ئه‌ڤرۆ نیوز:
یاریزانه‌كێ یانا به‌رشه‌لۆنا ره‌تكر ب شێوه‌یێ خواستن په‌یوه‌ندى ب یانا میلان بكه‌ت ل ڤه‌گوهاستنێن بهێت .
مالپه‌رێ “رادیو مونت كارلو”، یێ فره‌نسى ئاشكراكریه‌ به‌ره‌ڤانێ فره‌نسى و یانا به‌رشه‌لۆنا جان كلیر تودیبو ره‌تكر ل ڤه‌گوهاستنێن زڤستانا بهێت په‌یوه‌ندى ب یانا میلان بكه‌ت پشتى وێ یانا ئیتالى ب فه‌رمى داخوازى ژ وى یاریزانى و یانا به‌رشه‌لۆنا كرى ب شێوه‌یێ خواستن هه‌ڤبه‌ستێ ل گه‌ل وى یاریزانێ فره‌نسى ئیمزا بكه‌ت هه‌تا دووماهیا وه‌رزێ ئه‌ڤ ساله‌ .
هه‌ردیسان وى مالپه‌رى دیاركریه‌ ژى ئه‌و یاریزان دخوازیت په‌یوه‌ندى ب یانه‌كا دى بكه‌ت ب شێوه‌یێ خواستن و ئه‌ڤ چه‌نده‌ بوو ده‌رگه‌هێ باشتر هه‌ر ئێك ژ یانێن موناكو یا فره‌نسى و مانچێسته‌ر یونایتد ده‌ست ب دانوستاندنان ل گه‌ل به‌رشه‌لۆنا بكه‌ن بوو ڤه‌گوهاستنا وى یاریزانى كو هه‌ردو یانا به‌رى نوكه‌ به‌رهه‌ڤیا خوه‌ دیاركربوو هه‌ڤبه‌ستێ ل گه‌ل وى یاریزانێ یانا به‌رشه‌لۆنا ئیمزا بكه‌ن.

ئه‌ڤرۆ نیوز:
چاڤه‌رێ دهێته‌كرن ئه‌ڤرۆ ل ده‌مژمێر 6:00 مه‌غره‌ب یانا به‌رشه‌لۆنا ل یاریگه‌ها خوه‌ كامپ نوو مێڤانداریا یانا ئه‌لاڤێس بكه‌ت ژ چارچوڤێ یاریێن گه‌را 18 ژ خۆلا لالیگا ئیسپانیا كو به‌رى ڤێ یاریێ راهێنه‌رێ یانا به‌رشه‌لۆنا ڤالڤێردى دیاركر بلا بوو هه‌موویان ئاشكرابیت ئه‌و دێ هه‌مبه‌رى یانه‌كا ب هێز و ب رێك و پێك یاریێ كه‌ن و كرنا یاریێ به‌رامبه‌ر یانا ئالاڤێس یا ب سانه‌هى نینه‌ كو تیمه‌كا ب باشترین شێوه‌ یاریێ ب شێوه‌یێ به‌ره‌ڤانى یاریێ كه‌ن و ئه‌و وه‌سا دبینت دێ یاریه‌كا ب زه‌حمه‌ت بیت بوو ئه‌وان پێدڤى یه‌ ب هوشدارى یاریێ بكه‌ن .
هه‌ردیسان ناڤبرى دیاركر ژى ئه‌و ژ یاریه‌كا ب زه‌حمه‌ت ده‌ركه‌فتى نه‌ كرنا یاریێ پشتى هه‌ر كلاسیكویه‌كێ یا ب سانه‌هى نابیت .
راهێنه‌رێ به‌رشه‌لۆنا ئاماژه‌ ب وێ چه‌ندێ ژى كر ده‌مێ ئه‌و یاریێ دكه‌ن هه‌رده‌م ئه‌و دخوازن یارى بوو یاریێ ئاسته‌كێ باشتر پێشكێش بكه‌ن هه‌ر چه‌نده‌ هه‌تا نوكه‌ ئه‌و ل سه‌رێ لیستا خولێ نه‌ لێ ئارمانجا ئه‌وان ئه‌وه‌ چیاوازیا خالان زێده‌تر لێ بكه‌ن ل گه‌ل هه‌ڤركیێن خوه‌ سه‌ره‌راى وێ چه‌ندێ وه‌رزێ ئه‌ڤ ساله‌ ژ وه‌رزێن بورى ب زه‌حمه‌تره‌ ژبه‌ركو هه‌موو هه‌ڤركیێن ئه‌وان ب شێوه‌كێ باش یاریێ كه‌ن و خۆلا لالیگا ئاستێ هه‌موو تیمان یێ باشه‌ .
سه‌باره‌ت كلاسیكو كو ڤار ناڤبرى دیاركر ته‌كله‌نوژا ڤیدیو یا ڤار ئه‌و كاره‌كێ نوویه‌ ل جیهانا ته‌پا پێ دا و پێدڤى یه‌ ل سه‌ر وێ چه‌ندێ ئه‌و د به‌رده‌وام بن و راسته‌ ڤار هه‌یه‌ لێ دادڤان ل دووماهیێ بریارا خوه‌ ل سه‌ر ده‌ت و سه‌باره‌ت بریاریێن دادڤانى یێن یاریا كلاسیكو ناخوازیت چ بریارا ل سه‌ر بده‌ت و به‌حس ل بریاریێن دادڤانى بكه‌ت.

