ئەڤرۆ نیوز:
سەرۆک کۆمارێ فرەنسا راگەهاند کو د چارچۆڤێ شەرێ ل دژی رێکخراوێن هشکباوەر دا دێ دەست ب هندەک پێرابوونێن نوو کەن و دیار کر کو هندەک رێکخراوێن تورکی هەنە کو دخوازن ل گۆر قانوونێن تورکیا ل فرەنسا کار بکەن، ئەو یەک ب چو رەنگەکێ ناهێتە قەبوولکرن و هەر رێکخراوەک کو بڤێت ل فرەنسا کار بکەت دڤێت ل گۆر قانوونێن فرەنسا کارێ خوە بکەت و بەرۆڤاژی هندێ ئەم رێ نادەین ل فرەنسا کار بکەن.
ئەڤرۆ نیوز:
پشتی کو شاندێ روسی دیار کر سەبارەت ب ئدلبێ دانوستاندنێن وان و تورکیا نەگەهشتینە چو ئەنجامەکێ، تورکیا ئەسمانێ خوە بۆ فرۆکێن روسی داخست و رێ نادەت فرۆکێن روسیا ئەسمانێ تورکیا بکار بینن.
دەزگەهێن راگەهاندنا روسیا ژی دیار دکەن کو پوتین ژ بریارا تورکیا گەلەک توورە بوویە و دهێتە چاڤەرێکرن کو پەیوەندیێن هەر دو ئالیان ئالۆزتر ببن.
ئه‌ڤرۆ نیوز، زنار:
ئێكه‌تیا ته‌پا پێ یا جیهانێ فیفایێ ب فه‌رمى ئه‌حمه‌د عه‌باس ده‌ستنیشان كر بۆ برێڤه‌برنا كاروبارێن ئێكه‌تیا ته‌پاپێ یا عیراقێ هه‌تا هه‌لبژارتن دهێنه كرن.
زێده‌تر حسێن خوراسانى ژ راگه‌هاندنا ئێكه‌تیا ته‌پا پێ عیراقێ دیاركر ب فه‌رمى فیفایێ ئه‌حمه‌د عه‌باس ده‌ستنیشان كریه بۆ برێڤه‌برنا كارێن ئێكه‌تیا ته‌پا پێ یا عیراقێ ب شێوه‌كێ به‌روه‌خت هه‌تا ژڤانێ هه‌لبژارتنان دهێنه ده‌ستنیشان كرن و ئه‌و دێ به‌رپرس بیت ژ هه‌موو كێشه و بریارێن ب وان ڤه.
به‌رى نوكه فیفا ل سه‌ر ده‌ستژكاركێشانا ئێكه‌تیا ته‌پا پێ یا عیراقێ رازى بوو و بریاره ل ماوێ بهێت شانده‌ك ژ فیفایێ سه‌ره‌دانا عیراقێ بكه‌ت بۆ دانانا ده‌سته‌یه‌كا به‌روه‌خت بۆ برێڤه‌برنا كارێ وێ ئێكه‌تیێ و دیاركرنا ژڤانێ هه‌لبژارتنان.
ئه‌ڤرۆ نیوز، زنار:
بریاره ئه‌ڤرۆ هژماره‌كا یاریێن جودا ژ قاره‌مانیا چامپیونزلیگا ئوروپا و خولا ئتگلیزى بهێنه كرن ب ڤى شێوه‌یى ل خوارى دیاركرى.
قاره‌مانیا ئوروپا قاره‌مانێن خولان قوناغا 16
11:00 ئه‌تله‌نتا VS ڤالێنسیا
11:00 توتنهام VS لایبزیك
خولا نایابا ئنگلیزى گه‌را 26
10:30 مانچسته‌ر یونایتد VS وستهام یونایتد
ئەڤرۆ نیوز:
نێچیرڤان بارزانی سەرۆکێ هەرێما کوردستانێ پێشوازی ل ئۆسمان بایدەمیر سیاسەتمەدارێ باکورێ کوردستانێ کر و د هەڤدیتنێ دا بەحسێ رەوشا دەڤەرێ و گوهۆرینێن سیاسی ل عیراقێ و کوردستانێ هاتە کرن.
هەر د کۆمبوونێ دا بەحسێ پرسا کوردی ل تورکیا و چارەسەریا ئاشتیانە هاتە کرن و هاتە دیار کرن کو دڤێت خەباتا مەدەنی و ئاشتیانە یا گەلێ کورد ل باکور بەردەوام بیت و هەموو هێزێن کوردی ژی پتر ژ هەر دەمەکێ نێزیکی هەڤدو ببن و پێکڤە کار بکەن.
