ئەڤرۆ نیوز:
جڤاتا وەزیران ژ بۆ رێگریکرن ژ بەلاڤبوونا ڤایرۆسێ کۆرۆنا بریار دا کو ژ رۆژا ١١/٣/٢٠٢٠ هەتا ٢٦/٣/٢٠٢٠ ل هەموو دەم و دەزگەهێن حوکمەتێ ببیتە بێهنڤەدانا فەرمی.
حوکمەتا هەرێمێ رۆژێن بێهنڤەدانێ دیار کرن
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
ئاژانسەکا روسی: فیدرالی باشترین چارەسەرە بۆ سووریێ
ئەڤرۆ نیوز:
ئاژانسا روسیا تودێی د راپۆرتەکێ دا دیار کریە کو وان بەری نها دەست ب راپرسیەکێ ل دۆر سیستەمێ داهاتی یێ سووریێ کرینە و پتر ژ دو ملیۆن کەسان پشکداری د راپرسیێ دا کرینە و د راپرسیێ دا دیار بوویە کو نێزیکی ٦٠% ژ پشکداربوویان داخواز دکەن سیستەمێ سووریێ یێ فیدرالی بیت و کوردان ژی هەرێمەکا خوە یا فیدرالی هەبیت.
د راپرسیێ دا نێزیکی ٤٠% پشکداربوویان ژی دیار کرینە کو دڤێت سیستەمێ سووریێ وەکو بەری مەرکەزی بیت و سیستەمێ فیدرالی نەشێت ئاریشێن ل سووریێ چارەسەر بکەت.
دو سەربازێن ئەمریکا ل دەڤەرەکا کوردستانێ ھاتنە کوشتن
ئەڤرۆ نیوز:
وەزارەتا بەرەڤانیێ یا ئەمریکی بەری دەمەکێ راگەهاند کو دو سەربازێن وان د ئەنجاما ئۆپەراسیونەکێ دا ل باکورێ عیراقێ ژ ئالیێ هێزەکا دوژمنی ڤە هاتینە کوشتن.
گورەی دووڤچوونەکا ئەڤرۆ نیۆز ئاشکرا بوویە” ھەر دو سەربازێن ئەمریکا دوھی ل چیایێ قەرەچۆغ یێ نێزیک قەزا مەخموور ھاتینە کوشتن، دەمێ ھێزێن ئەمریکا ب ھەلیکۆپتەرێن سەربازی ھێرشی سەر ھژمارەکا چەکدارێن داعش کری و شەڕ کەفتیە دناڤبەرا واندا.
تورکیا: هێزێن سووریێ ئاگربەستێ بنپێ دکەن
ئەڤرۆ نیوز:
بەرپرسەکێ وەزارەتا دەرڤە یا تورکیا بۆ ئاژانسا ئاناتولی دیار کریە کو هێزێن رژێما سووریێ ل ئدلبێ ئاگربەستێ بنپێ دکەن و پشتی راگەهاندنا ئاگربەستێ هەتا نها چەندین جاران هێزێن سووریێ هێرشی هێزێن چەکدار ل ئدلبێ کرینە و ئەو یەک ژی بنپێکرنا ئاگربەستێ یە.
هەمان بەرپرسی دیار کریە کو دوهی هێزێن سووریێ ب چەکێن گران ل دەوروبەرێن ئدلبێ هێرشی کاروانەکێ سەربازی یێ تورکیا ژی کرینە.
ئیرانێ ئامارەکا نوو یا تووشبوویێن کۆرۆنایێ بەلاڤکر
ئەڤرۆ نیوز:
بەری دەمەکێ وەزارەتا ساخلەمیێ یا ئیرانێ راگەهاند کو هەتا نها ٧ هزار و ١٦١ کەس ل ئیرانێ تووشی ڤایرۆسێ کۆرۆنایێ بووینە و ژ وان ٢٣٧ کەسان جانێ خوە ژ دەست داینە.
وەزارەتا ساخلەمیێ یا ئیرانێ دیار دکەت کو ژ دوهی وەرە هەتا نها ٥٩٥ کەسێن دی تووشی ڤایرۆسێ کۆرۆنایێ بووینە.
نوشدارێن ئیرانی ژی دیار دکەن کو خەلک پێگیریێ ب رێنمایێن ساخلەمیێ ناکەن و ژ بەر هندێ ژی رۆژ ب رۆژێ هژمارا تووشبوویێن ب ڤایرۆسێ کۆرۆنایێ زێدەتر دبن.
