ئەڤرۆ نیوز:
وەزیرێ دەرڤە یێ سعوودیێ راگەهاند کو دەستێوەردانێن تورکیا ل لیبیا ب چو رەنگەکێ ناهێتە قەبوولکرن و نابیت تورکیا دەستێوەردانێ د کاروبارێن وەلاتێن عەرەبی دا بکەت.
فەیسەل بن فەر‌حان وەزیرێ دەرڤە یێ سعوودیێ ئەو یەک ژی دیار کر کو تورکیا بوویە ئەگەرێ هندێ کو رەوشا سووریێ نها گەلەک ئالۆز بوویە و تورکیا ب دەستێوەردانێن خوە دێ رەوشا لیبیا ژی ئالۆز کەت و وەلاتێن عەرەبی ب چو رەنگەکێ دەستێوەردانێن تورکیا قەبوول ناکەن.
ئەڤرۆ نیوز:
بەری دەمەکێ ل باژێرێ میونشن یێ ئەلمانیا مەسرور بارزانی سەرۆکێ حوکمەتا هەرێما کوردستانێ ل گەل مەولود چاڤۆش ئوگلۆ وەزیرێ دەرڤە یێ تورکیا کۆمبوو.
هەژی ئاماژەپێدانێ یە کو سەرۆکێ حوکمەتا هەرێما کوردستانێ ئەڤرۆ چەندین کۆمبوونێن گرنگ ل ئەلمانیا هەبوون و بەری کۆمبوونا ل گەل وەزیرێ دەرڤە یێ تورکیا ژی سەرۆکێ حوکمەتێ ل گەل وەزیرێ دەرڤە یێ ئیرانێ محەمەد جەواد زەریف کۆمبوو.
ئه‌ڤرۆ نیوز، عه‌لی حاجی:
د به‌رده‌وامیا گه‌هاندنا هاریكاریان و ب هاتنا سارمایه‌كا دژوار و وه‌رزێ زڤستانێ ده‌زگایێ خێرخوازیێ بارزانیێ نه‌مر ل زاخۆ گازا سپی و ئازوقه و كه‌ل و په‌لێن پاقركرنێ ل سه‌ر هژماره‌كا هاولاتیان به‌لاڤ كرن.
محه‌مه‌د مه‌هدی به‌رپرسێ ئوفیسا زاخۆ یا ده‌زگایێ خێرخوازیێ بارزانیێ نه‌مر بۆ ئه‌ڤرۆ نیوز گوت: (ل دووڤ وی به‌رنامه‌یێ هاتیه دانان ل سه‌رانسه‌ری كوردستانێ ده‌زگایێ خێرخوازیێ نه‌مر هه‌وه‌كا مه‌زن ده‌ست پێكر ب مه‌ره‌ما گه‌هاندنا هاریكاریان، ل روژا ئه‌ینیا بوری ئوفیسا زاخۆ یا ده‌زگایێ بارزانی گازا سپی ل سه‌ر 200 هاولاتیێن ده‌ست كورتان بۆ هه‌ر خێزانه‌كێ 40 لتر لس ه‌ر وان هاتنه به‌لاڤ كرن و هه‌ر دگه‌ل وێ هه‌وێ 200 كارتونێن ئازوقه‌یی و به‌رهه‌مێن پاقژكرنێ ل سه‌ر وان كه‌سان هاتنه به‌لاڤ كرن و ئه‌و كه‌سێن هاریكاری وه‌رگرتن خه‌لكێ خوه جهێ ده‌ڤه‌را زاخۆ بون و ئه‌ڤ هه‌وه دێ ل سه‌رانسه‌ری باژێرێن كوردستانێ یا به‌رده‌وام بیت).
ئه‌ڤرۆ نیوز، عه‌لی حاجی:
ب هه‌لكه‌ڤتا هاتنا 18ی شوباتێ سال روژا دامه‌زراندنا ئێكه‌تیێن قوتابیێن كوردستانێ و لاوێن دیموكراتا كوردستانێ سێ خولێن جودا و هاتنه ڤه‌كرن و غاردانه‌كا درێژ ژی هاته ئه‌نجام دان .