ئەڤرۆ نیۆز، قائید میرۆ:
گورەی دستوورێ عێراقێ دوماھیا ڤێ ھەیڤێ دوماھی ژڤانە بۆ پێک ئینانا حوکمەتا نوویا عێراقێ پەرلەمانتارەکێ کوردژی ئاشکراکر، ھەگەر کابینە یا بەرھەڤبیت دێ پەرلەمانێ عێراقێ کۆمبوونەکا تایبەت گرێدەت.
بەیار دۆسکی، پەرلەمانتارێ فڕاکسیۆنا پارتی ل بەغدا بۆ ئەڤرۆ نیۆز دیارکر” گورەی ئاخفتنا محەمەد تەوفیق عەلاوی بەربژێری راسپاردی بۆ پێک ئینانا کابینا حوکمەتێ پێک ئینانا کابینا نوو بەرەف دوماھیێ دچیت و بڕیارە پێشکەشی پەرلەمانی بھێتەکرن، ھەتا دەنگ لسەر بھێتە دان، ھەردەمێ ناڤێن وەزیران بگەھنە پەرلەمانی دەنگ لسەر دھێتەدان.
دۆسکی ئاشکراکر” نوکە پەرلەمانێ عێراقێ د بھێنڤەدانێ دایە، ھەتا ھەیڤا ئادارێ، بەلێ ھەگەر کابینە یا بەرھەڤبیت دێ پەرلەمان کۆمبوونەکا تایبەت گرێدەت، ھەتا دەنگ لسەر کابینا نوو بھێتەدان.
ئەڤی پەرلەمانتارێ فڕاکسیۆنا پارتی گۆتژی” شاندێ ھەرێما کوردستانێ بۆ دانوستانان دگەل عەلاوی ل بەغدایە، بەلێ مە زانیاری نینە گەھشتیە چو ئەنجامەکی.
ئەڤرۆ نیوز، مەحمود نهێلی:
فرۆکەیێن تورکیا پشتی نیڤرۆ یا ئەڤرۆ ۱۹/۲/۲۰۲۰ چیایێ پشتا گوندێ گوهەرز بوردومانکرن.
رەڤەند موسا ئاکنجیێ گوندێ ناڤهاتی بو ئەڤرۆ نیوز دیار کر، ئەڤ بوردومانە ل دەمژمێر دویێ پشتی نیڤرۆ بوویە و گۆت: (د ئێک دەم دا دووجار و ب دوو موشەکان پشتا گوندێ وان هاتە بوردومانکرن و ترس دوو دلی ئێخستە دلێ خەلکێ وان گوندان).
ناڤهاتی دیار ژی کر، سوپاس بو خودێ کو چ زیانێن گیانی و مالی ل پەی ڤێ بوردومانێ نەبووینە.
گوندێ گوهەرز دکە دکەڤیتە سەر ب دەڤەرا نهێلێ ل ناحیا دێرەلۆک سەر قەزا ئامێدیێ ڤە، ب بهانەیا هەبوونا چەکدارێن پەکەکێ گەلەک جاران چیایێ هنداڤا ڤی گوندی و دەوروبەرێن وێ ژلایێ فرۆکەیێن تورکیا ڤە هاتیە بورومان کرن ، ب ڤێ یەکی هاولاتی و خەلکێ ڤان گوندان نەشێن ب ئازادی و بێ ترس قەستا ناڤا ئاقار و دەرامەتێن خوە بکەن و داخاز دکەن سنورەک بو ڤان بوردومانا بهێتە دانان.
ئەڤرۆ نیوز، عەلی حاجی :
لژنا بلندا دیفچوونا دەرمانخانە و کلینیکێن نوشداری ل زاخۆ د بەردەوامیا چاڤدێریکرنێ دا دو دەرمانخانە و کمەلگەهەکا نوشداری ل زاخۆ سزادان ژ ئەگەرێ نەپێگریا وان جهان ب رێنمایێن تایبەتێن ئەنجومەنێ وەزیران.
خەلات ئوسمان نوونەرێ قایممقامێ زاخۆ د لژنا بلند یا دیفچوون دا بۆ ئەڤرۆ نیوز گوت: (د بەردەوامیا سەرودانێن مەدا بۆ کومەلگەهێن نوشداری ل زاخۆ ژ ئەگەرێ هەبونا دەرمانێن ئێکسپایەر و نەبونا نوشدارێ گشتی دناڤ وێ کومەلگەهێ دا ئەو ئەو جهە ب بۆ ماوەیەکێ درێژ هاتە سزادان و نابیت د ماوەیێ و بو وێ کومەلگەهێ هاتیە دەست نیشان کرن کار بکەت و زێدەباری وێ چەندێ ژی ل بەرامبەر دوبارەبونا ڤی کاری دناڤ وێ کومەلگەهێ دا دێ پێرابونێن توندتر ل بەرامبەر هێنە وەرگرتن و دێ بۆ دادگەهێ هێتە رەوانە کرن و هەر دیسان هەر د ماوەیێ حەفتیێ دا مە سەرودانا سێ کومەلگەهێن نوشداریێن دیتر ژی کر).
