جوتیارەك جورێ‌ دارەكا بیانی دچینیت

01/10/2020 14:58

155

ئەڤرۆ نیوز، بارزان مزووری:

جوتیارەك ل گوندێ‌ كەندی سەر ب ناحیا قەسرۆك بۆ ئێكەم جارە ل سەر ئاستێ‌ پارێزگەها دهوك جورێ‌ دارەكا بیانی بناڤێ‌”پاولونیا”دهێتە چاندن، جورێ‌ وێ‌ دارێ‌ ل دەرڤەی وەلاتی بۆ هەرێمێ‌ رەوانە كریە.

مەهدی دەكانی جوتیارێ‌ دار چاندنی بۆ رۆژناما ئەڤرۆ دیار كر ئەڤ جورێ‌ بهاترین دارە ل جیهانێ‌ ژ بۆ كارێن دارتاشیێ‌ دهێتە بكارئینان سەدان جورێن كەل و پەلێن ناڤ مالێ‌ و فەرمانگەها لێ‌ دهێن دروست كرن.

ناڤهاتی خویاكر ئەڤە ماوێ‌ پێنج هەیڤە ئەڤ دارە هاتینە چاندن ل وەلاتێ‌ ئیتالیا شتلێن ڤان دارا بومە یێن هاتین لدوڤ داخازیێ.

ناڤهاتی گۆت: زێدەتری 16 هزار دار هاتینە چاندن بۆ ماوێ‌ پێنج سالا دهێتە بكارئینان ژلایێ‌ دارتاشان ڤە.

فرۆكه‌‌كا چاڤدێریێ یا توركیا ل ده‌ڤه‌را ئامێدیێ كه‌فته‌ خوارێ

01/10/2020 14:55

ئه‌ڤرۆ نیوز، مه‌حمود نهێلی:

فرۆكه‌‌كا چاڤدێرییێ یا له‌شكه‌رێ توركیا ل هنداڤا گه‌لیێ سێڤا ل گوندێ گوهه‌رز یێ سه‌ر ب ناحیا دێره‌لۆك پشتی نیڤرۆیا ئه‌ڤرۆ 1/10/2020 كه‌فته‌ خوارێ .

ره‌ڤه‌ند گوهه‌رزی ئاكنجیێ گوندێ گوهه‌رز بو ئه‌ڤرۆ نیوز دیاركر كو ئه‌و فرۆكه‌ دورێن ده‌مژمێر دویێ پشتی نیڤرۆ كه‌فته‌ خوارێ و گۆت: به‌ری فرۆكه‌ بكه‌ڤیت و پشتی كه‌فتی ژی ئاگر ب فرۆكێ نه‌كه‌فتی یه‌ و چ زیانێن ئاگر به‌ربوونێ ژ ئه‌نجامێ كه‌فتنا ڤێ فرۆكه‌یێ دروست نه‌بوویه‌ و ئاشكرا كر تا نوكه‌ ئه‌گه‌رێن كه‌فتنا ڤێ فرۆكه‌یێ نه‌هاتیه‌ زانین.

گه‌لیێ سێڤا دو رۆژان به‌ری نوكه‌ ژلایێ فرۆكه‌یێن له‌شكه‌رێ توركیا ڤه‌ هات بوو بوردومانكرن و د ئه‌نجامێ دا په‌نجه‌رێن چه‌ندین مال و مزگه‌فتا گوندێ گوهه‌رز شكه‌ست بوون و زیانێن مالی گه‌هشت بوونه‌ هاولاتیان.

داخازا قه‌ده‌غه‌یا هاتنوچونێ ل عیراقێ دهێته‌كرن

01/10/2020 11:28

ئه‌ڤرۆ نیوز:

جه‌واد موسه‌وی بریارده‌رێ شانه‌یێن به‌رهنگاربوونا كورونایێ ل جڤاتا نوونه‌رێن عیراقێ راگه‌هاند ل هه‌یڤا 10 و 11 دێ پێله‌كا دژوار یا ڤایرۆسێ كورونایێ ل عیراقێ سه‌رهلده‌ت، ره‌نگه‌ د ئه‌وان دو هه‌یڤان دا ژماره‌یا توشبوویێن ڤایرۆسێ كورونایێ بۆ 10 هه‌تا 20 هزار كه‌سان بلند بیت و ئه‌ڤه‌ ژی ژماره‌یه‌كا زۆره‌.

