ئه‌وان یاریان بزانه‌ یێن سوارێز نه‌شێت پشكداریێ تێدا بكه‌ت

13/01/2020 01:10

ئه‌ڤرۆ نیوز:
پشتى یانا به‌رشه‌لۆنا ب فه‌رمى هنگافتنا ستێرا خوه‌ یا ئورگوایى لویس سوارێز بوو ماوێ 4 هه‌یڤان راگه‌هاندى كو هه‌تا راده‌یه‌كێ مه‌زن ئه‌و یاریزان د زوربه‌یا یاریێن بهێت یین به‌رشه‌لۆنا نه‌ شێت پشكداریێ بكه‌ت و ل دیڤ رۆژمامه‌یێن نێزیكى به‌رشه‌لۆنا دیاركریه‌ سوارێز ب ته‌كید ل 18 یاریێن بهێت نه‌ شێت پشكداریێ بكه‌ت و دبیت زێده‌تر ژێ به‌ن .
ئه‌و یارى ژێ ئه‌ڤێن خوارێ نه‌
گرناته‌
فالنسیا ✈️
لیڤانتی
ریال بیتیس ✈️
خیتاڤی
ئیبار
ناپولى ✈️
ریال مه‌درید ✈️
ریال سوسییداد
ریال مایوركا ✈️
ناپولی
لیگانیس
سیڤیلیا✈️
ئه‌تله‌تیكو بیلباو
سیلتا فیگو ✈️
ئه‌تله‌تیكو مه‌درید
ڤیاریال ✈️
ئیسپانیول

حوکمەتا هەرێما کوردستانێ بەرسڤا حەسەن نەسروللای ددەت

13/01/2020 01:08

357

ئەڤرۆ نیوز:

جۆتیار عادل، پەیڤدارێ حوکمەتا هەرێما کوردستانێ
بەرسڤا حەسەن نەسروللای، ئەمیندارێ گشتی یێ حزبوللا یا لبنانی ددەت و دبێژیت، ئەوێن هەولێر و کوردستان ژ هێرشا داعشان پاراستی هێزێن پێشمەرگەی بوون، نە چ خەلکێن دیبوون.

دەقێ بەرسڤا پەیڤدارێ حوکمەتا هەرێما کورستانێ بۆ حەسەن نەسروللای

بۆ مەلا حەسەن نەسروللا

بۆ مە سەیرە کو ب دەنگەکێ لەرزۆک و شێوازێ سنێلان، هێرشێ دکەیە سەر هەرێما کوردستانێ و رێبەرێ نەتەوەکێ، تە چەندین سالان رەنگێ رۆژێ نەدیتیە و ل ژێر ئەردی دا خوە حەشاردایە، تۆ ئیهانە و سفکاتیێ ب گەلەکێ قارەمان دکەی، ل جهێ وان هێرشێن بێ بنەما، هەقبوو تۆ داکۆکیێ ل وێ نەتەوا ژێر دەست بکەی، یا کو چەندین سالە ستەم و زۆرداری لێ دهێتە کرن.

ئەو هێزا پێشمەرگەی بوو، هەولێر و کوردستان پاراستی نەک خەلکێ دیتر، ل گەل هندێ دا مە سوپاسیا هەموو کەسان کریە، یێن کو هاریکاریا مە کری، بەلێ ئەو کەسێ کو نوونەرێ هەوە بوویە و ل دەمێ سەرەدانا وی بۆ لایێ سەرۆک بارزانی پشکداربوویە، دڤێت هەر هەمان کەس بیت ل گەل هەڤچەشنێن خوە، ل رۆژانێن 16 و 20 و 26 ئۆکتۆبەرا 2017 ئارمانج و خەونا وان داگیرکرنا کوردستانێ بوو، بەلێ ل بەرامبەر خۆراگرى و بەرگریا قارەمانانە یا پێشمەرگەی دا، لەرزۆک و سەرشۆر سەرێ خوە ل بەری دا و خەونا وان ژناڤچوو.

