ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا سێ کەس بریندار بوون.
ناڤهاتی زێدەتر دیار کر: ئەڤرۆ دوشەمبی ل دەمژمێر (7:00) شەڤ ل سەر جادا سـەرەکی یا دهۆك بۆ زاخۆ ل نێزیکی تونێلا گەلیێ زاخۆ ترۆمبێلەکا بارهەلگر تۆیۆتا پیک ئاب یا رەنگ سپی ل بن کونترۆلا شوفێری دەرکەفتیە وەرگەریا یە د ئەنجامدا سێ کەس بریندار بووینە و هەروەسا زیانێن مادی ژی ب ترومبێلێ کەفتینە.
ئەڤرۆ نیوز:
دەمێ ل گەل کەسەکێ د ئاخڤین، ب تنێ 30% زانیاری ب رێیا گوتۆبێژان ب دەست مە دکەڤن، پێدڤیە هەموو زانیاریێن دیتر ب رێیا تۆنا دەنگی و دەڤوچاڤان و لڤین و کریارێن بەرامبەر پەیدا بکەین.
مالپەرێ برایت ساید چەند خالەک بەلاڤکرینە، دێ شێین ب ڤان خالان و ب ساناهی کەسێ بەرامبەر خوینین و بزانین چ د مەژیێ وی دا هەیە.
بریێن مرۆڤی:
بلندکرن و نزمکرنا بریان نیشانا وێ چەندێ یە کو ئەو کەس سوپرایز بوویە و چەند بریێن خۆ ژی بلند کەت سوپرایز زێدەترە.
بریێن نزم و چرچکری، نیشانا توڕەبوونێ یە.
هەکە بەشێ ناڤەڕاستێ یێ بریێ بەرەف سەرڤە بیت، واتا دلتەنگیێ یە.
چاڤێن مرۆڤی:
تەماشەکرنا بلند و بۆ لایێ ڕاستێ، نیشانا درەو کرنێ یە.
تەماشەکرنا بلند و بۆ لایێ چەپێ، نیشانا هندێ یە، کو ئەو کەس دخوازیت تشتەکی بینیتە بیرا خوە.
تەماشەکرن بۆ لایێ خوارێ، نیشانا شەرم ژ خوە کرنێ یە، یان باوەری ب خوە کێمترە یان هەست ب تاوانێ دکەت.
هەکە چاڤێ کەسەکێ ب لەز بۆ هەر دو ئالیان زڤری، واتا وێ چەندێ یە، کو ئەو کەس ل دەف تە یێ ئارام نینە.
بیبلکا مەزن ب واتا وێ چەندێ دهێت، کو کەسێ ل هەمبەری تە، یان حەز ژتە دکەت یان یێ ب تە مەندەهۆشە.
ئەڤرۆ نیوز:
مالپەرێ گەل یێ چینی دیار کر، بچووکترین توشبوویێ ڤایرۆسێ کۆرۆنا ل دەڤەرا هوبی ل چینێ ژ وی ڤایرۆسی رزگار بوویە.
وی مالپەری ل تۆرا جڤاکی یا تویتەری دا دیار کریە، ئەو توشبوویێ کو تەمەنێ وی ٩ سال چێبوویە ڤە، ژ نەخوشخانێ هاتیە دەرخستنن.
دیار ژی کر، بۆ وی زارۆکی چارەسەریێن زێدە هاتینە کرن د دەمێ دو حەفتیان دا ل ژێر چاڤدیریا نۆشداران دابوویە، کو بچووکرترین توشبوو بوویە ل دەڤەرا هوبی.
ئەڤرۆ نیوز:
شارەزایێن وارێ نۆشداری ل نەخۆشخانا مایۆ ل ویلایەتا ئاریزۆنا یا ئەمریکا ئاشکرا کریە، مادێن خوارنێ شیان هەنە ساخلەمیا دەروونی یا مرۆڤان باشتر بکەن.
مالپەرێ Focus.de یێ ئەلمانی دیار کریە، نۆشدار بۆ باشکرنا میزاجی رێنمایان ددەن کو باقلکان، ماسیان، چەرەزاتان، برۆکلی، سپێناخ و هێکان بخون، ژبەرکو هاریکارن بۆ کێمکرنا نیشانێن خەمۆکیێ، هاندانا بەرهەمئینانا هۆرمۆنێن دڵخۆشیێ (سیرۆتۆنین و دۆپامین).