ئه‌حمه‌د سه‌عید به‌رپرسا لقا زاخۆ یا ئێكه‌تیا قوتابیێن كوردستانێ بۆ ئه‌ڤرۆ نیوز گوت: (ب پشكداریا 550 قوتابیێن ل سنورێ په‌روه‌ردا زاخۆ غاردانه‌كا درێژ بۆ قوتابیێن كور وكچ ب درێژاهیا سێ كێلومه‌تران دناڤ سه‌نته‌رێ باژێرێ زاخۆ دا هاته ئه‌نجام دان و دپ لانا مه‌دایه د ماوه‌یێ روژێن بهێت دا چه‌ندین چالاكیێن دیتر ب هه‌لكه‌ڤتا 18ی شوباتێ بهێنه ئه‌نجام دان و هه‌می به‌رهه‌ڤی ژی بۆ وێ چه‌ندێ هاتنه ئه‌نجام دان) .
ژلایێ خوه‌ڤه حكمه‌ت محمه‌د نوری به‌رپرسێ ناڤه‌ندا بالا زاخۆ یا ئێكه‌تیا لاوێن دیموكراتا كوردستانێ بۆ ئه‌ڤرۆ نیوز دیار كر هه‌ر ب هه‌ما هه‌لكه‌ڤت وه‌كو ناڤه‌ندا بالا ل زاخۆ ل ئه‌ڤرۆ روژا ئێك شه‌مبێ سێ خولێن جودا جودا ب پشكداریا هه‌ژماره‌كا گه‌نجێن ده‌ڤه‌را زاخۆ ل سنورێ ناڤه‌ندا مه هاته ڤه كرن و هه‌ر دیسان پلان هاتیه دانان روژانه چه‌ندین چالاكیان د بیاڤێن هونه‌ری و وه‌رزشی و ره‌وشه‌نبیری بهێنه ئه‌نجام دان پێخه‌مه‌تی به‌رز راگرتنا یادا 18ی شوباتێ ل زاخۆ.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ل باژێرێ میونشن د چارچۆڤێ کۆنفرانسێ جیهانی یێ ئاسایشێ دا ل گەل وەزیرێ دەرڤە یێ ئیرانێ محەمەد جەواد زەریف کۆمبوو.
د کۆمبوونێ دا بەحسێ رەوشا عیراقێ و دەڤەرێ ب گشتی هاتە کرن و هەر دو ئالیان دیار کرن کو دڤێت ئاریشێن ل عیراقێ بهێنە چارەسەرکرن و وەزیرێ دەرڤە یێ ئیرانێ راگەهاند کو وان دڤێت پەیوەندیێن خوە ل گەل هەرێما کوردستانێ باشتر بکەن.
ئه‌ڤرۆ نیوز، عه‌لی حاجی :
ل بن چاڤدێریا سه‌وركێ زانكویا زاخۆ و پشكداریا چه‌ندین په‌رتوكخانه و ناڤه‌ندێن چاپێ و راگه‌هاندنێ ئێكه‌مین پێشانگه‌ها په‌رته‌كان یا سالانه ل زانكویا زاخۆ هاته ڤه‌كرن .
دكتور هوگر تاهر راگرێ ڤه‌كولتیا زانستێن مروڤایه‌تی ل زانكویا زاخۆ بۆ ئه‌ڤرۆ نیوز گوت: (ب ڤه‌كرنا ڤێ پێشانگه‌هێ مه ئه‌ند ئارمانجه‌ك هه‌بوون و ژ گرنگترین ئارمانجێن مه ئه‌و بوو كو په‌یوه‌ندیا زانكویا زاخۆ دگه‌ل جڤاك و خه‌لكێ ژدره‌ڤه‌ی زانكویێ باشتر لێ بكه‌ین و بۆ وێ چه‌ندێ ژی دو ترومبێلێن تایبه‌ت هات بونه ده‌ست نیشان كرن خه‌لكێ دناڤ سه‌نته‌رێ باژێری دا بێ به‌رامبه‌ر ڤه‌گوهێزنه دناڤ زانكویێ دا ب مه‌ره‌ما پشكداریكرنا وان كه‌سان دناڤ پێشانگه‌ها سالانه دا و هه‌ر دیسان مه پلان دانایه بۆ سالا بهێت هه‌ژماره‌كا زێده‌تر یا په‌رتوكخانه و ناڤه‌ندێن چاپێ و راگه‌هاندنێ ل پارێزگه‌هێن هه‌ولێرێ و سلێمانیێ پشكداری پێشانگه‌هێ بكه‌ین) .
