێ ژناڤ ببەن.
هەمان فەرماندارێ هێزێن سووریا دیموکرات دیار کریە کو داعشێ دڤێت مفای ژ ئالۆزیێن ل سووریێ و عیراقێ وەربگریت و جارەکا دی دەست ب کریارێن خوە یێن تیرۆرستی بکەت، لێ ب هاریکاریا هێزێن هەڤپەیمانان دێ ئۆپەراسیۆنێ ل دژی داعشێ ل سووریێ د بەردەوام بن.
ئەڤرۆ نیوز:
رێزان شێخ دلێر ئەنداما بەرێ یا پەرلەمانێ عیراقێ کو نها وەکو شیرەتکارا مەکتەبا سیاسی یا ئێکەتیێ کار دکەت راگەهاند کو د. میران محەمەد بوویە ئەندامێ مەکتەبا سیاسی یا ئێکەتیێ و ل گۆر پەیرەوا ناڤخوەیی یا ئێکەتیێ و قانوونا هەلبژارتنێن عیراقێ د. میران دێ خوە ژ پەرلەمانێ عیراقێ ڤەکێشیت.
ناڤهاتیێ راگەهاند کو د هەلبژارتنێن پەرلەمانێ عیراقێ دا ئەو وەکو ئەنداما یەدەک هاتیە هەلبژارتن و دێ نها ب جهێ د. میرانی بیتە ئەنداما پەرلەمانێ عیراقێ.
ئه‌ڤرۆ نیوز:
رۆژنامه‌یێن نێزیكى یانا به‌رشه‌لۆنا دیاركریه یانا به‌رشه‌لۆنا ب كوژمه‌كێ مه‌زن یێ پاره‌ى خوساره‌ت بوو ژبه‌ر ڤایروسێ كورونا ل ئیتالیا.
رۆژناما سپورت یا كه‌ته‌لونى دیاركریه پشتى ئێكه‌تیا ته‌پا پێ یا ئورۆپى راگه‌هاندى یاریا به‌رشه‌لۆنا و ناپولى ل یاریگه‌ها كامپ نوو ژ چارچوڤێ یاریێن قوناغا 16 ژ چامپیونیز لیگا ئورۆپا بێ جه‌ماوه‌ر بهێته‌كرن و ب وێ بریارێ به‌رشه‌لۆنا یا زه‌ره‌مه‌ندبوو ب كوژمێ شه‌ش ملیون یورۆیا خوساره‌ت بوو .
ئەڤرۆ نیوز:
جێمز جێفری نوونەرێ ئەمریکا بۆ کاروبارێن سووریێ راگەهاند کو روسیا پێگیریێ ب ئاگربەستا ئدلبێ ناکەت و فرۆکێن شەری یێن روسیا پشتی راگەهاندنا ئاگربەستێ ژی چەندین جاران هێرشی هێزێن تورکیا کرینە، ژ بەر هندێ رەنگە ئاگربەست د زووترین دەم دا بهێتە هلوەشاندن.
ناڤهاتی راگەهاند کو وەکو ئەمریکا ئەم ژی بەرهەڤیێن خوە دکەین و مە دڤێت هاریکاریا تورکیا بکەین لێ هەتا نها ل دۆر چاوانیا هاریکاریا بۆ تورکیا مە وەکو ئەمریکا چو بریارەک نەدایە.
ئەڤرۆ نیوز ، ئێقبال عومەر:
دکتور شاکر عەبدلعەزیز رێڤەبەرێ ساخلەمیا قەزا ئامێدیێ بو ئەڤرۆ نیوز گوت: (ل دیڤ بەرنامێ رێکێن خوە پاراستنێ ژ ڤایروسێ کورونا ساخلەمیا ئامێدیێ رابووینە ب هەوەکا دەرمان رەشاندنێ ل هەموو سنورێ قەزا ئامێدیێ و گوت: دوهی مە ل سەنتەرێ قەزا ئامێدیێ دەست ب دەرمان رەشاندنێ کریە و ئەڤرۆ ژی ل هەمی ناحی و کومەلگەه و گوندێن دی یێن سەر ب قەزا ئامێدیێ ڤە دێ دەست پێ کەت ل دەسپێکێ مە ل شێلادزێ دەست پێکریە مەرەم ژێ ئەوە کو هەمی باژێر و کومەلگەه پاقژ بهێنە راگرتن و تافیلکرن ژ نەخوشیێن ڤەگر ب تایبەتی ڤایروسێ کورونایێ، ئەڤ هەوە دێ یا بەردەوام بیت، تاکو ئەڤ ڤایروسە دهێتە بنبرکرن).
