یا به‌رچاڤه و ناهێته ڤه‌شارتن كو د نێڤبه‌را پارت و لایه‌نێن سیاسی یێن كوردستانی دا، ده‌رزه‌كا ئێكجار مه‌زن درۆست بوویه، به‌لكو دێ كارین بێژین ده‌رزا هه‌نێ یا بوویه دۆله‌كا مه‌زن هه‌می لایه‌نێن نه‌یار چ ل سه‌ر ئاستێ نێڤخوه‌یێ یان ده‌ره‌كی بن، دێ كارن ب ئاسانی كارێ خوه تێدا بكه‌ن و پیلان و پرۆژه‌كتێن خوه بجهبینن و رێڤه‌ببه‌ن، ئه‌ڤێ چه‌نده كارتێكرن كریه سه‌ر هه‌ستا پابه‌ندبوونا نه‌ته‌وی و ژ جیاتی ل با تاكه‌كه‌سێ كورد ده‌مارگیریا نه‌ته‌وی هه‌بیت، ده‌مارگیریه‌كا حزبی هه‌یه و له‌وما هێزێن كوردی هه‌ر ب هه‌ڤركیێن نێڤخوه‌یی ڤه د مژوولن و كێمتر پووته‌ی ب لایه‌نێ ده‌ره‌كی بده‌ن.
ئه‌ڤ چه‌نده دیارده‌كا نوو نینه، به‌لكو ب درێژه‌هیا دیرۆكێ ئه‌ڤ نه‌ساخی یه د له‌شێ كوردان دا هه‌بوویه و ئه‌نجام ژی كاره‌سات و تراژیدیێن مه‌زن بووینه، دیسا دێ كارین بێژین كوردان نه دیرۆك نه‌خویندیه، نه یا خوه و نه یا گه‌ل و نه‌ته‌وێن دی و مفا ژ سه‌رهاتی و بۆیه‌رێن به‌رێ وه‌رنه‌گرتیه، هه‌كه وه‌ها نه‌بیت چما كورد نه‌شیاینه بگه‌هنه وێ راستیێ كو ب تنێ هێز و سه‌نگیا كوردان د ئێكرێزی مالا وان و هه‌ڤگرتنا وان دا یه؟
ئێكگرتنا مالا كوردی یا بوویه درۆشمه‌كێ هه‌تا هه‌تا یێ، ب ڕامانا ئه‌ڤ درووشمه هه‌ر دێ مینیت و چ جاران ناهێته جێبه جێكرن، دێ هه‌ر مینیت گۆتنه‌ك و د هه‌لكه‌فتان دا وه‌كو ته‌یسۆكه‌ك هێته بڵندكرن.
هه‌ر ملڵته‌ك دیرۆكێ نه‌خوینیت و مفای ژێ وه‌رنه‌گریت دێ مینیت ملڵته‌ك ساڤا و نه یێ هه‌ڤگرتی، هه‌لبه‌ت نه هه‌ڤگرتنا كوردان و نه كۆمبوونا وان ئه‌گه‌ر و سه‌ده‌مێن خوه هه‌نه، لێ هه‌تا نها تۆێژه‌ره‌ك و ڤه‌كۆله‌ره‌كێ جڤاكی یان چاڤدێره‌كێ سیاسی نه‌شیایه ب دروستی ئه‌ڤان سه‌ده‌م و ئه‌گه‌ران و ب ئاوایه‌كێ زانستی و ب وێرانه تێز بكه‌ت، هه‌ر هه‌موو ئه‌ڤێ داخوازێ دووباره دكه‌ن و ته‌كه‌زێ ل سه‌ر گرنگی و هه‌ستیاریا وێ هه‌ڤگرتنێ دكه‌ن، لێ چما درووشم و داخوازا هه‌نێ ناهێته بجهئانین؟!
نها كورد د قووناغه‌كا مه‌ترسیدار دا ده‌رباز دبن، نه ب تنێ هێرشا چه‌تێن گرۆپێ تیرۆرستێ ل سه‌ر مه كوردانه و هه‌ر كه‌سێ هزر بكه‌ت داعش وه‌كو گرۆپه‌كێ تیرۆرست ب تنێ په‌له‌مارا كوردستانێ دكه‌ت یێ شاشه، ل پشت داعش كۆمه‌كا ده‌وله‌تان هه‌نه و به‌رییا هه‌میان ئه‌و ده‌وله‌تێن كوردستان داگیركری و هه‌ست دكه‌ن ئه‌ڤ ئه‌زموونا ل كوردستانا باشۆر هه‌ی میناكه‌كه نه ب تنێ نابیت ل پارچه‌یێن دی یێن كوردستانێ دوباره ببیت به‌لكو ئه‌ڤ ئه‌زموونه پێدڤی یه ب هێته هه‌رفاندن و ل رۆژئاڤا نابیت ببیته دیفاكتۆ.
