ئەڤرۆ نیوز:
ئەڤرۆ مەسرۆر بارزانی، سەرۆک وەزیرێن هەرێما کوردستان ل گەل مایک پۆمپیۆ، وەزیرێ دەرڤە یێ ئەمریکا ل پەراوێزا کۆنفرانسێ ئاسایشا میونشن ل ئەلمانیا کۆمبوو.
مەسرۆر بارزانی ل گەل وەزیرێ دەرڤە یێ ئەمریکا کۆمبوو
نووترين نووچه
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
سهرهكى Twitter
چ جاران ئەڤان تشتان نەدانە د سەرشوویێ دا
ئەڤرۆ نیوز:
پرانیا مرۆڤان د دەمێ سەرشووشتنێ دا پێدڤیێن خوە ل گەل خوە دبەنە د سەرشوویێ ڤە و ل وێرێ ددانن، وەکی فرچێ ددانا و لیفکی و خاولی و پێدڤیێن دیتر، د دەمەکێ دا ئەڤە کارەکێ شاشە و مەترسیێ ل سەر ساخلەمیا مرۆڤی دروست دکەت.
مالپەرێ Reader,S DigeSt ئاماژە ب وان تشتان کریە یێن کو نابیت د ناڤ سەرشوویێ دا بهێنە دانان، وەک:
. خاوەلی:
خاوەلی ئێکە ژ وان کەرەستێن کو ب رەنگەکێ زێدە بەکتریا ل سەر کۆم دبن، لەوما پێدڤیە هەر ئەندامەکێ خیزانێ خاوەلیا خوە یا تایبەت هەبیت.
. لیفک:
پێدڤیە هەر دو هەیڤان جارەکێ لیفکێ خوە ب گوهۆری، نابیت بهێلیە دناڤ سەرشوویێ دا، چونکی ب تەرى دمینیت و بەکتریا ل سەر زێدە دبن.
. سەتلا جلکان:
نابیت هەموو جلکان د سەتلا جلکان دا بدانن، هەروەسا پێدڤیە خاوەلیان د ناڤ سەتلەکا جۆدا دا د ناڤ سەرشوویێ دا بدانن.
. فرچێ ددانان:
پێدڤیە هەرسێ هەیڤان جارەکێ فرچێ ددانان ب گوهۆری، دیسان پێدڤیە پشتى بکارئینانێ ب ئاڤێ بشوی و پاقژ بکەى، هەروەسا نابیت د سەرشۆیێ دا بهێتە دانان، داکو بەکتریایان نەڤەگوهێزیت.
. شامپۆ:
دەمێ شامپۆ تەمام دبیت پێدڤیە راستەوخۆ بهاڤێژی، ژبەر کو دبیتە ئەگەرێ کۆمکرنا بەکتریان و ڤەگوهاستنا وان بۆ مرۆڤی.
. میکیاژ و ئێکسسوارات:
دانانا ئێکسسواراتان د سەرشۆیێ دا دبیتە ئەگەرێ ژەنگ گرتنێ و توشی ئۆکسانێ دبیت، میکیاژ ژی تێکدچیت و خراب دبیت.
دەمێ دەنگدانا پەرلەمانی ل سەر کابینا عەلاوی هاتە ئاشکرا کرن
ئەڤرۆ نیوز:
سەرۆکێ کوتلا بەیارق ل پەڕلەمانا عێراقێ ڕاگەهاند، محەمەد تەوفیق عەلاوی کابینا حوکمەتا خوە پێکئینایە، هەکە سوبەهی پەڕلەمان کۆم ببیت دێ دەنگی لسەر پێکهائینانا حوکمەتا وی هێتەدان.
محەمەد خالدی، سەرۆکێ کوتلا بەیارق خەیر و نێزیک ژ محەمەد تەوفیق عەلاوی د داخویانیەکێ دا بۆ ڕۆژناما شەرق ئەوسەت ڕاگەهاندیە، نوکە کابینا عەلاوی هاتیە پێکئینان و یا بەرهەڤە پەڕلەمان دەنگی ل سەر ناڤێ وەزیران بدەت.
