ئەڤرۆ نیوز:
یانا ریال مەدرید دو خالێن گەلەک گرنگ ل سەر یاریگەها خوە ژ دەستدان، ئەڤە پشتی کو ل گەل یانا سێلتا فیگۆ وەکهەڤ بووی.
یانا شاهانە گەلەک پێدڤی ب ڤێ یاریێ هەبوو ببەت بۆ هندێ جۆداهیا خالان ل گەل بارسێلۆنا بکەتە سێ خال، بەلێ یانا سێلتا فیگۆ ریال ب بەرامبەربوونێ نەچارکر و یاری ب دو گۆلان وەکهەڤ بوو.
نوکە یانا ریال مەدرید ب ٥٣ خالا ل پلا ئێکێ دهێت و سێلتا فیگۆ ژی ل پلا هەڤدێ دهێت ب ٢١ خالان.
ئەڤرۆ نیوز:
وەزیرێ ساخلەمیا تایوانێ ڕاگەهاند، ئێکەم حالەتێ ژیان ژ دەستدانا کۆرۆنا یێ ل وەلاتی وی هاتە تۆمارکرن، ب ڤێ چەندێ تایوان بوو پێنجەم وەلات ل پشتی چینێ حالەتێ ژیان ژ دەستدان ب کۆرۆنایێ تێدا بهێتە تۆمارکرن.
رۆیتەرز بەلاڤکریە، ئەڤرۆ ئیکشەمبی، چێن شی چونگ، وەزیرێ ساخلەمیا تایوانی ڕاگەهاندیە، ئەو کەسێ ب سەدەما کۆرۆنایێ ژیانا خوە ژ دەستدایە د ژیێ ٦١ سالیێ دایە و شوفێرێ تەکسیێ بوویە و ڤان نێزیکان سەرەدانا چینێ نەکریە، لێ سەرنشینێن وی زێدەتر خەلکێ هۆنک کۆنگ و چینێ بوون.
ئەڤەژی د دەمەکێ دایە، هەتا نوکە ژ دەرڤەی وەلاتێ چینێ هەر ئێک ژ فلیپین، هۆنگ کۆنگ، ژاپۆن، فرەنسا و تایوانێ حالەتێ ژیان ژ دەستدانێ ب کۆرۆنا یێ هاتیە تۆمارکرن.
ئەڤرۆ نیوز:
گەلەک ژ خەلکێ دەمێ دچنە د سەرشۆیێ ڤە و سەرێ خوە دشۆن، ب هەموو شیانێن خوە ڤە و ب دلەکێ ئارام سترانان دبێژن، بۆچی هەموو گاڤان سەرشۆ دبیتە ستۆدیۆ بۆ گەلەگ ژ خەلکی؟.
مالپەرێ سایکۆلۆجین، بەرسڤا ڤێ پرسیارێ دایە و دیار کریە، ب گشتی دەمێ مرۆڤ ل سەرشۆیێ سەرێ خوە دشۆت ماسولکێن مرۆڤی ئارام دبن و خاڤ دبن، ئەڤ ئارامیا لەشی دبیتە ئارامیا دەروونی ژی، نیشانا وێیەکێ یە کو تە چ ئاریشە ل گەل دەردۆرێن خوە نینن، لەوما مرۆڤی چ بڤێت دێ بێژیت.
هەروەسا گەلەک جاران ئەو تشت دهێنە کرن، یێن ل دەرڤەی مال و د ناڤ جڤاکی دا قەدەغە و کێم، دبیت ل دەرڤە نەشێی ب دلێ خۆ دەنگێ خۆ بلند بکەى ژبەر شەرم و ترسێ ژ گوتنێن خەلکی، لێ د ناڤ سەرشۆیێ دا کەس لێپرسینێ ل گەل تە ناکەت.
ئەگەرێ وێ یێ سادە ژى، ژبەر نەبوونا چ کەلوپەلانە د ناڤ سەرشۆیێ دا، هەروەسا دەنگڤەدانەکا خۆش درۆست دبیت کو ئەو کەسێ سترانێ دبێژیت ژ دەنگێ خوە یێ رازیە.