كورد هه‌تا نها د قووناغا به‌ر ب نه‌ته‌وه‌بوونێ دا نه، هه‌تا نها گشت فاكته‌رێن ب نه‌ته‌وه‌بوونێ جهگیر نه‌بووینه، ژبۆی ئه‌ڤی ئارمانجی پێدڤی یه ئه‌مێن كورد ببینه خودان به‌رنامه‌كێ درێژخایه‌ن و به‌ریا هه‌ر ئه‌ركه‌كی پێدڤیه لایه‌نێن سیاسی یێن كوردستانی كار بكه‌ن ژبۆی بنبركرنا ئه‌وان ده‌رزێن دنێڤبه‌را وان دا هه‌ین و باوه‌ری و متمانه د ناڤبه‌را وان دروست ببیت، نه بوونا باوه‌ریێ د ناڤبه‌را پارت و لایه‌نێن سیاسیێن كوردی دا بوویه سه‌ده‌ما نه‌جهگیربوونا هزرا نه‌ته‌وی د هشێ تاكه‌كه‌سێ كوردستانی، دیسا ڤالاتیه‌كا هزری به‌رچاڤ دروست دكه‌ت، چونكو هه‌ر ئالیه‌ك ته‌كه‌زێ ل سه‌ر گۆتارا خوه دكه‌ت و خوه ب تنێ ب خودانێ راسته‌قینه‌یێ دۆزێ دزانیت و ب چاڤێ گۆمانێ ته‌ماشه‌ی یێن دی دكه‌ت، له‌وما فه‌ره نها ته‌كه‌زی ل سه‌ر گۆتارا نه‌ته‌ه‌ویا هه‌ڤگرتی بهێته‌كرن و ل ژێر چه‌ترا ئه‌ڤێ گۆتارا گشت جوداهیێن سیاسی بهێنه پاشگوكرن.
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سهرهكى Twitter
پاراسیتۆلێن حكومه‌تێن به‌غدا
نێزیكه سێ هه‌یڤێن حوكمه‌تا هه‌رێمێ و حوكمه‌تا ئاغایێ عه‌بادی به‌ر ب خلاسبوونێ ڤه دچن، ئه‌ڤه نه ئێكه‌مین حوكمه‌ته و نه دووماهیك حوكمه‌ته ژی كو نه‌ڤییایه و نه‌ڤێت ژی، سیسته‌م و ره‌وشتێ پراگماتیكی د سیاسه‌تا ده‌وله‌تمه‌داریا رێڤه‌برنا عیراقێدا بنبڕ بكه‌ن. ڤه‌هێلان و پاشخستنا كریز و قه‌یرانان و چاڤنقاندن ل نه‌خشه‌رێكا چاره‌سه‌ریان و په‌نجكرنا نه‌ساخیێن دومدرێژ، بێگومان به‌رژه‌نگێن مینا هۆڤانیه‌تا داعشان و ده‌ستتێوه‌ردانێن ده‌ره‌كی و هه‌لوه‌شین و كه‌ركه‌ربوونا ناڤخۆیی بخوه‌ڤه دگریت. عیراق وه‌كی حوكمه‌ت نه ده‌وله‌ته‌ك هند كه‌ڤنار و خودان ئه‌زموونه د بیاڤێ سه‌ربخوه‌یا رێڤه‌برنێدا، به‌لكی د هه‌ر سه‌رده‌مه‌كێ دا ژ ئالێ ڕاسپارده و وه‌ڵاته‌كێ بیانیڤه هاتیه سه‌رپه‌رشت كرن، له‌وڕا هه‌تا نها ژی نكاریت ل بن سیبه‌را وێ ژێرده‌ستكرنێ ده‌ركه‌ڤیت. عیراق ده‌وله‌تا شیره‌تكار و شێوه‌دارانه و ل چ ده‌م و سه‌رده‌مان د چارچووڤێ ئه‌ڤێ نیمچه ده‌وله‌تێدا چ ئاریشه و كریز و قه‌یران و دۆز نه هاتینه چاره‌سه‌ركرن و ناهێنه چاره‌سه‌ركرن. به‌لكی خاپاندن و سه‌ردابرن و توڵڤه‌كرن باشترین و جوانترین سیما و ڕوومه‌تێن پڕۆسه‌یا سیاسی بوونه د درێژاییا دیرۆكا وێ دا، ب راستی ئه‌ڤه‌یه كریزا كریزان، ئه‌ڤه‌یه مه‌زنترین ئاڵوزیێن گه‌لێن عیراقێ، نه‌خاسمه گه‌لێ كورد كو زێده‌تر ژ 35% ێ ژ پێكهاته‌ێ گه‌لێن عیراقێ پێكدئینیت و هه‌تا نها ژی د ناڤبه‌را ناڵ و بزمارێن هه‌رێمبوون و جودابوونێ دا مژوولی شه‌رێ دبلوماسیه‌تیا ده‌وله‌تبوون و پاراستنا ئاخ و هه‌لوه‌شاندنا سنۆرێن ئیمپراتۆرییه‌تێن پراگماتیكیه. ده‌مێ دیوارێ شكۆمه‌ندێ به‌رلینێ ل نۆڤه‌مبه‌را 1989ێ هاتیه هه‌ڕفاندن كو درێژاهیا وێ 150ی كم بوون و بهایێ چێكرنا وێ 150ی ملیۆن دۆلار بوون، هه‌ردوو ئه‌ڵمانیا، رۆژهه‌ڵات و رۆژئاڤا، بوون ئه‌ڵمانیا ئێكگرتی، چ هاووڵاتیه‌ك نه ل رۆژهه‌ڵات و نه ل رۆژئاڤا، نه ماركسیسته‌ك، نه سه‌رمایه‌داره‌ك، نه هاتن سزادان و چ قانون و پرۆسێن ڤه‌كوڵین و دادوه‌ری و ده‌رخستنا وه‌ڵاتیان نه هاتنه پیاده‌كرن، به‌لكی ته‌ڤایا سیاسه‌تمه‌دار و وه‌زیر و سه‌ركرده و