راگەهاندنا ئەلمانیا: فشارێن ئەردۆگانی نەگەهشتنە چو ئەنجامان
ئەڤرۆ نیوز:
دەزگەهێن راگەهاندنا ئەلمانیا دیار دکەن کو ئەردۆگانی دخواست کارتا پەنابەران وەکو فشارەکێ ل دژی وەلاتێن ئێکەتیا ئورۆپا بکار بینیت لێ دەمێ وەلاتێن ئورۆپا هاریکاریا یونانێ کرن و سنور باش هاتنە گرتن ئەو کارتا ئەردۆگانی ژی بێ ئەنجام ما.
دەزگەهێن راگەهاندنا ئەلمانیا دیار ژی دکەن کو ئێدی وەلاتێن ئورۆپا بەرهەڤ نینن وەکو سالێن بۆری پارەکێ مەزن ژ بەر پەنابەران بدەنە تورکیا، ئارمانجا سەرەکی یا ئەردۆگانی وەرگرتنا پاران بوو، لێ ئەو یەک ژی بێ ئەنجام ما.
ئەنەکەسە بەرسڤا بەشار ئەسەدی ددەت
ئەڤرۆ نیوز:
پشتی کو سەرۆکێ رژێما سووریێ راگەهاند کو کورد ل سووریێ مێهڤانن و چو پرسا کوردی ل سووریێ نینە، ئەنجوومەنێ نشتیمانی یێ کوردی ل سووریێ ب توندی بەرسڤا بەشاری دا و راگەهاند کو بەری دەولەتا سووریێ بهێتە ئاڤا کرن کورد ل سووریێ و رۆژئاڤایێ کوردستانێ هەبوون و ل سەر ئاخا خوە دژیان و نها ژی کورد ل سەر ئاخا خوە دژین.
ئەنجوومەنێ نشتیمانی یێ کوردی ل سووریێ دیار ژی دکەت کو پرسا کوردی ل سووریێ پرسەکا نەتەویە و هەتا پرسا کوردی نەهێتە چارەسەرکرن قەیرانا ل سووریێ ژی دێ یا بەردەوام بیت.
١٣ جهـ ل زاخۆ هاتنە گرتن و سزادان
ئەڤرۆ نیوز، عەلی حاجی :
نوونەرێ قایمقامیا زاخۆ د لژنا دیفچوونا بازارێ زاخۆ دا بۆ ئەڤرۆ نیوز دیار کر ژبەر نەپێگریکرنا چەند جهەکان ب رێنمایێن نوویێن خوە پاراستنا ڤایروسێ کورونایێ دو کافێ هاتنە دائێخستن و ١١ جهێن دیتر هاتنە سزادان.
زێدەتر وەلات هەجەر گوت: (ب فەرمانا قایمقامێ زاخۆ بوتان محسن دوهی روژا ئێک شەمبێ سەرتراشخانێن زەلام و ئاڤرەتا و نانپێژ و خارنگەهـ و گوشت فروشان هاتینە ئاگەهدار کرن پێگیر بن ب رێنمایێن نوو، پشتی ئەڤرۆ ل روژا دوشەمبێ ب هاریکاریا ئاسایش و پولیس و ساخلەمی و چاڤدێریا بازرگانیا زاخۆ مە دیفچوونا وان جهان کرین،ژبەر نە پێگیریا وان جهان دو کافێ ب ناڤێ چایخانە هاتنە دائێخستن ژبەر کو پێدڤی یە هەمی کافێ بهێنە دائێخستن و هەر دیسان ١١ جهێن دیتر ژ نانپێژ و سەرتراشخانەیێن زەلامان و چایخانە و خارنگەهـ ب کوژمەیەکێ پارەی هاتنە سزادان وەکو قوناغا ئێکێ و بریارە قونغا دووێ سباهی روژا سێ شەمبێ بهێتە دەست پێکرن و سەرەدانا هەمی جهان بکەین).
و گوت ژی: روژانە هەر ژ دانێ سپێدێ هەتا ئێڤاری دێ بەردەوام چاڤدێریا ڤان جهان دکەین و هەر کەسەکێ دوبارە رێنمایێن نوو جێبەجێ نەکەت دێ سزایێن توندتر هەبن و وەکو قایمقامیا زاخۆ ژی دێ ب هویربینی چاڤدێر بین دا کو هەمی رێنمایێن خوە پاراستن ژ ڤایروسێ کورونایێ بهێنە جێبەجێ کرن.