ئه‌ڤرۆ نیوز:
ستێرا یانا ریال مه‌درید و هه‌لبژارتیێ كولومپیا خامێس رودرێگیز پشتى بوو ده‌مه‌كێ درێژ ژ پێكهاتیێ یانا ریال مه‌درید دوركه‌فتى ژ به‌ر وێ هنگافتنا توش بوویێ ل ماوێ بورى ل گه‌ل هه‌لبژارتیێ وه‌لاتێ خوه‌ و راپورتێن رۆژنامه‌ڤانى یێن نێزیكى یانا ریال مه‌درید ئاشكراكریه‌ ئه‌و ستێرا كولومپى رودرێگیز بتمانى ژ هنگافتنێ ب دووماهیى هاتى یه‌ و ئه‌و یاریزان دێ یێ به‌رهه‌ڤبیت بوو یاریا بهێت یا یانا ریال مه‌درید به‌رامبه‌ر ئه‌تله‌تیكو مه‌درید ل رۆژا ئێك شه‌مبیا بهێت ژ چارچوڤێ یاریێن گه‌را 18 ژ خۆلا لالیگا ئیسپانى.

ئه‌ڤرۆ نیوز:
پشتى گولا ل حه‌فتیا بورى دخۆلا ئیتالیا دا ستێرا جیهانى و یانا یوڤانتوس كریستیانو رونالدو شیاى ئێك ژ جوانترین گولان ل وه‌رزێ ئه‌ڤ ساله‌ توماربكه‌ت بوو بلنده‌هیا نێزیكى 3 مه‌ترا بلند بیت و ب سه‌رى گولێ توماربكه‌ت كو ئه‌و گولا وى ستێرا پورتوگالى بوویه‌ جهێ به‌حسكرنێ ل هه‌موو جیهانێ كو دژیێ 34 سالى دا ب وێ بلنداهیێ وێ گولێ توماربكه‌ت لێ پشتى وێ گولێ ب ئێك رۆژ هژماره‌كا مالپه‌رێن عیراقى ل سه‌ر تورێن چڤاكى هه‌ڤركیا رونالدوى كر و چه‌ندین وێنه‌یێن ستێرێن عیراقى به‌لاڤه‌كرینه‌ كو ئه‌وا رونالدوى د یاریا سامبه‌دوریادا كرى یاریزانێن عیراقى به‌رى وى ئه‌و گول توماركریه‌ و جوانتر ژ یا رونالدوى.

طولا رونالدوى ل سةر سامبادوريا د ذيىَ 34 سالى دا

گولا ستێرا عیراقى یا به‌رى نوكه‌ عه‌موبابا ل سالێن شێستان دا

گولا ستێرا عیراقى یا نوكه‌ موهند عه‌لى میمى ل سه‌ر هه‌لبژارتیێ سوریا

هێرشبه‌رێ هه‌لبژارتیێ عیراقێ و یانا جه‌ویه‌ یێ به‌رنیاس ره‌زاق فرحان

ستێرا به‌رێ یا هه‌لبژارتیێ عیراقێ و یانا زه‌ورا ئه‌حمه‌د رازى ل سالێن هه‌شتیان هه‌تا نوتان دا

ستێرا به‌ره‌ڤانیا به‌رى نوكه‌ یا هه‌لبژارتیێ عیراقێ عه‌دنان ده‌رجال ل سالێن هه‌شتیان دا