فه‌رمانده‌ێن له‌شكری و رێڤه‌به‌رێن رۆژهه‌ڵات و رۆژئاڤا بۆ ده‌وله‌تا ئێكگرتی سه‌رێ خوه چه‌ماند و ل هه‌مبه‌ر زڤرینا ئه‌ڵمانیا بو ئێكگرتن و ئێكبوونێ دلسۆززیا خوه راگه‌هاند و چ سیاسیه‌كێ سه‌رمایه‌دار ب ده‌ستێ كومۆنیسته‌كێ نه‌هاته سزادان و به‌روڤاژی ژی. ئه‌ڤ نمونه‌یا ته‌كنیكی و په‌یوه‌ندییا ویژدانی دناڤبه‌را دیوارێ به‌رلینێ و هه‌رفاندنا سنوری دناڤبه‌را باشور و رۆژهه‌ڵاتێ كوردستانێ، ئه‌زمونه‌كا گیانێ نه‌ته‌وه‌یێ هه‌ڤپشك نیشا مه دده‌ت و په‌یاما لێبۆرین و پێكڤه‌ژیان و نووبوونێ رادگه‌هینیت. باوه‌ڕبكه‌ن حوكمه‌تا شیعه مه‌زهه‌با (عه‌بادی) و زۆربه‌ی عه‌ره‌بێن عیراقێ ئیرۆ، دبێژن: هه‌تا كه‌نگی سه‌رۆك كۆمار دێ كورد بیت، وه‌زیرێن سه‌روه‌ری كوردبن. . سه‌فیرێن ووه‌ڵاتێن گرنگ كورد بن. گرنگترین كۆچه و ده‌ڤه‌رێن به‌غدایێ كورد داگیربكه‌ن و ل په‌رله‌مانێ به‌غدا كورد هاشوهوشێ ل سه‌ر عه‌ره‌بان بكه‌ن. كه‌نگی ئه‌ڤ په‌یوه‌ندیه ل گه‌ل كوردان دێ ب دووماهی هێت؟!! چونكی هه‌می وێرانی و موسیبه‌ت و ئاریشه هه‌ر ل كه‌ڤنار دا ژ پێخه‌مه‌ت كوردان ب سه‌رێ مه‌دا هاتیه. . عیراق وێرانكرن. . ئان پێدڤیه هه‌ر وه‌كی سه‌رده‌مێ سه‌دام ل گه‌ل مه بژین، ئانكو پێدڤیه ل مه جوداببن. كه واته چاوا ئه‌م كورد وه‌كی ملله‌ته‌ك پێكۆڵا ده‌وله‌تبوونێ دكه‌ین، وه‌سا ژی عه‌ره‌ب و ده‌وروبه‌ر ب هه‌ڤڕا كۆنگره‌یا ئارامبه‌خشیا كوردان گرێدده‌ن و پاراستیمۆلا بێده‌نگیێ دابه‌ش دكه‌ن.
ره‌وشا كه‌شوهه‌وايێ رۆژا ئه‌ينى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ راگه‌هاند كو راگه‌هاند كو سوبه‌هى دێ ئه‌سمانێ دهۆكێ ب تمامى بيته هه‌ورێن تارى، به‌لێ ده‌ليڤا باران بارينێ ژى نابيت.
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ دياركر كو سوبه‌هى رۆژا ئه‌ينى رێكه‌فتى 13\11\2014 ئه‌سمانێ دهۆكێ دێ ب تمامى بيته هه‌ورێن تارى، به‌لێ ئاماژه ب وێ چه‌ندێ نه‌كريه كو باران دێ باريت.
د نڤيساره‌كێ دا كو دانه‌ك بۆ ئه‌ڤرۆ نيوز هنارتيه دايه زانين كو دێ پلا گه‌رمێ ژى يا بلند دێ نزم بيت و يا نزم ژى دێ يا نێزيكى رۆژێن به‌رێ بيت.
ئاشكه‌را ژى كريه كو ئاراسته‌يێ بايى دێ ل باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كيلۆمه‌تران د ده‌مژمێره‌كێ دا، ئانكو دێ يا ناڤه‌ندى بيت.
ل دۆر ديتنێ ژى دايه زانين دێ ئاراستێ ديتنێ هه‌شت هه‌تا 10 مه‌تر بيت و بلندترين رێژا پێشبينيكرى دێ 20 پله بيت و نزمترين ژى 10 پله بيت.
دادگه‌هكرنا بكوژێ دونيايێ هاته پاشخستن
ئه‌ڤرۆ نيوز، نيوار محه‌مه‌د سه‌ليم:
ل دووڤ بڕيارا دادگه‌ها تاوانان ل دهۆكێ، ئه‌ڤرۆ 13\11\2014 گه‌را ئێكێ يا دادگه‌هكرنا بكوژێ دونيايێ يێ ب ناڤێ سلێمان دياب هاته پاشخستن و پارێزه‌را دونيايێ ژى ڤێ پاشخستنێ بۆ دو ئه‌گه‌را د ڤه‌گه‌رينيت.
كه‌وسه‌ر محه‌مه‌د، پارێزه‌را خێزانا دونيايێ بۆ ئه‌ڤرۆ نيوز دياركر كو بڕيار بوو ئه‌ڤرۆ ل دهۆكێ دادگه‌ها بكوژێ دونيايێ بهێته ئه‌نجام دان به‌لێ ژ به‌ر چه‌ند ئه‌گه‌ران هاته پاشختن.
ل دۆر ئه‌گه‌رێ ژى كه‌وسه‌ر خانێ گۆت: “د كوشتنا دونيايێ دا، خێزانا وێ سكالا ل سه‌ر چه‌ند كه‌سان تۆماركريه كو د تۆمه‌تبارن ب كوشتنا وێ، به‌لێ نوكه ب تنێ ئێك كه‌س د كێشێ دا نڤيسيه كو يێ تاوانباره”.
