ئه‌ڤرۆ نیوز:
چاڤه‌رێ دهێته‌كرن ئه‌ڤرۆ ل ده‌مژمێر 6:00 مه‌غره‌ب یانا به‌رشه‌لۆنا بیته‌ مێڤانا یانا ریال سوسیداد ل یاریگه‌ها ئونویتا ژ چارچوڤێ یاریێن گه‌را 17 ژ خۆلا لالیگا ئیسپانیا .
راهێنه‌رێ یانا به‌رشه‌لۆنا ڤالڤێردى به‌رى ڤێ یاریێ بوو ده‌زگه‌هێن راگه‌هاندنێ دیاركربوو ئه‌و دێ هه‌مبه‌رى یانه‌كا ب هێز و ب زه‌حمه‌ت بن دڤێ حه‌فتیێ دا هه‌ر چه‌نده‌ ئه‌وان ل هه‌ردو وه‌رزێن بورى شیاینه‌ سه‌ركه‌فتنێ ل یاریگه‌ها ئونویتا توماربكه‌ن لێ ئه‌ڤه‌ وێ چه‌ندێ نا گه‌هینت كو یاریا ئه‌وان ئه‌ڤرۆ دێ یا ب سانه‌هى بیت به‌روڤاژى ئه‌و دبینت دێ ئه‌ڤه‌ ئێك ژ زه‌حمه‌ترین یاریا بیت بوو ئه‌وان چونكو سوسیداد هێزه‌كا مه‌زن ل یاریگه‌ها خوه‌ هه‌یه‌.
سه‌باره‌ت ڤیدال كو یانا ئه‌نتر میلان گرنگیه‌كا مه‌زن ب شیانێن ئه‌وى داینه‌ بوو ڤه‌گوهاستنێن زڤستانا بهێت ڤالڤێردى دیاركر ئه‌و گرنگى ب ئه‌وان ده‌نگوباسان ناده‌ت و نوكه‌ ڤیدال ئێك ژ یاریزانێن گرنگه‌ بوو ئه‌وان و هه‌تا به‌رى سه‌رێ سالێ ئه‌وان سێ یاریێن گرنگ هه‌نه‌ و ڤیدال ئێك ژ ئه‌وان یاریزانێن یانێ یه‌ كو پشت به‌ستنێ دێ ل سه‌ر كه‌ت بوو ئه‌وان هه‌رسێ یاریێن بهێت و پشتى وێ چه‌ندێ ئه‌و نزانن كا دێ چ رویده‌ت.
ناڤبرى ئاماژه‌ ب وێ چه‌ندێ ژى كر چه‌ندین رۆژه‌ ئه‌لبا و سیمێدو راهێنانان ل گه‌ل یانێ دكه‌ن نوكه‌ ب تمامى ژ هنگافتنێ قورتال بووینه‌.
ل دووماهیێ سه‌باره‌ت یاریا كلاسیكو ناڤبرى دیاركر بوو یاریا كلاسیكو ئه‌وى نوكه‌ چ گوتن نینه‌ ژبه‌ركو ئه‌و نوكه‌ بتنێ هزر ل یاریا سوسیداد دكه‌ت و پشتى وێ یاریێ ئه‌و دێ به‌رهه‌ڤیا كه‌ن بوو یاریا كلاسیكو نوكه‌ تركیزا ئه‌وان بتنێ ل سه‌ر یاریا ئه‌ڤرۆ یه‌.

ئه‌ڤرۆ نیوز:
ستێرا به‌رازیلى و یانا چێلسى یا ئنگلیزى ویلیان ئه‌و هه‌موو ده‌نگوباس ره‌تكرن ئه‌وێن به‌رى نوكه‌ هاتینه‌ دیاركرن ئه‌و یاریزان دێ ل دووماهیا ڤى وه‌رزى پێكهاتیێ وێ یانێ ب جه هێلت و به‌ر ب یانه‌كا نوو ڤه‌ چیت.
زێده‌تر ئه‌وى یاریزانى بوو ده‌زگه‌هێن راگه‌هاندنێ دیاركر ئه‌و گه‌له‌ك یێ كه‌یفخوشحاله‌ ل گه‌ل یانا خوه‌ و حه‌ژێكرنه‌كا تایبه‌ت ل ده‌ڤ وى هه‌یه‌ بوو ڤێ یانێ و ئه‌وى نوكه‌ هزر ل چوونا یانێ نه‌كریه‌ و دخوازیت یێ به‌رده‌وام بیت ل گه‌ل ڤێ یانێ بوو ده‌مه‌كێ درێژتر .

هه‌ردیسان ناڤبرى دیاركر نوكه‌ بریكارێ وى ده‌ست ب دانوستاندنان كریه‌ ل گه‌ل به‌رپرسێن یانێ و ل نێزیك دێ ده‌نگوباسێن خوش هه‌بن بوو جه‌ماوه‌رێ یانێ و خێزانا وى ژى دخوازن ل گه‌ل ڤێ یانێ یێ به‌رده‌وام بیت .