ناڤهاتی ئەو یەک ژی دیار کر د بەردەوامیا سەرەدانێن مە دا دو دەرمانخانەیێن دیتر ژی هاتنە سزادان ب کوژمەیەکێ پارەیی ژبەر کو ئەو دەمێ مە سەرەدانا وی وان جهنا کری دەرمانساز دناڤ وان هەر دو دەرمانخانەیان دا نەبوو لەورا ژلایێ لژنا مەڤە هاتنە سزادان.
ئەڤرۆ نیوز، عەلی حاجی :
پشتی کار د سەخبێریکرنا چەپێن زڕێزەی دا هاتیە کرن و کێمتری سێ هەیڤان پشکەکا وان جهێن هاتینە سەخبێریکرن و دوبارە مەترسیا هەرفینێ ل سەر دروست بویی دێ دوبارە ئەو جهە هێنە سەخبێریکرن.
دلشێر عەبدولسەتار رێڤەبەرێ ناحیا باتیفا بۆ ئەڤرۆ نیوز دیارکر بتنێ دو هەتا سێ چەپێن زرێزەیی ژ ئەگەرێ هاتنا بارانەکا دژوار مەترسیا هەرفینێ ل سەر دروست بویی،دگەل رێڤەبەرێ گشتیێ سەخبێریکرنا رێک و پران ل پارێزگەها دهوکێ مە سەرەدانا وان جهان کر یێ دوبارە مەترسیا هەرفینێ ل سەر دروست بووین،لەورا ئاگەهداریا کومپانیا جێبەجێ کار ل سەر سەخبێریکرنا وان چەپان بکەن دا کو دوبارە کار سەر وان چەپێن مەترسی ل سەر دروست بوویی بکەنەڤە.
ئەڤرۆ نیوز،عەلی حاجی :
د داخویانیەکێ دا رێڤەبەرێ گشتیێ جاڤدێری و گەشەپێدانا جڤاکی ل پارێزگەها دهوکێ بۆ ئەڤرۆ نیوز دیار کر ب مەرەما کێمكرنا دیاردا خازوکێی چەند گرۆپەک ل پارێزگەهێ هاتینە دروست کرن دا کو ب هویربینی چاڤدێریا وان کەسان بکەن یێ خازوکیێ دکەن.
دکتور شێرزاد هروری ئەو چەندە ژی گۆت : ماوەیێ زێدەتری چار هەیڤایە ئەڤ پرۆژەیە ژلایێ وان ڤە هاتیە بەرهەڤکرن و کار ل سەر دهێتە کرن لەورا کۆمبوونەک گرنگ ل دور کێمکرنا خازوکیێ ل سەر ئاستێ بلندێ پارێزگەها دهۆکێ هاتە ئەنجام دان و هەتا سەرۆکێ دادگەها دهۆکێ ژی پشکداری وێ کۆمبوونێ بوو و ب رێیا وێ کۆمبوونێ ژی چەند پێنگاڤەکام هاتنە هاڤێژتن دا کو دەات ب جێبەجێ کرنا ڤی پروژەیی بهێتە کرن، چەند گرۆپەک هاتنە دروست کرن دا کو ل هەمی پارێزگەها دهۆکێ ئەو گروپە چاڤدێریا وان کەسان بکەن یێ کارێ خازوکیێ دکەن و پشتی هاتنا ئاوارەیان ئەڤ دیاردە بەرەڤ زێدەبوونێ ڤە چوویە،کارێ ڤان گرۆپان ژی دێ ئەو بیت ئەو کەسێن خازوکیێ دکەن دێ هێنە رەوانە کرن بۆ وی جهێ هاتیە دروست کرن ب خازوکان ڤە و ژلایێ خوە ڤە ژی ئەم دێ دەست ب ڤەکۆلینێن خوە کەین کو ئەو کەسە ژبەر چو ئەگەرەک خازوکیێ دکەت .
ناڤبری گۆت ژی : هەکە ئەو کەسە ژنەچاری و ژبەر هەژاریێ د ڤی کاری دکەت دێ ژلایێ خوەڤە پێنگاڤان هاڤێژین داکو بابەتی وی چارەسەر بکەین و هەکە هندەک کەس بتنێ بۆ سەردابرنێ ڤی کاری دکەن دێ ئێکسەر بۆ دادگەها دهۆکێ هێتە رەوانە کرن و هەر دیسان هەکە ژبەر توندوتیژیێ ژلایێ سەمیانێن وان ڤە خازوکیێ دکەن دێ سەرەدەریێ دگەل کەس و کارێن وان کەین،هەر چەندە ئەم نەشێن ب ئێکجاری ڤێ دیاردێ بنبربکەین بەلێ ٨٠ هەتا ٩٠٪ دێ ڤێ دیاردێ کێمتر کەین ل پارێزگەها دهوکێ دا .
نيشاندان