ئەڤرۆ نیوز:
باسکێ سەدری دیار کر، سەرکردەکێ وان ل باژێرێ بەسرا ژ ئالیێ چەند چەکدارێن نەنیاس ڤە تەقە لێ هاتیەکرن و هاتیە کوشتن.
سەعد مالکی بەرپرسێ راگەهاندنا باسکێ سەدری راگەهاند، ئەڤرۆ پێنجشەمبێ ٦ شواتا ٢٠٢٠ێ حازم حلفی سەرکردێ هێزا سەرایا سەلام یا سەر ب باسکێ سەدری فە، ل،سەر رێیا محەمەد قاسم یا رۆژئاڤایێ بەسرا، د دەما چوونێ بۆ بۆ سەر کاری ژ ئالیێ چەند چەکدارێن نەنیاس ڤە هاتیە کوشتن.
هەروەسا ئاشکرا کر، تیرۆرکرنا حازم حلفی ب دو فیشەکان بوویە کو ب سەر یەک لێداینە و کوشتیە.
ئه‌ڤرۆ نیۆز، عه‌زیز هه‌ورامیی:
فه‌رمانده‌یه‌كی باڵای هێزی پێشمه‌رگه‌ی كوردستان هۆشداری ده‌دات له‌وه‌ی به‌ڕۆشتنه ده‌ره‌وه‌ی هێزی هاوپه‌یمانان له عێراق ئه‌وه سوپاس و حه‌شدی شه‌عبی توانای ڕوبه‌ڕوبونه‌وه‌ی گروپه چه‌كداره‌كانیان نییه له‌ماوه‌ی شه‌ش مانگ هێزێكی نوێ تیرۆرستی پڕچه‌ك دروستده‌كرێت.
لیوا ڕوكن ڕه‌شید عه‌بدولكه‌ریم،فه‌رمانده‌ی هێزی پێشمه‌رگه كوردستان،به ئه‌ڤرۆنیۆزی ڕاگه‌یاند:” ئه‌گه‌ربێت و هێزی هاوپه‌یمانان عێراق به‌جێ بهێڵن و ئه‌وكات هیچ ئاماده‌گییه‌كیان نابێت بۆ ڕوبه‌ڕوبونه‌وه‌ی گروپه تیرۆرستییه‌كان، شه‌ش مانگ ناخایه‌نێت دۆخێكی ئاڵۆز له عێراق دروست ده‌بێت”.
ناوبراو ئاماژه‌ی بۆ ئه‌وه‌شكرد:” داعش پاشماوه‌كانی ماوه جوڵه‌ی دروستبوونی گروپێكی ترهه‌یه و زانیارییمان لایه هێزێكی سه‌ربازیان ده‌بێت به‌ناوی سوفیانێ ته‌واوی گروپ و ڕێكخراوه تیرۆرستییه‌كانی تر له چوارچێوه‌ی ئه‌و ڕێكخراوه نوێییه كۆده‌كه‌نه‌وه، ته‌واوی به‌رپرسانی ڕێكخراوه‌كانی تر له‌ناو ده‌برێن”.
زیاتر وتی:” هێزه عێراقییه‌كان توانای كۆنتڕۆڵكردن و ڕوبه‌ڕوبونه‌وه‌یان له‌گه‌ڵ گروپه تیرۆرستییه‌كان نییه، ناچارده‌بن به‌رده‌وام داوای هاوكاری له وڵاتانی ده‌وروبه‌ر و ڕوسیا و ئه‌مریكا بكه‌ن بۆ ئه‌وه‌ی له ڕوبه‌ڕوی بونه‌وه‌ی تیرۆرستان هاوكاری بكرێن.
فه‌رمانده‌كه‌ی هێزی پێشمه‌رگه ده‌ڵێ، هێزه‌كانی حه‌شدی شه‌عبی گروپی سه‌ربه‌حزبه‌كانن له نه‌بوونی هێزی هاوپه‌یمانان له ناوچه‌كه شه‌ڕی ناوخۆی خۆیان هه‌ڵده‌گیرسێنن و هیچ كات ئاماده‌نین فه‌رمانه‌كانی سه‌رۆك وه‌زیرانی عێراق جێبه‌جێ بكه‌ن، بۆیه ڕۆشتنه ده‌ره‌وه‌ی هێزی هاوپه‌یمانان له عێراق گرفتێكی گه‌وره‌ی ئه‌منی ڕو له عێراق ده‌كات”.