رەوشا ساخلەمیێ یا نەخوشێن کۆرۆنایێ یێن ل سلێمانیێ باشە
ئەڤرۆ نیوز:
د. یاد نەقشبەندی پەیڤدارێ رێڤەبەراتیا ساخلەمیا سلێمانیێ راگەهاند کو ساخلەمیا وان ٩ کەسێن کو بەری نها تووشی نەخوشیا کۆرۆنایێ ببوون جێگرە.
ناڤهاتی راگەهاند کو چو مەترسی ل سەر ژیانا وان ٩ کەسان نینە لێ ب باشی دووڤچوونا وان دهێتە کرن و هەر دەمێ ب تەمامی ژ ڤایرۆسێ قورتال بوون دێ ڤەگەرنە ڤە ناڤ کەسوکارێن خوە.
ئاسایشی ده‌ست به‌سه‌ر ده‌رمان و ئاژه‌ڵی قاچاخ ده‌گیرێت له ئێرانه‌وه هاورده‌كراوه
ئه‌ڤرۆ نیۆز، عه‌زیز هه‌ورامی:
حكوومه‌تی هه‌رێمی كوردستان ڕێوشێنه‌كانی ڕێگاقاچاخچییه‌كانی توندكردووه بۆ ئه‌وه‌ی هیچ كاڵایه‌كی قاچاخ نه‌هێندرێته هه‌رێمی كوردستان له ڕوی ئێرانه‌وه،ئاسایشی شاره‌زوور له پارێزگای هه‌ڵه‌بجه له ڕونكردنه‌وه‌یه‌كدا ده‌ست به‌سه‌رداگرتنی ئاژه‌ڵ و ده‌رمانی زه‌راعی قاچاخ ڕاگه‌یاند.
له ڕونكردنه‌وه‌یكدا ئاسایشی شاره‌زوور بڵاوی كردووه‌ته‌وه كۆپێكی بۆ ئه‌ڤرۆ نیۆز نێردراوه تێداهاتووه، بۆ پاراستنی سنوره‌كان و ڕوبه‌ڕوبونه‌وه‌ی هه‌ر ئه‌گه‌رێك كه مه‌ترسی بڵاو بونه‌وه‌ی په‌تایی كۆرۆنایی لێبكه‌وێته‌وه یان دزه كردنی هه‌ر هاوڵاتیه‌ك كه بیه‌وێت به‌قاچاخ یان كه‌ل و په‌لی قاچاخ به‌ده‌ر له ڕینمایه ته‌ندروستیه‌كان بهێنێته ناو هه‌رێمی كوردستان، بۆ ئه‌و مه‌به‌سته له چه‌ند هه‌ڵمه‌تێكی چڕدا هێزه‌كانی ئاسایش، ده‌ست به‌سه‌ر ده‌رمانی زه‌راعی و ته‌ندروستی و ئاژه‌ڵ كه‌ویستراوه به قاچاخ بهێندرێنه ناوخاكی كوردستان له دیوی ئێرانه‌وه.
هه‌روه‌ها به‌ڕێوه‌به‌رایه‌تی گشتی ئاسایشی شاره‌زوور، له ڕونكردنه‌وه‌كه‌یداهاتوه، چوار بار ده‌رمانی ته‌ندروستی كه پێك هاتوون له نۆ جۆر كه هه‌ر جۆره‌ی به‌بڕی جیاوازه، چل و دوو كارتۆن ده‌رمانی زراعی جۆراو جۆر،ده مه‌زاخه‌ی ڕشتنی ده‌رمان ، په‌ننجاو یه‌ك سه‌ر ئاژه‌ڵ له جۆری مه‌ڕ و بزن، ناردنی نزیكه‌ی 140 هاوڵاتی بۆ كه‌ره‌نتینه‌كان كه به ڕێگه‌ی قاچاخ هاتونه‌ته‌وه هه‌رێمی كوردستان.
ئاماژه‌ش به‌وه‌دراوه، به‌فه‌رمانی به‌ریز دادوه‌ری لێكۆڵینه‌وه‌ی ئاسایشی شاره‌زوور دۆسییه‌ی لێكۆلینه‌وه كراوه‌ته‌وه و هێزه‌كانمان به‌رده‌وامن له لێكۆڵینه‌وه.
نيشاندان
WP Facebook Auto Publish Powered By : XYZScripts.com