زێده‌تر گۆت: “ئه‌و دبێژن پرۆژه‌كێ ئاشتبوونێ ژى د ناڤبه‌را هه‌ردو خێزانان دا يێ هه‌يى، به‌لێ وه‌كو پارێزه‌را خێزانا دونيايێ، چو تشتێ ژ ڤى ره‌نگى بۆ مه نه‌هاتيه گۆتن و ئه‌م د ئاگه‌هدار نينين”.
دونيا يا 15 سالى د شوويێ خوه يێ دويێ دا، شوو ب بابێ شه‌ش زارۆيان كربوو كو 45 سالى بوو و خه‌لكێ كۆمه‌لگه‌ها كه‌له‌كچى يا سه‌ر ب پارێزگه‌ها دهۆك ڤه بوو، هه‌ڤژينێ وێ يێ نوو ئه‌وێ ب ناڤێ سلێمان دياب ب تۆمه‌تا هه‌بوونا په‌يوه‌نديان ل گه‌ل گه‌نجه‌كێ كه‌له‌كچى كوشت.
هه‌ر چه‌نده ب گۆره‌ى دايكا دنيايێ، خێزانا سلێمان دياب ب باب و برا ڤه يا تۆمه‌تباره د ڤێ كێشى دا، به‌لێ ئه‌و ته‌كستێ ل سه‌ر وێ ئێكێ دكه‌ن كو سلێمان ب تنێ ئه‌ڤ كاره ئه‌نجامدايه.
كه‌وسه‌ر محه‌مه‌د، پارێزه‌را خێزانا دونيايێ ئاماژه ب وێ چه‌ندێ ژى كر كو دادگه‌هكرنا سلێمان دياب هه‌ڤژين و بكوژێ دونيايێ بۆ 21\12\2014 هاته پاشخستن.
مرۆڤ و خزمانی كرن
رۆڤ ئه‌و زینده‌وه‌رێ تاكانه‌یه یێ ب ژیره چونكی مێشكه‌كێ گه‌له‌ك پێشكه‌فتی هه‌ی و دشێت هزر بكه‌ت و باخڤیت و ده‌ربرینێ بكه‌ت و دژیانێ دگه‌هیت و ل نهێنیێن وێ دگه‌ریت و رێكێن سه‌ره‌ده‌ری و چاره‌سه‌ریێ دگه‌ریێت و سودی ژێ دبینیت و پێشڤه‌چوونێ دكه‌ت و شیایه پێكهاتێن جڤاكی ژ خیزانێ و بنه‌مالێ وخێلێ و ملله‌تی پێكبینیت هه‌ر وه‌كو شیایه بۆ خوه خانی و گوندی و باژیری و وه‌لاتی ئاڤابكه‌ت و رێ و شیوازێن گونجای بۆ سه‌ره‌ده‌ریكرنێ دانیت و پێدڤیێن ژیانێ ژ ئامیره و كه‌رستێن ده‌سته‌به‌ركرنا ژیانێ بده‌ستڤه بینیت.
مرۆڤ ب هه‌ست و ژیرێ خوه‌ڤه هزر و بیره‌ك بۆ دروست بوویه كو د حه‌زكرنه‌كا به‌رده‌وام دا بیت ژ بۆ ژیانا جوانتر و خۆشتر. مرۆڤ هه‌ر مرۆڤه چ ژن بیت چ مێر،چ بچووك بیت چ مه‌زن،چ ره‌ش بیت چ سپی،چ كورد بیت چ عه‌ره‌ب،چ بسرمان بیت چ كریستیان،چ ل ڤێره بیت چ لوێرا هه‌نێ، هه‌می مرۆڤ ل سه‌ر ئه‌ردی دژین و مه‌زنێ ئه‌ردی و هه‌می زینده‌وه‌رانه، ئه‌وه لێ دزانیت و سه‌ره‌ده‌ریێ دگه‌لدا دكه‌ت و بكاردئینیت و گورانكاریێ تێدا دكه‌ت.
د بۆرینا ده‌می دا ژیرێ مرۆڤی گه‌له‌ك گورانكاری ب سه‌ردا هاتینه و گورانكاری ئێخستینه هه‌لسوكه‌وت و ره‌فتارا وی و ل گه‌ل په‌یدابوونا جڤاكێ مرۆڤی دا ژی ئاین و قانوون و رێسا و دابونه‌ریت په‌یدابوونه وه‌كو چارچووڤه‌كی سه‌ره‌ده‌ریكرنێ ل گه‌ل هه‌ڤدو ژیان ده‌ربازكریه و ل هه‌ر قووناغه‌كێ پێدڤیێن مرۆڤی وه‌راركریه و گورانگاری ل سه‌ر شێوازێن ژیانێ كرینه.
لایه‌نێ سه‌ره‌كی و یێ گرنكترێ ژیانێ، جوتبوون و ژنئینان و كچ دانه شوویه، كو نهێنیا به‌رده‌وامیا هه‌بوونا نفشی یه و نه‌ریته‌ك و تیتاله‌كی مرۆڤی یه دگه‌ل هه‌بوونێ و پیشڤه‌چوون بخوه‌ڤه دیتیه، د هنده‌ك چه‌رخان دا هه‌می ژنێن هۆزێ و خێلێ یێن مه‌زنێ وان بوون و پشتی هینگی گورانكاری په‌یدابون و خێزانێ پیرۆزیه‌ك بده‌ستڤه‌ئینا،لێ حه‌تا چه‌رخێن نیزیك و دبیت هنده‌ك جاران نوكه ژی هنده‌ك هه‌بن بێژن كه‌سێ سه‌ره‌ده‌را خوه خراب نه‌كریه دایێ ئێكی دیتر ئاڤاكه‌ت، بمه‌به‌ستا كچێن خوه ناده‌ینه بیانیان، ئانكو ژنئینان و كچ دانه شوو د ناڤ مالێ دا دهاته كرن دۆتمام بۆ پسمامی بوو و ل دووڤدا بۆ كورمه‌تی و كور خالی بوون و باشی د ناڤ بنه‌مالێ دا، ئه‌ڤجا بۆ گوندی و بو عه‌شیرێ و بۆ باژێری و بۆ ملله‌تی و بۆ مرۆڤی لێ د ڤان هه‌می حاله‌تا دا هنده‌ك بها و قانوون و ریسا و تیتال هه‌بوون رۆلێ خوه تێدا هه‌بوو.
