ئەڤرۆ نیوز:
پشتی کو مەسرۆر بارزانی سەرۆکێ حوکمەتا هەرێما کوردستانێ راگەهاندی دێ (۱۰) ملیۆن لیترێن گازا سپی بۆ پارێزگەها دهوکێ هێنە هنارتن.
ئەڤرۆ ئەینیێ قائیمقامیا قەزا دهوکێ راگەهاند، کو ب هەڤکاریا رێڤەبەریا نەفت و کانزایان ل پارێزگەها دهوکێ، ئەو د بەردەوامن ل سەر بەلاڤکرنا گازا سپی ل سەر وەلاتیێن سەنتەرێ باژێرێ دهوکێ، هەروەسا نوکە ل سەر جادا گشتی یا ئێتیتێ ل بەرامبەر کۆمپانیا جیهان یا تۆیۆتا گاز ل سەر وەلاتیان دهێتە بەلاڤکرن.
ئەڤرۆ نیوز:
لدووڤ بەلگەنامان، د چەند رۆژێن بوری دا فەرمانا دامەزراندنێ بۆ 89 کەسان ل وەزارەتا دەرڤە یا عیراقێ دەرچوویە، بەلێ ب تنێ دو کەس ژێ کوردن.
ئەندامەکێ لژنا پەیوەندیێن دەرڤە ل پەرلەمانێ عیراقێ بۆ رووداو گۆتیە، پێدڤیە لێكۆلین دەربارەی دامەزراندنان وان 89 كەسان بهێته کرن یێن کو وەزارەتا دەرڤە یا عیراقێ ل سەر میلاكێ وێ وەزارەتێ دامەزراندین، چونكی دڤێت ئەو وەزارەتە ل روویێ دامەزراندنێ ڤە مافێ پێكهاتێن عیراقێ تێدا بهێتە پاراستن.
موسەننا ئەمین، ئەندامێ لیژنا پەیوەندیێن دەرڤە ل پەرلەمانێ عیراقێ گۆتیە، دێ دووڤچوونێ بۆ دامەزراندنا ب تنێ یا دو کوردان ژ سەرجەمێ 89 کەسێن هاتینه دامەزراندن ل وەزارەتا دەرڤە کەم، هەر چەندە ئەڤا هاتیە كرن بۆ رازیكرنا جادێ یە و هەموو وەزارەتان دەرگەهێ دامەزراندنێ ڤەكرینە، بەلێ دڤیت بزانین، لدووڤ چ پیڤەرەکێ ئەڤە روودایە و دڤێت لێكۆلین د ڤی واری دا بهێتە دەست پێ کرن.
ئەڤرۆ نیوز:
ل گەل نزمبوونا پلێن گەرمێ، لەش پتر هەست ب سەرمایێ دکەت، لەوما گەلەک ژ خەلکێ ل دەمێ نڤستنێ و هەست کرن ب گەرمێ، گۆرێ دکەنە پێن خوە، ئەڤ چەندە یا مفایە بۆ لەشێ مرۆڤی.
هەر چەندە هندەک راپۆرتێن نۆشداری ئاماژە یا ب هندێ دای، کو نڤستنا ب گۆرە ڤە یا مەترسیدارە، بەلێ نووترین ڤەکولین دەرێخستیە کو نڤستنا ب ڤی شێوەی هاریکاریا لەشی دکەت، داکو ب باشی مرۆڤ بنڤیت.
لدووڤ نووچەکێ The Healthy نڤستن ب گۆرە ڤە ژ بلی هندێ دێ وەکەت، کو هەست ب گەرمێ بکەی، یا هاریکارە بۆ وان کەسێن گرفتا کێم خەویێ هەی، چونکی گەرمبوونا پێیان پشتی سەرمایێ، هاریکاریا دەماران ددەت، کو باشتر خوین تیدا دەرباز ببیت، مەژی ئاگەهدار دکەت ژ هندێ کو دەمێ نڤستنێ یە.