دیسان هەکە سوبەهی پەڕلەمان کۆم ببیت، دێ پرۆسا دەنگدانێ ل سەر پێکهاتا کابینێ و ناڤێ وەزیران بڕێڤە چیت.
گۆت ژی، هەڤڕکیێن نوکە یێن عێراقێ د ناڤبەرا پێکهاتان دا نینە، بەلکی د ناڤبەرا ئالیێن سیاسی نە بۆ بدەخستنا دەستکەفتێن حزبی و وەرگرتنا پۆستێن حکومی.
دەربارەی میکانیزمێ هەلبژارتنا وەزیران خالیدی گۆت ژی، عەلاوی ناڤێ نێزیکی ١٠٠ کەساتیان ژ پێکهات و ئالیێن جودا بۆ هاتیە و وی ژی ناڤێ ٢٢ کەسان بۆ وەزارەتان پەسەندکریە، دگل گەل وێ یەکێ دا ژی بۆ هندەک وەزارەتان زێدەتر ژ دو کەسان بەرهەڤکریە، ل دەمێ ڕەتکرنا کەسەکی ل پەڕلەمانی، بەربژارەکێ دیتر دێ جهێ وی گریت.
دەمێ رەنگێ موزێ رەش دبیت زیان هەنە یان ساخلەمیە!
ئەڤرۆ نیوز:
ل دەستپێکا گەهشتنا موزێ، رەنگێ وێ یێ کەسکە و پاشی بۆ رەنگێ زەر دهێتە گوهۆرین و ل دوماهیێ رەش دبیت، تیڤلێ رەشێ ل سەر موزێ نە ب تنێ بێ زیانە بەلکی چەندین مفایێن ساخلەمیى ژى هەنە.
لدووڤ بابەتەکێ مالپەرێ Healthline خوارنا بەشێن رەشبوویێن موزێ ئەڤ مفایە بۆ ساخلەمیێ هەنە:
.مرۆڤێ د پارێزیت و ناهێلیت توشی پەنجەشێرێ ببیت.
. چارەسەریا بەرسوژێ دکەت.
. پەستانا خوینێ رێکدئێخیت.
. خەمۆکیێ کێم دکەت.
. قەفزیێ ناهێلیت.
. هێزەکا زێدە ددەتە مرۆڤی.
. برینا گەدێ کۆئەندامێ هێرانێ چارەسەر دکەت.
. شەری ل گەل کێم خوینیێ دکەت.
. ئێشانا سورا مەهانە (عادێ) کێم دکەت.
فڕاكسیۆنه‌كانی ئه‌نجوومه‌نی پارێزگای سلێمانی پێشوازی له بڕیاری مه‌سروور بارزانی تایبه‌ت به شه‌قامی 100 مه‌تری دەکەن
ئه‌ڤرۆ نیۆز، عه‌زیز هه‌ورامی
ئه‌مڕۆ 13/2/2020 نوسینگه‌ی سه‌رۆك وه‌زیران مه‌سروور بارزانی له ڕاگه‌یه‌ندراوێكدا ده‌ڵێ، شەقامی سەد مەتریی سلێمانی لە لایەن بەرێز سەرۆکوەزیرانەوە بە هەمان دیزاینی خۆی ڕەزامەندیی لەسەر دراوە و لەم نزیکانە و دوای گونجاوبوونی کەش و هەوا و ئامادەکارییە بەراییەکان، دەست بە جێبەجێکردنی دەکرێت.
ئه‌ندامانی ئه‌نجوومه‌نی پارێزگای سلێمانی ده‌ستخۆشی له سه‌رۆك وه‌زیران مه‌سروور بارزانی ده‌كه‌ن به ده‌ركردنی فه‌رمانی جێبه‌جێ كردنی پڕۆژه‌ی شه‌قامیی 100 مه‌تری سلێمانی.
