ئەڤرۆ نیوز:
بارەگاهێ بارزانی د پەیامەکا سەرساخیێ دا بۆ مالباتا هەر دو کۆلبەرێن رۆژهەلاتێ کوردستانێ فەرهاد و ئازاد خوسرەوی دیار دکەت کو یا روو دای کارەساتەکا دلتەزین بوو.
د پەیامێ دا ئەو یەک ژی هاتیە دیار کرن کو سەرساخیێ ل مالباتا هەر دو کۆلبەران و هەموو خەلکێ گوندێ نێ و خەلکێ دەڤەرا مەریوان دکەین و خوە ب هەڤخەمێ وان دزانین.
هەژی ئاماژەپێدانێ یە کو ل رۆژا ١٧/١٢/٢٠١٩ دو کۆلبەر ب ناڤێن فەرهاد و ئازاد خوسرەوی کو برایێن ئێکتر بوون د ناڤ بەفرێ دا گیانێ خوە ژ دەست دان.
ئەڤرۆ نیوز، نەوزاد هلۆری:
پرۆژێ وەرزش دناڤ پارکان دا کو ل گەل موزیکێ دهێتەکرن و کومەکا گەنجێن کچ و کور ل دهۆکێ ئەنجامدایە ل پارکا ئازادی ل دهۆکێ هاتە راگەهاندن.
جەرگیس رەشید، خودانێ پروژەی بۆ ئەڤرۆ نیوز گۆت” پرۆژێ وەرزش دناڤ پارکان دا، دبیتە ئیکەم پرۆژە ل عیراق و هەرێما کوردستانێ و ژلایێ کومەکا کچ و کورێن دهۆکێ دهێتە ئەنجامدان، ئەڤرۆ ب بەرهەڤبوونا هژمارەکا کەسایەتی و وەرزشڤانان د ناڤا پارکا ئازادی دا هاتە راگەهاندن”.
زیدەتر گۆت” کچ و کورێن باژێرێ دهۆکێ دشین پشکداربن و هەموو رۆژانێن ئەینی و شەمبی ل بن چاڤدێریا راهێنەرێن تایبەتمەند دێ هێتە ئەنجامدان، ژبلی سەنتەرێ باژێرێ دهۆکێ دێ ل ناڤەندێن قەزایان ژی هێتە ڤەکرن، ل ئایندەى دێ ل هەولێر و سلێمانی وبەغدا ژی هێتە ڤەکرن”.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى، ب هه‌لكه‌فتا هاتنا جه‌ژنا رۆژيێن ئێزى، په‌يامه‌كا پيرۆزباهيێ ئاراسته‌ى ئێزديان كر.
مه‌سرور بارزانى گۆت” جه‌ژنا (رۆژيێن ئێزى) ل هه‌موو خوشك و برايێن ئێزدى پيرۆز دكه‌م، هيڤيدارم ڤێ جه‌ژنێ د سه‌قايه‌كێ ئارام و پر شادى دا ئه‌نجام بده‌ن”.
گۆت ژى” حوكمه‌تا هه‌رێما كوردستانێ دێ به‌رده‌وام بيت د خزمه‌تكرنا خوشك و برايێن ئێزدى و به‌رگريێ ژ مافێن وان كه‌ت ل بن سيبه‌را وێ پێكڤه‌ژيانا ئايينى و نه‌ته‌وى ئه‌وا ل هه‌رێما كوردستانێ هه‌ى، هه‌موو بزاڤان ژى دێ ئه‌نجام ده‌ت بۆ وێ چه‌ندێ خوشك و برايێن ئێزدى يێن ئاواره ب سه‌ربلندى بزڤرن بۆ جهێن خوه وخزمه‌ته‌كا هه‌ژى بۆ بهێته كرن”.
ئه‌ڤرۆ نيوز:
رێڤه‌به‌رێ گشتيێ ئاڤ و سۆلينان ل هه‌رێما كوردستانێ ئه‌ڤرۆ پێنجشه‌مبى 19/12/2019 دووماهى ژڤان بۆ گرێدانا پيڤه‌رێ ئاڤا مالان دياركر.
