ئەڤرۆ نیوز:
ڤەکولینەکا نوو یا زانستی ده‌رخستیه، کو خوارنا گۆشتێ مریشكێ دوجاران د حه‌فتیه‌كێ دا و خوارنا گۆشتێ سوور یێ ده‌ستكرد، هۆكارن بۆ پێشخستنا مرنێ و تۆشبوون ب نه‌خۆشیێن دلی.
ڤەکولەرێن هه‌ردو زانكۆیێن نۆرث ویسترن و كۆرنیل (30) هزار كه‌س خستینه ژێر چاڤدێریێ.
ژ ئه‌نجامێ وێ ڤەکولینێ ده‌ركه‌فتیه، حەز ژێکەرێن گۆشتێ هاتیە دروستكرن، د دەمێ دو دەهێن بوری دا، پتر روو ب روو مه‌ترسیێن جه‌لتەیا دلی بووینە.
به‌لێ ئه‌و مه‌ترسیه پیچەک كێمتره ل دەف وان كه‌سێن گۆشتێ مریشكان خواری، یان گۆشتێ سوور یێ ئاژه‌لان خواری، ب کێمی ڤە دو جاران د حه‌فتیه‌كێ دا.
وێ ڤەکولینێ ده‌رخستیه، خوارنا گۆشتێ سوور، ب رێژا (%3) ئه‌گه‌رێ مرنا پێشوه‌خت زێدەتر دکەت، لێ ئەوێن گۆشتێ ماسی دخۆن مه‌ترسی ل سه‌ر نینه.
نورینا ئه‌لین، مامۆستایا هاریکار ل نۆشداریا خوەپارێزیێ ل كۆلیژا نۆشداریێ ل زانكۆیا نۆرث وسترن، گوتیە: جۆداهیەکا ساده هه‌یه، ئه‌ڤ بابه‌ته شیانا هندێ هەیه لێ هشیار بین و سنۆرەکێ بۆ خوارنا گۆشتێ سوور و گۆشتێ هنتیە دروستكری و گۆشتێ بژارتی دانین، چونكی به‌رده‌وامی ل سه‌ر نه‌ریتێ گۆشت خوارنێ مه‌ترسیا سه‌رهه‌لدانا نه‌خۆشیا په‌نجه‌شێرێ لدووڤ هەیە.
هه‌روەسا ڤیكتۆر چۆنگ مامۆستایێ هاریکار ل زانستێ خوارنناسیێ ل زانكۆیا كۆرنیل گوتیە: زێدە خوارنا گۆشتی مه‌ترسی ل سه‌ر دلی دروست دکەت، پێدڤیه سنۆرەک بۆ بهێتە دانان، چونكی ئه‌و خوارنه یا ده‌ولە‌مه‌نده ب پرۆتینێ ئاژه‌لی و دشێت ببیتە هاریکار بۆ تۆشبوون ب نه‌خۆشیێن دلی و مرنا پێشوه‌خت.
هەروەسا ئه‌نجامێ ڤێ ڤەکولینا زانستی ل گۆڤارا نۆشداریا هناڤا یا ناسیار ب (JAMA) هاتیە بەلاڤ کرن.
نيشاندان