زیاد كاكه ڕه‌زا سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی، به ئه‌ڤرۆ نیۆزی گوت:” شه‌قامیی 100 مه‌تری زۆر بۆ سلێمانی گرنگه و به‌جێبه‌جێ كردنی ئه‌و پڕۆژه نه‌ك ته‌نها به‌شاری سلێمانی خزمه‌ت به ئیداره‌كانی گه‌رمیان و ڕاپه‌ڕین و هه‌ڵه‌بجه ده‌كات، جێگه‌ی ده‌ست خۆشییه بۆ سه‌رۆك وه‌زیران مه‌سروور بارزانی، بڕیاری جێبه‌جێ كردنی پڕۆژه‌كه‌ی داوه.
ناوبراو ده‌ڵێ، داوا ده‌كه‌ین به‌زووترین كات پڕۆژه‌ی شه‌قامیی 100 مه‌تری سلێمانی كاركردن تێدا ده‌ست پێبكات، له ساڵی 2013 به‌ردی بناغه‌ی داندراوه به‌ڵام كاركردن تێدا ده‌ستی پێنه‌كرد، به‌هۆی قه‌یرانی دارایی و شه‌ڕی تیرۆرستانی داعش، تێچووی پڕۆژه‌كه زیاتر له 469 ملیار دینار ده‌بێت.
خه‌دیجه عه‌بدولجه‌بار ئه‌ندامی فڕاكسیۆنی خزمه‌ت له ئه‌نجوومه‌نی پارێزگای سلێمانی، به ئه‌ڤرۆ نیۆزی ڕاگه‌یاند:” به‌بڕیاره‌كه‌ی سه‌رۆك وه‌زیران مه‌سروور بارزانی به ده‌ستكردن به‌جێبه‌جێ كردنی پڕۆژه‌ی شه‌قامیی 100 مه‌تری سلێمانی خۆشحاڵێن و ده‌ستخۆشی لێده‌كه‌ین و هه‌نگاوێكی ئه‌رێنییه سلێمانی زۆر پێویستی به‌و پڕۆژه‌یه و به‌ته‌واوبوونی خنكاندنی شه‌قامه‌كانی شارنامێنێت، سلێمانی شارێكی زۆر قه‌ره‌باڵخه و ڕێگاوبانه‌كانیشی وه‌ك پێویست نیین و چه‌ندین ناوچه‌ی وه‌ك ئیداره‌كانی گه‌رمیان و ڕاپه‌ڕین و پارێزگای هه‌ڵه‌بجه‌ی له‌سه‌ره.
پڕۆژه‌ی شه‌قامیی 100 مه‌تری سلێمانی له ساڵی 2013 بڕیاری جێبه‌جێ كردنی لێدراوه به‌ڵام تاوه‌كو ئێستا كاركردن له‌و پڕۆژه‌یه ده‌ستی پێنه‌كردووه، به‌بڕیاری سه‌رۆك وه‌زیران مه‌سروور بارزانی به‌هه‌مان دیزاینه‌وه له پاش جێگربوونی كه‌ش و هه‌وا ده‌ست به‌كاركردن له پڕۆژه‌كه ده‌كرێت.
خه‌دیجه عه‌بدوڵڵا، ئاماژه‌ی بۆ ئه‌وه‌كرد، له ساڵی 2018 وه‌ك ئه‌نجمومه‌نی پارێزگای سلێمانی چه‌ندین نوسراومان ئاڕاسته‌ی ئه‌نجوومه‌نی وه‌زیران كردووه بۆ ده‌ستكردن به‌جێبه‌جێ كردنی پڕۆژه‌كه، بڕیاری سه‌رۆكی حكوومه‌ت به‌وه‌ی به‌هه‌مان دیزاین و كوالیت پڕۆژه‌ی شه‌قامیی 100 مه‌تری جێبه‌جێ ده‌كرێت دووجار جێگه‌ی خۆشحاڵییمانه،كابینه‌ی نوێ حكوومه‌ت له‌سه‌ره‌تادایه به‌ڵام موباده‌ره‌ی باشی هه‌یه له نۆژه‌نكردنه‌وه‌ی شه‌قامه‌كانی سلێمانی و جێبه‌جێ كردنی پڕۆژه‌ی شه‌قامیی 100 مه‌تری پێشخستنی ڕێگاوبان ڕه‌گیزه‌ی ئه‌ساسین بۆ پێشكه‌وتنی هه‌روڵاتێك.
