ئەڤرۆ نیوز:
دوهی پارتا دیموکراتی یا گەلان (هەدەپێ) کۆنگرێ خوە یێ چارێ گێرا و میتحەت سانجار و پەروین بولدان وەکو هەڤسەرۆکێن هەدەپێ هاتنە هەلبژارتن.
بەرپرسەکێ هەدەپێ ژی ئەڤرۆ راگەهاند کو دێ ٨٠% ژ ئەندامێن جڤاتا سەرکردایەتیا هەدەپێ هێنە گوهۆرین، چونکو هەدەپێ دڤێت د گەلەک بیاڤان دا گوهۆرینان بکەت و گوهۆرینا ئەندامێن جڤاتا سەرکردایەتیێ ژی بێگومان گرنگیا خوە هەیە.
هەمان بەرپرسی راگەهاند کو دێ گوهۆرین ل گەلەک پشکێن دی یێن هەدەپێ ژی هێنە کرن.
ئەڤرۆ نیۆز، عەزیز هەورامی:
حکوومەتی هەرێمی کووردستان لە سەر ڕاسپاردەی سەرۆک وەزیران مەسروور بارزانی، بەڕێوەبەرایەتی گشتی وەبەرهێنانی هەڵەبجە دەکاتەوە لەگەڵ ڕاکێشانی دەستی وەبەرهێنەران بۆ پارێزگاکە و بوژاندنەوەی ژێرخانی ئابووری پارێزگاکە.
ئه‌ندازیار عه‌زیز سه‌عید به‌ڕێوه‌به‌ری گشتیی وه‌به‌رهێنانی سلێمانی، بە ئەڤرۆ نیۆزی ڕاگەیاند:” بڕیاری کردنەوەی بەڕێوەبەرایتی گشتی وەبەرهێنانی هەڵەبجە سێ ساڵە هەیە، بەڵام بەهۆی نەبوونی فەرمانبەر و بینای پێویست بۆ کردنەوەی دوواخرابوو ئێستا بە جدی کارلەسەر کردنەوەی بەڕێوەبەراییەتیەکە دەکەین لە سلێمانیێەوە فەرمانەر دەنێرین لەگەڵ ئەو فەرمان بەرانەی تر بە تەسب لە فەرمانگەکانی تری پارێزگاکە بۆی دەگوازرێتەوە تاوەکو حکوومەت میلاکی بۆ دادەمەزرێنێت، کارەکان ڕایی دەکەن”.
عەزیز سەعید وتیشی:” حکوومەت دەیەوێت ژێرخانی ئابووری هەڵەبجە ببوژێنێتەوە چەندین پڕۆژەی وەبەرهێنان لە هەڵەبجە بەگەڕ بخات، سەرۆکی حکوومەت ڕژدە لەسەر ئەوەی هەڵەبجە گرنگی زیاتری پێ بدرێت و کۆمەڵێک پڕۆژەی باشی بۆ جێبەجێ بکرێت و لە ڕێنماییەکان هاوکاری بکرێن وە جێگری سەرۆکی حکوومەت ئێمە وەک بەڕێوەبەرایەتی گشتی وەبەرهێنانی سلێمانی و ئیدارەی پارێزگای هەڵەبجە دەمانەوێت بە زووترین کات بەڕێوەبەرایەتی گشتی وەبەرهێنانی هەڵەبجە بکرێتەوە و بکەوێتە سەرپێ خۆی”.
حکوومەتی هەرێمی کوردستان لە ڕێگەی وەبەرهێنانەوە پلانی جێبەجێ کردنی ۱۱٥ پڕۆژەی وەبەرهێنانی هەیە لە هەڵەبجە، لەو بارەوە بەڕێوەبەری گشتی وەبەرهێنانی هەڵەبجە دەڵێ:” حکوومەت بڕیاری هێنانی دەستی وەبەرهێنەران و جێبەجێ کردنی پڕۆژەی لە هەڵەبجە داوە و پڕۆژەی زۆرباش و ستراتێژی پلانی بۆ داندراوە لە هەڵەبجە جێبەجێ بکرێن، ئێستا لەگەڵ ئیدارەی هەڵەبجە قسەکراوە بۆ دابینکردنی زەوی بۆ جێبەجێ کردنی پڕۆژە، وە کرنەوەی بەڕێوەەرایەتی گشتی وەبەرهێنان لە هەڵەبجە گرنگە بۆ کارئاسانی پڕۆژەکان”.