ئه‌ڤرۆ نیوز:
ده‌نگوباسێ چوونا میسى نوكه بوویه ده‌نگوباسێ هه‌ره سه‌ره‌كى ل راگه‌هاندنا ئورۆپى زوربه‌یا ئه‌وان رۆژناما ئاشكراكریه دبیت میسى ل هاڤینا بهێت په‌یوه‌ندى ب یانه‌كا نوو بكه‌ت و هه‌ر ژبه‌ر وێ چه‌ندێ به‌رپرسێن یانا به‌رشه‌لۆنا پلانه‌ك دارشتى یه بۆ ده‌ست نیشانكرنا پێگوهورێ میسى هه‌كه ئه‌وى هه‌ڤبه‌ستا خوه ل گه‌ل وێ یانێ هه‌لوه‌شاند.
زێده‌تر هژماره‌كا راپورتێن رۆژنامه‌ڤانى ل ئیسپانیا و ئیتالیا دیاركریه به‌رپرسێن یانا به‌رشه‌لۆنا دو یاریزان ده‌ست نیشانكرینه هه‌كه میسى ل هاڤینا بهێت پێكهاتیێ به‌رشه‌لۆنا ب جه هێلا ئه‌وژى هه‌ر ئێك ژ مارتینێز یاریزانێ یانا ئه‌نتر میلان و نیمار یاریزانێ به‌رى نوكه یێ به‌رشه‌لۆنا و یانا پاریس سانجێرمان یێ نوكه.
ئەڤرۆ نیوز، عەلی حاجی :
پەیمانگەها زاخۆ یا نەحکومی ب هەڤکاری ل گەل لقا زاخۆ یا ئێکەتیا قوتابیێن کوردستانێ پێشانگەهەکا تایبەت ب وێنەیێن پێشمەرگەیێن دەڤەرە زاخۆ د شەرێ دژی رێکخراوا داعش دا شەهیف بوین ڤەکرن.
فاتیما سندی رێڤەبەرا پەیمانگەها زاخۆ یا نەحکومی بۆ ئەڤرۆ نیوز گوت : د ڤێ پێشانگەها تایبەت دا وێنەیێن ١٢٠ شەهیدێن دەڤەرا زاخۆنە د شەرێ رێکخراوا تیرویستیا داعش دا شەهید بوین و د ڤێ پێشانگەهێ دا بێ جیاوازی وێنەیێن هەمی شەهیدان هاتنە نیشاندان و مەرەم ژ ڤەکرنا ڤێ پێشانگەهێ ئەو بوو کو رێز ل خوینا پاقژا ڤان شەهیدان بهێتە گرتن و هەر دیسان نە بتنێ رێزێ ل شەهیدێن دەڤەرا زاخۆ دگرین بەلکو رێزێ ل هەمی شەهیدێن کوردستانێ دگرین.
و گوت ژی : بۆ ئێکەم جارە پێشانگەهەکا ب ڤی رەنگی ل پەیمانگەها مە بهێتە ڤەکرن وەکو پەیمانگەهـ ژی خواندنا کەس و کارێن شەهیدان بێ بەرامبەرە ل پەیمانگەها مە ژبەر کو کەس و کارێن شەهیدان پێدڤی ب چاڤدێریێ هەنە ژهەر لایەکێ ڤە ژبەر ڤێ چەندێ مە ئەم پێنگاڤە پێخەمەتی خزمەت کرنا کەس و کارێن شەهیدان دا هاڤێتیە .
ئه‌ڤرۆ نیوز:
پێنچ یانه چاڤه‌رێ ستێرا ئه‌رژه‌نتینى لیونێل میسى نه هه‌كه ل هاڤینا بهێت پێكهاتیێ به‌رشه‌لۆنا بجه بهێلت .
رۆژناما “لاگازیتا دیللو سپورت” دیاركریه میسى ناخوازیت به‌رده‌وامى ب ده‌ته كاروانێ خوه ل یانا به‌رشه‌لۆنا تایبه‌ت پشتى وێ ئاریشا دناڤبه‌را وى و هه‌ڤالێ وى یێ به‌رى نوكه ل یانێ و رێڤه‌به‌رێ تیمێ یێ نوكه ئیریك ئیبدال په‌یدابووى ل چه‌ند رۆژێن بورى.
