ئه‌ڤرۆ نیۆز، قائید میرۆ:
پشتی بڕیارا سه‌در و ئاخفتنێن عه‌لی سیستانی مه‌رجه‌عی بلندێ شیعه‌یێن عێراقێ كاریگه‌ری لسه‌ر لاوازبوونا خۆنیشاندانێن عێراقێ هه‌بوویه نوونه‌ره‌كا كوردژی دبێژیت، پۆستێ سه‌رۆك وه‌زیران دێ ئێكلا بیت و خۆنیشاندانژی دێ ب دوماهی هێن.
مه‌یاده نه‌جار، په‌رله‌مانتارا پارتی ل په‌رله‌مانێ عێراقێ بۆ ئه‌ڤرۆ نیۆز دیاركر” شیعه دخوازن دوماهیێ ب خۆنیشاندانێن عێراقێ بینن، چونكه ئه‌ڤه نێزیكی چوار هه‌یڤانه خۆنیشاندان د به‌رده‌وامن و چو به‌رهه‌مژی نه‌بووینه، له‌وڕا بڕیار هاتیه دان ژلایێ سه‌ركرده و مه‌رجه‌عێن شیعه‌یێن عێراقێ خۆنیشاندان ب دووماهی بهێن.
ئه‌ڤی په‌رله‌مانتارا پارتی ئاشكراكر” بزاڤێن زۆر یێ دهێنه‌كرن بۆ ئێكلا كرنا پۆستێ سه‌رۆك وه‌زیرێن عێراقێ و نێزیك دێ بابه‌تێ دیاركرنا كه‌سه‌كی بۆ پۆستی سه‌رۆك وه‌زیران ئێكلا بیت و خۆنیشاندانژی دێ ب دوماهی بهێن.
مه‌یاد نه‌جار ئه‌ویه‌كژی نه‌ڤه‌شارت، كو دوماهی ئینان ب خۆنیشاندانێن عێراقێ پێنگاڤه‌كا ب زه‌حمه‌ته، چونكه خۆنیشانده‌رژی بسه‌ر چه‌ندین گروپان به‌لاف بووینه و هه‌ر ئێك ژوانا داخوازیێن خوه هه‌نه.
نيشاندان