یاریزانێ به‌رێ یێ هه‌لبژارتیێ عیراقێ سادق سه‌عدون ل سالێن نوتان دا

ئه‌ڤرۆ نیوز:
راپورتێن رۆژنامه‌ڤانى یێن نیزَیكى یانا به‌رشه‌لۆنا ئاشكراكرینه‌ ستێرا ئه‌رژه‌نتینى و یانا به‌رشه‌لۆنا لیونێل میسى داخوازى ژ به‌رپرسێن وێ یانا كه‌ته‌لونى كرینه‌ ل ڤه‌گوهاستنێن هاڤینا بهێت هه‌ڤبه‌ستێ ل گه‌ل یاریزانێ هه‌لبژارتیێ ئیتالیا و ستێرا یانا فیورنتینا فیدیریكو كییزا ئیمزا بكه‌ن ئه‌وێ ل هێلا ناڤین دكه‌ت لایێ راست و چه‌پێ.
كییزا نوكه‌ دهێته‌ هژمارتن ئێك ژ باشترین یاریزانان ل سه‌ر ئاستێ خۆلا كاتشیو یا ئیتالى و نوكه‌ بوویه‌ جهێ گرنگیا هژماره‌كا یانێن مه‌زن ل ئورۆپا و هه‌ردو یانێن ئه‌نتر میلان و یوڤانتوس گرنگیه‌كا مه‌زن ب شیانێن ئه‌وى یاریزانى دایه‌.
ژلایه‌كێ دیڤه‌ رۆژناما “لا ریبوبلیكا” دیاركریه‌ چاڤه‌رێ دهێته‌كرن ل ڤێ حه‌فتیێ به‌رپرسێن فیورنتینا هه‌ڤبه‌سته‌كا نوو پێشكێشى كییزا بكه‌ن كو به‌رپرسێن وێ یانێ موچه‌یه‌كێ سالانه‌ یێ 3.5 ملیون یورو ل گه‌ل پاداشێن تایبه‌ت به‌رهه‌ڤكریه‌ پێشكێشى ئه‌وى یاریزانى بكه‌ت و هه‌كه‌ ئه‌و یاریزان ل سه‌ر داخوازیا وێ یانێ رازى نه‌بوو وى ده‌مێ به‌رپرسێن وێ یانێ دێ ده‌رگه‌هێ چوونێ بوو وى یاریزانى ڤه‌كه‌ن لێ ب مه‌رجه‌كى ئه‌وژى هه‌ر یانا بخوازیت هه‌ڤبه‌ستێ ل گه‌ل وى یاریزانێ ناڤبرى ئیمزا بكه‌ت پێدڤى یه‌ كوژمێ 100 ملیون یورۆیا وه‌كو بهایێ هه‌لوه‌شاندنا هه‌ڤبه‌ستێ پێشكێشى فیورنتینا بكه‌ن و ب ڤێ چه‌ندێ دبیت داخوازیا میسى ل سه‌ر به‌رشه‌لۆنا ب گرانى ب راوستیت .

ئه‌ڤرۆ نیوز:
هه‌ردو یانێن لیڤه‌رپول و مانچێسته‌ر یونایتد گرنگیه‌كا مه‌زن ب شیانێن یاریزانێ گه‌نچ یێ ئه‌لمانى و یانا بایر لیڤه‌ركوزن كاى هافیرتز داینه‌ بوو ڤه‌گوهاستنا ئه‌وى یاریزانێ ل ڤه‌گوهاستنێن زڤستانا بهێت .
راپورتێن رۆژنامه‌ڤانى ل ئه‌لمانیا ئاشكراكریه‌ به‌رپرسێن یانا لیڤه‌ركوزن ناخوازن ب سانه‌هى ده‌ستا ژ وى ستێرا به‌رده‌ن و بتنێ ب ئێك مه‌رج دێ ده‌ستا ژێ به‌رده‌ن ئه‌وژى هه‌ر یانا كوژمێ 130 ملیون یورۆیا پێشكێشى ئه‌وان بكه‌ن .
هه‌ردیسان ئه‌وان رۆژناما ئاشكراكریه‌ ژى هه‌ر چه‌نده‌ هه‌ردو یانێن مان یونایتد و لیڤه‌رپول گه‌له‌ك ب هێز هاتینه‌ دناڤ هه‌ڤركیا ب ده‌ستڤه‌ ئینانا ئه‌وى یاریزانى دا لێ رێیا ده‌ستڤه‌ ئینانا ئه‌وى یاریزانى یا ب سانه‌هى نابیت بوو ئه‌وان هه‌ردو یانان ژبه‌ركو هژماره‌كا یانێن دى ژى ده‌ست ب لڤیناكریه‌ كو ئه‌وى یاریزانى ب ده‌ستخوڤه‌ بینن ئه‌وژى یانێن بایرن میونیخ و مان سیتى و هه‌ردیسان هه‌ردو جه‌مسه‌رێن ئیسپانى ریال و به‌رشه‌لۆنا.

یێ 20 سالى نوكه‌ دهێته‌ هژمارتن ئێك ژ باشترین یاریزانێن گه‌نچ یێن ئه‌لمانى و ل وه‌رزێ ئه‌ڤ ساله‌ ئێك ژ باشترین ئاست ل گه‌ل یانا خوه‌ بایرن لیڤه‌ركوزن دخۆلا بوندس لیگا و قاره‌مانیا چامپیونیز لیگ دا پێشكێشكریه‌