هەروەسا ڤەکولینەک ل حەفتیناما زانستێ نێڤدەولەتی بەلاڤ بوویە و تێدا دەرکەفتیە، نڤستن ب ڤی شێوەی دێ هاریکاریا تە کەت 55 خولەکان زووتر بنڤی، هەروەسا ل دەمێ نڤستنێ دێ هەست ب ئارامیێ کەی و دێ باشتر نڤی.
ئه‌ڤرۆ نیوز:
یانا پاریس سانجێرمان ده‌ست ب دانوستاندنان كر بوو درێژكرنا هه‌ڤبه‌ستا ستێرا خوه كلیان مباپێ .
رۆژناما ئاس یا ئیسپانى ئاشكراكریه یانا پاریس سانجێرمان دخوازن به‌رى ده‌ستپێكرنا قاره‌مانیا یورۆ یا 2020 ل سه‌ر ئاستێ هه‌لبژارتیان هه‌ڤبه‌ستا ستێرا خوه مباپێ درێژ بكه‌ن و نوكه به‌رپرسێن وێ یانێ كه‌ڤتینه د دانوستاندنان دا ل گه‌ل وى یاریزانى بۆ رازیكرنا ئه‌وى یاریزانى بۆ درێژكرنا هه‌ڤبه‌ستا خوه.
هه‌ردیسان هاتیه دیاركرن ژى ئه‌وێ یانێ كوژمه‌كێ مه‌زن پێشكێشى ئه‌وى یاریزانى كریه كو كوژمێ 50 ملیون یورۆیا وه‌كو موچه‌یێ سالانه یێ وى یاریزانى و ب ڤێ چه‌ندێ ئه‌وێ یانا فره‌نسى رێك به‌رامبه‌ر یانا ریال مه‌درید گه‌له‌ك ب زه‌حمه‌ت ئێخست بۆ ده‌ستڤه ئینانا ئه‌وى ستێرا فره‌نسى كو نوكه ئه‌و یاریزان بوویه ئێك ژ ئارمانجێن سه‌ره‌كى یێن به‌رپرسێن یانا ریال مه‌درید.
ئەڤرۆ نیوز:
ل دهوكێ و ل حەفتیا بهێت ئەڤ پروژێن ل خوارێ دێ کەڤنە د وارێ جێبەجێ کرنێ دا.
مەسرور بارزانی سەرۆکێ حوکمەتا هەرێما کوردستانێ ل سەر داخوازا فەرهاد ئەمین ئەتروشی پارێزگارێ دهۆکێ پشتی ئەو ئاریشێن هەین گەهاندینە بەردەستێ سەرۆکێ حوکمەتێ، رەزامەندی هاتەدان کۆ ل حەفتیا بهێت چەندین پرۆژە کەڤنە وارێ جێبەجێ کرنێ.
ئەو پرۆژە ژ قەرەبووکرنا هەموو زیانێن دوکانێن لناڤا بازارێ دهۆکێ ،ئەوێن توشی روودانا ئاگری بووین، ژبلی وی کوژمێ پارەی ئەوێ بەریا نها ئیدارا پارێزگەهێ بۆ نووژەنکرنا وان خەرج کری، نووژەنکرنا هۆلا محەمەد عارفێ جزیری ب شێوەکێ زۆر باش و کارکرنا دو ئیستگەهان ل کاشێ بۆ کێمکرنا ئاریشا کارەبێ ل پارێزگەهێ و ١٠ ملیۆن لترێن گازێ بۆ پارێزگەها دهۆکێ.
ئه‌ڤرۆ نیوز:
كۆمپانیا سامسونگێ زنجیره‌یه‌كا موبائیلێن خۆ راگه‌هاند و دناڤا وان دا دیارترین موبائیلێن وێ ئێس 20 و ئێس20 پله‌سن.
Samsung Galaxy S20+ هەڵگرێ شاشەیەکا داینەمیکی یه شیانێن نووبونا ١٢٠ هێرتزه کو مۆبائیلا ئێكێ یا سامسۆنگێ یه بڤان شیانان هات بیته راگه‌هاندن و قه‌باره‌یێ شاشه‌یا وێ ٦.٧ ئینجە، دۆ كامێره پێڤه‌نه كۆ 12 مێگا پیكسل و هه‌لگرا كامێره‌یه‌كا دی ژی كه كۆ 64 مێگا پیسكل و شیانێن نێزیكرنا دیمه‌نان هه‌یه هه‌تا 30 جاران، كامێرا سێلفی یێ موبائیلی ژی 10 مێگا پیكسله.
