ئەڤرۆ نیوز:
ژبەر دژواریا سەقای سوبەهی شەمبیێ 25.1.2020 بهێنڤەدانە ل هەموو قوتابخانێن سنۆرێ قەزا ئامێدیێ.
د پەیامەکێ دا ئیسماعیل مستەفا رەشید قایممقامێ قەزا ئامێدیێ راگەهاند : ژبەر وێ پێلا بارینا بەفرێ ئەوا قەزا ئامێدیێ ب گشتی ڤەگرتی، ژبەر دژواریا سەقایی و ئاستەنگیا رێکێن هاتنوچوونێ، هەروەسا ژ بۆ بەرژەوەندا قوتابیان و دروست نەبوونا چ روودانان سوبەهی رۆژا شەمبیێ رێکەفتی ( ۲٥-۱-۲۰۲۰) بهێنڤەدانە بۆ سەرجەم قوتابخانێن دکەڤنە سنورێ قەزا ئامێدیێ دا.
ئەڤرۆ نیوز:
ڤەکولینەکا نوو دەرخستیە، كو كۆنترۆلکرنا ژ ئالیێ ژنێ ڤە، دێ ژیانەکا ساخلەم بەخشیتە هەڤژینێ وێ.
بۆ سەلماندنا ڤێ ڤەکولینێ وان دەرخستیە، كو هەردو هەڤژینان كاریگەری ل سەر ساخلەمی و تەمەن درێژیا ئێکدو هەیە.
جڤاکناسیا زانكۆیا میشیگان ڤەکولینەک ئەنجامدایە و دیار کریە، هەکە زەلامەکێ ب دل نەخۆشی هەڤژینی پێکئینابیت، دێ مەترسیا تووشبوون ب نەخۆشیا شەكرێ كێم کەت.
هوی لیو سەرپەرشتیارێ وێ ڤەکولینێ گۆتیە: دبیت ئەڤە ب ئەگەرێ وێ راستیێ بیت، كو هندەک ژ ژنان رێنمایێن ساخلەمیێ ل هەڤژینێن خوە دكەن، ب تایبەت دەمێ هەڤژینێن وان د نەخۆش بن، یان ژی نەخۆشیا وەكو یا شەكرێ هەبیت، كو پێدڤی ب رێبەریێ هەیە.
گۆت ژی: هەر چەند زەلام ب ڤێ چەندێ دلخۆش نابیت، چونکی هەڤژینا وی فەرمانان لێ دکەت، بەلێ ل دوماهیێ ئەو چەندە د بەرژەوەندیا وی دایە.
هەروەسا وێ ڤەکولینێ دیار کریە، بەرۆڤاژیا ڤێ یا ڕاستە بۆ ژنان، کو پەیوەندیەكا باش یا هەڤژینیێ مەترسیا نەخۆشیا شەكرێ بۆ ٥ سالا دوور د ئێخیت، ئەڤەژی ب ئەگەرێ هەستیاریا ژنانە، كو وەلێ دکەت، وان پێدڤی ب كوالێتیەكا باش یا هەڤژینیێ بیت.
ئەڤرۆ نیوز، زنار تۆڤی:
ئەڤرۆ تیروپشکا قۆناغا 16 یا جاما شاهێ ئیسپانا هاتە راکێشان و ڤێ قۆناغێدا یانا ریال مەدرید دێ روو ب روو ریال زاراگۆزا بیت، بارسێلۆنا دێ بەرامبەر لیگانیس یاریێ کەت.
یارییێن قۆناغا ١٦ دێ ب سیستەمێ ئێک یاریێ خۆسارەتیێ برێڤە چیت، کو سەرجەم یاری دێ رۆژا 29 ڤێ هەیڤێ هێنە کرن، ریال مەدرید ل سانتیاگۆ بێرنابیۆ دێ مێهڤانداریا ریال زاراگۆزا کەت، بەلێ بارسێلۆنا ل دەرڤەی یاریگەها خوە بیتە مێهڤانا لیگانس.
هەتا قۆناغا بەری دوماهیێ سەرجەم قۆناغ دێ ب سیستەمێ ئێک خۆسارەتی برێڤە چن، لێ ب تنێ د قۆناغا بەری دوماهیێ نەبیت دو یاریێن چوون و هاتنێ دێ هێنە کرن، کو ئێکەم جارە جاما شاهێ ئیسپانیا ب ڤی سیستەمی برێڤە دچیت.