زێدەتر گوت: (کەمپێن ئاوارا و خالێن سەرسنوری ژی دهێنە تافیلکرن و هەروەسا زالگەها گەلیێ بالندا مە تیمەکا ل وی جهی ئاکنجی کری بوو پشکنینان ژبەرکو دناڤبەرا دوو پارێزگەهاندا یە پارێزگەها هەولێری ب پارێزگەها دهوك ڤە گرێددەت مە ب فەرزانی کو تیمەکا مە لوی جهی ئاکنجی بیت و ئەڤرۆ دێ کەفنە کاری).
جەمیل خەلیل به‌رپرسێ تیمێن ره‌شاندنێ ل رێڤه‌به‌ریا كارۆبارێن خوه پاراستنا ساخله‌میا ئامێدیێ دیاركركو ئه‌ڤرۆ ۱۱/۳/۲۰۲۰ ل ناڤ بازارێ شێلادزێ دا هه‌وه‌كا به‌رفره‌ه یا ره‌شاندنا ده‌رمانی بۆ به‌رهه‌نگاریا نه‌خۆشیا ڤایروسێ كورۆنا هاته ئه‌نجامدان.
به‌رپرسێ تیمین ره‌شاندنێ ل رێڤه‌به‌ریا كارۆبارێن خوه پاراستنا ساخله‌میا ئامێدیێ گوت: (ساخله‌میا ئامێدیێ دگه‌ل دام و ده‌زگه‌هیێن په‌ێوه‌ندیدار ژ چەندین تیم بۆ به‌رهه‌نگاریا نه‌خۆشیا كورۆنا پێك ئیناینه ئه‌ڤ تیم هاتینه به‌لاڤكرن ل هەمو سنۆری قەزا ئامێدیێ کو ل ناحی و کومەلگەه و گوندا ب خوەڤە دگریت ئه‌ڤرۆكه ل ناڤ بازارێ شێلادزێ و پارك وجاده‌یێن شێلادزێ هاتنه ره‌شاندن ئه‌م هیڤدارن وه‌لاتی ژی دگه‌ل مه‌دا هه‌ڤكار بن بو خوه پاراستنی ژ نه‌خۆشیا كورونا ئه‌م به‌رده‌وام كاردكه‌ین بۆ پاراستنا گیانی وه‌لاتیان).
ئاشكه‌را كركو هه‌موو جهێن گشتی و قه‌ره‌بالغ دهێنه ره‌شاندن و تافیلكرن داكو ژیانا خه‌لكێ مه پاراستی بیت ئه‌ڤ هه‌وا ره‌شاندنا ده‌رمانێ ب هه‌ماهه‌نگیی دگه‌ل رێڤه‌به‌ریا فیته‌رنه‌ریا شێلادزێ و رێڤه‌به‌ریا به‌رگیریا شارستانێ هاته ئه‌نجامدان دێ به‌رده‌وام بن هه‌تا ئه‌ڤ نه‌خۆشیا نه‌مینت.
ئەڤرۆ نیۆز، قائید میرۆ
پشتی داکەتنا بھایێ پتڕۆلێ د بازاڕی دا مەترسی بۆسەر بودجێ عێراقێ پەیدابوویە و سەرۆکێ لیژنا دارایی و ئابووری ژی لپەرلەمانێ کوردستانێ ئاشکراکر، ددەمێ نوکەدا داکەتنا بھایێ پتڕۆلێ کاریگەری لسەر مووچەی نابیت.
زیاد جەبار، سەرۆکێ لیژنا دارایی لپەرلەمانێ کوردستانێ بۆ ئەڤرۆ نیۆز دیارکر” داکەتنا بھایێ پتڕۆلێ ددەمێ نوکەدا چو کاریگەریێن وەسا ل سەر مووچێ فەرمانبەران نابیت، بتایبەتی ژی وەک دھێتە گوتن داکەتنا بھایێ پتڕۆلێ ئاریشەیا ناڤبەرا سعودیێ و رۆسیایە و پێشبینی دھێتەکرن بھێتە چارەسەرکرن.
سەرۆکێ لیژنا دارایی گۆتژی” حوکمەتا ھەرێما کوردستانێ تەکەست لسەر ڤێ چەندێ کریە دێ بەلافکرنا مووچێ فەرمانبەران یا بەردەوامبیت، نوکەژی بەردەوام مووچە یێ دھێتە بەلافکرن.
زیاد جەبار خویاکر” ھەرچەند د کۆمبوونا سەرۆکایەتیا جڤاتا وەزیران بەحسێ داکەتنا بھایێ پتڕۆلێ ھاتیەکرن، بەلێ ھەگەر بھێت و داکەتنا پتڕۆلێ ڤەکێشیت دێ پشتی جەژنا نەڤرۆزێ وەزیری دارایی گازیکەینە پەرلەمانی.
نيشاندان