هه‌ردیسان وێ رۆژنامێ ئاشكراكریه ژى پێنچ یانه چاڤه‌رێ وى ستێرا به‌رشه‌لۆنا نه هه‌كه هه‌ڤبه‌ستا خوه درێژ نه‌كر ل گه‌ل به‌رشه‌لۆنا بۆ پێشكێشكرنا هه‌ڤبه‌ستێ كو بریاره هه‌ڤبه‌ستا وى یاریزانى ل 2021 ب دووماهیى بهێت لێ د شیان دا هه‌یه ل هاڤینا بهێت په‌یوه‌ندى ب یانه‌كا نوو بكه‌ت.
ئه‌وێ رۆژنامێ ناڤێ ئه‌وان هه‌ر پێنچ یانان ئاشكراكریه ئه‌وێن به‌رهه‌ڤیا خوه دیاركرى بۆ ڤه‌گوهاستنا میسى ب هه‌ر كوژمه‌كێ هه‌بیت ئه‌وژى هه‌ر ئێك ژ یانێن مانچێسته‌ر سیتى و مان یونایتد یێن ئنگلیزى و یوڤانتوس و ئه‌نتر میلان یێن ئیتالى و هه‌ردیسان پاریس سانجێرمان یا فره‌نسى .
ژلایه‌كێ دیڤه رۆژناما دیلى میل یا برێتانى هه‌مان ده‌نگوباس به‌لاڤه‌كریه و دیاركریه یانا مانچێیسته‌ر سیتى ژ هه‌ر یانه‌كا دى پتر نێزیكى ئیمزاكرنا میسى و وێ یانێ كوژمێ 85 ملیون یورۆیا به‌رهه‌ڤكریه بۆ موچه‌یێ وى یێ سالانه.
ئەڤرۆ نیوز:
ڤەکولینەکا نو هۆشداریێ دەربارەی خوارنا چەنگ و ملێن مریشکێ ددەت، چونکی ئەو بەشە دبیتە ئەگەرێ چەندین نەخۆشیێن وەک سستبوونا گولچیسکان و لاوازبوونا حەزا سکسی ل دەف زەلامان، ژبەرکو دەرزیا (ستیرۆید) کو هەریکاریا گەشەیا مریشکێ ددەت، د دەمەکێ کێمدا دهێتە دان د وان بەشان دا.
مالپەرێ هێلس لاین دیار کریە، کو مادێ (ستیرۆید) کار دکەتە سەر هۆرمۆنێن لەش و رەنگە ببیتە ئەگەرێ قەلەویێ یان ئەگەرێ هندێ هەیە، ل دەف زارۆیان کار بکەتە سەر وان هۆرمۆنێن کو بەرپرسن ژ پێکهاتن و ب هێزبوونا هەستیان.
گۆتیە ژی، خوارنا چەنگێن مریشکێ دێ بیتە ئەگەرێ گربوونا دەنگ و دەرکەفتنا مییان ل سەر لەشی.
ئه‌ڤرۆ نیوز:
یانا به‌رشه‌لۆنا ل سه‌ر تورا چڤاكى یا مالپه‌رێ خوه یێ تویته‌رى ب فه‌رمى جهێ نشته‌گه‌رى و ماوێ دوركه‌فتنا ستێرا خوه یا فره‌نسى دێمبیلى ئاشكرا كر .
مالپه‌رێ وێ یانێ دیاركریه ژى بریاره ل رۆژا سێ شه‌مبیا بهێت ل باژێرێ توركو یێ فیله‌ندى نشته‌گه‌رى بۆ دێمبیلى بهێته‌كرن پشتى ل رۆژا دوشه‌مبیا بورى ئه‌و یاریزان توشى هنگافتنێ بووى.
هه‌ردیسان هاتیه دیاكرن ژى ئه‌و یاریزان بۆ ماوێ 4 هه‌تا 5 هه‌یڤان دێ ژ یاریگه‌هان دوركه‌فیت ئانكو هه‌تا دووماهیا ڤى وه‌رزى ئه‌و یاریزان پشكدارى ل گه‌ل یانا خوه ناكه‌ت.
