ئەڤرۆ نیوز:
وەزارەتا ساخلەمیێ یا ئیرانێ د ئامارەکا نوو دا هژمارا کەسێن تووشبوویی ب ڤایرۆسا کۆرۆنا دیار کر. د نەخشەی دا هژمارا نەخوشان ل گۆر هەر پارێزگەهەکێ ل ئیرانێ هاتیە دیار کرن.
ئیران ئامارا نوو یا کۆرۆنایێ بەلاڤکر
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
ده‌رگه‌هـ به‌رامبه‌ر دو به‌رنیاسترین یانێن ئورۆپى گرت
ئه‌ڤرۆ نیوز:
ل ماوێ چه‌ند رۆژێن بورى هژماره‌كا رۆژنامه‌یێن ئورۆپى به‌لاڤه‌كربوو كو هه‌ردو یانێن به‌رشه‌لۆنا و یوڤانتوس دخوازن ل هاڤینا بهێت هه‌ڤبه‌ستێ ل گه‌ل ستێرا به‌رازیلى و یانا مانچێسته‌ر سیتى گابریێل خیسوس ئیمزا بكه‌ن .
مالپه‌رێ كاتشیو مێركاتو یێ ئیتالى دیاركریه ستێرا مانشێسته‌ر سیتى و هه‌لبژارتیێ به‌رازیل خیسوس ناخوازیت ل ڤه‌گوهاستنێن هاڤینا بهێت پێكهاتیێ یانا خوه مان سیتى ب جه بهێلت و دخوازیت به‌رده‌وامى بده‌ته پێكهاتیێ وێ یانێ بو چه‌ند سالێن بهێت.
هه‌ردیسان وێ رۆژنامێ ئاشكراكریه ژى وى یاریزانێ به‌رازیلى بریكارێ خوه ئاگاداركریه ئه‌و ناخوازیت پێكهاتیێ یانێ بجه بهێلت لێ هه‌كه یانێ بریارا فروتنێ دا وى ده‌مى دێ هزر ل هه‌لبژارتنا یانه‌كا نوو كه‌ت.
رۆژئاڤایێ کوردستانێ دەریێ سێمالکا قەپاتکر
ئه‌ڤرۆ نیوز،عه‌لی حاجی :
رێڤه‌به‌رێ ده‌ریێ پێشابورێ د كونگره‌یه‌كێ روژنامه‌ڤانی دا بۆ ده‌زگایێن راگه‌هاندنێ دیار كر ب رێیا نڤێساه‌ركێ ژ ده‌ریێ سێمالكا یێ روژئاڤایێ كوردستانێ گه‌هشتیه ده‌ستێ مه كو تێدا ئاماژه پێكری یه ژبه‌ر ڤایروسێ كورونایێ دێ ده‌ریێ خوه ل هه‌مبه‌ر باشورێ كوردستانێ دائێخیت .
زێده‌تر شه‌وكه‌ت به‌ر بهاری گوت : وه‌كو باشورێ كوردستانێ سنورێ خوه دگه‌ل هنده‌ك وه‌لاتێن دیتر دائێخستیه به‌لێ هه‌تا نوكه مه ده‌ریێ پێشابورێ ل هه‌مبه‌ر وه‌لاتییچن روژئاڤایێ كوردستانێ دانه‌ئێخستی یه به‌لێ ب رێیا نڤێساره‌كێ ژلایێ روژئاڤایێ كوردستانێ ڤه هاتینه ئاگه‌هدار كرن كو ئێدی ئه‌و دێ ده‌رگه‌هێ خوه ل به‌رمبه‌ر روژئاڤایێ كوردستانێ دائێخین و ئه‌ڤرۆ روژا شه‌مبیێ پێڤه ئێدی هاتن و چوونا هاولاتیان نابیت و ژ سوباهی پێڤه ژی بزاڤا بازرگانی هاتن و چوون نامینیت و بریارا قه‌پات كرنا سنوری د ده‌ستێ حكومه‌تا كوردستانێ دا نه‌بوویه و ئه‌ڤ بریاره ژی ژ ئالیێ مه‌ڤه نه‌هاتیه دان .