بریارده‌رێ شانه‌یا به‌رهنگاربوونا كورونایێ ل جڤاتا نوونه‌رێن عیراقێ ئه‌و چه‌نده‌ ژی راگه‌هاند بۆ دانوستاندن ل سه‌ر پێشهاتێن په‌یوه‌ندیدار ب ڤایرۆسێ كورونایێ، میڤانداریا حه‌سه‌ن ته‌میمی وه‌زیرێ ساخله‌میێ كریه‌.

ناڤبری ئه‌و چه‌نده‌ ژی دیاركر ل كۆمبوونا شانه‌یێن به‌رهنگاربوونا كورونایێ و وه‌زیرێ ساخله‌میێ هه‌ردولا رژدن ل سه‌ر سه‌پاندنا رێكارێن خوپارێزیێ و قه‌ده‌غه‌یا هاتنوچونا ته‌مام هه‌كه‌ ژماره‌یا رۆژێن توشبوویان زۆرتر بیت و دشیانێن وه‌زاره‌تێ دا نه‌بن.

د روودانەکا ترافیکێ دا پێنج کەس بریندار بوون

01/10/2020 10:34

ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا پێنج کەس بریندار بوون.
ناڤهاتی زێدەتر گۆت: ئەڤرۆ پنێجشەمبی 2020/10/1 ل دەمژمێر (7:30) سپێدێ ل سەر جادا سەرەکی یا شوقا سێ ترۆمبێلان لێکدا، ( دو ترۆمبێلێن بارهەلگر تۆیۆتا پیک ئاب ل گەل ترۆمبێلەکا کرێ تەکسی کۆرۆلا )، د ئەنجامدا پێنج کەس ب سڤکی بریندار بوون و زیانێن مادی یێن مەزن ب وا ترۆمبێلان کەفتن.

ب ڤی رەنگی دێ زانى کو کەسێ هەمبەرى تە درەوا دکەت

30/09/2020 22:21

ئەڤرۆ نیوز:
چێدبیت د هندەک دەمان دا، کەسەک بۆ تە ب ئاخڤیت و تۆ یێ پشت راست نەبی ژ راستیا گوتنێن وى، لەوما خواندنا ئاماژە و لڤینێن لەشێ وى راستیا گۆتنێن کەسێ هەمبەری مرۆڤی دیار دکەت.
مالپەرێ برایتساید، د بابەتەکێ دا ئاماژە ب چەند خالان دایە بۆ دەرخستنا درەوێن کەسێ هەمبەری مرۆڤی، ئەو ژى ئەڤە نە:
. دەمێ د ئاخڤیت گوتنێن خۆ دئینیت و دبەت.
. تەماشەی هەستێن وى بکە، د دەمەکێ کورت دا دێ ئاخفتنێن ژ هەڤ جۆدا بێژیت، بۆ نموونە دێ بێژیت خوشحالبووم ب دیتنا تە، پشتى چەند چرکا ژ ڤێ ئاخفتنێ دێمێ ئاخفتنکەرى دهێتە گوهۆرین.
. ئاماژە زۆر ژ د دێمێ وی دیار دبن و چاڤێن وی زێدە د لڤن.
. هایداری دەستپێک و دووماهیا گوتنێن وی و دووبارەکرنا پەیڤێن وی بە.
. بەرسڤا پرسیارێن مرۆڤی ب رستێن کورت د دەت.
. گەلەک جاران دەمێ درەوێ دکەت، ب دەستێ خوە دەڤ و دێمێ خوە دگریت.

