ئەڤرۆ نیوز:

هەڤپەیمانیا نێڤدەولەتی یا ل دژی داعشێ د داخۆیانیەکێ دا راگەهاندیە کو ل دێرازۆرێ ب هەڤکاری ل گەل هێزێن سووریا دیموکرات شیاینە بەرپرسێ کاروبارێن پەترۆلێ یێ داعشێ ب ناڤێ ئەبو وەلید عیراقی بکوژن.

هاتە زانین کو ئۆپەراسیۆنا هەڤپشک یا هەڤپەیمانیا نێڤدوەلەتی و هێزێن سووریا دیموکرات ل ١٥ ڤێ مەهێ برێڤە چوویە و چەندین چەکدارێن دی یێن داعشێ ژی هاتینە کوشتن.

ئەڤرۆ نیۆز، قائید میرۆ:

ل ناحیا عەنکاوە یا نێزیک سەنتەرێ باژێڕێ ھەولێرێ تەرمێ سێ کەسان کو ئێک خێزانن ھاتە دیتن و پۆلیسێن ھەولێرێ ژی ئاشکراکر، ئەو سێ کەسێن ھاتینە کوشتن خەلکێ مووسلن.

رائید ھۆگر عەزیز، پەیڤدارێ پۆلیسێن ھەولێرێ بۆ ئەڤرۆ نیۆز دیارکر” رۆژا ١٩ی ھەیڤێ ھێزێن پۆلیسان ل روویدانەکێ ھاتینە ئاگەھدارکرن کو ھژمارەک تەرم دناڤا مالەکا ناحیا عەنکاوە یا پارێزگەھا ھەولێرێ ھەنە و پشتی گەھشتنا پۆلیسان بۆ جھێ روویدانێ دەرکەفت سێ کەس یێن ئێک خێزان ھاتینە کوشتن و تەمرێ وانژی ھاتیە ڤەگوھاستن بۆ نۆشداریا داد.

پەیڤدارێ پۆلیسێن ھەولێرێ ئاماژەکر” ئەو سێ کەسێن ھاتینە کوشتن خەلکێ مووسلن و بەری نوکە وەک ئاوارە ھاتینە ھەولێرێ و ل ناحیا عەنکاوە ئاکنجیبووینە.

رائید ھۆگر عەزیز دبێژیت” ڤەکۆلین ھاتینە دەستپێکرن بۆ ئاشکراکرنا روویدانێ و ھێزێن پۆلیسان بزاڤان دکەن بۆ گرتنا تۆمەتباران، کەسێن کوشتی ل دایکەک و دوو زارۆیان پێکھاتینە و وەلاتیان پشتڕاست دکەین کو ھەر تاوانەکا بھێتە ئەنجامدان دێ تاوانبار سزایێ خوە یێ قانوونی وەربگرن.