زێده‌تر ناڤهاتی گوت ژی د پێشانگه‌ها ئه‌ڤساله دا زێده‌تر هه‌شت په‌رتووكخانه و چه‌ندین ده‌زگه‌هێن چاپێ و راگه‌هاندنێ یێ سه‌ر ب وه‌زاره‌تا ره‌وشه‌نبیری و هونه‌ری ڤه یا حكومه‌تا هه‌رێما كوردستانێ و چه‌ندین ده‌زگه‌هێن دیتر ب زێده‌تری 15 هزار په‌رتوكان پشكداری ڤێ پێشانگه‌هێ بوون و هه‌ر دیسان قوتابیان ژی ب رێژه‌یه‌كا باش پێشوازی لێكر و بریاره بۆ ماوه‌یێ سێ حه‌فتیان ئه‌و پێشانگه‌ه یا به‌رده‌وام بیت .
ئه‌ڤرۆ نیوز:
ئه‌ڤرۆ حكومه‌تا چینێ ئاماره‌كا نوو یا نه‌خوشێن كورونایێ راگه‌هاند.
لگۆری ئه‌وێ ئامارێ هژمارا ئه‌و كه‌سین مرین ب ئه‌گه‌رێ ڤایرۆسێ كورونا بلند بوویه بۆ هه‌زار و 669 كه‌سان، كه‌سێن تووشبویی ب ڤایرۆسێ كورونا بۆ 79 هه‌زار و 268 كه‌سان بلند بوویه.
دهی زیده‌تری 140 كه‌سان گیانێ خو ژ ده‌ست دایه و زێده‌تری 2 هزار كه‌سین دی تووشی ئه‌ڤێ ڤایرۆسی بوون.
هه‌روه‌سا دهی كه‌سی ئیكێ یێ توشبوی ب نه‌خوشیا ڤایرۆشێ كورونا ل فه‌ره‌نسا گیانێ خو ژ ده‌ستدا.
حكومه‌تا مسرێ ژی راگه‌هاند ئێكه‌م كه‌س ل مسرێ كۆ كه‌سه‌كێ بیانی بۆ تووشی ڤایرۆسێ كورونا بوویه.
ئه‌ڤرۆ نیۆز، ئه‌میر ئه‌ترووشی
به‌رپرسێ راگه‌هاندنا بۆردێ كارۆبارێن مرۆڤایه‌تی ل پارێزگه‌ها دهۆكێ ئه‌و ده‌نگۆیه ره‌تكرن د ڤێ سه‌رمایا زڤستانێ دا هیچ ئاواره و په‌نابه‌ره‌كی ژ سه‌رمادا گیانێ خوه ژ ده‌ست دابیت و ئاشكرا كر كو به‌ری هاتنا سارمایێ به‌رهه‌ڤی هاتبوونه كرن و ئاواره و په‌نابه‌ر هاتبوونه پاراستن.
سالم سه‌عید، به‌رپرسێ راگه‌هاندنا بۆردێ كارۆبارێن مرۆڤایه‌تی ل پارێزگه‌ها دهۆكێ بۆ ئه‌ڤرۆ نیۆز دیار كر، د سۆشیال میدیایێ دا و هنده‌ك ده‌زگه‌هێن راگه‌هاندنێ دا هۆسا به‌لاڤببوو كو د ڤێ سه‌رمایا حه‌فتیا بۆری دا ب سه‌ر پارێزگه‌ها دهۆكێ دا هاتی، هنده‌ك په‌نابه‌ر یان ئاواره‌یان ژ سه‌رمادا گیانێ خوه ژ ده‌ست دایه، به‌لێ ئه‌م دووپات دكه‌ین كو چو راستی بۆ وان ئاخفتنان نینن و ب تنێ گۆتگۆتكن و به‌ری هاتنا به‌فرێ و سه‌رمایێ هه‌موو به‌رهه‌ڤیێن سڕ و سارمایێ هاتبوونه كرن.
ئاشكرا ژی كر كو ب دوو قۆناغان نه‌فتا سپی ل سه‌ر ئاواره‌یان هاتبوو دابه‌شكرن و خیڤه‌تێن هه‌موو ئاواره‌یان هاتبوونه گوهۆرین و 480 دۆلار بۆ هه‌ر خێزانه‌كا په‌نابه‌ر و 200 دۆلار بۆ هه‌ر خێزانه‌كا ئاواره هاتبوونه دان بۆ هندێ بشێن وه‌رزێ زڤستانێ ب سلامه‌تی ده‌ربازبكه‌ن.