سەدری داخواز کریە ئەمریكا ژ عیراقێ‌ دەركەڤیت

30/09/2020 22:04

ئەڤرۆ نیوز:

موقتەدا سەدر سەرۆكێ‌ باسکی‌ سەدر و هەڤپەیمانیا سائیرون داخواز ژ گرۆپێن چەكدارێن عیراقی و هێزێن حەشدا شەعبی كریە، بزاڤ بەرگری و تێكۆشانا وان ب تنێ‌ د کڤانێ پاراستنا بەرژەوەندیێن عیراقێ دا بیت و نە بنە كرێگرتیێن چ وەلاتێن دەرەكی.
سەردی د تویتەكێدا گۆتیه: ئەو د رژدن ل سەر ڤەكێشانا هێزێن ئەمریکا و راگەهاندیە: پێدڤیە ڤەكێشانا هێزێن ئەمریكا ژ عیراقێ‌ ب شێوەیەكێ ئاشتیانە و ب رێیا پەرلەمانی بهێتە ئەنجامدان.

چەند مووشەک ل نێزیک سەربازگەها هەڤپەیمانان ل هەولێرێ کەفتن

30/09/2020 21:51

ئەڤرۆ نیوز:

ئەڤ شەڤە ل دەمژمێر 20:30 خولەک، سێ مووشەک ل نێزیکی بارەگایێ دیموکراتێ ل گردەچالیێ ل هەولێرێ کەفتنەخوار، هەڤدەم چەند مووشەکێن دیتر ل نێزیک هێزێن هەڤپەیمانان ل فرۆکخانا نێڤدەولەتی یا هەولێرێ کەفتنە خوارێ.

هێزێن هەڤپەیمانان راگەهاندیە: ئەو هێرشا هاتیە کرن ژێدەرێ وێ یێ دیار نینە، بەلێ وان داخواز ژ هێزێن خوە کرینە د ئامادەباشیێ دابن و خوە بپارێزن.

تراکتۆرەک وەرگەریا و شۆفێرێ وێ وەغەر کر

30/09/2020 21:14

ئەڤرۆ نیوز:
رێڤەبەریا هاتنوچوونا سۆران راگەهاند: ژ ئەنجامێ وەرگەریانا تراکتۆرەکێ شۆفێرێ وی وەغەر کریە.
هەروەسا گۆتیە ژی: ئەڤرۆ چارشەمبی ٣٠/٩/٢٠٢٠، ل خلیفان ــ دۆلی ئالانە ل گوندێ (بناوی)، پشتی ژ دەستدانا کۆنترۆلی تراکتۆر وەرگەریایە و د ئەنجامدا شۆفێرێ وێ ب ناڤێ (میکائیل شێخ محەمەد ) وەغەر کریە.

میدیاکار کامیران مەرعی وەغەر کر

30/09/2020 21:10

226

ئەڤرۆ نیوز:

میدیاکارێ بەرنیاسێ باژێرێ دهۆکێ کامیران مەرعی ئەڤرۆ چارشەمبی 30-09-2020 ب ئەگەرێ ڤایرۆسێ کۆرۆنایێ وەغەر کر.
میدیاکار کامیران مەرعی پشتی دو حەفتیان مایە د نەخۆشخانەکا هەولێرێ دا بەری دەمەکێ ژ ئەگەرێ نەخۆشیا کۆرۆنایێ وەغەر کر.

ژ کۆپتەرێ هاڤێتنە خوارێ و مر

30/09/2020 15:48

103

ئەڤرۆ نیوز:

رۆژا ١١ ئیلۆنێ هێزێن سەربازێن تورکیا ل وانێ وەلاتیەکێ کورد یێ ب ناڤێ سەروەت تورگوت کو د ژیێ ٥٥ سالیێ دا بوو، دەستەسەر کرن و پاشی ژی ژ کۆپتەرێ هاڤێتنە خوارێ و ب گرانی بریندار بوو، پشتی کو بۆ نەخوشخانێ هاتە ڤەگوهاستن بۆ ماوەیێ ١٩ رۆژان د نەخوشخانێ دا ما و ئەڤرۆ ژ بەر گرانیا برینێن وی جانێ خوە ژ دەست دا.

نيشاندان 1...1,000 636465 1,060 2,060 3,060...4,558 زێده‌تر

لاپه‌ر 64 ژ 4,558