یاری دێ ب ڤی رەنگی بن:
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا وەلاتیەک بریندار بوو.
ناڤهاتی زێدەتر دا دیار کرن: ئەڤرۆ ئەینیێ 2020/1/24 ل دەمژمـێر (3:00) ئێڤاری ل ناڤ سەنتەرێ قەزا زاخۆ، ل نێزیکی ئۆڤەر پاسا سەرێ گوندکی ترۆمبێلەکا تایبەت ئوپل ب رەنگێ سپی ل ژێر کونترۆلا شوفێری دەرکەفتیە و خوە ل ستوونا کارەبێ دا و د ئەنجامدا کەسەک ب سڤکی بریندار بوویە و زیانێن مـادى ب ترومبێلێ کەفتینە.
ئەڤرۆ نیوز، زنار تۆڤی:
ئەمیر ئەترۆشی بەرپرسێ راگەهاندنێ ل رێڤەبەریا گشتی یا باژێرڤانیان ل پارێزگەها دهۆکێ بۆ ئەڤرۆ نیوز دیار کر: رێڤه‌به‌ریا گشتی یا باژێرڤانیان ل پارێزگه‌ها دهۆكێ هوشداریێ ددەتە وەلاتیان کو قه‌ستا رێكێن ده‌رڤه‌ی باژێران نه‌كه‌ن، چونكی سەقا گه‌له‌ك تێكچوویه ژ ئەنجامێ بەفر بارینێ مه‌ترسی ل سه‌ر رێیا هه‌یه.
هەروەسا گۆت: رێڤه‌به‌ریا گشتی یا باژێرڤانیان ل پارێزگه‌ها دهۆكێ ب رێیا باژێرڤانیێن خوه یێن قه‌زا و ناحیان، پتر ژ 20 تیمان پێكئیناینه و نوکە ل ناڤ جهێن به‌فر دباریت كار دكه‌ن بۆ ڤه‌كرنا رێكێن ناڤ باژێركان و رێكێن سه‌ره‌كی و به‌رده‌وام د هانا وان وەلاتیان دچن ئه‌وێن دناڤ به‌فرێ دا ئاسێ بووین و هاریكاریا وان دكه‌ن بۆ قورتالبوونێ.
ناڤهاتی زێدەتر گۆت: رێڤه‌به‌ریا گشتیا باژێرڤانیان ل پارێزگه‌ها دهۆكێ ئاگه‌هداریا هه‌موو شۆفێر و هاوولاتیان دكه‌ت ب چو ره‌نگان نه‌چنه رێكێن ده‌رڤه‌ی باژێری، چونكو به‌فر ژ شه‌ڤا بۆری وه‌ره به‌رده‌وام دباریت و پتریا رێكان هاتینه داخستن، سه‌ره‌رای هندێ پتر ژ 20 تیمان به‌رده‌وام د كاركرنێ دانه بۆ ڤه‌كرنا رێكا.
ل هه‌موو ده‌ڤه‌را ئامێدیێ و پشكه‌كا ده‌ڤه‌را ئاكرێ به‌فر باری یه، كێشه بۆ هاتن و چوونا شوفێر و وه‌لاتیان دروستكریه، بویه ئه‌گه‌رێ ژكاركه‌فتن و گرتنا هنده‌ك ژ رێكێن سه‌ره‌كی و لاوه‌كی، تیمێن رامالینا به‌فرێ ژلایێ هه‌موو وان باژێرڤانیێن كو به‌فر ل ده‌ڤه‌رێن وان باری، ل سه‌ر ڤه‌كرنا رێیا ژ به‌فرێ به‌رده‌وامن ب تایبه‌تی ل چیایێ پیرس و كانی ماسێ و چه‌مانكێ و سه‌رسنكێ و دێره‌لووكێ و قه‌دشێ و زاویته و باگێرا و مانگێش و ئه‌ترووش.
ئه‌ڤرۆ نیوز:
سه‌رۆكێ هه‌رێما كوردستانێ ئه‌گه‌رێ دانانا ئالایێ كوردستانێ ل ده‌می كۆمبوونا ل گه‌ل سه‌رۆكێ ئه‌مریكا دیاركر دانانا ئالایێ كوردستانێ په‌یامه‌كه بۆ هه‌مو كوردان نه بتنێ بۆ كوردێن عیراقێ.