تۆ ژ ترسا نەیارێن خوە نەوێری سەرێ خوە راکەی، بۆ شەری ب نەتەوەکێ دفرۆشی کو چ پەیوەندی ب تەڤە نینە، سەرۆک بارزانی رەمزێ خۆراگریا نەتەوەکێ یە و تۆیێ ترسنۆک گەلەک ژ هندێ بچووکتری وێ زمان درێژیێ بکەی.
د. جۆتیار عادل
پەیڤدارێ حوکمەتا هەرێما کوردستانێ
2020/1/12

قاره‌مانێن سوپه‌را ئیسپانیا ل ماوێ 20 سالێن بورى بنیاسه‌

13/01/2020 00:52

ئه‌ڤرۆ نیوز:
پشتى به‌رى ده‌مه‌كێ كێم یانا ریال مه‌درید شیاى ناسناڤێ خوه‌ یێ 11 یێ سوپه‌را ئیسپانیا ب ده‌ستخوڤه‌ بینت پشتى شیاى سه‌ركه‌فتنێ ل سه‌ر یانا ئه‌تله‌تیكو مه‌درید ل یاریا دووماهیا قاره‌مانیێ توماربكه‌ت ب لێدانێن په‌نه‌لتیا پشتى ده‌مێ زێده‌كرى و دروست بێ گول ب دووماهیى هاتى .
قاره‌مانا سوپه‌را ئیسپانیا هه‌ر ژ سالا 1982 هاتیه‌ ده‌ستپێكرن كو قاره‌مانا خولا ئیسپانیا و كاسا شاهێ ئیسپانیا هه‌مبه‌رى ئێك دبه‌ن لێ ل وه‌رزێ ئه‌ڤ ساله‌ شێوازێ خولێ هاته‌ گوهورین و هه‌ر هه‌ر سێ یانێن ده‌ستێكێ یێن خولێ ل گه‌ل هه‌لگرا كاسا شاهێ ئیسپانیا .
د ماوێ 37 قاره‌مانیێن بورى دا یانا به‌رشه‌لۆنا شیایه‌ 13 ناسناڤان ب ده‌ستخوڤه‌ بینت و ریال مه‌درید 11 قاره‌مانى و دیپورتیڤو لاكرونیا 3 ناسناڤ و هه‌ردو یانێن ئه‌تله‌تیكو مه‌درید و ئه‌تله‌تیكو بلباو هه‌ر ئێك دو ناسناڤ و سیڤیلیا و ڤالنسیا و ریال زاره‌گوسا و ریال سوسیداد و ریال مایوركا هه‌ر ئێك ژ ئه‌وان ئێك ناسناڤ.
دووماهیى 20 قاره‌مانێن خولێ ب ڤێ شێوه‌یێ خوارێ بوون
ریال مه‌درید 2019
به‌رشه‌لۆنا 2018
ریال مه‌درید 2017
به‌رشه‌لۆنا 2016
ئه‌تله‌تیكو بلباو 2015
ئه‌تله‌تیكو مه‌درید 2014
به‌رشه‌لۆنا 2013
ریال مه‌درید 2012
به‌رشه‌لۆنا 2011
به‌رشه‌لۆنا 2010
به‌رشه‌لۆنا 2009
ریال مه‌درید 2008
سیڤلیا 2007
به‌رشه‌لۆنا 2006
به‌رشه‌لۆنا 2005
ریال زارگوزا 2004
ریال مه‌درید 2003
دیپورتیڤو لاكرونیا 2002
ریال مه‌درید 2001
دیپورتیڤو لاكرونیا 2000

ریال مەدرید بۆ قارەمانا جاما سۆپەرا ئیسپانیا

13/01/2020 00:34

ئەڤرۆ نیوز:

د یاریا دوماهیێ یا جاما سۆپەرا ئیسپانی دا، ڤێ جارێ ژی یانا ریال مەدرید سەرکەفتن ل سەر یانا ئەتلەتیکۆ مەدرید دا تۆمار کر، بۆقارەمانا سوپەرا ئیسپانیا.