ئەڤرۆ نیوز:
ل گۆر دووماهی ئامارێن کو وەزارەتا ساخلەمیێ یا تورکیا بەلاڤکریە ژ بەر رەنیا بەفرێ یا دوهی ل باژێرێ میکسێ یێ سەر ب پارێزگەها وانێ هەتا نها ٣٩ وەلاتیان جانێ خوە ژ دەست داینە و گەلەک کەس ژی بریندارن و چارەنڤیسێ ب دەهان کەسان ژی هەتا نها دیار نینە و تیمێن هەوارهاتنێ ژی بەردەوام ل وی جهی کار دکەن دا کەسێن د ناڤ بەفرێ دا دەربخینن.
ئەڤرۆ نیوز، هۆشه‌نگ تاجر:
فه‌یسه‌ل ئیسماعیل ئه‌ندامێ لیژنا شیره‌تكاریێ یا پارتی دیموكراتی كوردستان/ سووریێ د دیداره‌كا تایبه‌ت دا ل گه‌ل رۆژناما ئه‌ڤرۆ دیار كر كو به‌ری نها چه‌ندین هه‌ڤدیتن د ناڤبه‌را ئه‌نجوومه‌نێ نشتیمانی یێ كوردی ل سووریێ ل گه‌ل نوونه‌رێن ئه‌مریكا و روسیا دا هاتنه كرن و هه‌ر دو وه‌لاتان ژی داخواز ژ ئه‌نه‌كه‌سێ كرن كو ب ره‌نگه‌كێ ب هێز ڤه‌گه‌ریته ناڤ خه‌باتا سووریێ و رۆژئاڤایێ كوردستانێ و ل سه‌ر داخوازا وان ژی ئه‌نجوومه‌نێ نشتیمانی یێ كوردی ل سووریێ بریار دا كو هه‌موو باره‌گایێن خوه ل رۆژئاڤایێ كوردستانێ ڤه‌كه‌ت و گۆت: (ئه‌مریكا و روسیا ل دۆر چاوانیا چاره‌سه‌ركرنا پرسا سووریێ رێككه‌فتینه و د رێككه‌فتنا هه‌ر دو ئالیان دا به‌حسێ هندێ ژی هاتیه كرن كو دڤێت پرسا كوردی ژی د چارچۆڤێ سووریایه‌كا نوو دا بهێته چاره‌سه‌ركرن، توركیا ژ پرۆژێ نوو یێ هه‌ر دو وه‌لاتێن زلهێز دلگرانه و دو رۆژان به‌ری نها هێزه‌كا سه‌ربازی یا روسیا سه‌ره‌دانا عه‌فرینێ كریه و داخواز كریه كو هه‌موو ئالایێن توركیا ل عه‌فرینێ بهێنه خوارێ، چونكو روسیا نه‌ڤێت ئێدی توركیا ره‌وشا سووریێ و رۆژئاڤایێ كوردستانێ ئالۆزتر بكه‌ت).
ناڤهاتی ئه‌و یه‌ك ژی دیار كر كو روسیا ب هه‌موو ره‌نگه‌كێ هاریكاریا رژێما سووریێ دكه‌ت دا شام بشێت هه‌موو ئاخا سووریێ جاره‌كا دی كۆنترۆل بكه‌ت، لێ د هه‌مان ده‌می دا كورد ژی بگه‌هنه مافێن خوه، ژ به‌ر هندێ ژی داخواز ژ ئه‌نجوومه‌نێ نشتیمانی هاته كرن كو باره‌گایێن خوه ڤه‌كه‌ن و ب ره‌نگه‌كێ ئه‌كتیڤ ژ بۆ چاره‌سه‌ریا پرسا كوردی ل سووریێ كار بكه‌ن و گۆت: (ڤێ دووماهیێ هه‌م وه‌زیرێ ده‌رڤه یێ روسیا و هه‌م ژی جێگرێ وی سه‌ره‌دانا هه‌رێما كوردستانێ كرن و ل گه‌ل سه‌رۆك بارزانی كۆمبوون، روسیا دڤێت پرسا كوردی ل سووریێ بهێته چاره‌سه‌ركرن و هه‌رێما كوردستانێ ژی چه‌ندین جاران داخواز ژ روسیا كریه كو هاریكاریا كوردان بهێته كرن، ئانكۆ ب كورتی من دڤێت بێژم رۆلێ هه‌رێما كوردستانێ ب تایبه‌تی ژی یێ جه‌نابێ سه‌رۆك بارزانی گه‌له‌ك گرنگه).