ئەڤرۆنیوز، سەباح زوھێر زێباری:
عبدالواحد جەمیل زێباری بەرپرسێ زێرەڤانیا ساخلەمیا ئاکرێ ددەتە دیارکرن کو مە تیمێن ساخلەمیێ ھەنە رۆژانە دەردکەڤن ل سپێدە و ئێڤاریان و سەرەدانا جھێن جودا جودا دناڤ بازاری دا دکەن بۆ وێ چەندێ کو بزانین مەرجێن ساخلەمیێ دناڤ وان جھادا ھەنە یان ژی نینە، ڤان جھان بەردەوام چاڤدێرێ و دیفچوون ل سەر دھێتەکرن، داکو پاقژیا وان جھان یا پاراستی بیت و ساخلەمیا خەلکی ژی یا پاراستی بیت.
بەرپرسێ زێرەڤانیا ساخلەمیا ئاکرێ گۆت ژی پشتی مە سەرەدانا کارگەهێن بەرهەمئینانا سپیاتیان ل کومەلگەها خەلیلکان کری دو کارگەهان پاقژیان وان وەکو پێدڤی نەبوو،تێدا(۳٥۰)کیلۆیێن شیری و (٦۰)کیلۆیێن پەنیری و ژاژی هاتنە ژناڤبرن،ژبەر پیسی و خرابوونا وان بەرهەمان و نەبوونا مەرجێن ساخلەمیێ هەردوو کارگەهێن ناڤبری هاتنە سزادان هەر ئێک ب کوژمێ(٥۰۰)هزاردیناران، هەروەسا هەر ئێک ژوان بۆ ماوێ ۷رۆژان هاتنە گرتن وەکۆ سزادانەک بۆ وان.
ئاماژە دا وێ چەندێ ژی ئارمانجا مە ژ دووفچوون و چاڤدێریا ڤان جهان ب گشتی بۆ ئەوێ چه‌ندێیه کو ساخلەمیا خەلکی بپارێزین.
ئه‌ڤرۆ نیوز:
ئالان حه‌مه ره‌شید وه‌زیرێ په‌روه‌رده‌یا حكومه‌تا هه‌رێما كوردستانێ د پرێس كۆنفرانسه‌كی دا راگه‌هاند: بۆ هه‌رتمی بوونا مامۆستایێن گرێبه‌ست، كار ته‌مابوویه و نڤیسار بۆ وه‌زاره‌تا دارایی هاتیه ڤه‌گه‌راندن و پشتی ده‌مه‌كێ دی دێ زڤریته‌ڤه ئه‌و نڤیسار.
وه‌زیرێ په‌روه‌ده‌یا حوكمه‌تا هه‌رێما كوردستانێ دیاركر بابه‌تێ ڤه‌گه‌راندنا پاشه‌كه‌وتێ مووچه‌یێ فه‌رمانبه‌ران، په‌رله‌مانی بریارا خودایه و ل یاسایا ژماره 2 یا چاكسازیێ دا هاتیه جیگیركرن كۆ ڤه‌كرنا ژماره‌یا به‌نكی بۆ فه‌رمانبه‌ران كۆ ئه‌و پاشه‌كه‌وت بچیته سه‌ر و بهێته‌ڤه‌كرن.
ئالان حه‌مه ره‌شید وه‌زیرێ په‌روه‌رده‌یا حكومه‌تا هه‌رێما كوردستانێ ئه‌و چه‌نده ژی دیاركر كۆ نوكه مژیلی دروستكرنا داتابه‌یسه‌كێنه بۆ هه‌مو مامۆستایێن وانه بێژ و هه‌رده‌مێ ره‌وشا دارایی یا حكومه‌تێ گۆنجای بیت مامۆستایێن وانه‌بێژ دێ ل پێشیێ بن بۆ دامه‌زراندنێ، سوپاسیا ئه‌وان ژی دكه‌ین یێن رۆلێ كاریگه‌ر هه‌بوینه.
وه‌زیرێ په‌روه‌رده‌یا حكومه‌تا هه‌رێما كوردستانێ دازانین د هه‌رێما كوردستانێ دا 114 قوتابخانه‌یێن نه ته‌مامكری هه‌نه كۆ ته‌مامكرنا وان پێدڤی ب زێده‌تری 139 ملیار دیناران هه‌یه، ئه‌ڤ چه‌نده ل گه‌ل سه‌رۆكێ حكومه‌تێ ژی هاتیه كرن، كو كۆمه‌كا قوتابخانه‌یان ئێخستینه د پرۆژه‌یێن 2020 تاكو بهێنه ته‌مامكرن، بۆ دروستكرنا قوتابخانه‌یێن نوو ژی پرۆژه‌یه‌كێ به‌رهه‌ڤكری مه هه‌یه تاكۆ بزانین چه‌وا دێ دڤێ كابینه‌یێ دا قوتابخانه‌یین نو دروست كه‌ین.
نيشاندان