لای خۆییه‌وه به‌ناز حمه ڕه‌شید ئه‌ندامی فڕاكسیۆنی بزووتنه‌وه‌ی گۆڕان له ئه‌نجوومه‌نی پارێزگای سلێمانی ده‌ڵی، به‌جێبه‌جێ كردنی پڕۆژه‌ی شه‌قامیی 100 مه‌تری سلێمانی كاركردن له نۆژه‌نكردنه‌وه‌ی شه‌قامه‌كان و ته‌واو كردنی شه‌قامه‌كانی ئیداره‌ی گه‌رمیان ئه‌وه‌مان پێده‌ڵێ، حكوومه‌تی نوێ هه‌رێمی كوردستان حكوومه‌تی بنیات نان و پێشخستنی ڕێگاوبانه‌كانه.
ئاماژه‌ی بۆ ئه‌وه‌شكر،پێشوازی له بڕیاره‌كه‌ی سه‌رۆك وه‌زیران ده‌كه‌ین و هه‌نگاوێكی زۆر باشی بۆ سلێمانی ناوه به بڕیاری ته‌واو كردنی شه‌قامی 100 مه‌تری، شاره‌كه‌مان ئه‌و پڕۆژه‌ی زۆر پێویسته به‌هیوای ئه‌وه‌ین به‌زووترین كات بڕواته بواری جێبه‌جێ كردن.
کانی ماسێ سارترین دەڤەر بوو ل هەرێما کوردستانێ
ئەڤرۆ نیوز:
رێڤەبەریا گشتی یا سەقاناسی و ئەردهەژان ل هەرێما کوردستانێ دیار کریە، ئەڤرۆ ئەینیێ ناحیا کانی ماسێ یا سەر ب قەزا ئامێدیێ ڤە ل پارێزگەها دهۆکێ، سارترین دەڤەرا هەرێمێ بوویە.
سەقاناسیێ بەلاڤکر، ئەڤرۆ ئەینیێ ١٤ شواتا ٢٠٢٠، کانی ماسێ سارترین دەڤەرا هەرێمێ یە و نزمترین پلا گەرمیێ تێدا هاتیە تۆمارکرن ژی ٧ پلە دبن سفرێ دابوویە.
هەروەسا پشتی کانی ماسێ، شێروانا مەزن ب ٦ پلان دبن سفرێ دا و بامەرنێ ب ٥ پلان دبن سفرێ دا سارترین دەڤەرێن ئەڤرۆ یێن هەریمێ بووینە.
د روودانەکا هاتنوچوونێ دا وەلاتیەک بریندار بوو
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا کەسەک بریندار بوو.
ناڤهاتی زێدەتر دا دیار کرن: ل سپێدەهیا ئەڤرۆ ئەینیێ ترۆمبێلەک ژ جۆرێ مانشە ل جادا زاویتە وەرگەریایە و کەسەک تێدا بریندار بوویه، ئەڤ روودانە ژ ئەگەرێ بەستیا رێکێ پەیدا بوویە، لەوما رێڤەبەریا هاتنوچوونێ داخوازێ ژ شۆفێران دکەت، هەکە هەوە کارەکێ فەر نەبیتن، هاتنوچوونێ ل جادا زاویتە نەکەن، چونکی ئەو جاده نوکە بەستیێ گرتیە.
ئەڤرۆ گازا سپی ل سەر وەلاتیێن باژێرێ دهۆکێ هاتە دابەش کرن
ئەڤرۆ نیوز:
پشتی کو مەسرۆر بارزانی سەرۆکێ حوکمەتا هەرێما کوردستانێ راگەهاندی دێ (۱۰) ملیۆن لیترێن گازا سپی بۆ پارێزگەها دهوکێ هێنە هنارتن.