گوت ژی : هه‌ر د وێ نڤێسارێ ژی دا هاتیه ده‌ریێ سێمالگ ادێ هه‌تا ده‌مه‌كێ نه‌دیار كری مینیته قه‌پات كری و ئه‌م ژی نوزانین دێ هه‌تا كه‌نگی بریارا وان یا به‌رده‌وام بیت و ئه‌م ژی نوزانین چو مه‌ترسییه‌ك ل كوردستانێ په‌یدا نه‌بویه ل دور ڤایروسێ كورونایێ هه‌تا روژئاڤایێ كوردستانێ بریاره‌كا ب ڤی ره‌نگی بده‌ن و هه‌تا مه هایژێ نه‌بویه ل روژئاڤایێ كوردستانێ ژی حاله‌ته‌كێ ڤایروسێ كورونایێ هات بیته توما كرن .
ناڤهاتی دا دیار كرن ژی ب ڤێ بریارێ باشورێ كوردستانێ زه‌ره‌رمه‌ند نابیت و به‌روڤاژی ڤێ چه‌ندێ دێ روژئاڤایێ كوردستانێ زه‌ره‌رمه‌ند بیت ژبه‌ر كو روژئاڤایێ كوردستانێ بتنێ ئه‌ڤ ده‌رگه‌هه دگه‌ل باشورێ كوردستانێ هه‌یه وئه‌و كه‌سێ دخازیت ده‌رباز ببیت نه‌ره‌حه‌تی و نه‌رازی بویه ژ ڤێ بریارێ.
پارێزگارێ سلێمانیێ هۆشداریێ ددەتە وان کەسان یێن ژ ئیرانێ ڤەگەریاین
ئەڤرۆ نیوز:
هەڤال ئەبوبەکر پارێزگارێ سلێمانیێ راگەهاند کو هندەک کەس ژ ئیرانێ ڤەگەریاینە و سەرەدانا بنگەهێن ساخلەمیێ نەکرینە، هەکە نەچنە بنگەهێن ساخلەمیێ و پشکینان نەکەن دێ وان دەستەسەر کەین.
پارێزگارێ سلێمانیێ راگەهاند ژی کو ئامارا دروست یا وان کەسان ل بەر دەستێ وانە یێن کو ژ ئیرانێ ڤەگەریاینە، هەکە پشکنینان نەکەن دێ هێنە دەستەسەر کرن، چونکو بەرۆڤاژی وێ یەکێ دێ مەترسی ل سەر خەلکی دروست بیت و ئەو یەک ژی ناهێتە قەبوولکرن.
بەرپرسەکا هەدەپێ هاتە دەستەسەر کرن
بوچى به‌رشه‌لونا و ریال مه‌درید حه‌ژ ماتيو لاهوز ناكه‌ن ؟
ئه‌ڤرۆ نیوز، زنار:
رۆژناما ماركا یا ئسپانى په‌سنا دادڤانێ یاریا كلاسیكویا سوبه‌هى رۆژا ئێكشه‌مبى ماتیو لاهوز كر كو هه‌رده‌م سه‌ركێشێ گازنده‌یانه ل یاریێن ئه‌و دادڤانیێ دكه‌ت چ بۆ یانا به‌رشه‌لونا یان ریال مه‌درید و د كلاسیكویا سوبه‌هى دا لاهوزى دێ روله‌كێ مه‌زن هه‌بیت.
ماتیو لاهوز بۆ ڤێ یاریا كلاسیكویێ ل یاریگه‌ها سانتیاگو بێرنابیو هاته ده‌ستنیشان كرن د ده‌مه‌كى دایه كو هه‌ردو یانێن كه‌تالونى و مه‌له‌كى گوهداریا وى ناكه‌ن ژ ئه‌گه‌رێ خه‌له‌تیێن وى یێن كوژه‌ك یێن به‌رى نوكه، لاهوز د یاریا یانا به‌رشه‌لونا دگه‌ل ئه‌شبیلیا دا ل وه‌رزى ئه‌ڤ ساله دا دو بریارێن شاش دان ده‌مێ یاریزانێ یانا ئه‌شبیلیا رونالدو ئاراگو ب كارتا سوور ژ یاریێ ده‌رخستێ بێ كو گوهداریا دادڤانێ ڤار بكه‌ت دیسان دهه‌مان ده‌م دا ئوسمان دیمبلێ ژى ب كارتا سوور ده‌رخست ژ ئه‌گه‌رێ نه‌رازیبونێ لسه‌ر بریارا وى، لێ به‌رشه‌لونا ئه‌و یاریه بۆ به‌رژه‌وه‌ندیا خوه ئێكلا كربوو ئه‌گه‌ر دا هه‌لویستێ توند وه‌رگریت.
