ئه‌ڤرۆ نێوز:
بریكراێ وه‌زاره‌تا دارایى یا عیراقێ سه‌باره‌ت دیار كرن و ده‌ستنیشانركرنا هژمار و داتایێن په‌یوه‌ندى ب بودجا هه‌رێما كوردستانێ و موچێن فه‌رمانبه‌ران ڤه‌ ره‌تكرن، مه‌حمه‌د شه‌یاعى گۆت: نابیت نوكه‌ به‌حسێ چو هژماران یان بودجێ بهێته‌ كرن، نه‌خاسمه‌ یێن په‌یوه‌ندى ب هه‌رێما كوردستانێ و پارێزگه‌ه و مه‌زاختیان ڤه‌ هه‌ى، چونكى لژنه‌كا ته‌كنینكى یا تایبه‌ت هاتیه‌ پێكئینان و ئه‌و دێ بڤى كارى رابن و ئه‌و لژنه‌ به‌ردومان د كومبوونێن خوه‌ دا داكو ڤێ قه‌یرانێ چاره‌ بكه‌ن.
محه‌مه‌د شه‌یاعى هه‌روه‌سا گۆت: چاره‌یا قه‌یرانا موچێن فه‌رمانبه‌رێن هه‌رێما كوردستانێ پارچه‌كه‌ ژ رێككه‌فتنێن سیاسى كو دڤێت بهێنه‌ چاره‌كرن، ئه‌نجامێ وان رێككه‌فتنان ژى حه‌زه‌كا مه‌زن و رژد یا ل جڤاتا وه‌زیران هه‌ى ئه‌و بابه‌ته‌ چاره‌ ببیت، زێده‌بارى وێ هه‌رێما كوردستانێ بودجه‌كا تایبه‌ت یا هه‌ى وه‌كى هه‌موو پارێزگه‌هێن دى ئه‌ڤه‌ ژى مافه‌كێ سرۆشتى یه‌.
بریكارێ وزاره‌تا داریى پێدا چوو و دیاركر، جڤاتا وه‌زیران دڤێت ژڤانه‌كێ بۆ وه‌زاره‌تا داریى دیار بكه‌ت سه‌باره‌ت دانا موچێن فه‌رمانبه‌رێن هه‌رێما كوردستانێ و كوژمێ پاره‌ى یێ دێ هێته‌ راده‌ستكرن، ئه‌ڤه‌ ژى دێ یا گرێدایى بیت ب سیوله‌تا پاره‌یێ لبه‌ر ده‌ستێن مه‌ د به‌نكان دا.