ئەڤرۆ نیوز، عەلی حاجی :
رێڤەبەرێ ئاڤا زاخۆ د داخویانیەکێ دا بۆ ئەڤرۆ نیوز دیار کر ل دویف هندەک ڤەکولینان ئاڤا پروژێ زاخۆ پاقژترە ژ ئاڤا هندەک کومپانیێن ئاڤا ڤەخارنێ دفروشن و دماوەیێ دو سالێن بوری دا مە ب رژدی کار ل سەر پاقژکرنا ئاڤا پروژێ زاخۆ کری یە.
زێدەتر هاشم ئیبراهیم گوت: (رێڤەبەریا گشتی ئاڤێ هەرێما کوردستانێ پێشنیارەک ئاراستەی وەزارەتا شارەوانی و گوشت و گوزارێ کر کو حکومەت ب خوە رابیت ب دابین کرنا مادەیێن کلور و شەبێ بۆ سەرانسەری رێڤەبەریێن ئاڤێ ل کوردستانێ نەکو کومپانی،ب خوەش حالی ڤە وەزارەتا ناڤهاتی و ئەنجومەنێ وەزیران رەزامەندی ل سەر ڤێ پێشنیارێ دەرکر و ئێدی حکومەت ل جهێ کومپانیان دێ رابیت ب دابینکرنا کلور شەبێ و ب ڤی رەنگی دێ حکومەت ژی مفادار ژ ڤێ چەندێ و دێ ئەو ماددەیە ب کوالێتییەکا باشتر ژی هێتە دابین کرن).
و گوت ژی مە هندەک پروژە پێشکێش کرینە دا کو ئەو تاخێن ئاڤا ژ وان بیر تەوازیان بو وان دهێتە دابین کرن ئاڤا پروژێ زاخۆ بگەهیتە وان مالان و ئەم ب هێڤی نە ئەو پروژە رەزامەندی ل سەر بهێتە کرن دا کو ئێدی هەژمارەکا بیرتەوازیان بهێنە لادان و ئاڤا پروژەی بگەهیتە هندەک تاخان.
ئه‌ڤرۆ نیوز،بارزان مزووری:
ده‌رمان سازێ شه‌هره‌زا كه‌ریم كه‌مال رێڤه‌به‌رێ ساخله‌میا قه‌زا شێخان بۆ ئه‌ڤرۆ نیوز دیار کر ده‌مژمێر 10:00 سپێدێ رێكه‌فتی 24/2/2020 كومبونه‌ك هات ئه‌نجام دان ب سه‌رپه‌رشتیار”سه‌ردار یه‌حیا عبدالعزیز” قائیمقامێ قه‌زا شێخان و رێڤه‌به‌رێن ناحیا و پولیس و ئاسایشێ دور پاراستنا وه‌لاتیان ژ ڤایرۆسێ كورونایێ.
ناڤهاتی خۆیاكر وه‌كو ده‌ست پێكه‌ك بۆ هشیاركرنا وه‌لاتیان مه دوو تیمێن ته‌ندروستی دامه‌زراندینه ل قه‌زا شێخان دێ چاڤدێریا وان كه‌سێن 5/2/2020 ل وه‌لاتێ ئیرانێ ڤه‌گه‌ریائین كه‌ین دهێنه چاڤدێری كرن ب پشكنینێن تایبه‌ت ژلایێ وان تیمێن ته‌ندروستی ڤه.
ناڤهاتی گۆت: (تیمێن مه به‌رده‌وام دێ ل قونابخانا گه‌رێن سمینارێن هشیاركرنێ بۆ قوتابیان ئه‌نجام ده‌ن لدور ڤایرۆسا كورونایێ ل سه‌رجه‌م قوتابخانێن سنورێ قه‌زا شێخان).
ئەڤرۆ نیوز، عەلی حاجی :
بەرپرسێ راگەهاندنا ساخلەمیا زاخۆ د داخویانیەکێ دا بۆ ئەڤرۆ نیوز دیار کر ب مەرەما رێگری کرن ل دەروازەیێن کوردستانێ دگەل وەلاتێ تورکیا و سوریا کامیرەیێن پلەیێن گەرمێ هاتنە دانان.