ئه‌ڤرۆ نیوز، بارزان مزوورى:
ناسر یوسف، بریارده‌رێ لژنا ئاسایش و به‌رگریێ ل په‌رله‌مانێ عێراقێ بۆ ئه‌ڤرۆ نیوز گۆت: هه‌تا ئه‌ڤرۆ ژى خۆپیشانده‌ر ل عێراقێ دبێژن ” محه‌مه‌د ته‌وفیق عه‌لاوى ” به‌ربژێرى مه نینه ب چ ره‌نگا ئه‌م دگه‌ل نینین ئه‌و به‌ربژێرێ حیزبێن ده‌ستهه‌لاتداره ئه‌و نه‌شێت داخوازیێن مه جێبه‌جێ بكه‌ن ژبه‌ركۆ حیزبێن ده‌ستهه‌لاتدار ئه‌و كه‌س یێ ده‌ست نیشانكرین د كابینا وى كه‌سى دا كه‌س نوونه‌راتیا مه ناكه‌ت.
ناڤهاتى خویاكر ئه‌گه‌ر “محه‌مه‌د ته‌وفیق عه‌لاوى” كابینه‌كێ پێك بینیت بشێت ئه‌و ره‌وشا نها یا عێراق تێدا بگوریت ماوه‌یه‌كى دیار كه‌ت بۆ هه‌لبژارتنا دادگه‌هه‌كا تایبه‌ت دانیت بۆ سزادانا وان كه‌سێن خوپیشانده‌ر كوشتین و ئه‌شكه‌نجه داین ژبه‌ركۆ خوپیشانده ر دبێژن ئێكه‌م كار ئه‌و كه‌س بهێن سزادان یێ خوپیشانده‌ر كوشتین و ئه‌شكه‌نجه داین گه‌نده‌لیێ نه‌هێلیت سه‌روه‌ریێ بۆ عێراقێ ڤه‌گه‌رینیت ئه‌ڤ مه‌رجێن خۆپیشانده‌را بۆ حكومه‌ته‌كا كاتى گه‌له‌ك یا ب زه‌حمه‌ته بشێت جێ به جێ بكه‌ت ،
ناڤهاتى گۆت:لدووڤ وان زانیاریێن مه هه‌تا نها ” محه‌مه‌د ته‌وفیق عه‌لاوى “كۆمبوونێن راسته‌وخۆ دگه‌ل سه‌ركردێن سیاسى یێن كوردى ئه‌نجام نه‌داینه ره‌نگه په‌یوه‌ندى یێن ته‌له‌فونى هه‌بن، به‌لێ مه ئه‌و زانیارى یێن هه‌ین ئه‌و دبێژیت تایبه‌ت مه‌ندیا كوردستانێ دێ پارێزم هه‌ركه‌سێ وێ تایبه‌تمه‌ندیا كوردستانێ پارێزیت پێتڤیه به‌شداریا نوێنه‌رێن كوردستانێ د كابینه‌یا نوى دا بكه‌ت ئه‌و كه‌سێن به‌شدار ژى بن پێتڤیه ده‌زگه‌هێن مه یێن فه‌رمى بهێن ده‌ست نیشانكرن نه بچیت هه‌ر جهه‌كێ كورده‌كى ببینیت وه‌كۆ سه‌رده‌مێ حیزبا به‌عس كورده‌كى به‌شدار بكه‌ت بێژیت من كورد به‌شدارى حكومه‌تێ كرینه پێتڤیه به‌شداریا سه‌ره‌كى یا حكومه‌تێ پێك هات بن ژوانا ژى ئێكه‌م پێك هات كوردا ده‌ست پێ بكه‌ت نوێنه‌رێن ده‌زگایێن فه‌رمى یێن مه بن نى لدوڤ حه‌زا خو خه‌لكى ده‌ست نیشان بكه‌ت ،ژبه‌ركۆ هه‌تا نها دیار نه‌بویه كا دێ كورد ب چ شێوه به‌شداربن ژبه‌ركۆ ئه‌و دبێژیت نوێنه‌رێن پارتێن سیاسى نادانم بتنێ نوێنه‌رێن نه‌ته‌وه‌یان ژبه‌ركۆ ره‌وشا كوردستانێ ره‌وشه‌ك جودا هه‌یه كوردستانێ تایبه‌تمه‌ندیا خو یا هه‌ى پێتڤیه مافێن كوردستانیا لدوڤ وێ رێژا مه‌زن ل پێش چاڤ بهێت دان ،