باقلک و چەرەزات و هێک ژی ئەمینی تێدایە کو گرنگ و پێدڤینە بۆ پاراستنا هەڤسەنگیا هۆرمۆنێ سیرۆتۆنین د لەشی دا، هەروەسا هاریکارن ژ بۆ کو بشێین باش بنڤین و ژ خەو رابین.
سپێناخ و برۆکلی ژی زەنگینن ب ترشێ فۆلیك کو ئەگەر د لەشی دا کێمبیت دێ بیتە سەدەما تووشبوونێ ب حاڵەتێ تێكچوونا خەو و خەمۆکیێ.
ئەڤ مادە هاریکارن بۆ باشترکرنا میزاج و رەوشا دەروونی، لێ د حالەتێ دەرکەفتنا نیشانێن خەمۆکیێ دا دڤێت سەردانا نۆشدارێ بسپۆر بهێتە کرن.
ئەڤرۆ نیوز:
ددان پشکەکا گرنگن د لەشێ مرۆڤی دا، دڤێت مرۆڤ هەردەم ددانێن خوە بپارێزیت، داکو ساخلەم ب مینن.
بۆ پاراستنا ددانێن خوە پێدڤیە ئەم وان ڤەخوارنان کێم ڤەخوین یێن زیانێ دگەهیننە ددانان، دو جۆرێن ڤەخوارنان گەلەک زیانێ دگەهیننە ددانان، بتایبەتی هەکە ب شەڤ ڤەخوین، مالپەرێ Health is Wealth ئەڤ هەردو جۆرێن ڤەخوارنان دیار کرینە.
ڤەخوارنێن کحولی، گەلەک زیانێ دگەهیننە ددانان، دبیتە ئەگەرێ زوو ژ ناڤچوونا ددانان، بتایبەتی هەکە ب شەڤێ بەری نڤستنێ بهێنە ڤەخوارن.
ئەو ڤەخوارنێن کو رێژەکا زۆر یا کافاینێ تێدا، هۆکارن بۆ ژناڤچوونا ددانان، نابیت ب شەڤێ ڤەخون، دڤێت خوە دوور بگرین ژ ڤەخوارنا قەهوێ ب شەڤێ.
ئەڤرۆ نیوز، عەلی حاجی :
پشتی چار هەیڤان ل سەر نووژەنکرنا رێیا لوفێن زرێزە ل سنورێ ناحیا باتیفا مەترسیا هەرفینێ ل سەر وێ جادێ دروست بوویە.
ل دور ڤێ چەندێ رۆژنامەڤان ل ناحیا باتیفا نزار مەجید بۆ ئەڤرۆ نیوز گوت : پشتی هاتنا پێلەکا بەفر و بارانێ ل سنورێ ناحیا باتیفا و پشتی چار هەیڤان ل سەر نووژەنکرنا جادێن لوفێن زرێزە دوبارە مەترسیا هەرفینێ ل سەر وێ جادێ دروست بوویە و پشکەکا وان لوفان چوویە خوارێ و جادە تێکچوویە و ب ڤی رەنگی مەترسی ل سەر هاتنوچوونا ترومبێلان ژی پەیدا کری یە، لەورا پێدڤی یە حکومەتا هەرێما کوردستانێ هزر ل دانانا پلانەکا دی بکەت بۆ وێ یەکێ ئەڤ جادە بهێتە خراب کرن ل جهێ وێ تونێلەک بهێتە دروست کرن یان ژی رێ رەوێ وێ جادێ ب ئێکجاری بهێتە گوهۆرین و رێیەک دیتر بهێتە دروست کرن ژبەر کو ئەو رێکە ژ رێکێن سەرەکیە چەندی گوند و کومەلگەهایە ل سنورێ ناحیا باتیفا بۆ دەڤەرێن کانی ماسێ.
ئەڤرۆ نیوز:
سەرۆک وەزیرێن ئیسرائیلێ بنیامین نەتانیاهۆ راگەهاند کو وەلاتی وی پەیوەندی ل گەل پرانیا وەلاتێن ئیسلامی و عەرەبی هەنە، تنێ سێ وەلات نەبن کو ئیسرائیلێ پەیوەندی ل گەل وان نینە.
سەرۆک وەزیرێن ئیسرائیلێ بێی کو ناڤێ وان سێ وەلاتان ئاشکرا بکەت ئەو یەک ژی دیار کر کو ئیسرائیلێ دڤێت پەیوەندیێن خوە ل گەل پرانیا وەلاتێن عەرەبی و ئیسلامی ئاسایی بکەت لێ ب مەرجەکێ ئەو ژی مەترسیێ ل سەر بەرژەوەندیێن ئیسرائیلێ دروست نەکەن.