ئه‌ندامێ لیژنا شیره‌تكاریێ یا پارتی دیموكراتی كوردستان/ سووریێ د دووماهیا ئاخڤتنا خوه دا ئه‌و یه‌ك ژی دیار كر كو پشتی سه‌ره‌دانا ڤێ دووماهیێ یا شاندێ روسیا بۆ هه‌رێما كوردستانێ و هه‌ڤدیتنا وان ل گه‌ل ئه‌نه‌كه‌سێ شاندێ روسی ل رۆژئاڤایێ كوردستانێ ل گه‌ل به‌رپرسێن ته‌ڤده‌مێ ژی كۆمبووینه، ئه‌و یه‌ك ژی نیشا دده‌ت كو روسیا ب ره‌نگه‌كێ جدی كار دكه‌ت دا قه‌یرانا سووریێ بهێته چاره‌سه‌ركرن و كورد ژی بگه‌هنه مافێن خوه.
ئه‌ڤرۆنیوز، بارزان مزووری:
ئه‌ڤرۆ به‌ری نیڤرۆ رێكه‌فتی 6/2/2020 پێكهاتێن ده‌شتا نه‌ینه‌وا دژین خۆپیشاندانه‌ك ئه‌نجام دا ل دژی هه‌بونا چه‌كدارێن حه‌شدا شه‌عبی داخاز ژ حكومه‌تا عێراقێ و نه‌ته‌وه‌یێن ئێكگرتی دكه‌ن ده‌ڤه‌رێن كوردستانی ل سنورێ پارێزگه‌ها نه‌ینه‌وا ژ لایێ سوپایێ عێراقێ و پێشمه‌رگه‌ی ڤه بهێن پاراستن.
غازی زه‌كی شه‌معون رێكخه‌رێ خۆپیشاندانێ ل ده‌شتا نه‌ینه‌وا بۆ ئه‌ڤرۆ نیوز گۆت:ئه‌ڤه زێده‌تری شه‌ش ساله ئه‌و پێك هاتێن ل ده‌شتا نه‌ینه‌وا دژین پتریا وان د ژیانا ئاواره‌ی یێ داد ژین ژبه‌ر نه ئارامیا ده‌ڤه‌رێن مه لبن ده‌ستهه‌لاتداریا حه‌شدا شه‌عبی ،داخاز ل حكومه‌تا عێراقێ و نه‌ته‌وه‌یێن ئێكگرتو دكه‌ین ده‌ڤه‌رێن كوردستانی ل سنورێ پارێزگه‌ها مووسل ژ ژلایێ سوپایێ عێراقێ و هێزێن پێشمه‌رگه‌ی بهێن پاراستن داكو كوردستانێن وێ ده‌ڤه‌رێ ب ئارامی بژین ڤه‌گه‌رنه ل سه‌ر وارگه‌هێن خو یێن جاران.
ناڤهاتی خویاكر ئه‌و هه‌موو پێك هات پێك دهاتن ژ ئێزدی موسلمان و ئێزدی و شه‌به‌ك و مه‌سیحی هه‌موو ب ئێك ده‌ست ئه‌ڤرۆ ب ئێك داخازی هه‌وارا خۆ دگه‌هینه جهێن شوله‌ژێ بۆ ئارامكرنا ده‌ڤه‌رێن خوە.
محه‌مه‌د عزه‌ت،ئێك ژ جوتیارێن وێ ده‌ڤه‌رێ بۆ ئه‌ڤرۆ نیوز گۆت:ئه‌ڤه جه‌ندین ساله عه‌ردێن مه یێن چاندنێ دهێنه چاندن ژلایێ لایه‌نگرێن حه‌شدا شه‌عبی ڤه رێك ل مه ناهێت دان ژلایێ حه‌شدێ ڤه كۆ ڤه‌گه‌رین بۆ سه‌ر عه‌ردێ خۆ ،پێتڤیه حكومه‌تا عێراقێ لدوڤ ده‌نگێ ڤان پێك هاتا بهێت یا بێده‌نگ نه‌بیت و دڤێت پێشمه‌رگه و له‌شكه‌رێ عێراقێ زێره‌ڤانیێ ل پێك هاتا بكه‌ت.
نيشاندان