ناڤهاتى زێده‌تر گۆت:باشتر كرنا ره‌وشا ئه‌منى كاره‌كێ ب سه‌ناهى نینه ل عێراقێ كه‌سه‌كێ بێ لایه‌ن بشێت وێ ره‌وشا یا نها ل عێراقێ به‌ره‌ڤ ئاقاره‌كێ ئارام ببه‌ت ئه‌م هه‌موو دزانین ده‌ستهه‌لاتێن چه‌كدارى فره چه‌كدارى یێن هه‌ین و خه‌لكه‌ك هه‌یه ره‌نگه ده‌رڤه‌ى ده‌ستهه‌لاتا سه‌رۆك وه‌زیران هه‌بن سه‌رۆك وه‌زیرانێ بێ لایه‌ن دویر دزانین ره‌وشا ئه‌منى یا عێراقێ به‌ره‌ڤ بارۆدوخه‌كێ ئاسایى به‌ت چونكو ئه‌م هه‌موو دزانین ده‌ستهه‌لاته‌كا ئه‌مریكى و ئیرانى دناڤ عێراقێ دا یا هه‌ى.
ئه‌ڤرۆ نیۆز، عه‌زیز هه‌ورامی:
پارێزگاری سه‌پێندراوی كه‌ركوك ڕاكان سه‌عید به دوو جار 11 ملیۆن دیناری داوه به چیمه‌نی ده‌ستكرد و له ناوه‌ندی شه‌قامه‌كان و پاركه‌كان ڕای خستووه، سه‌رۆكی پێشووی فڕاكسیۆنی برایه‌تی له ئه‌نجوومه‌نی پارێزگای كه‌ركوك ده‌ڵێ، ڕاكان سه‌عید ده‌ست بۆ هه‌رپڕۆژه‌ییه‌ك ده‌بات بتوانێت پاره‌ی میله‌ت به‌هه‌ده‌ربدات.
محه‌ممه‌د كه‌مال سه‌رۆكی پێشووی فڕاكسیۆنی برایه‌تی له ئه‌نجوومه‌نی پارێزگای كه‌ركوك، به ئه‌ڤرۆ نیۆزی ڕاگه‌یاند:” ڕاكان سه‌عید له نه‌مانی پارێزگاری شه‌رعی شار و نه‌بوونی ئه‌نجوومه‌نی پرێزگا، داهاتی كه‌ركوكییه‌كان به‌هه‌ده‌ر ده‌دات و پڕۆژه‌ی فاشیل ده‌كات ته‌نها بۆ ئه‌وه‌ی بتوانێت له پاڵیدا گه‌نده‌ڵی بكات.
كه‌مال ده‌ڵێ، پاش ئه‌وه‌ی ڕاكان سه‌عید ده‌ستی به‌سه‌ر كورسی پارێزگای كه‌ركوكدا گرتووه، داهاتێكی زۆری خه‌ڵكی كه‌ركوكی به‌هه‌ده‌ر داوه هیچ كه‌س و ده‌زگاییه‌كیش نییه چاودێری بكات و ڕێگه له هه‌ده‌ردانی پاره‌ی میله‌ت بگرێت، له‌ماوه‌ی ڕابردوو چیمه‌نی ده‌ستكردی بۆ شه‌قامه‌كانی كه‌ركوك به‌بڕی 5 ملیۆن دینار دانا به‌ڵام دووای چه‌ند ڕۆژێك بابردی ئێسته جارێكی تر به‌بایی 6 ملیۆن دیناری تر چیمه‌نی ده‌ستكرد كه بۆ یارگای تۆپی پێده‌بێت، بۆ ناوه‌ندی شه‌قام و پاركه‌كان داناوه‌ته‌وه، كه‌ركوكییه‌كان پڕۆژه‌كه‌یان كردووه به نوكته.