به‌رامبه‌ر ریال مه‌درید ئه‌و ژى ژ ئه‌گه‌رێ خه‌له‌تیێن ڤى دادڤانى تووشى نه‌خوشیان بوویه تایبه‌ت ل ڤى وه‌رزى ده‌مێ یاریا به‌رامبه‌ر ریال سوسیداد ژ كاسا شاهێ ئسپانیا برێڤه‌برى و تێدا چه‌ندین بریارێن سه‌یر داین كو بوو ئه‌گه‌ر ریال مه‌درید وه‌كهه‌ڤیێ نه‌ئینت و تووشى خوساره‌تیێ بیت و ژ ڤێ قاره‌مانیێ بده‌ركه‌ڤیت.
هه‌رده‌م ماتیو لاهوز بوویه جهێ به‌حسا روژنامه‌ڤانان ژ ئه‌گه‌رێ خه‌له‌تیێن وى و شیایه یاریێن نێڤده‌وله‌تى برێڤه‌برینه د قاره‌مانیا ئوروپا قاره‌مانێن خولان لێ ل سه‌ر ئاستێ نێڤده‌وله‌تى گازنده ژ ئاستێ وى ناهێنه دیتن وه‌ك وى راده‌ى د خولا ئسپانیا دا كو بیته جهێ گرنگیا رۆژنامه‌ڤانێن ئسپانى.
له‌ورا هه‌رده‌م ژورا خوه گوهورینا یاریزانانێن به‌رشه‌لونا هوشداریێ ده‌ته یاریزانێن خوه كو ب چو ره‌نگا هه‌لویستى دژى بریارێن ماتیو لاهوزى نه وه‌رگرن تایبه‌ت یاریزانێ وێ یێ ئوروگواى لویس سوارێز زێده‌تر ژ هه‌میان یێ تونده ژى بریارێن وى لێ بۆ یاریا سوبه‌هى سوارێز یاریێ ناكه‌ت و دبیت هێمن تربیت ژلایێ نه‌رازیبونا یاریزانان ڤه.
سەرکردەکێ نەوەی نوێ جانێ خوە ژ دەست دا
ریال مه‌درید دخوازیت هه‌ڤبه‌ستێ ل گه‌ل ستێره‌كا ئه‌تله‌تیكو مه‌درید ئیمزا بكه‌ت
ئه‌ڤرۆ نیوز:
راپورتێن رۆژنامه‌ڤانى ل ئیسپانیا ئاشكراكرینه یانا ریال مه‌درید دخوازیت ل هاڤینا بهێت هه‌ڤبه‌ستێ ل گه‌ل ستێرا هێلا ناڤینا گانى و یانا ئه‌تله‌تیكو مه‌درید توماس پارتى ئیمزا بكه‌ت.
هه‌ردیسان ئه‌وان راپورتێن رۆژنامه‌ڤانى دیاركریه ژى به‌رپرسێن یانا ریال مه‌درید دخوازیت ل ڤه‌گوهاستنێن هاڤینا بهێت هه‌ڤبه‌ستێ پارتى ئیمزا بكه‌ن و بیته پێگوهورێ كاسمێروى ل پاشه‌رۆژێ ل ناڤا پێكهاتیێ وێ یانێ .
هه‌ژى گوتنێ یه توماس پارتى ژ یاریزانێن تیما لاوێن یانا ئه‌تله‌تیكو مه‌درید بوو پاش ل تیما دوێ یا وێ یانێ یارى كریه و ل وه‌رزێ 2013-2014 ب شێوه‌یێ خواستن یارى ل یانا مایوركا كر و وه‌رزێ پاشتر ل یانا ئه‌لمیریه ب هه‌مان شێوه یارى كر و ل وه‌رزێ 2015-2016 ڤه‌گه‌ریا ئه‌تله‌تیكو مه‌درید ڤه كو ل هه‌ردو وه‌رزێن ده‌ستپێكێ راهێنه‌رێ ئه‌تله‌تیكو مه‌درید وه‌كو یاریزانه‌كێ یه‌ده‌گ یارى پێتكر و ل چه‌ند یاریان سه‌ره‌كى یارى كر لێ ل دووماهیى سێ وه‌رز ئه‌و یاریزان شیا جهێ خوه وه‌كو یاریزانه‌كێ سه‌ره‌كى ل گه‌ل یانێ بینت و هه‌تا نوكه 172 یارى ل گه‌ل ئه‌تله‌تیكو مه‌درید كرینه و زوربه‌یا ئه‌وان یاریان ل سێ وه‌رزێن دووماهیێ بوون و نوكه بهایێ فروتنا وى 50 ملیون یورۆیه.