نێچیرڤان بارزانی سه‌رۆكێ هه‌رێما كوردستانێ د پرێس كۆنفرانسه‌كی دا ل داڤوس راگه‌هاند: دانانا ئالایێ كوردستانێ ل كۆمبوونا ل گه‌ل سه‌رۆكێ ئه‌مریكا ئاماژه‌یه‌كه بۆ گرنگی و پێته پێدان ب خه‌بات و قوربانیێن نه‌ته‌وه‌یا كورد و په‌یامه‌كه ژی بۆ هه‌موو كوردان.
سه‌رۆكێ هه‌رێمێ ل سه‌ر ڤه‌كێشانا هێزێن ئه‌مریكا راگه‌هاند هه‌لویستێ هه‌رێما كوردستانێ ل سه‌ر مانا هیزێن بیانی ل عیراقێ روونه، ئه‌ڤ هێزه بۆ هه‌ڤكاریكرنا عیراقێ ل سه‌ر داخازیا به‌غدا هاتینه، مانا وان بۆ به‌رهنگاربوونا داعشێ پێدڤیه، چونكو داعش بۆ كوردستان و عیراقێ مه‌ترسیه‌كا مه‌زنن و دڤێت ئه‌و هیز بمینن تا ئه‌وی ده‌می ئه‌م هه‌می ب باوه‌ری بێژین داعش نه‌ما.
نێچیرڤان بارزانی ل سه‌ر كۆمبوونا ل گه‌ل ترمپ به‌حسێ په‌یوه‌ندیێن هه‌ولێر و به‌غدا راگه‌هاند سه‌رۆكێ ئه‌مریكا رێزه‌كا مه‌زن هه‌بو بۆ قوربانیدانا هێزا پێشمه‌رگه‌یێ و هه‌رێما كوردستانێ بوویه جهه‌كێ ئارام بۆ ئاواره و رزگاربوویان.
ئه‌ڤرۆی نیوز:
سه‌رۆكێ هه‌رێما كوردستانێ ل گه‌ل ئه‌نتونیو گۆتێرێس سكرتێرێ گشتی یێ نه‌ته‌وه‌یێن ئیكگرتی كۆمبوو،دوێ كۆمبوونێ دا پێشهات و گوهورینێن ده‌ڤه‌رێ شرۆڤه‌كرن.
سپده‌هیا ئه‌ڤرۆ 24/1/2020 نێچیرڤان بارزانی سه‌رۆكێ هه‌رێما كوردستانێ ل گۆپیتكا داڤوسێ ل گه‌ل ئه‌نتوتیوگۆتێرێس سكرتێرێ گشتی یێ نه‌ته‌وه‌یێن ئێكگرتی كۆمبوو به‌حسێ خونیشاندان و ره‌وشا عیراقێ و ده‌ڤه‌رێ و بزاڤ بۆ ئارامكرنا ئالوزیان و رۆلێ نه‌ته‌وه‌یێن ئێكگرتی كرن.
هه‌ر دوێ كۆمبوونا سه‌رۆكی هه‌رێمێ دا ل گه‌ل سكرتێری گشتی یێ نه‌ته‌وه‌یێن ئیكگرتی دا دانوستاندن ل سه‌ر كار و چالاكیێن یوئێنێ و ده‌زگه‌هـ و ئاژانسێن ل عیراقێ و هه‌رێمێ و ره‌وشا ئاوارێن عیراقی و سوریا ل هه‌رێمێ و هاریكاریكرنا وان و پرۆسه‌یا سیاسی و بزاڤێن بۆ پێك ئینانا كابینا نوویا حوكمه‌تا عیراپی كرن.
ئەڤرۆ نیوز، مەحمود نهێلی:
قایمقامێ قەزا ئامێدیێ ب رێکا ئەڤرۆ نیوز داخازێ ژ هاولاتیێن دەڤەرێ دکەت هەکە کاره‌کێ زۆرێ پێدڤی نەبیت هاتن و چونێ نەکەت.