زێدەتە ئەمیر عەلی گوت: (ل دۆر ئەنجام دانا رێکارێن رێگری کرن ل ڤایروسێ کورونایێ ئەڤرۆ ل روژا دو شەمبێ رێکەڤتی ٢٤/٢/٢٠٢٠ رێڤەبەرێ گشتێی ساخلەمگا پارێزگەها دهوکێ کومبونەک دگەل هەر سێ دەروازەیێن ئیبراهیم خەلیل و سەرزێری و دەریێ سێمالکا ئەنجام دان ل دور وێ چەند کو کار سەر کامیرەیێن پلەیێن گەرمێ ل وان سێ دەروازان بهێتە کرن و هەر دیسان ب کارئینانا کەمامان ژلایێ کارمەندێن وان دەروازان ڤە و چاوانیا ئینانا کەرەستەیێن پێدڤی بۆ بنگەهێن ساخلەمیێ دناڤ دەروازەیێن سنوری دا و زێدەباری وێ چەندێ رێڤەبەرێ ساخلەمیێ دیار کر ژی نابیت ب چو رەنگی هەلگرێن پاسەپورتێن ئیرانی و چینی بهێنە ناڤ ئاخا هەرێما کوردستانێ دا و پێدڤی یە ل دەروازەیان رێگری ل وان بهێتە کرن یان ژی ئەو کەسێن سەرەدانا وان وەلاتان کرین هەر ل دەروازەیان بکەڤنە بن جاڤدێریا تیمێن تەندروستی).
و گوت ژی بۆ ئێکەم جارە ل سەر پارێزگەها دهوکێ کومبوونەکا بلند دگەل هەر سێ دەروازەیێن سنوری دهێتە ئەنجام دان ب مەرەما رێگری کرن ل بەر بەلاڤ بونا ڤایروسێ کورونایێ،هەر دیسان سێ جهێن تایبەت ل قەزایێن زاخۆ و ئاکرێ و دهوکێ هاتینە دانان بۆ گومانلێکریێن ڤایروسێ کۆرۆنایێ.
دهۆك، له‌زگین جوقى
رێڤه‌به‌ریا گشتى یا ساخله‌میا پارێزگه‌ها دهۆكێ ژبۆ كێمكرنا مه‌ترسیا توشبوونێ ب ڤایرۆسێ كۆرونا چه‌ندین رێنمایان به‌لاڤ دكه‌ت.
حه‌مزه ره‌زیكى، به‌رپرسێ پشكا راگه‌هاندنێ ل رێڤه‌به‌ریا گشتى ساخله‌میا پارێزگه‌ها دهۆكێ بۆ ئه‌ڤرۆ نیوز دیاركركو ده‌ستێن خوه ب ئاڤێ وسابینێ یان تافیلكه‌ره‌كێ كحولى پاقژ بكه و ل ده‌مێ كوخك وبێهنژینێ ده‌ڤ ودفنا خوه ب كلینسه‌كێ یان ب ئه‌نیشكا ده‌ستێ خوه ب نخێڤه و خوه دور بكه‌ن ژ هه‌مبێزكرنێ وتێكه‌لبوونا نێزیك دگه‌ل هه‌ر كه‌سه‌كێ نیشانێن په‌رسیڤێ وئه‌نفلوه‌نزایێ هه‌ین .
ناڤهاتى ئه‌وژى ئاشكه‌را كركو به‌رهه‌میێن گیانه‌وه‌ران و په‌رله‌وه‌ران وهێكا باش بكه‌لینه بۆ خارنێ و خوه دووربكه ژ ره‌فتاره‌كرنێ دگه‌ل ئاژه‌لێن كویڤى و یێن ناڤمالێ بێ بكارئێنانا كه‌ل وپه‌لێن خوه پاراستنا كه‌سایه‌تى وه‌كو ماسك وپێدڤیه ماسك بهێنه بكارئێنان ده‌مێ سه‌رده‌ریكرنێ دا .
ئه‌ڤرۆ نیوز، مه‌حمود نهێلى
ئه‌ندامه‌كى ده‌سته‌یا رێڤه‌به‌ریا سه‌نته‌رێ قوبه‌هان بۆ ڤه‌كۆلین و ده‌ست نڤیسان بۆ ئه‌ڤرۆ نیوز دیاركر، كه‌ڤنته‌رین ده‌ست نڤیسێ خواندگه‌ها قوبه‌هان هاتیه دیتن كو مێژوویا وێ بۆ به‌رى 500 سالان ڤه‌دگه‌ریت.