چاڤه‌رێ دهێته‌كرن ل هاڤینا بهێت هه‌ڤبه‌ستا ولیان ل گه‌ل یانا چێلسى ب دووماهیى بهێت كو ل وه‌رزێ 2013 ژ یانا ئانجى په‌یوه‌ندى ب چێلسى كربوو هه‌تا نوكه‌ ل گه‌ل وێ یانا له‌نده‌نى یێ به‌رده‌وامه‌ .
ولیان 7 سالێن بورى دا ل گه‌ل چێلسى
313 یارى
55 گول
57 ئه‌سیست

ئه‌ڤرۆ نیوز:
راپورتێن رۆژنامه‌ڤانى ل ئه‌لمانیا ئاشكراكرینه‌ ستێرا نه‌رویجى و یانا سالزبورگ یا نه‌مساوى ئیرلنگ هالاند نێزیكى ئیمزاكرنا هه‌ڤبه‌ستا یانا بوروسیا دورتموند بوویه‌ ل ڤه‌گه‌هاستنێن زڤستانا بهێت.
مالپه‌رێ رور ناشریشن یێ ئه‌لمانى دیاركریه‌ یاریزانێ هالاند یێ 19 سالى ل گه‌ل رێڤه‌به‌رێ خوه‌ یێ به‌رنیاس مینو رایولا گه‌هشتى نه‌ باژێرێ دورتموند بوو ده‌ست ب دانوستاندنان ل گه‌ل به‌رپرسێن یانا بوروسیا دورتموند بوو ڤه‌گوهاستنا وى یاریزانێ ناڤبرى ل ڤه‌گوهاستنێن زڤستانا بهێت.
هه‌ردیسان وى مالپه‌رى دیاركریه‌ ژى ب رێژه‌یا هه‌ره‌ مه‌زن ئه‌و یاریزان دێ ل گه‌گوهاستنێن بهێت په‌یوه‌ندێ ب وێ یانا ئه‌لمانى كه‌ت و به‌رپرسێن یانا دورتموند به‌رهه‌ڤیا خوه‌ دیاركریه‌ كوژمێ 20 ملیون جێنێ ئیسترلینى پێشكێشى یانا سالزبورگ بكه‌ن وه‌كو بهایێ هه‌لوه‌شاندنا ئه‌وى یاریزانى.
ل دووماهیێ ئه‌وى مالپه‌رى ئاماژه‌ ب وێ چه‌ندێ ژى كریه‌ وى یاریزانى داخوازیێن هه‌ر ئێك ژ یانێن ریال مه‌درید و به‌رشه‌لۆنا و مانچێسته‌ر یونایتد و چه‌ندین یانێن دى یێن به‌رنیاس ل سه‌ر ئاستێ ئورۆپا ره‌تكر و ل سه‌ر داخوازیا بۆروسیا دورتموند هه‌تا راده‌یه‌كێ مه‌زن رازیبوویه‌ .
هه‌ژى گوتنێ یه‌ ئیرلینگ هالاند یێ 19 سالى ل وه‌رزێ ئه‌ڤ ساله‌ پشكدارى د 20 یاریان دا كریه‌ ل گه‌ل یانا خوه‌ د هه‌موو قاره‌مانیان دا و شیایه‌ 27 گولان توماربكه‌ت ل گه‌ل 7 ئه‌سیست.

ئه‌ڤرۆ نیوز:
یانا لیڤه‌رپول یا ئنگلیزى گه‌هشته‌ رێككه‌فتنێ ل گه‌ل یانا سالزبورگ یا نه‌مساوى بوو ڤه‌گوهاستنا ستێره‌كا وێ یانێ ل ڤه‌گوهاستنێن زڤستانا بهێت.
رۆژناما میرو یا برێتانى دیاركریه‌ یانا لیڤه‌رپول گه‌هشته‌ رێككه‌فتنێ ل گه‌ل یاستێرا ژاپونى و یانا سالزبورگ تاكومى مینامینو بوو ڤه‌گوهاستنێن زڤستانا بهێت پشتى د هه‌ڤركیا ده‌ستڤه‌ ئینانا وى یاریزانى دا ب سه‌ركه‌فتى ل سه‌ر هه‌ڤركا خوه‌ یانا مانچێسته‌ر یونایتد.
هه‌ردیسان وێ رۆژنامێ ئاشكراكریه‌ ژى یانا لیڤه‌رپول دێ كوژمێ 7.25 ملیون جێنێ ئیسترلینى پێشكێشى یانا سالزبورگ كه‌ت وه‌كو بهایێ هه‌لوه‌شاندنا وى یاریزانى به‌رامبه‌ر ڤه‌گوهاستنا تاكومى و ل گه‌ل موچه‌یه‌كێ سالانه‌ كو هه‌تا نوكه‌ نه‌ هاتیه‌ ئاشكراكرن.
هه‌ژى گوتنێ یه‌ تاكومى مینامینو یێ 25 سالى ژ 2015 وه‌ره‌ یاریێ ل یانا سالزبورگ دكه‌ت كو هه‌تا نوكه‌ 199 یارى ل گه‌ل وێ یانێ ئه‌نجامداینه‌ و شیایه‌ 64 گولان توماربكه‌ت و ل گه‌ل 44 ئه‌سیست كو ل وه‌رزێ ئه‌ڤ ساله‌ 22 یارى ل گه‌ل یانا خوه‌ كرینه‌ 9 گولان توماربكه‌ت ل گه‌ل 11 ئه‌سیست كو 2 گول دخۆلا چامپیونیز لیگ دا توماركربوون.