ئەڤرۆ نیوز:
ئۆمێد خوشناو سەرۆکێ فراکسیۆنا پارتی ل پەرلەمانێ کوردستانێ راگەهاند کو پرۆژێ چاکسازیێ ژ ئالیێ کەسێن بسپۆر و چەندین وەزیران ڤە هاتیە بەرهەڤکرن و بێگومان ئەو پرۆژە دێ د خزمەتا خەلکێ کوردستانێ دا بیت.
ناڤهاتی راگەهاند کو پشتی پرۆژێ چاکسازیێ ژ ئالیێ حوکمەتێ رەوانەی پەرلەمانی بهێتە کرن دێ بزاڤان کەین دا د زووترین دەم دا ئەو پرۆژە بهێتە پەسەند کرن، چونکو بەرهەڤیێن باش بۆ هندێ هاتینە کرن.
ئه‌ڤرۆ نیوز:
یانا به‌رشه‌لۆنا رازیبوو به‌ره‌ڤانێ خوه یێ فره‌نسى جان كلیر تودیبو ل ڤه‌گوهاستنێن بهێت بفروشنه یانا میلان یا ئیتالى پشتى ل ماوێ چه‌ند رۆژێن بورى هه‌ردو یانه كومبوون ل سه‌ر ڤه‌گوهاستنا ئه‌وى یاریزانى كرى.
رۆژناما سپورت یا ئیسپانى دیاركریه به‌رپرسێن یانا به‌رشه‌لۆنا به‌رپرسێن یانا میلان ئاگاداركرینه ئه‌و رازیبوونه ل سه‌ر فروتنا تودیبو لێ ب مه‌رجه‌كى ئه‌وژى به‌رامبه‌ر كوژمێ 12 ملیون یورۆیا و هه‌كه ئه‌وان خواست جاره‌كا دى وى یاریزانى ڤه‌گه‌رینن ماڤ بوو هه‌بیت به‌رامبه‌ر كرینا كوژمه‌كێ گرانتر ژ 12 ملیونان .
هه‌ژى گوتنێ یه یانا به‌رشه‌لۆنا هزر ل فروتنا چه‌ند یاریزانێن خوه كریه ل ڤه‌گوهاستنێن بهێت كو ئێك ژ ئه‌وانان تودیبو یێ فره‌نسى یه كو نوكه ئه‌و یاریزان ئێك ژ هه‌لبژارتنێن پێنجێ یه یێن راهێنه‌رێ به‌رشه‌لۆنا پشتى هه‌ر ئێك ژ پیكێ و لینگلیت و ئومتیتى و ئاراخو.
ئەڤرۆ نیوز، مەحمود نهێلی:
رێڤەبەرێ ناحیا بامەرنێ بو ئەڤرۆ نیوز دیار کر، چار جادێن سنورێ ناحیا وان کو ژ ئەنجامێ خشیانا ئەردی ژ کارکەفت بوون ، دهێنە چێکرن و هاتن و چون تێدا ئاسایی دبیت.
حەمید زوبەیر رێڤەبەرێ ناحیا بامەرنێ دیار ژی کر، ئەڤ جادەیە ژ ئەنجامێ بارینا بارانێن زۆر و خشیانا ئەردی ل بهارا ئەڤ سالە ژ کار کەفت بوون و گۆت نوکە ئەڤ جادەیە ژلایێ رێڤەبەریا رێک و پران ڤە دهێنە جێکرن و دەوروبەرێن دووسەد ملیون دیناران بو هاتینە تەرخانکرن.
ناڤهاتی دیار ژی کر کو ئەڤ جادێن دهێنە چێکرن پێک دهێن ژ لوفێن ئەرەدنا کو هاتبوونە خارێ و پرا بانکێ و کانیکا لایەکی وێ ژ کار کەفت بوو و هەروەسا لوفێن بابیرێ و گەرەگو و جادا سەرێ بانکێ و دوکەرێ .
رێڤەبەرێ ناحیا بامەرنێ ئاشکرا ژی کر نوکە کار د چێکرنا دڤان جادەیان دهێتە کرن و ب چێکرنا ڤان جادەیا ئاریشا هاتن چونێ ل سەر ڤان گوندان دهیتە چارەسەرکرن، کو هەموو ژ ئەنجامێ بارانێن زۆر و هەرفین و خشیانا ئاخێ ژناڤ چوبوون و ژ کار کەفت بوون.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى كانوونا ئێكێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.700 دينار |
| 100 يۆرۆيێ ئه‌ورۆپى | 133.500 دينار |
| 100 ليرێ توركى | 21.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، نيوار محه‌مه‌د سه‌ليم:
حوكمه‌تا هه‌رێما كوردستانێ دێ ده‌ست ب وه‌رگرتنا قه‌رێن خوه يێن ل لايێ وه‌به‌رهێنه‌ر و سه‌رمايه‌داران كه‌ت، ئاخفتنكه‌رێ ب ناڤێ فراكسيۆنا پارتى ل په‌رله‌مانێ كوردستانێ ژى دده‌ته دياركرن كو هه‌ر خودان قه‌ره‌كێ پێگريێ ب بڕيارێ نه‌كه‌ت، دێ ده‌ست ب سه‌ر ملك و مالێ وى دا هێته گرتن.