ئەڤرۆ نیوز:
سلێمان ئۆسۆ ئەندامێ سەرکردایەتیا ئەنجوومەنێ نشتیمانی یێ کوردی ل سووریێ راگەهاند کو ئەو وەکو ئەنەکەسە ل گەل بەرپرسێن کونسولخانا بریتانیا ل هەولێرێ کۆمبووینە و د کۆمبوونێ دا وان بەحسێ بنپێکرنێن مافێن مرۆڤی و رەوشا کوردان ل عەفرینێ، سەرێکانیێ و دەڤەرێن دی کرینە و گۆت: (بریتانیا داخواز دکەت کو هێزێن کوردی ل رۆژئاڤایێ کوردستانێ ئاریشێن د ناڤبەرا خوە دا چارەسەر بکەن، چونکو بریتانیا پشتەڤانیێ ل مافێن کوردان ل سووریێ دکەت).
ئه‌ڤرۆ نیۆز، عه‌زیز هه‌ورامی:
له سه‌رداوای كۆسره‌ت ڕه‌سووڵ عه‌لی سه‌رۆكی ئه‌نجوومه‌نی باڵای سیاسی و به‌رژه‌وه‌ندییه‌كانی یه‌كێتی، كۆبوونه‌وه‌كانی ئه‌نجوومه‌نی گشتی سه‌ركردایه‌تی یه‌كێتی ڕاگیراوه، هاوسه‌رۆكانی یه‌كێتی دووكه‌س ده‌بن و باس له‌وه‌نه‌كراوه یه‌كێكیان ژنبێت.
مسته‌فا چاوڕه‌ش سه‌رپه‌رشتیاری كۆبوونه‌وه‌كانی ئه‌نجوومه‌نی گشتی سه‌ركردایه‌تی یه‌كێتی، به ئه‌ڤرۆ نیۆزی ڕاگه‌یاند:” له سه‌رداوای كۆسره‌ت ڕه‌سووڵ كۆبوونه‌وه‌كانی ئه‌نجوومه‌نی گشتی سه‌ركردایه‌تی، وه‌سێندراون پێمانی وت، كۆبوونه‌وه‌كان ڕابگرن چه‌ند ڕۆژێك من سه‌فه‌رێكی ده‌ره‌وه‌ی وڵات.
كۆسره‌ت ڕه‌سووڵ عه‌لی سه‌رۆكی ئه‌نجوومه‌نی باڵای سیاسی و به‌رژه‌وه‌ندیه‌كانی یه‌كێتی باری ته‌ندروستی ناجێگیربووه بۆ وه‌رگرتنی چاره‌سه‌ر سه‌ردانی وڵاتی ئوردنی كردووه.
مسته‌فا چاوڕه‌ش ئاماژه‌ی بۆ ئه‌وه‌كرد، ئه‌نجوومه‌نی گشتی سه‌ركردایه‌تی له پێڕه‌وی ناوخۆ هاوسه‌رۆكی بۆ یه‌كێتی په‌سه‌ندكردووه، دوو كه‌س ده‌بنه هاوسه‌رۆك و باسی ئه‌وه‌شی تیا نییه ژنێك له ده‌سته‌ی هاوسه‌رۆكی حزب هه‌بێت، تائێستاش ناوی كه‌س دیاری نه‌كراوه بۆ هاوسه‌رۆكایه‌تی یه‌كێتی.
چاوڕه‌ش ئاماژه‌ی بۆ ئه‌وه‌شكرد، له چه‌ند ڕۆژی ئاینده كۆسره‌ت ڕه‌سووڵ ده‌گه‌ڕێته‌وه بۆ كوردستان پاش گه‌ڕانه‌وه‌ی كۆبوونه‌وه‌كانی ئه‌نجوومه‌نی گشتی سه‌ركردایه‌تی ده‌ست پێده‌كه‌نه‌وه.
له باره‌ی چاره‌نووسی به‌رپرسی ئه‌و مه‌ڵبه‌ندانه‌ی له كۆنگره ده‌رنه‌چوونه‌ته‌وه،به‌رپرسه‌كه‌ی یه‌كێتی ده‌ڵێ،یه‌كه‌م كۆبوونه‌وه‌ی فه‌رمی سه‌ركردایه‌تی كرا ئه‌وكاته بڕیار له چاره‌نوسی ئه‌وبه‌رپرسانه‌ده‌درێت و قسه‌یان له‌سه‌رده‌كرێت.
نيشاندان