ژ وان تیتالان د ناڤ ئێك جڤاكدا كو ته‌خ و جینێن ژێكجودا په‌یدابووین ئێدی ژنئینان د ناڤ هه‌مان چین و ته‌خه‌خ ئان هه‌ڤبه‌ره‌كا دی یا ل وی ئاستی تنێ دهاته كرن و نه دبوو ئه‌ندامه‌كێ ته‌خه‌كێ بۆ خوه ژنه‌كێ ژ ته‌خه‌كا دی نه یا ل ئاستێ ته‌خا خوه بینیت ئان كچه‌كا خوه بده‌نه ئێكی ژ ته‌خا وان كێمتر بیت، ژبلی حاله‌تێ زۆریێ مه‌زنی هه‌ر چیا ڤیابا دا بۆ خو به‌ت! هه‌روه‌كو خزمانیا ته‌خ و چینێن ئاغا و شێخ و ده‌ره‌به‌گان هه‌ر د ناڤ وان ته‌خا بخوه‌دا دهاته‌كرن، تا ل ڤَی دووماهێی ژ ئه‌نجامێ په‌یدابوونا باژێران و دامه‌زراوێن كاركرنا تێكه‌ل و تێكهه‌لبوونا ته‌خێن جڤاكی ئێدی بێی حه‌زكر هنده‌ك ژ وان به‌ربه‌ستان هاتنه لادان د ناڤ هنده‌ك ژ ڤان ته‌خان دا و ل ناڤ هنده‌كان دا هێشتا مانه و ل ناڤ ئۆلێ ئێزدیان دا ب ته‌مامی وه‌كو خوه‌مانه، هه‌ر ته‌خه‌ك تنێ سه‌ره‌ده‌ریا هاوسه‌رگیریێ ل گه‌ل ته‌خا وه‌كو خوه دكه‌ت!. نفش و نه‌ته‌وه به‌ربه‌سته‌كا دیتر بوو بۆ خزمانیكرنێ، د به‌رێ دا زۆرا بزه‌حمه‌ت بوو خزمانیه‌ك د ناڤبه‌را دو ئه‌ندامێن نه‌ته‌وه‌یێن ژێكجودا هاتباكرن! چونكی هه‌ر ئه‌و تێكه‌لی نه‌بوو ب تنێ ب دارێ زۆریێ وه‌كو ئه‌نفال دهاتنه‌كرن و تالان دبرن ژن ژی بۆ خوه دبرن!.
هه‌روه‌سا ئاینێن ژێكجودا به‌ربه‌سته‌كا هه‌را مه‌زن بوویه به‌رامبه‌ر خزمانێ ئانكو ئاین رێ ناده‌ت توخمه‌ك ژ ئاینه‌كی بۆ خوه ژ نه‌كێ ژ ئاینه‌كێ دیتر بینیت، هه‌ر وه‌كو ئازادیا ئاینی ژی نه و تاك نه‌شێت ئاینێ خوه بهێلیت و به‌رب ئاینه‌كێ دی بچیت!.
كوردان ژ كه‌ڤندا گۆتیه ب ژنكا مرۆڤانێ دروست دبیت و دنیا ب مرۆڤا خۆشه و د هه‌مان ده‌مدا سه‌ره‌ده‌یه‌كا به‌رته‌نك دگه‌لدا دكر!، و نه‌شیا خو ژ وان به‌ربه‌ستان ده‌ربازكه‌ت!.
