ئەڤرۆ نیوز،عەلی حاجی:

ئەمیر عەلی بەرپرسێ راگەهاندنا ساخلەمیا زاخۆ د داخویانیەکێ دا بۆ ئەڤرۆ نیوز دیار کر گەنجەکی ل  تاخه‌كێ زاخۆ ژ ئەگەرەکێ نەدیار ب گولەیەکا دەبانجێ داویێ ب ژیانا خوە دئینیت.

زێدەتر ناڤهاتی گۆت: ئەو گەنج بناڤێ (م،م) ل تاخێ شەهیدان ل دەمژمێر ٥:٠٠ێ ئێڤاری گولەیەکێ ل سینگێ خوە ددەت و ئێکسەر ژیانا خوە ژ دەست ددەت و هەژی گۆتنێ یە ئەو گەنج دژیێ ١٨ سالیێ دا بوو بەلێ هەتا نوکە ئەگەرێن ڤێ روودانێ نەهاتیە زانین و نوکە دا تەرمێ وی گەنجی بۆ پزیشکیا داد ل باژێرێ دهۆکێ هاتیە رەوانە کرن و د ڤێ دەربارێ دا پۆلیسان دەست ب ڤەکۆلینان کر،ل گورەی ئاخڤتنێن کەس و کارێن وی گەنجی وی گەنجی چو کێشەیەک نەبوویە.

ئەڤرۆ نیوز، عەلی حاجی:

بەرپرسێ پشکا تەکنیکی ل رێڤەبەریا رێک و پران ل پارێزگەها دهوکێ د داخویانیەکێ دا بۆ ئەڤرۆ نیوز دیار کر بریارە سوباهی روژا چارشەمبێ رێیا جوتسایدیا سەرەکی ژ گرشین بو سحێلا دهێتە ڤەکرن.

زێدەتر ئەندازیار ئەحمەد تاهر زەینەل بۆ ئەڤرۆ نیوز گوت: (بریارە ب شێوەیەکێ فەرمی جاددەیا چوار ریانا  گرشین – سحێلا کو جاددەیەکا جوت سایدی یە و ژ پروژەیێن ستراتیژی یە ب هێتە ڤەکرن  ب درێژاهیا ٢٠ کێلومەتران ئێدی شوفێر ب ئاسایی دشێن هاتن و چوونێ ل سەر وێ جاددەیێ بکەن و ئەو جاددەیە هەمی هاتیە پەرژان کرن دا کو چو گیانەوەر نەهێنە سەر وێ جاددەیێ و هەر دیساب دو ناڤبەرا ژی هاتینە دانان و زێدەباری وێ چەندێ چار ئەندەر پاس ژی ل سەر وێ جاددەیێ هاتینە دانان و جودا ژ وان چار ئەندەر پاسان چار ئەندەرپاسێن دیتر ژی ل چوار ریانێن گرشین و سحێلا ژی هاتینە دانان،ئەو پروژەیە ژلایێ کومپانیا هەگەگێ ب سەرپەرشتیا رێڤەبەریا گشتی یا رێک و پران ل پارێزگەها دهوکێ و پارەیێ نێڤ دەولەتی هاتە دروست کرن و ماوەیێ پروژەیی ژی دو سال و نیڤ و وبن ئەو پروژە د دەمێ خوەیێ دەست نیشان کری دا هاتە ب دوماهی ئینان).

ناڤهاتی ئەو یەک ژی دیار کر تێچوویێ پروژەیی ٥٦ ملیون دولارێن ئەمریکی بوون و سوباهی ب ئێکجاری دێ ئەو جاددەیە هێتە ڤەکرن و بریارە د دەمەکێ دیتر دا ب رێورەسم ئەو جاددەیە بهێتە ڤەکرن و ئەو جاددەیە ژ بەر وێ چەندێ دێ هێتە ڤەکرن دا کو ئێدی چو روودانێن دلتەزین ل سەر رێیا کەڤن یا گرشینێ دروست نەبن و ترومبێل وێ رێکێ ب کار نەئینن .