ئیسماعیل موستەفا رەشید قایمقامێ قەزا ئمامێدیێ دیار کر، هەر چەندە تیمێن وان یێن بەردەوامن ل سەر ڤەکرنا رێکان ژ بەفرێ لێ ژ بەر بارینا بەفرێ ب شێوەیەکی بەردەوام و زۆر تا لایەکی ڤەدکەن لایەکی دی یێ رێکێ دەهێتە گرتن. و گۆت :ئەم داخازێ ژ هاولاتی و خەلکێ خوە دکەین هەکە کەرەکێ زۆرێ پێدڤی و گرنگ نەبیت هاتن و چونێ نەکەن چونکە رێک گەلەک دنە خوەشن و بەفر بارین یا بەردەوامە و ل هند جهان رێژەکا گەلەک یا بەفرێ باریە.
ئەڤرۆ نیوز، نەوزاد هلۆر:
ددەما 24 دەمژمێرێن بوری ل سنورێ دەڤەرا بارزان 35سم بەفرێ ل گەل 25ملم بارانێ باری نە، بارینا بەفرێ د نوکە ژی دا بەردەوامە.
محەمەد مێرگەسووری، رێڤەبەرێ چاندنا مێرگەسوور بۆ ئەڤرۆ نیوز گۆت:باران و بەفر ل دەڤەرێن جودایێن سنوورێ دەڤەرا بارزان بەردەوامە، ددەما 24 دەمژمێرێن بوری 35سم بەفر و 25ملم بارانێ باری نە، کوما گشتی یا بەفرێ ل ئەڤ سالە گەهشتە 91سم و 578ملم بارانێ.
زێدەتر گۆت: (سالا بوری هەتا ئەڤرۆ 77سم بەفرێ و هزار و 187ملم بارانی باری بوون، ئانکو زڤستانا ئەڤسالە بەفر پتر باری یە، بەلێ سالا بوری هەتا ئەڤرۆ باران پتر باری بو). بارینا بەفر و بارانێ ل سنوورێ دەڤەرا بارزان ل جهەکێ بۆ جهەکێ دن جوداهی هەیە، ل دەڤەرێن نزم زێدەتر باران باری یە، بەلێ دەڤەرێن بلند بەفر پتر باری یە، بو نموونە ل گوندەوارێن مینا لیرە و سێلکێ ئەڤ سالە پتری دو مەترێن بەفر باری نە، بەلێ گوندەوار و جهێن مینا بلێ و بارزان و بالندا دناڤبەرا 10 بۆ 30سم بەفرێ باری نە و وان دەڤەرا زێدەتر باران باری یە.
ئەڤرۆ نیوز، مەحمود نهێلی:
قایمقامێ قەزا ئامێدیێ بو ئەڤرۆ نیوز دیار کر، پشتی بارینا پێلەکا بەفرێ ب سەر دەڤەرێ دا، تیمێن پاقژکرنا رێیان ل سەرانسەرێ دەڤەرێ بەلاڤبووینە و تەڤایا رێیێن سەرەکی هاتینەڤەکرن.
ئسماعیل موستەفا رەشید قایمقامێ قەزا ئامێدیێ دیار ژی کر ، تیمێن وان بەردەوامن ل سەر ڤەکرنا جادەیان و گۆت : تەڤایا تیمێن باژێرڤانیێن سەر ب قەزا ئامێدیێ ڤە نوکە د دکاری دانە بو ڤەکرنا رێیێن نافخوەیێن باژێر و کومەلگەهان و هەروەسا تیمەکا رێڤەبەریا سەخبێرکرنا رێک و پران یا دهوکێ ژی دکاری دایە بو ڤەکرنا رێیێن دەرڤە و سەرەکی و گوندێن نێزیک یێن دەڤەرا ئامێدیێ وتەڤایا رێیان دنهادا ڤەکرینە. هەروەسا تەکەز ژی کر ، زێدەباری برینا بەفرێ ب بەردەوامی لێ تیمێن وان بەردەوامن ل سەر ڤەکرنا رێیان و بتنێ ریێن چەند گوندان ماینە نەهاتیە ڤەکرن و ئەو ژی دیارە گەلەک دووری رێ یێن سەرەکی نە. لێ داخازا ژ هاولاتیان کر، هەکە کارەکی فەر نەبیت بلا هاتن و چونێ نەکەن ژ بەر داکو توشی روودانان نەبن .
نيشاندان