ما ده‌م ئه‌م هه‌می مرۆڤێن هه‌ڤپشكیێن مه مرۆڤێن كوردستانیان پتر وه‌ك هه‌ڤن باشه ئه‌م بشیێن ل سه‌ر هنده‌ك ئاسته‌نگا بازده‌ین و خزمانیی ل گه‌ل هه‌ڤدو قه‌بوولكه‌ین بلا جوداهیێن ئه‌تنی و ته‌خاتی و ئاینی و ئولی هه‌بن، چونكی ئاین بیروباوه‌ره قابلی گوهۆرینێ یه، من پێ سه‌یره خزمانێ د وه‌لاتێ مه دا د گه‌ل جوداهیێن نفشی و زمانی و خه‌لكێ بیانی بهێنه‌كرن به‌لی د ئێك جڤاك دا ل گه‌ل جوداهیێن ئاینی و ئۆلی قه‌دغه بیت، به‌رێ خوه بده‌نێ ئه‌و خه‌لكێ مه‌یێ چوویه ده‌رڤه‌ی وه‌لاتی هه‌كه خوه بێ دلیا ده‌یبابان ژی بیت لێ كچێن وان شوو ب خه‌لكێ ئاینی دی كرینه و كورێن وان ژی كچێن ئاینێن دیتر ئیناینه و ئه‌و شولا ب هاوسه‌رگیریێ ڤه هه‌ی هه‌ر ب وی شێوه‌ی دقه‌تیێت!، له‌و دبێژم داكو مرۆڤانیێ چێببیت و لیبۆرین و پێكڤه‌ژیان بهێزبكه‌ڤیت بلا بهێته قه‌بوولكرن هه‌می پێكهاتێن ملله‌تی بجوداهیێن خوه یێن نفشی و ئاینی و ئۆلی ڤه ژنئینانێ ژ هه‌ڤدو قه‌بوولكه‌ن، بده‌ن و بینن، داكو هه‌ڤگونجاندنا جڤاكی باشتر چێ بیت و سه‌را ڤان پرسان كێشه دروست نه‌بن. جڤاكێ كوردستانێ بجوداهیێن خوه یێن نه‌ته‌وه‌یی و ئاینی و ئۆلی ڤه خودان ئێك چاره‌نڤیسه و به‌رژه‌وه‌ندیه‌ك هه‌ڤپشك هه‌یه و خودان ئێك ئارماجه، له‌وا ژی هه‌می پێكڤه خوه د ئێك سه‌نگه‌ر دا دبینن و پێكڤه به‌ره‌ڤانیێ ژ ماف و ئارمانجێن ملله‌تی دكه‌ن و خوینا خوه پێكڤه درێژن بۆ ئازادیا وه‌لاتی، ملله‌ته‌ك خه‌لكی وی پێكڤه بژیت و پێكڤه كاربكه‌ت و پێكڤه خزمه‌تێ بكه‌ن و پێكڤه خه‌باتێ بكه‌ن و پێكڤه تووشی ده‌رده‌سه‌ریا ببن و پێكڤه خوینێ برێژن و پێكڤه گیانێ خوه بكه‌نه گوری وه‌لاتێ خوه و بشێن حه‌زژ هه‌ڤدوبكه‌ن و ژ لایێ ئۆرگانی ڤه بشێن گوهنێلیێ ل گه‌ل هه‌ڤدو بكه‌ن چما چێ نه‌بیت هه‌ڤجووتی و هاوسه‌رگیری د ناڤبه‌را ئه‌ندامێن پێكهاتێن ڤی جڤاكی بهێته‌كرن و خزمانیا هه‌ڤ بكه‌ن!!. دبیت ئه‌ڤه بابه‌ته‌كێ ب زه‌حمه‌ت و سه‌رنجراكێش بیت، لێ یا ژ من ڤه بابه‌ته‌ك گرنگه بۆ گه‌نگه‌شێ و راگوهۆرینێ، چونكی هه‌تا نوكه ژی كۆمه‌كا كێشێن جڤاكی د ناڤبه‌را ڤان پێكهاتێن جڤاكی دا سه‌را ڤیانێ و حه‌زژێككرنێ چێدبن و نه یا د جهێ خوه دایه ملله‌ته‌ك داخوازا مه‌ده‌نیه‌تێ و شارستانیه‌تێ و پێشكه‌فتنێ بكه‌ت و خوه به‌ندكه‌ت ب رێسایه‌كا كه‌ڤنار!؟.
ئه‌رزاقێ خه‌لكی به‌س ببڕن
ێزیكی ملیۆن كارمه‌ند ل هه‌رێما كوردستانێ دژین و مووچێن خوه ژ ده‌وله‌تا عیراقێ وه‌رگرن و سه‌ر ی بودجا سالانه یا تایبه‌ت ب هه‌رێمێ ڤه‌نه، كو د گه‌هیته 17% ژ میزانیا گشتی یا ده‌وله‌تا عیراقێ، وه‌كو ئستیحاقاقا دستووری و قانوونی یا كارمه‌ندێن ده‌وله‌تا عیراقی، هه‌ر ژ ده‌ه هه‌یڤان و پتره مووچه و بودجه هاتاینه بڕین ژ هه‌رێمێ و ئه‌گه‌رێ سه‌ره‌كی و جێبه‌جكار یێ ڤێ سته‌مێ سه‌رۆك وه‌زیرێن عیراقێ نوری مالكی بوو وه‌كو شه‌ره‌كێ ئابووری كری ل دژی هه‌رێمێ دا كو شیانێن وێ ل كێمێی بده‌ت و باونا پێشكه‌فتێ لێ راوه‌ستینیت، وه‌كو گرۆڤه‌یێن تایبه‌ت و سیاسه‌ته‌كا شاش و شكه‌ستی كو قوویتێ وه‌لاتیان ل كوردستانێ كریه ئالاڤه‌ك بۆ دانانا فشارێ ل سه‌ر كو مالكی بكاربینیت بۆ ناكۆكێن خوه و ئاریشه‌یێن سیاسی یێن هه‌لاویستی دناڤبه‌را هه‌ردو ئالایان دا، ب وێ بهانێ مو هه‌رێما كوردستانێ پترۆلێ دفرۆشیت ب ره‌نگه‌كێ سه‌ربخوه بێی ڤه‌گه‌ریان بۆ حوكمه‌تا ئێكگرتی و ئه‌ڤ په‌یڤینه دووره ژ راستییێ ب ئێكجاری چونكو حوكمه‌تا هه‌رێمێ ده‌ست ب فرۆتنا پترۆلێ كریه پشتی كو حوكمه‌تا ئێكگرتی مووچه و ده‌رمالێن كارمه‌ندێن هه‌رێمێ و بودجا تایبه‌ت ژێ برینه.