مه‌سعود كاره‌ش، رێڤه‌به‌رێ گشتيێ ئاڤ و سۆلينان ل هه‌رێما كوردستانێ راگه‌هاند” پێدڤيه هه‌موو وه‌لاتى پيڤه‌رێن ئاڤێ ل مالێن خوه گرێده‌ن و دووماهى ژڤان بۆ گرێدانا وى پيڤه‌رى ل باژێر و قه‌زا و ناحيان رۆژا 1/3/2020 يه و پشتى وى ژڤانى هه‌ر كه‌سێ پيڤه‌رێ ئاڤێ نه گرێده‌ت، ل دووڤ رێنمايان دێ هه‌يڤانه گۆژمێ 100 هزار ديناران بۆ هێته هژماركرن”.
ئەڤرۆ نیوز،عەلی حاجی :
سەروکێ باژێرڤانیا زاخۆ بۆ ئەڤرۆ نیوز راگەهاند ژبەر وان زێدەگاڤیێن ل سەر شوستەیێن دناڤ باژێرێ زاخۆ دا دهێتە کرن، دێ دەست ب راکرنا وان زێدەگاڤیان هێتە کرن و نابیت ب چو رەنگان ئەو زێدەگاڤی بمینن .
بژار مونیب، سه‌رۆكێ باژێرڤانيا زاخۆ زێدەتر بۆ ئه‌ڤرۆ نيوز گوت” به‌رى نوکە ب تایبەت ل وەرزێ هاڤینێ گەلەک دوکاندارێن زێدەگاڤی ل سەر شوستەیان دکر هاتنە سزادان، بەلێ پشتی بورینا دەمەکى هەمان کار دووباره‌كر و بەرهەمێن خوە دانان سەر شوستەیان دناڤ بازاری دا لەورا ب رێیا لژنەکا تایبەت ب هەماهەنگی دگەل قایمقامیا زاخۆ و باژێرڤانیا زاخۆ و پولیسێن زاخۆ کو ده‌مێ ١٠ رۆژایه هاتیە پێکئینان دەست ب راکرنا زێدەگاڤیان بکەن ل سەر شوستەیان و داکو ژ روویێ یقانوونى ڤە چو کێشەک ژی دروست نەبیت، مده‌مێ سێ هەتا چار رۆژایە هەموو دوکاندار هاتینە ئاگەهدار کرن ل سەر وێ چەندێ”.
گوت ژی” دێ شەمبیێ هەتا ئێک شەمبیا داهاتی دەست ب هەوێ کەین و نابیت چو دوکاندار ژ سنورێ دوکانا خوە کەلوپەلان دانیتە سەر شوستەیان،دێ جارا ئێکێ دوکاندار هێتە سزادان، بەلێ هەکە زێده‌گاڤى دوباره‌كر، دێ بۆ دادگەهێ هێتە رەوانە کرن و دبیت دوکانا وی ژی بهێتە داخستن”.
ئەڤرۆ نیوز،عەلی حاجی :
ئەڤرۆ پێنجشەمبێ ١٩/١٢/٢٠١٩ ب هەلکەڤتا سالیادا 36 يا کاره‌ساتا (گوندک و جەلال) ل زاخۆ رێز ل کەسوکار و بریندارێن وێ کارەساتێ هاتە گرتن.
روژنامەڤان رەمەزان دەشتمری بۆ ئەڤرۆ نیوز گوت : ئەڤ رێزگرتنە ب چاڤدێریا لژنا ناوچا سەرهەلدان ل زاخۆ هاتیە ئەنجام دان و جودا ژ رێزگرتنێ ل کەسوکارێن شەهید و بریندارێن کارەساتا (گوندک و جەلال) ٢٧ وێنێن شەهید و ديلێن وێ کارەساتێ هاتنە نیشاندان کو ئەو وێنە ژلایێ منڤە هاتبوونە بەرهەڤکرن و دوێ کارەساتێ دا ٢٠ پێشمەرگە ب توپ و فروکێن رژێما بەعسا ژناڤچووی ڤە هاتبوونه شەهید کرن و هژمارەکا وان ژی پشتی شەهیدبووین ژی ب کرێترین سەرەدەری گیانێ وان یێ پاک هاتە شێواندن و هەتا نەهێلان بەهی ژی بۆ وا شەهیدان بهێتە دانان.