وه‌زاره‌تا دارايى و ئابوورى ل حوكمه‌تا هه‌رێما كوردستانێ د نڤيساره‌كا فه‌رمى دا ل 17ى شوباتا 2019ێ داخواز ژ سه‌رمايه‌دارێن قه‌ردارێن حوكمه‌تێ كربوو كو قه‌رێن وان ژ مێژوويا ده‌ركه‌فتنا نڤيسارێ و هه‌تا شه‌ش هه‌يڤان ب ڤه‌گه‌رينن. به‌لێ ئه‌ڤه 10 هه‌يڤ ژى ب سه‌ر دا ده‌رباز بوون و هێشتا چو پێرابوونێن دى ئه‌نجام نه‌داينه.
پێشه‌وا هه‌ورامى ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو حوكمه‌تا هه‌رێمێ بڕيار دايه كو وان قه‌رێن ل لايێ سه‌رمايه‌داران كو دبنه 740 مليار دينار ب ڤه‌گه‌رينيت و يێ نه‌ده‌ت دێ ئێخيته د ليستا ره‌ش دا و گۆت: “ئێك ژ وان به‌رپرسێ حزبه‌كێ يه”.
پێشتر ژى ليزا فه‌له‌كه‌دين كاكه‌يى ئه‌نداما فراكسيۆنا پارتى ل په‌رله‌مانێ كوردستانێ راگه‌هاند بوو كو ل سالێن بۆرى حوكمه‌ت د پێناڤى ڤه‌ژاندنا ئابوورى دا، حوكمه‌تا هه‌رێمێ بره‌كا پاره‌ى دايه هنده‌ك كۆمپانيا و وه‌به‌رهێنه‌ران، به‌لێ پشتى چه‌ندين سالان هه‌تا نها پاره بۆ حوكمه‌تێ نه‌ڤه‌گه‌رانديه.
ئاشكه‌را ژى كر كو ئه‌و كۆژمێ پاره‌ى نێزيكى 700 مليار دينارايه و پتريا وان ل لايێ شاسوار عه‌بدولواحده كو 42 مليار ديناره، دڤێت وى پاره‌ى بۆ حوكمه‌تێ ب ڤه‌گه‌رينيت.
د به‌رامبه‌ر دا سه‌عيد هه‌ركى، سه‌رۆكێ لژنا ده‌ستپاكيێ ل په‌رله‌مانێ كوردستانێ راگه‌هاند كو هه‌رێما كوردستانێ دێ ب ميكانيزمه‌كێ تايبه‌ت وان قه‌ران ڤه‌گه‌رينيت ب ره‌نگه‌كى كو هه‌موو وه‌به‌رهێنه‌ر وى قه‌رى ب ڤه‌گه‌رينن.
ئاشكه‌را ژى كر كو هه‌موو قه‌ردار هاتينه ئاگه‌هداركرن كو قه‌رێن خوه بده‌ن، د حاله‌ته‌كى دا هه‌كه قه‌رێن خوه نه‌ده‌ن هه‌رێما كوردستانێ دێ رێكارێن قانوونى ل به‌رامبه‌ر گرتيه به‌ر”.
حوكمه‌تا هه‌رێما كوردستانێ زێده‌تر ژ 750 مليار ديناران وه‌كو قه‌ر داينه بازرگان و سه‌رمايه‌داران، پێشتر د هه‌يڤا شوباتا ئه‌ڤ ساله دا وه‌زاره‌تا دارايى شه‌ش هه‌يڤ وه‌كو مۆله‌ت دابوونێ دا كو وان قه‌ران ب ڤه‌گه‌رينن.
ئەڤرۆ نیوز ، زنار تۆڤی:
ل دەف هندەک خانمان كۆمه‌کا تشتان هه‌یه، کو زەلام حەز ژێ ناکەن، ژبەر وان ئەگەران حه‌ز ناكهن ل گه‌ل وان خانمان دابن، ژ وان ژی ئه‌و خانمێن پرچێ خوە گرێ ددەن یان دکەنە کەزی، لێ زەلام زێدەتر حه‌ز ژ هندێ دكهن، کو ژن پرچێ خوە ب شێوێ خوە یێ سروشتی دانن.
هه‌روه‌سا زەلام حه‌ز ژ وان خانمان ناكهن یێن كو گەلەک مه‌یك ئه‌پێ دكهن و به‌رهه‌مێ جوانكاریێ و گەلەک كریمێ ل دێم و چاڤێن خوە دا ب كار دئینن، زەلام زێدەتر حه‌ز ژ مه‌یك ئه‌پەکا کێم یان ژی شێوازێ سروشتی یێ خانما خوە دكهن، هه‌روه‌سا حه‌ز ژ وان خانمان دكهن، یێن کو پیستەکێ سافی و بریقه‌دار و بێ موی هه‌ی.
