ئەڤرۆ نیوز:

بسپۆرێن سیاسی دیار دکەن کو ئالۆزیێن ل ئدلبێ نیشا ددەت کو ئیران وەکو جاران ل سووریێ خوەدان رۆل نینە و روسیا ژی رێ نادەت ئیران وەکو بەرێ ل سووریێ بزاڤان بکەت و ژ بەر هندێ ژی نها ل سووریێ هەری زێدە تورکیا و روسیا شەری بۆ بەرژەوەندیێن خوە دکەن.

بسپۆرێن سیاسی ئاماژە ب هندێ ژی دکەن کو روسیا پشتی کو شیا رۆلێ ئیرانێ ل سووریێ کێم بکەت نها ژی کار بۆ هندێ دکەت دووماهیێ ب رۆلێ تورکیا ژی بینیت و شەرێ نها ل ئدلبێ ژی نیشانێن هندێ نە.

ئەڤرۆ نیوز:

رۆژناما یێنی شەفەق یا سەر ب ئاکپارتیێ د هژمارا خوە یا ئەڤرۆ دا ب توندی هێرشی سەرۆکێ پارتا کۆماریا گەل کەمال کلچدار ئوگلۆ کریە و دیار کریە کو ئەو خایینە، بێ بهایە و بێ شەرەفە. ل کەلتورێ تورکیا دا ئەو هەر سێ گۆتن دژوارترین سڤکاتینە کو ب کەسەکێ بهێتە کرن، ژ بەر هندێ ژی نها ئەو رۆژنامە د رۆژەڤا تورکیا دایە و هەموو رەوشەنبیرێن تورکیا بەحسێ بابەتێن وێ رۆژنامێ دکەن.

ئەڤرۆ نیوز:

وەزارەتا ساخلەمیێ یا ئیرانێ نەخشەکێ نوو یێ بەلاڤبوونا کۆرۆنایێ ل هەموو پارێزگەهێن ئیرانێ بەلاڤ دکەت. ل گۆر نەخشێ نوو دیار دبیت کۆرۆنا ل هەموو ئیرانێ بەلاڤ بوویە و ل پارێزگەهێن ناڤەندی یێن ئیرانێ کۆرۆنا پتر بەلاڤ بوویە.

ئەڤرۆ نیوز:

ئیڤان چوماکۆڤ بسپۆرێ کاروبارێن سیاسی راگەهاند کو ئالۆزیێن ل ئدلبێ کارتێکرنەکا گەلەک خراب ل پەیوەندیێن روسیا و تورکیا کریە، ئەردۆگانی دڤێت ب هندەک سۆزێن بچووک پوتینی رازی بکەت لێ هەلویستێ روسیا ل دۆر ئدلبێ ستراتیژیە و هەتا تورکیا هەموو هێزێن خوە ژ ئدلبێ ڤەنەکێشیت شەرێ ل وی باژێری دێ بەردەوام بیت.

بسپۆری روسی ئاماژە ب هندێ ژی دکەت کو روسیا ل گەل رژێما سووریێ نەچارن ئدلبێ ژ تیرۆرستان پاقژ بکەن و ژ بەر هندێ ژی هەڤدیتنا پوتینی و ئەردۆگانی چو ئەنجامێن خوە نابیت.