یاری ل باژێرێ وەرزشی یێ شاهـ عەبدوللای ل جەدەیا سعودی برێڤەچوو، د هەردو گێمێن یاریێ یێن ئاسایی و هەردو گێمێن زێدە کری دا، چ گول نە هاتنە تۆمار کرن، ل دوماهیێ د لێدانێن ئێکلاکەر دا یانا ریال مەدرید بوو قارەمانا جاما سوپەرا ئیسپانیا، د ئەنجام دا ریال مەدرید شیا چار گۆلان د لێدانێن ئێکلاکەر دا تۆمار بکەت و ئەتلەتیکۆ مەدرید ژی ب تنێ ئێک لێدانا ئێکلاکەر کرە گۆل، لەوما ب ڤی ئەنجامی یانا شاهانە بۆ قارەمانا جاما سۆپەرا ئیسپانی.

ئەڤە جارا یازدێ یە یانا ریال مەدرید دبیتە قارەمانا جاما سۆپەری ئیسپانیا، هەروەسا یاریکەرێ وێ یێ هێلا ناڤین ڤالڤێردی وەکو باسترین یاریکەرێ ڤێ ڤارەمانیێ هاتە خەلاتکرن.

جارەکا دی خوەپیشاندانان ل ئیرانێ دەستپێکرە ڤە

12/01/2020 22:38

ئەڤرۆ نیوز:

ئەڤرۆ 12-1-2020، جارەکا دی خوەپیشاندانێن نەرازیبوونێ ل تەهرانێ و چەند باژێرێن دیتر یێن ئیرانێ دەستپێكرە ڤە، ل تەهرانا پایتەخت ژی خوەپیشاندەر چوونە گۆرەپانا ئازادی.

هەڤدەم خوەپیشاندانێن نەرایبوونێ ل هەر ئێک ژ باژێرێن سنە، كرماشان، یەزد، بابۆل و مەشهەد دەست پێكرینە.

خوەپیشاندانان ئەسفەهان، رەشت و چەند باژێرێن دیتر ژی گرتینە و مرن بۆ درەوکەرا کو ئێک ژ درووشمێن خوەپیشاندەران بوو، وەک ئاماژەک بۆ ڤەشارتنا راستیێ ئێخستنا فرۆکا ئۆکرانی.

مایک ئیسپەر: ترەمپ یێ بەرهەڤە بێی مەرجێن پێشوەخت دانوستاندنان ل گەل ئیرانێ بکەت

12/01/2020 22:19

ئەڤرۆ نیوز:

وەزیرێ بەرگریا ئەمریكا راگه‌هاند: دۆنالد ترەمپ یێ ئامادەیە بێی مەرجێ پێشوەخت گوتۆبێژان ل گەل ئیرانێ دەست پێ بکەت.

ئەڤرۆ ئێکشەمبێ 12 کانوونا دویێ مایک ئیسپەر، وەزیرێ بەرگریا ئەمریکا د چاڤپێکەفتنەکێ دا ل گەل کەنالێ (CBS)یێ ئەمریکی گۆت، ئیدارا واشنتۆنێ یا ئامادەیە گوتۆبێژان ل گەل ئیرانێ دەست پێ بکەت دەربارەی، گرتنەبەرا رێیا نوو بۆ هندێ ئیران وەکو وەلاتەکێ ئاسایی مامەلێ بکەت.

ئێسپەری گۆت ژی، واشنتۆن پێشبینیا پرۆسا سەربازی ناکەت ژ ئالیێ ئیرانێ ڤە، وەک تۆلڤەکرن ل دژی کوشتنا قاسم سلێمانی.