گوت ژی : هەر دگەل وان وێنان نامیلکەیەک ژ کارەساتێ و ژیانا وان شەهیدان ژلایێ من ڤە هاتبوو بەرهەڤکرن و چاپکرن و زێدەباری وێ چەندێ ژبەر وێ خوینا وان شەهیدا رێنشتی و ئازادی بەرهەم هاتی هژمارەکا داران ژی هاتنە چاندن.
ئەڤرۆ نیوز ، مەحمود نهێلی
ل ژێرناڤێ کارتا نیشتیمانی پێنگاڤەکا گرنگە بەرەڤ حکومەتا ئەلەکترونی و د رێ و رەسمەکی دا و ب ئامادەبوونا هەژمارەکابەرپرسێن حزبی و حکومی و خێزانین شەهیدان و خەلکێ دەڤەرێ ئەڤرۆ ۱۹/۱۲/۲۰۱۹ فەرمانگەها کارتا نیشتیمانی ل دێرەلۆک هاتە ڤەکرن.
عەقیدێ مافپەروەر عەبدولله موحەمەد سەلیم بەرپرسێ راگەهاندنا رەگەزناما پارێزگەها دهوکێ بو ئەڤرۆ نیوز دیار کر کو ئەڤ دبیتە بنگەهێ ۱۸ ێ یێ کارتا نیشتیمانی ل پارێزگەها دهوکێ د سالا ۲۰۱۹ ێ دا کو ئەڤرۆ ل دێرەلوکێ هاتیە ڤەکرن، و گۆت هەر ئەڤرۆ هاولاتیێن دڤەرێ کو تومارا وان ل ڤی فەرمانگەهی بیت دشێت مامەلەیێن خوە پیشکێش بکەت و ببیتە خودان کارتا نیشتیمانی .
ناڤهاتی دیار ژی کر، کو ئەڤ پێنگاڤە بهەڤکاری ل گەل حکومەتا عیراقێ ب رێڤە دچیت کو هەر هاولاتیەکی تومار کری مافێ وەرگرتنا کارتا نیشتیمانی هەیە.
و دا دیارکرن کو هاولاتی دشێت دماوێ کێمتر ژ ۱٥ خولەکا دا هەمی پێنگاڤێن رێڤەبرنا مامەلەیێن خوە ب رێڤە ببەت وهەروەسا ماوێ دو حەفتیا تا سێ حەفتیان دا کارتا خوەیا نیشتیمانی وەربگریت.
پشتی رێ و رەسمێن ڤەکرنا فەرمانگەها کارتا نیشتیمانی مامەلەیێن چەند خێزانێن شەهیدان ب رێڤە چون کو وەک ئێکەم کەس ل دەڤەرێ بووینە خودان کارتا نیشتیمانی.
ئه‌ڤرۆ نيوز، نيوار محه‌مه‌د سه‌ليم:
پشتی فشارەکا زور و ب فەرمانا سەروکێ حکومەتا ھەرێما کوردستانێ پالاوتگەھێن نەفتێ ل کواشێ ھاتنە راوەستاندن.
رۆژنامه‌ڤان ئارام حسێن كو نها ل وێرێ يه بۆ ئه‌ڤرۆ نيوز گۆت: “نها ل كۆمه‌لگه‌ها پێشه‌سازى يا كواشێ مه و پالاوگه‌هـ هه‌موو هاتينه راوه‌ستاندن”.
زێده‌تر گۆت: “پشتى مه پرسيار كرى ل دۆر ئه‌گه‌رێ راوه‌ستياندنا وان، بۆ مه دياركر كو ب فه‌رمانا سه‌رۆك وه‌زيرێن هه‌رێما كوردستانێ ئه‌و پالاوگه‌هـ هه‌موو هاتنه راوه‌ستاندن”.
ئه‌ڤرۆ نيوز، نيوار محه‌مه‌د سه‌ليم:
ژ ئه‌گه‌رێ راوه‌ستيانا سێرڤه‌رێن كۆمپانيا گۆگل مالپه‌رێن يوتيوب، جيمه‌يل و لێگه‌ريان يێن گۆگل ژ كار كه‌فتن.
نيشاندان