ئەڤرۆ ئەینیێ قائیمقامیا قەزا دهوکێ راگەهاند، کو ب هەڤکاریا رێڤەبەریا نەفت و کانزایان ل پارێزگەها دهوکێ، ئەو د بەردەوامن ل سەر بەلاڤکرنا گازا سپی ل سەر وەلاتیێن سەنتەرێ باژێرێ دهوکێ، هەروەسا نوکە ل سەر جادا گشتی یا ئێتیتێ ل بەرامبەر کۆمپانیا جیهان یا تۆیۆتا گاز ل سەر وەلاتیان دهێتە بەلاڤکرن.
ژ سەرجەمێ 89 کەسێن دامەزراندی ل وەزارەتا دەرڤە یا عیراقێ ب تنێ دو کەس کوردن
ئەڤرۆ نیوز:
لدووڤ بەلگەنامان، د چەند رۆژێن بوری دا فەرمانا دامەزراندنێ بۆ 89 کەسان ل وەزارەتا دەرڤە یا عیراقێ دەرچوویە، بەلێ ب تنێ دو کەس ژێ کوردن.
ئەندامەکێ لژنا پەیوەندیێن دەرڤە ل پەرلەمانێ عیراقێ بۆ رووداو گۆتیە، پێدڤیە لێكۆلین دەربارەی دامەزراندنان وان 89 كەسان بهێته کرن یێن کو وەزارەتا دەرڤە یا عیراقێ ل سەر میلاكێ وێ وەزارەتێ دامەزراندین، چونكی دڤێت ئەو وەزارەتە ل روویێ دامەزراندنێ ڤە مافێ پێكهاتێن عیراقێ تێدا بهێتە پاراستن.
موسەننا ئەمین، ئەندامێ لیژنا پەیوەندیێن دەرڤە ل پەرلەمانێ عیراقێ گۆتیە، دێ دووڤچوونێ بۆ دامەزراندنا ب تنێ یا دو کوردان ژ سەرجەمێ 89 کەسێن هاتینه دامەزراندن ل وەزارەتا دەرڤە کەم، هەر چەندە ئەڤا هاتیە كرن بۆ رازیكرنا جادێ یە و هەموو وەزارەتان دەرگەهێ دامەزراندنێ ڤەكرینە، بەلێ دڤیت بزانین، لدووڤ چ پیڤەرەکێ ئەڤە روودایە و دڤێت لێكۆلین د ڤی واری دا بهێتە دەست پێ کرن.
نڤستنا ب گۆرە ڤە یا ب مەترسیە یان نە!
ئەڤرۆ نیوز:
ل گەل نزمبوونا پلێن گەرمێ، لەش پتر هەست ب سەرمایێ دکەت، لەوما گەلەک ژ خەلکێ ل دەمێ نڤستنێ و هەست کرن ب گەرمێ، گۆرێ دکەنە پێن خوە، ئەڤ چەندە یا مفایە بۆ لەشێ مرۆڤی.
هەر چەندە هندەک راپۆرتێن نۆشداری ئاماژە یا ب هندێ دای، کو نڤستنا ب گۆرە ڤە یا مەترسیدارە، بەلێ نووترین ڤەکولین دەرێخستیە کو نڤستنا ب ڤی شێوەی هاریکاریا لەشی دکەت، داکو ب باشی مرۆڤ بنڤیت.
لدووڤ نووچەکێ The Healthy نڤستن ب گۆرە ڤە ژ بلی هندێ دێ وەکەت، کو هەست ب گەرمێ بکەی، یا هاریکارە بۆ وان کەسێن گرفتا کێم خەویێ هەی، چونکی گەرمبوونا پێیان پشتی سەرمایێ، هاریکاریا دەماران ددەت، کو باشتر خوین تیدا دەرباز ببیت، مەژی ئاگەهدار دکەت ژ هندێ کو دەمێ نڤستنێ یە.
هەروەسا ڤەکولینەک ل حەفتیناما زانستێ نێڤدەولەتی بەلاڤ بوویە و تێدا دەرکەفتیە، نڤستن ب ڤی شێوەی دێ هاریکاریا تە کەت 55 خولەکان زووتر بنڤی، هەروەسا ل دەمێ نڤستنێ دێ هەست ب ئارامیێ کەی و دێ باشتر نڤی.
نيشاندان
WP Facebook Auto Publish Powered By : XYZScripts.com