کوردستان و عیراق پێنگاڤێن زێدەتر بۆ رێككەفتنێ دهاڤێژن

12/01/2020 22:02

ئەڤرۆ نیوز:

شاندێ بلند یێ حوکمەتا عیراقێ د کۆمبوونا خوە دا ل گەل سەرۆکێ حوکمەتا ھەرێما كوردستانێ ئاشکرا کریە، نوکە باشترین دەرفەتە بۆ رێککەفتنا ھەولێر و بەغدا، شارەزا ژی دبێژن، پەیوەندیێن نێڤدەولەتی یێن ھەرێما کوردستانێ ئەو دەرفەتە رەخساندیە، کو حوکمەتا عیراقێ هزر ل رێککەفتنا دوماهیێ ل گەل حوکمەتا ھەرێمێ بکەن.

رێبوار بابكه‌یی، سەرۆکێ لیژنا پەیوەندیان ل پەرلەمانێ کوردستانێ دیار کریە: حوکمەتا نوکە یا عیراقێ کاربرێکەرە، ئەو ھێزە نینە بشێت کێشێن هەلاویستی ل گەل حوکمەتا ھەرێمێ چارەسەر بکەت.

سالا بوری ل ئاكرێ پتری 15 هزار ته‌نێن مادێن ب سه‌رڤه‌چووى هاتینە گرتن

12/01/2020 18:43

ئه‌ڤرۆنیوز، سه‌باح زوهێر:

عەبدولواحد جه‌میل به‌رپرسێ زێره‌ڤانیا ساخله‌میا ئاكرێ بۆ روژناما ئه‌ڤرۆ دده‌ته‌ دیاركرن كو ل قه‌زا ئاكرێ 784 جه هه‌نه‌ كو پێدڤى سه‌ره‌دانێ نه‌،ل سالا بورى تێمێن مه‌ یێن ساخله‌میێ شیا 7438 سه‌ره‌دانا بۆ ڤان جهێن جودا جودا بكه‌ن ناڤ بازارى دا.
به‌رپرسێ زێره‌ڤانیا ساخله‌میا قه‌زا ئاكرێ گۆت ژى ل سالا بورى مه‌ شیا 141 جهێن جودا بده‌ینه‌ گرتن و 63 جهێن جودا ژى هاتنه‌ غرامه‌كرن، ئه‌ڤه‌ژى ژبه‌ر وێ ئێكێ كو ڤان جهان سه‌رپێچى كربوون و مه‌رج و رێنمایێن ساخله‌میێ بجه نه‌ئینابوون، له‌وا هه‌ر جهێ پێگریێ مه‌رجێن ساخله‌میێ نه‌كه‌ت دهێته‌ سزادان و ئه‌گه‌ر دوباره‌بوو ل سه‌ر سه‌رپێچیكرنێ ئه‌م وان جهان ده‌ینه‌ گرتن.
ئاماژه‌ دا وێ چه‌ندێ ژى كو ل هه‌مان سالدا مه‌ شیا رێژه‌كا مه‌زن یا كه‌ل و په‌لێن خوارنێ یێن ده‌م سه‌رڤه‌چووى ده‌ست ب سه‌ردا بگرین، ئه‌و ژى پترى 15هزار ته‌نێن ماددێن ده‌رم سه‌رڤه‌چووى بوویه‌ كو پتری 10 هزار ته‌ن ماددێ هشك بووینه‌ و پترى 5 هزار لیترێن ماددێ روهن بووینه‌.

پەرتووکا سالانێن مووسلێ‌ د هه‌شت سالێن بوری دا هاته‌ بەلاڤکرن

12/01/2020 17:00

ئه‌ڤرۆ نیوز، بارزان مزووری:

عسمه‌ت ره‌جه‌ب نڤیسكارێ‌ په‌رتۆكا بناڤێ‌”سالانێن مووسلێ‌” دا و به‌رپرسێ‌ لقا چارده‌ یا مووسل یێ‌ به‌رێ‌ بۆ ئه‌ڤرۆ نیوز گۆت: (مه‌ره‌م ژ دروستكرنا په‌رتووكا بناڤێ‌”سالانێن مووسلێ‌” ئه‌وه‌ دا خه‌لكێ‌ مه‌ بزانیت زێده‌تر پارتی دیموكراتی كوردستان ل پارێزگه‌ها مووسل چ كارێن گرنگ كریه‌ بۆ د ماوێ‌ هه‌شت سالان دا پارێزگه‌ها مووسل تایبه‌ت ژلایێ‌ وان په‌یوه‌ندیێن دناڤبه‌را پارتی وه‌كۆ كوردان دا دگه‌ل هه‌موو وان پێك هاتێن مووسل دژین عه‌ره‌ب و ئێزدی و مه‌سیحی و شه‌به‌ك و توركمان ل پارێزگه‌ها مووسل ئه‌ڤ په‌یوه‌ندیه‌ سه‌ر هه‌موو ئاستێن كومه‌لایه‌تی و ره‌وشه‌نبیری و كه‌ساتی بویه‌).

ناڤهاتی خویاكر ئه‌ڤ په‌رتووكه‌ ب زمانێ‌ عه‌ره‌بی بناڤێ‌” اعوام مووسل” هاتیه‌ دروست كرن زێده‌تر بۆ خه‌لكێ‌ مووسله‌ ژبه‌ركۆ وان كوردێن مووسل ژی شه‌هره‌زای د زمانێ‌ كوردی نینه‌ 950 لاپه‌را پێك دهێت ل سه‌ر دوو به‌شا پێك دهێت.

عسمه‌ت ره‌جه‌ب گۆت: (به‌شێ‌ ئێكێ‌ ناڤه‌رۆكا په‌رتوكێ‌ ژ وان كاروچالاكیێن پارتی هاتینه‌ دیاركرن د په‌رتۆكێ‌ دا هه‌لویستێ‌ پارتی و پێشمه‌رگه‌یێن قه‌هره‌مان هاتیه‌ دیاركرن ل سه‌ر هه‌موو وان بابه‌تێن سیاسی یێن هاتین رۆیدان ل پارێزگه‌ها مووسل هه‌روه‌سا ب پشتگیریا هه‌بونا پێشمه‌رگه‌ی ل ده‌ڤه‌رێن كوردستانی لژێر مادێ‌ 140 ،ژبه‌ركۆ یا دیار بۆ پشتی 2003 بتنێ‌ پێشمه‌رگه‌ بویه‌ هه‌موو فه‌رمانگه‌هێن میری پاراستینه‌ یێن حكومه‌تا عێراقێ‌ و پێشمه‌رگه‌ پالپشت بوینه‌ بۆ ناڤ برنا رێكخراوا تیرۆرستی ل مووسل ،به‌شێ‌ دووێ‌ ژی كریارێن هه‌شت سالا یێن پارتی دیموكراتی كوردستان بۆ پارێزگه‌ها مووسل ئه‌نجام داین دناڤ په‌رتۆكێ‌ دا هاتینه‌ نڤیسین).

ناڤهاتی زێده‌تر گۆت ژی د قوناغا بهێت په‌رتووكه‌كا دی یا ل به‌ر ده‌ستێن من ئه‌و ژی ب زمانێ‌ عه‌ره‌بی ئه‌و زێده‌تر په‌رتووكه‌كا سیاسی یه‌ لژێر ناڤێ‌”كورد و پارێزگه‌ها مووسل پشتی 1950 هه‌تا نها”.

سەدر داخوازا داخستنا بالیۆزخانا ئەمریکا ل عیراقێ دکەت

12/01/2020 16:48

ئەڤرۆ نیوز:

موقتەدا سەدر بەری دەمەکێ داخواز ژ پەرلەمانێ عیراقێ کر کو رێککەفتنا ئەمنی یا کو بەری نها د ناڤبەرا ئەمریکا و عیراقێ دا هاتیە ئیمزا کرن، هەلوەشینیت و هەروەسا داخواز کر کو پەرلەمانێ عیراقێ بریارا داخستنا بالیۆزخانا ئەمریکا ل بەغدا ژی بدەت.

نيشاندان 1...1,000 603604605 1,600 2,600 3,600...4,558 زێده‌تر

لاپه‌ر 604 ژ 4,558