ناوبراو ئاماژه به‌وه‌ده‌كات، كه‌ركوك پێویستی به‌پڕۆژه‌ی ئاوه هاوڵاتیان ئاویان نییه، پێویسته پڕۆژه‌ی ئاو بۆ شاره‌كه جێبه‌جێ بكرێت و پاشان له شه‌قام و پاركه‌كان چیمه‌ن و گوڵی سروشتی بڕوێندرێت، نه‌ك چیمه‌نی ده‌ستكرد ته‌نها به‌هه‌ده‌ردانی داهات و گه‌نده‌ڵییه نه‌ك پڕۆژه.
ئه‌ڤرۆ نیوز، گوهدار سلێمان زێبارى:
فه‌لاح حه‌سه‌ن به‌رپرسێ لێژنا دابه‌شكرنا پلێتێن گازا سپى ل قایمقامیا قه‌زا ئاكرێ بۆ ئه‌ڤرۆ نیوز گوت : ل چه‌ند روژێن بورى دا ب چه‌ند قوناغان ل سنورێ قه‌زا ئاكرێ ده‌ست ب دابه‌شكرنا گازا سپى هاتیه كرن و قوناغا ئێكێ گازا سپى ل ناڤ سه‌نته‌رێ باژێرێ ئاكرێ لسه‌ر وه‌لاتیان هاتیه به‌لاڤكرن، نوكه قوناغا ئێكێ ب دوماهیك هاتیه و دێ ده‌ست ب قوناغا دویێ یا دابه‌شكرنا گازا سپی هێته كرن ل سه‌نته‌رێ قه‌زا ئاكرێ.
فه‌لاح حه‌سه‌ن زێده‌تر ژى گوت : ئه‌ڤرۆ 16/2/2020 د قوناغا دویێ دا مه ب رێكا جهێن شوونكارێن سه‌نته‌را قه‌زا ئاكرێ(3323) پلێتێن گازێ لسه‌ر سه‌رۆك خێزانا به‌لاڤكرینه و ئه‌ڤان سه‌رۆك خێزانا ئه‌ڤه بۆ ده‌مێ 3 سالانه گازا سپى وه‌رنه‌گرتیه و بێ به‌هر بووینه ژ گازا سپى.
ناڤبرى گوت ژی : ئه‌گه‌ر سوبه‌هى گازا سپى گه‌هشته مه هه‌ر ژ سوبه‌هى دێ ده‌ست ب به‌لاڤكرنا گازا سپى هێته كرن و دێ بۆ ده‌مێ چه‌ند رۆژان دێ یا به‌رده‌وام بیت و ل قوناغا دووڤ دا گازا سپى دێ لسه‌ر ناحیا گرده‌سێن هێته به‌لاڤكرن.
ئەڤرۆ نیوز:
سەرۆك بارزانی پێشوازی ل محه‌مه‌د حه‌لبوسى سه‌رۆكێ هەڤپه‌یمانیا هێزهێن عێراقی و سه‌رۆكێ پەرلەمانێ عێراق كر و ل سه‌ر چه‌ند خالاج رێككه‌فتن.
ئەڤرۆ ئێكشه‌مبی 16 شواتا 2020 ل سەلاحەدین سەرۆك مەسعود بارزانی پێشوازی ل محه‌مه‌د حه‌لبوسى سه‌رۆكێ هەفپه‌یمانیا هێزهێن عێراقی و سه‌رۆكێ پەرلەمانێ عێراق كر.
د وێ كۆمبوونێ دا گوتۆبێژ ده‌رباره‌ى ڕه‌هه‌ندێن ڕه‌وشا نوکە یا عێراق و ڤێ دەڤەرێ و پێكئینانا حوکمه‌تا نوو یا عێراقێ كرن، هه‌ردو ئالی ل سه‌ر ئه‌ڤان خالان رێككه‌فتن:
1. کارکرن ل گەل هەموو هێزێن سیاسی ژ پێخەمەت ڕزگاربوون ل ڕەوشا نوکە و بەشداریکرن د ڤەگەڕاندنا ئێمناهیێ بۆ بەغدا و پارێزگەهێن دی یێن عێراقێ.
2. پێدڤیە حوکمەتا بهێت یا عێراقێ نوونەراتیا هەموو پێکهاتێن عێراقێ لسەر بنەمایێ شەڕاکەتا نیشتیمانی بکەت.
3. دڤێت بەرنامێ حکومەتێ ب زەلالی ئاماژێ ب بەرهەڤیێن هەلبژارتنێن بەروەخت و ب لەزترین دەم بکەت.