سه‌ردار هێتوتێ ئه‌ندامێ ده‌سته‌یا رێڤه‌به‌ریا سه‌نته‌رێ قوبه‌هان بۆ ڤه‌كۆلین و ده‌ست نڤیسان بۆ ئه‌ڤرۆ نیوز دیاركر، دووماهیك تشتێ ده‌ست وان كه‌فتى وه‌ك شوونه‌وارێن ده‌ڤه‌رێ نوكه ده‌ست نڤیسیه‌ك هاتیه ڤه‌دیتن كو مێژوویا وێ ڤه‌دگه‌ریت بۆ سالا 1541 زاینى.
و گۆت: ئه‌ڤ ده‌ست نڤیسه ده‌ست نڤیسه‌كى فقهى یێ ئولێ ئیسلامى یه و یێ سه‌رده‌مێ میرنشینا به‌هدینان بوویه و و پشتى هه‌شت سالان میر حسێن وه‌لى میرێ ئامێدیێ یه ده‌ست ب حكمى كرى ئه‌ڤ ده‌ست نڤیسه هاتیه نڤیسن .
ناڤهاتى ئاشكراكر، كو ئه‌ڤه دبیته كه‌ڤنترین ده‌ست نڤیس تا نوكه هاتبیته دیتن ل ده‌ڤه‌رێ.
ئه‌ڤرۆ نیوز، عه‌لی حاجی :
رێڤه‌به‌رێ ساخله‌میا زاخۆ د داخویانیه‌كێ دا بۆ ئه‌ڤرۆ نیوز دیار كر كومبونه‌ك تایبه‌ت ل سه‌ر ئاستێ رێڤه‌به‌ریێن زاخۆ ل دور به‌رهه‌ڤیێن پێشوه‌خت ژ بۆ هه‌ر گومانه‌كا دهێته كرن ل دور ڤایروسێ كورونایێ ل باژێرێ زاخۆ هاته ئه‌نجام دان .
زیچده‌تر دكتور قه‌ره‌نی گوت: (د وێ كومبونێ دا بریار هاته دان جهه‌كێ تایبه‌ت ب هه‌می پێدڤی و ئامیره‌یان ڤه ل پشكا هاوار هاتنێ ل نه‌خوشخانه‌یا زاخۆ بهێته دروست كرن و نوكه ژی مه جهه‌ك ده‌ست نیشان كری یه و كار د به‌رهه‌ڤركا وی جهی دا دهێته كرن و هه‌تا راده‌یه‌كێ ئه‌و جهه به‌ره‌ڤ قوناغێن دوماهیێ ڤه دچیت،ڤه‌كرنا جهه‌كێ تایبه‌ت ژبه‌ر وێ چه‌ندێ یه كو هه‌ر هاولاتیه‌كێ ئیراان یان ژی چینی ب رێیا خالێن سنوری بهێنه كوردستانێ ئه‌و كه‌سه بۆ وان جهان بهێنه ڤه‌گوهاستن دا كو بكه‌ڤنه د بن چاڤدێریه‌كا چر دا) .
و گوت ژی هه‌ر دیسان دێ پشكنین بۆ وان كه‌سان هێته كرن یێ كو سه‌ره‌دانا وه‌لاتێن ئیرانێ و چینێ كرین و هه‌می رێكار هاتینه هاڤێژتن دا كو رێگری ل هه‌لگرێن ڤایروسێ كروونا بهێته كرن .
ئەڤرۆ نیوز:
ئۆسمان بایدەمیر سیاسەتمەدارێ ناڤدارێ باکورێ کوردستانێ ل گەل سەرۆکێ حوکمەتا هەرێما کوردستانێ مەسرور بارزانی کۆمبوو و د کۆمبوونێ دا ئۆسمان بایدەمیر راگەهاند کو هەرێما کوردستانێ بوویە جهێ هێڤیا ب ملیۆنان کوردان ل هەموو جیهانێ و ژ بەر هندێ ژی پێدڤیە هەموو کورد پشتەڤانیێ ل هەرێما کوردستانێ بکەن.
د کۆمبوونێ دا بەحسێ پرسا کوردی ل تورکیا و چاوانیا چارەسەرکرنا وێ ژی هاتە کرن.
نيشاندان