هه‌روه‌سا زەلام حه‌ز ژ وان خانمان ناكهن، یێن کو بێهنا دەڤێ وان یا نەخۆش یان ددانێن وان دکرێت، یان وان خانمێن جگارا د‌كێشن و گرنگیێ ب خوە ناده‌ن.
ئه‌ڤرۆ نیوز:
یانا چێلسى ب سه‌ركێشیا راهێنه‌رێ خوه یێ گه‌نچ و ستێرا خوه یا به‌رى نوكه فرانك لامپارد شیاى ده‌ربازى قوناغا 16 بیت ژ قاره‌مانیا چامپیونیز لیگا ئورۆپا و ب وێ ده‌ربازبوونێ ئه‌و راهێنه‌ر شیا نمره‌كا باش توماربكه‌ت بوو راهێنه‌رێن ئنگلیزى د وێ قاره‌مانیێ دا.
مالپه‌رێ ئوپتا یێ تایبه‌ت ب ئامارێن وه‌رزشى ڤه دیاركر لامپارد بوو راهێنه‌رێ ئێكێ ل سه‌ر ئاستێ ئنگلته‌را پشتى بورینا 9 سالا بشێت سه‌ركێشیا یانه‌كا ئنگلیزى بكه‌ت بوو ده‌ربازبوونێ بۆ قۆناغا 16 ژ قاره‌مانیا چامپیونیز لیگ كو دووماهیى جار راهێنه‌ره‌كێ ئنگلیزى شیاى یانه‌كا ئنگلیزى ده‌ربازى قوناغا 16 بكه‌ت ل وه‌رزێ 2010-2011 بوو ئه‌وژى راهێنه‌رێ توتنهام یێ وى ده‌مى هاری ریدناب بوو .
ئه‌ڤرۆ نیوز:
چاڤه‌رێ دهێـته‌كرن ئه‌ڤ شه‌ڤه ل ده‌مژمێر 10:45 یانا ریال مه‌درید یاریا خوه یا گه‌را شه‌شێ و دووماهیێ ژ قوناغا كومان یا قاره‌مانیا چامپیونیز لیگا ئورۆپا ئه‌نجام بده‌ت ده‌مێ دبیته مێڤانا یانا كلوب بروج یا به‌لجیكى كو به‌رى ڤێ یاریێ یانا ریال مه‌درید ده‌ربازبوونا خوه بۆ قوناغا 16 مسوگه‌ر كریه .
راهێنه‌رێ یانا ریال مه‌درید زێدان به‌رى ڤێ یاریێ بۆ ده‌زگه‌هێن راگه‌هاندنێ دیاركر ئه‌و دێ یاریێ كه‌ن بتنێ بوو سه‌ركه‌فتنێ سه‌ره‌راى ئه‌وان ده‌ربازبوونا خوه مسوگه‌ر كریه بۆ قوناغا 16 لێ ئه‌و ب ناڤێ ریال مه‌درید یاریێ كه‌ن و پێدڤى یه بتنێ هزر ل سه‌ركه‌فتنێ و ده‌ستڤه ئینانا ده‌ستكه‌فتیان بكه‌ن.
ناڤبرى ئاماژه ب وێ چه‌ندێ ژى كر گه‌له‌ك هزر ل وێ چه‌ندێ دكهن یاریا ئه‌وان به‌رامبه‌ر كلوپ بروج دێ وه‌كو یاریه‌كا هه‌ڤالینى بیت لێ ئه‌و ل گه‌ل وێ چه‌ندێ نینه ژبه‌ركو ئه‌و یاریێ كه‌ن ب كێمكرنا چیاوازیا خالان ل گه‌ل پاریس و یانا به‌رامبه‌ر ژى یاریێ كه‌ت بوو مسوگه‌ركرنا پلێتا رێزا سیێ بوو ده‌ربازبوونا یورۆپا لیگ.
سه‌باره‌ت هنگافتنا هازارد ناڤبرى دیاركر ئه‌و نوكه ل بن كنترولا نوژدارى یه و چاڤه‌رێ دهێـته‌كرن ل دو حه‌فتیێن بهێت ڤه‌گه‌ریته دناڤا پێكهاتیێ یانێ و یوڤیچ ژى دێ سوباهى یاریێ كه‌ن .
ل دووماهیێ پرسیار ل زێدان هاته‌كرن ئه‌رى ب چوونا وى چیه سه‌ر میسى 6 جاران بوویه باشترینێ جیهانێ و رونالدو 5 جاران زێدان دیاركر ئه‌و ناخوازیت ل سه‌ر وێ چه‌ندێ چ داخویانیا بده‌ت .
نيشاندان