سیاسه‌تا مالكی ب ڤێ ره‌نگه‌ی بوو كو ب شاشی ئه‌وی هور دكر كو دێ وی هێلیته ل سه‌ر پۆستێ ده‌سهه‌لاتێ، چونكو پشتی هاتیه لادان ژ كورسیا ده‌ستهه‌لاتێ و راده‌ستێ د. حه‌یده‌ر عه‌بادی كری ، گه‌ل و حوكمه‌تا هه‌رێمێ ب خێر ئه‌ڤ چه‌نده تێهزری كو ئه‌ڤ گوهۆرینه دێ ناكۆكی و ئاریشه و ئالۆزیێن نووری مالكی په‌یدا كرین و ب له‌ز كو ره‌فتارا دابرینا مووچه‌یان پرۆسه‌كا ده‌ركه‌فتی یه ژ دستووری قانوونان و یاداشتنامێن ئه‌ردی و ئه‌سمانی و چو سه‌رۆكێن ده‌وله‌تان نینن چه‌ندی توندی و دكتاتۆری هه‌بن كو په‌نایێ ببه‌نه برینا ئه‌رزاقێ گه‌لێ خوه ژ به‌ر مه‌ره‌م و ژ كه‌رب ڤه ژ به‌ر ئه‌گه‌رێن سیاسی و ناكۆكیات پتر ژ هندێ كو كه‌ساتی بن ده‌مێ هه‌رێمێ داخوازا ڤه‌كێشانا باوه‌ریێ ژ مالكی كری بۆ دوورخستنا شاشیێنن وی د رێڤه‌برنا ده‌وله‌تێ دا كو تێدا سیاسه‌تا ئه‌ردێ وێرانكری و سۆتی بكارئینایی، له‌ورا هه‌كه به‌رێ خوه بده‌ینه‌عیراقێ ل سه‌رده‌مێ ده‌سهه‌لاتا وی دێ بینین كو سێچارێكا عیراقێ یا داگیركری یه ژ لایێ داعشا ته‌كفیری و تیرۆرستی و دا بینین كو وه‌لاته‌كێ بێی له‌شكر یان هێزێن چه‌كدرا و گه‌نجینه‌كا ڤالا یا ستراتیژی ژ بودجێ یا ڤالا ژ دراڤی و پاره‌یێ به‌رهه‌ڤ، ملله‌ته‌كێ دابه‌شكری بۆ تائیفه و مه‌زهه‌بگه‌ری، و خزمه‌تێن قه‌ده‌غه ب ئێكجاری و هه‌ژاریه‌كا كۆژه‌ك و بێكاری هه‌تا راده‌یێ گه‌نده‌لیا ئیداری و مالی یا دویێ ل جیهانێ پشتی سۆمال، و دویه‌مین خرابترین جهێ ژیارێ د ناڤبه‌را پایته‌ختێن جیهانێ و و ملۆینان ژ ئاوران و كۆچبه‌ران ل ناڤخوه و ده‌رڤه و ب ڤێ ره‌نگی زنجیرا عیراقێ. پشتی كو حه‌یده‌رێ عه‌بادی پۆستێ ده‌سهه‌لاتێ وه‌رگرتی ژ پێشینێ خوه نووری یێ مالكی مه ب خیرڤه هزركر وه‌كو مه ئاماژه پێ كری، لێ ره‌وش ناهێته گورهۆرین و خرابتر لێهات و ب تایبه‌ت پشتی هاتنا سه‌دان سان هزاران یان ره‌نگه ژی پتر ژ میلۆن و نیڤ عیراقی قه‌ستا هه‌رێما كوردستانێ كری و شه‌رێ دژوار یێ ل دژی داعشا تیرۆری تیرۆری دكه‌ت ب درێژیا توخیبێن هه‌رێمێ ب رووبه‌رێ 1050 كیلۆمه‌تران كو هه‌می شیانان ل كێمێی دده‌ت، ب ڤێ ره‌نگی فشار ل سه‌ر حوكمه‌تا هه‌رێمێ زیده‌بوو و ل ده‌مێ داخوازكرنا ماف و بودجێن ملیۆنان ژ ئاواران ژ ئێكگرتیێ به‌رسڤ دهێت كو مافێن وان دڤێت بهێنه هنارتن بۆ جهێن وان یێن ئاكنجیبوونێ یان باژارێن وان یێن ژێ ره‌ڤین و سه‌ره‌رای هندێ كو باژارێن وان د داگیركرینه و ده‌ستێ خرابترین رێكخراوا تیرۆری ل سه‌ر رویێ ئه‌ردی ژ هه‌می لایان ڤه لێ دانا مافێن هه‌ژی بۆ وان باژارن دهێته هه‌ژمارتن و پشته‌ڤانكرنا رێخستنا داعشێ. ل دووماهیێ فه‌ره ل سه‌ر حوكمه‌تا ئێكگرتی كو سیاسه‌تا خوه بگوهۆریت ل هه‌مبه‌ر هه‌می پێكهاتێن عیراقێ و ب تایبه‌تی هه‌رێما كوردستانێ د ڤێ قووناغێ دا كو یا شه‌رێ هه‌رێمێ دكه‌ت ل شوونا عیراقێ و جیهانێ و ب سه‌دان شه‌هید داینه پێخه‌مه‌ت قورتالبوون ژ تیرۆرست و ته‌كفیریان و دانا ئازادیێ بۆ ملله‌تی.
وه‌زیری په‌ترۆلا عیراقێ گه‌هشته هه‌ولێرێ
عادل عه‌بدول مه‌هدی وه‌زیری نه‌فتا عیراقێ ژ بوو چاره‌كرنا كێشه و ئالۆزيێن په‌ترۆلێ د ناڤبه‌را هه‌رێما كوردستانێ و به‌غدا، دا گه‌هشته هه‌رێمێ و بڕياره ل گه‌ل ئاشتى هه‌ورامى كۆم ببيت.