4. پێدڤیە بەرنامێ حکومەتا بهێ پلانەکا زەلال بیت، بۆ ڤەگەڕاندنا کەڕامەتێ بۆ سازیێن دەولەتێ و پاراستنا ئەولەهیا ئاشتیا جڤاکی، داوی ئینان ب دەستڤەدانێن دەرەکی و هێلانا چەکی تنێ د دەستێ دەولەتێ و نەهێلانا دیاردا چەکێن نەفەرمی.
5. ب بەردەوامی کارێ هەڤبەش ل گەل هێزێن هەڤپەیمانیا نێڤدەولەتی ژ پێخەمەت هاریکاریا عێراقێ د روو ب رووبوونا تیرۆرێ و بالادەستبوون ب سەر بەرمایکێن داعشێ.
6. کارکرن لسەر بەردەوامبوونا پەیوەندیێن دو ئالی، ژ پێخەمەت لێکتێگەهشتن ژ هەلویستێن هەر دو ئالیان و هەڤپشکێن دی.
ئەڤرۆ نیوز:
لدووڤ ئامارەکا وەزارەتا پلاندانانا عێراقێ، ل ناڤ سەرجەم پارێزگەهێن عێراقێ، ل سنووری پارێزگەها سلێمانیێ کێمترین رێژا هەژاریێ هەیە.
وەزارەتا پلاندانانا عێراقێ رێژا هەژاریێ ل هەموو پارێزگەهێن عیراقێ بەلاڤەکریە و ل سلێمانیێ کێمترین رێژا هەژاریێ هەیە، پارێزگەهێن هەولێر، دهۆک و کەرکووک پشتی سلێمانیێ دهێن.
لدووڤ هەمان ئامار، ل پارێزگەها موسەنا بلندترین رێژا هەژاریێ هەیە.
رێژا هەژاریێ لدووڤ وەزارەتا پلاندانانێ و ئامارا ناڤەندییا عێراقێ ب ڤی رەنگی یە:
سلێمانی 4.5%
هەولێر 6.7%
کەرکووک 7.6%
دهۆک 8.5%
بەغدا 10%
بابل 11%
کەربەلا 12%
نەجەف 12%
بەسرە 16%
ئەنبار 17%
سەلاحەددین 18%
واست 19%
دیالا 22.5%
موسل 37.7%
زیقار 44%
میسان 45%
دیوانیە 48%
موسەننا 52%
ئەڤرۆ نیوز:
خوارنێن تەر و دلڤەکەر یێن نوو د زڤستانێ دا تامەکا دی هەیە و زێدەتر دلێ مرۆڤی دچیتێ، لێ لایەکێ دی یێ نەرێنی ئەوە پشکەکا زۆر یا وان د وەرزێن سار دا گەشەناکەن و ل جهێن دوور دهێن، خاسیەتا نووبوونێ ژ دەست ددەن.
مالپەرێ برایت ساید لیستا چەند خوارنان بەلاڤکریە، کو باشترە د وەرزێ زڤستانێ دا نەهێنە خوارن، ئەو ژی ژ ئەڤێن ل خوارێ پێک دهێن:
. فراولە
. گەنمەشامی
. بەرهەمێن شیری
. شەکر
. گۆشتێ سۆر
ئەڤرۆ نیوز:
هەکە ب تنێ ژ بۆ کو لاواز دەربکەڤی رەنگێ رەش لبەر دکەی، لێ بزانە کو مفایەکێ دیتر ژی هەیە، ئامارەکا نوو کۆمەکا زانیاریێن نوو دەربارەی رەنگێ جلکان ئاشکرا دکەت.
فرۆشگەهەکا ئۆنڵاین یا بریتانی بناڤێ Buytishirtsonline راپرسیەک دەربارەی باندۆرا رەنگێ جلکان ل سەر هزر کرنا خەلکێ کریە کو زێدەتر ژ هزار کەسان تێدا پشکدار بوون، د ئەنجامدا بۆ وان دەرکەفتیە کو ب نێرینا پرانیا خەلکی رەنگێ رەش نیشانا باوەری ب خوە بوون و بالکێشی و وێرەکیێ یە.
نيشاندان