كامێرا وێ یا 64 مێگا پیكسل دشێت و شیانێن 8K ڤیدیۆیێ تومار دکه‌ت بکارئینا ٣٣ مێگاپێکسڵ بۆ هەر فرەیمه‌کێ.
کامێرا ultrawide یا ١٢ مێگاپێکسل شیانێن نیشاندانا دیمەنان هەیە ب ١٢٠ پلەیان.
موبائیلا ناڤبری هەلگرێ پڕۆسیسەرێ سناپدراگۆن ٨٦٥ یان Exynos 990 نه كۆ لگۆری وه‌لاتان دهێته گۆهارتن،پشتگیریا تەکنەلۆژیا نڤشێ پێنجێ یێ ئه‌نته‌رنێتێ دكه‌ت، ڕامێ وێ ٨ گێگابایته و ب خزنكرنا ١٢٨ گێگابایتە یان ١٢ گێگابایت ڕام و ٥١٢ گێگابایت پشتگیریا میمورێ دەرەکی ژی دەکات ب شیانێن ١ تێرابایت، پاتریا مۆبایلێ ٤٥٠٠ میلی ئەمپێرە و شیانێن ٢٥ واتێن خزنكرنێ هه‌یه و پشتگیریا ١٥ واتان دەکه‌ت بۆ شه‌حنكرنا وایەرلێسێ، موبایلا سامسۆنگ Galaxy S20+ ی پشتگیریا نڤشێ پێنجێ یێ ئه‌نته‌رنێتێ دكه‌ت و بهایێ وێ ١١٩٩ دۆلارێن ئەمریکی یه .
Samsung Galaxy S20 ، بچووکترین موبائیله كۆ شاشەیا ٦.٢ ئینجە شیانێن نووبونا شاشه‌یا ١٢٠ هێرتزە، و کامێراوێ یا سێڵفی ١٠ مێگاپێکسل، کامێرا پشتێ سێ نه و دو ژوان 12 میگا پیكسله و ئێك ژی 64 میگا پیكسله ب شیانێن 8K دیمه‌نان تومار بكه‌ت.
پاتریا موبایلێ ٤٠٠٠ میلی ئەمپێرە و شیانێن خزنكرنا ٢٥ واتان هه‌یه، پڕۆسێسەرێ وێ سناپدراگۆن 865 یان Exynos 990 یه ب ڕامی ٨ گێگابایت یان ١٢ گێگابایت بهایێ وێ ژ ٩٩٩ دۆلاران دەست پێ دەکات.
ئه‌ڤرۆ نیوز:
كۆمپانیا شاومی رۆژه‌كا دیرۆكی پشتی راگه‌هاندنا دو موبائیلێت ئاست بلند پشتی كۆنگرێ كۆمپانیا سامسونگ، شاومیو ته‌ڤایا ژمارێن خو بلندكرن ل موبائیلا نوودا، كر Mi 10 5G و Mi 10 Pro 5G بوون.
كامێرا 108 مێگا پێكسل ل كامێرا پشتێ هاتیه دانان، پاتریه‌كا ئاست بلند كو شیانێن بارگاویكرنا 30 واتا و دشیانێن وێ دایه موبائیله‌كا دی ژی شه‌حن بكه‌ت ب له‌زاتیا 10 واتان، رامێ وێ ژی د ئاسته‌كێ بلندایه كۆ LPDDR5 و ژ جۆری UFS 3.0 سه.