عادل عه‌بدول مه‌هدی وه‌زیری نه‌فتا عیراقێ نها گه‌هشته هه‌ولێری بو دانوستانندێ ل گه‌ل به‌رپرسێن هه‌ریمێ ل سه‌ر پرسێن گرێدایی ناڤبه‌را به‌غدا و هه‌ریمێ و بریاره ل گه‌ل ئاشتی هه‌ورامی وه‌زیرێ سامانێن سرۆشى ل هه‌ریمێ ب مه‌ره‌ما چاره‌كرنا كێشێن تابیه‌ت دبیاڤێ په‌ترۆلێ كومبیت.
وه‌زیرێ په‌ترۆلا به‌غدا گه‌هشته هه‌ولێری ژبوی نێزیكرنا هه‌ردوو ئالیان و چاره‌كرنا ئاریشه‌یان گه‌هشته هه‌ولێرێ.
د 36 دەمژمێرێن بھێت دا دێ پلانەکا ھوورتر بۆ شنگالێ ھێتە دانان
دھۆک، لەزگین جۆقی:
بەرپرسێ لقێ 17 پارتی دیمۆکراتی کوردستان بۆ ئەڤرۆ دیار کر کو نوکە ئەو مژوولی دانانا پلانەکا ھوورترن بۆ چیایێ شنگالێ کو د ماوەیێ کێمتر ژ 36 دەمژمێرێن بھێت دا دێ پلان ھێتە دانان و مزگینیێن خۆش دێ بۆ خەلکێ شنگالێ ھەبن.
سەعید شنگالێ بەرپرسێ لقێ 17 پارتی دیمۆکراتی کوردستان دیار کر کو خوەکوژێن داعش نوکە پتر ل ئالیێ باشوورێ چیایێ شنگالێ بزاڤێ دکەن بھێنە چیایێ شنگالێ، لێ پێشمەرگێ کوردستانێ و ھەموو کادرێن لقێ 17 یێ پارتی پلان بۆ بەرسینگرتنا خوەکوژێن داعش دانایە و ھەموو بزاڤێن تیرۆرستان ھاتنە ژناڤبرن و گۆت “دوھی جارەکا دی خوەکوژێن داعش ل باشوورێ چیایێ شنگالێ بزاڤ کرن خوە بگەھینە چیای، لێ بزاڤێن وان ھاتنە ژناڤبرن و گەلەک تیرۆرست ھاتنە کوشتن، ھەروەسا ھێرشەکا تیرۆرستان بۆ سەر جدالی و حیالی ژی ھاتیە ژناڤبرن و تیرۆرست بەر ب پاشڤە رەڤین و خوە ل بەرسینگێ پێشمەرگەی ناگرن”.
کیش مامۆستا دێ ھێنە ڤەگوھاستن
ئەڤرۆ، سالار دۆسکی:
رێڤەبەرێ گشتیێ پەروەردێ ل پارێزگەھا دھۆکێ دیارکر کو ل دووڤ بریارەکا وەزارەتا پەروەردێ ھەر مامۆستایەکێ بەھرێن وی یێن وانە گۆتنێ د کێم بن دێ ھێتە ڤەگۆھاستن.
عەبد یوسف رێڤەبەرێ گشتیێ پەروەردێ بۆ رۆژناما ئەڤرۆ ھەروەسا گۆت ھەکە مامۆستا بۆ قۆتابخانەکا دەرڤە یان پەروەردەکا قەزایێ ھاتە ڤەگوھاستن دێ بۆ دو رۆژان بیتە بێنڤەدان، ئاشکرا ژی کر کو مامۆستایێ پشتی ڤەگوھاستنێ نەچیتە سەر کارێ خوە بلا خوە خانەنشین بکەت، چونکو نابیت مامۆستا حەفتیێ ژ 26 بەھران کێمتر بێژیت.
سۆپايێ ئازاد: سوريا مفايه‌كێ باش يێ ژ داعش وه‌رگرتى
ئەڤرۆ:
بەرپرسەکێ لەشکرێ ئازاد یێ سووریێ کو نەخواستیە ناڤێ خوە ئاشکرا بکەت بۆ ئاژانسا فرانس پرێس دیار کریە کو داعشێ ل گەلەک دەڤەرێن سووریێ ھێرشی ھێزێن مە کرن و ئەم نەچار بووین کو بەرەڤانیێ ل خو بکەین و ژ بەر ڤێ یەکێ ژی رژێما سووریێ ئەو یەک ب دەلیڤە زانی و ل گەلەک دەڤەران ب چەکێن گران ھێرشی ھێزێن مە کرن و ب تایبەتی نھا ل حەلەبێ گەلەک دەڤەرێن کو بەرێ د دەستێ مە دا بوون نھا کەڤتنە دەستێ ھێزێن رژێما سووریێ.
ھەمان بەرپرسی ئەو یەک ژی دیار کریە کو ھێزێن رژێما سووریێ ب چەکێن گران تاخ و کۆلانێن باژارێ حەلەبێ بۆمبەباران دکەن و ب سەدان وەلاتێن مەدەنی ژی جانێ خوە ژ دەست داینە و رژێما سووریێ شەرێ داعشێ ناکەت و مفایەک باش ژ داعشێ وەرگرتیە و ھەکە ھێزێن ھەڤپەیمان نھا شەرێ رژێمێ نەکەن پشتی ژناڤچوونا داعشێ دەستھەلاتا بەشاری ژناڤ ناچیت و دێ کوشتارێن مەزن ل سووریێ دروست ببن.
نيشاندان
WP Facebook Auto Publish Powered By : XYZScripts.com