راگەهاندنا ئەلمانیا: ئەردۆگان ل سووریێ یاریێ ب ئاگری دکەت
ئەڤرۆ نیوز:
چەندین رۆژنامە و دەزگەهێن راگەهاندنا ئەلمانیا دیار کرن کو دەم یێ هاتی تورکیا هەموو هێزێن خوە ژ ئاخا سووریێ ڤەکێشیت، لێ ئەردۆگانی دڤێت ب رێیا ناتۆ و ئەمریکا روسیا تەنگاڤ بکەت، روسیا ژی دزانیت وەلاتێن ناتۆ نها پشتەڤانیێ ل تورکیا ناکەن، چونکو تورکیا ئاخا سووریێ داگیر کریە و چو مەترسی ل سەر ئاخا تورکیا نینن.
دەزگەهێن راگەهدندنا ئەلمانیا دیار دکەن ژی کو نها ئەردۆگان ل سووریێ یاریێ ب ئاگری دکەت و ناتۆ ژی نەڤێت ژ بەر ئەردۆگانی و سیاسەتا وی یا داگیرکەریێ خوە تووشی شەرەکێ ل گەل روسیا بکەت.
كلاسیكویا ڤێ جارێ دێ یا یاریزانێن 30 سالى بيت !
ئه‌ڤرۆ نیوز، زنار:
بریاره سوبه‌هى ده‌مژمێر 11 شه‌ڤ ل دووڤ ده‌مێ هه‌رێما كوردستانێ ل یاریگه‌ها سانتیاگو بێرنابیو هه‌ردو یانێن ریال مه‌درید و به‌رشه‌لونا دێ یاریا خوه یا گه‌را 26 ژ خولا ئسپانى ئه‌نجام ده‌ن به‌رى ڤێ یاریێ به‌رشه‌لونا نوكه رێزا ئێكێ دهێت ب 55 خالان و ریال مه‌درید ل رێزا دویێ دهێت ب 53 خالان.
یاریزانێن هه‌ردو یانێن ریال مه‌درید و به‌رشه‌لونا ته‌مه‌نێ وان مه‌زن بووینه كو د كلاسیكویێن به‌رى نوكه ناڤبه‌را ڤان هه‌ردو یانا دا گه‌نج بوون و خوشى ژ ئاستێ وان دهاته دیتن لێ نوكه دگه‌ل بورینا ده‌مى ته‌مه‌نێ ڤان یاریزانان مه‌زن بووینه و د كلاسیكویا ئه‌ڤ شه‌ڤه دا دێ دیاربیت.
ئه‌و یاریزانێن ته‌مه‌نێ وان مه‌زن ئه‌ڤه‌نه:
ژیانا به‌رشه‌لونا هه‌شت یاریزانان ته‌مه‌نێ وان ژ 30 سالیێ بورى ئه‌و ژى دگه‌ل ئه‌وێن پشكداریێ ژى نه‌كه‌ن ژ ئه‌گه‌رێ هنگافتنێ (لویس سوارێز 33 سال، جوردى ئه‌لبا 30 سال، جیرارد پیكێ 33 سال، لیونێل مێسى 32 سال، سێرجیو بوسكێتس 31 سال، ئه‌رتورو ڤیدال 32 سال، ئیڤان راكیتێچ 31 سال و یێ به‌رازیلى نیتو 30 سال).
د پێكهاتیێ ریال مه‌درید دا حه‌فت یاریزان ته‌مه‌نێ وان ژ 30 سالیێ ده‌ربازكرینه ئه‌و ژى ( لوكا مودرێچ 34 سال، سێرجیو راموس 33 سال، كه‌ریم بنزیما 32 سال، مارسَلو 31 سال، گاریس بێل 30 سال، ناچو 30 سال و یێ ئه‌لمانى تونى كروس 30 سال).
دیسان ژ یانا به‌رشه‌لونا 19 یاریزانان ته‌مه‌نێ وان 27 ساله به‌رامبه‌ر یانا ریال مه‌درید 25 یاریزانێن وان ته‌مه‌نێ وان 26 سالن.
بچووكترین یاریزانێن كلاسیكویێ ئه‌و ژى ژ یانا به‌رشه‌لونا ( ئه‌نسو فاتى 17 سال) و ژ یانا ریال مه‌درید یێن به‌رازیلى( ڤینیسیوس جونیور و رودریگو 19 سال ).
نيشاندان
WP Facebook Auto Publish Powered By : XYZScripts.com