د ئه‌ڤێ جوری موبائیلی دا Mi 10 5G،شاشەیا وێ 6.67 ئینج و ب ڕووناهیا 1080×2340 پێکسڵ، کامێرا پشتێ چار کامێره یه ب 108+13 مێگاپێکسڵ، کامێرا پێشیێ20 مێگاپێکسله و پڕۆسیسەرێ وێ Snapdragon 865، باتریا وێ 4780 میلی ئەمپێره، ڕامێ وێ ژی 128GB 8GB RAM, 256GB 8GB RAM, 256GB 12GB RAM، ب ئەندرۆید 10 و ڕووکارێ وێ MIUI 11. ن ڕەنگێن وان سیلڤەر و گۆڵد و شینن، بهایێن وان بڤی شێوه‌ی نه
Mi 10 8/128 | 570$، Mi 10 8/256 | 615$ ،Mi 10 12/256 | 670$.
ئه‌ڤرۆ نیوز:
یانا ئه‌جاكس ئه‌مستردام ب فه‌رمى راگه‌هاند ئه‌و گه‌هشتنه رێككه‌فتنێ ل گه‌ل یانا چێلسى یا ئینگلیزى بۆ ڤه‌گوهاستنا یاریزانێ خوه حه‌كیم زیاش بۆ ناڤ رێزێن وێ یانا له‌نده‌نى .
یانا ئه‌جاكس ل سه‌ر مالپه‌رێ خوه یێ فه‌رمى دیاركریه ئه‌و گه‌هشتنه رێككه‌فتنێ ل گه‌ل یانا چێلسى بۆ ڤه‌گوهاستنا حه‌كیم زیاش به‌رامبه‌ر كوژمێ 40 ملیون یورۆیا و بریاره ئه‌و یاریزان ل ڤه‌گوهاستنێن هاڤینا بهێت ئه‌و یاریزان په‌یوه‌ندى ب یانا خوه یا نوو بكه‌ت.
حه‌كیم زیاش یێ 26 سالى ل هێلا ناڤین یارى كه‌ت ل هاڤینا 2016 په‌یوه‌ندى ب یانا ئه‌جاكس ئه‌مستردام كربوو هه‌تا نوكه ل گه‌ل وێ یانێ شیایه 160 یاریان ئه‌نجام بده‌ت و 49 گول توماركرینه و ل گه‌ل 82 (ئه‌سیست) گول بۆ هه‌ڤالێن خوه به‌رهه‌ڤكرینه .
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا ترۆمبێلەک وەرگەریا.
ناڤهاتی زێدەتر دا دیار کرن: ئەڤرۆ پێنجشەمبی ۱۳/۲/۲۰۲۰ د دۆخەکێ بەفر و بارانی دا سەر رێیا سەرەکی یا دناڤبەرا دهۆک هەولێر دا و ل سنۆرێ ناحیا رووڤیا یا سەر ب قەزا بەردەرەش ڤە روودانەک ژ جۆرێ وەرگەریان روودایە و زیان گەهشتینە ترۆمبێلەکا تەکسی، لێ چ زیانێن گیانی نەبوون.
ئەڤرۆ نیوز:
ژ ئەگەرێ بارینا بەفرێ ل پارێزگەهێن وان، هه‌كاری، بدلیس و مووشێ ل باکورێ کوردستانێ رێکێن هزار و ٣٠٢ گوند و دەڤەرێن ئاکنجیبوونێ هاتینە گرتن.
باژێرڤانیا وانێ دیار کریە، ژبەر بەفر بارینێ رێکێن ٦٨۷دەڤەرێن ئاکنجیبوونێ ل ناڤەندا باژێڕ و باژێڕۆکێن وێ هاتینە گرتن، تیمێن ڕامالینا بەفرێ ژی بەردەوامن ل سەر کارێن خۆ بۆ ڤەکرنا رێکێن داخستی.
ل پارێزگەها هەکاری ژی رێک و پرێن ٣٧ گوند و ١١٣ دەڤەران هاتینە داخستن و ڕێژەکا زێدە یا بەفرێ باریە و تیمێن باژێڕڤانیێ ژی بزاڤێ دکەن بۆ ڤەکرنا ڕێیان.
هەروەسا ل پارێزگەها بدلیسێ رێکێن ٢٥٧ گوندان هاتنە داخستن و هاتنوچوون تێدا ناهێتە کرن، ل پارێزگەها مووشێ ژی رێکێن ٢٠٨ گوندان هاتنە گرتن.
نيشاندان